... loading ...
... loading ...
شیو سینا کے غنڈوں نے 1999ء میں پاک-بھارت سیریز کے آغاز سے پہلے دہلی کے فیروز شاہ کوٹلا اسٹیڈیم کی پچ کھود دی تھی۔ مقابلہ دہلی سے چنئی منتقل کردیا گیا
سوموار کو وسطی ممبئی میں پیش آنے والے واقعے نے شیو سینا کا بھیانک چہرہ ایک مرتبہ پھر عیاں کردیا ہے۔ پاکستان کے سابق وزیر خارجہ خورشید محمود قصوری کی کتاب کی تقریب رونمائی کے میزبان اور بھارتیہ جنتا پارٹی کے سابق رہنما سدھیندر کلکرنی کے چہرے پر کالک مل کر شیو سینا نے ان تمام یادوں کو تازہ کردیا ہے جو گزشتہ 25 سالوں میں ان سے وابستہ ہیں۔ آئیے، چند ایسے بڑے واقعات یاد کرتے ہیں جب شیو سینا کی بدمعاشی اپنے عروج پر پہنچی:
1991ء، شیو سینا نے پاکستان کے ساتھ کرکٹ مقابلہ روکنے کے لیے بمبئی کے وانکھیڑے اسٹیڈیم کی پچ کھود دی۔ نتیجہ سیریز کے خاتمے کی صورت میں نکلا۔
1991ء، شیو سینا کے غنڈوں نے اپنے رہنما بال ٹھاکرے پر تنقید کرنے والے صحافی نکھل واگلے پر حملہ کیا۔
1993ء، شیو سینا نے تین صحافیوں پر حملہ کیا۔ ممبئی کے ذرائع ابلاغ نے حملے کے خلاف شیو سینا کے دفتر سینا بھون کے باہر اظہار یکجہتی کیا ۔
1994ء، اس مرتبہ شامت ویلنٹائن ڈے منانے والوں کی آئی۔ سینا کے غنڈوں نے ان دکانوں میں گھس کر توڑ پھوڑ کی اور یوں یوم محبت کا جوش و خروش ٹھنڈا پڑ گیا۔
1999ء، شیو سینا کے بدمعاشوں کا ایک دستہ دہلی کے فیروز شاہ کوٹلا اسٹیڈیم میں داخل ہوگیا تاکہ پاک-بھارت کرکٹ سیریز کے پہلے ٹیسٹ کو روک سکے۔ انہوں نے میدان کی پچ کھود ڈالی جس کی وجہ سے مقابلے کو فوری طور پر دہلی سے چنئی منتقل کرنا پڑا۔
1999ء، شیو سینا کے غنڈوں نے ممبئی کے چرچ گیٹ پر واقع بھارتی کرکٹ بورڈ (بی سی سی آئی) کے دفتر پر حملہ کیا۔ اس دوران 1983ء میں جیتی گئی عالمی کپ ٹرافی کو بھی نقصان پہنچا۔
2006ء، آئی سی سی چیمپئنز ٹرافی میں پاکستان کی شمولیت کے خلاف مظاہرے کیے گئے، یہ عالمی ٹورنامنٹ بھارت میں کھیلا گیا تھا۔
2010ء، اس مرتبہ شیو سینا کا ہدف معروف اداکار شاہ رخ خان تھے جنہوں نے ایک بیان میں انڈین پریمیئر لیگ سے پاکستانی کھلاڑیوں کے اخراج کی مخالفت کی تھی۔ ردعمل میں شیو سینا نے دھمکی دی کہ شاہ رخ خان کی فلم ‘مائی نیم از خان’ کو ممبئی میں ریلیز نہیں ہونے دیا جائے گا۔ صوبائی حکومت کانگریس کی تھی، اس نے تمام سینماؤں کو زبردست سیکورٹی فراہم کی اور یوں سینا کا منصوبہ ناکام ہوگیا۔
2010ء، شیو سینا نے مشہور ریئلٹی شو ‘بگ باس’ میں پاکستانی اداکارہ وینا ملک اور ٹاک شو میزبان بیگم نوازش علی کی شمولیت کے خلاف مظاہرہ کیا۔
2010ء، شیو سینا کی دھمکیاں کام لائیں، ممبئی یونیورسٹی نے روہنتن مستری کے مشہور ناول “Such a long journey” کو نصاب سے خارج کردیا۔ شیو سینا کے آدتیہ ٹھاکرے نے الزام لگایا تھا کہ ناول میں شیو سینا کے خلاف تحقیر آمیز الفاظ استعمال کیے گئے ہیں۔
2012ء، شیو سینا نے ایک ریئلٹی شو میں پاکستانی گلوکاروں کی شرکت پر پابندی کا مطالبہ کیا اور معروف بھارتی گلوکارہ آشا بھوسلے سے کہا کہ وہ جج کی حیثیت سے اس پروگرام میں شرکت نہ کریں۔
2014ء، شیو سینا نے پاکستانی موسیقی بینڈ میکال حسن کے خلاف ممبئی میں مظاہرہ کیا جس کے نتیجے میں کنسرٹ منسوخ کردیا گیا۔
2014ء، شیو سینا نے پرو-کبڈی لیگ کے منتظمین کو دھمکی دی کہ وہ پاکستانی کھلاڑیوں کو شامل نہ کریں۔ گو کہ پاکستانی کھلاڑی بھارت آئے لیکن انہیں کوئی مقابلہ نہیں کھلایا گیا۔
2015ء، شیو سینا نے پونے شہر میں طے شدہ معروف پاکستانی گلوکار عاطف اسلم کا میوزک کنسرٹ زبردستی منسوخ کروا دیا۔
2015ء: شیو سینا نے پاکستان کے غزل گائیک غلام علی کی ایک محفل موسیقی منعقد نہیں ہونے دی۔ یہ تقریب بھارتی گلوکار جگجیت سنگھ کی یاد میں تھی۔
2015ء، شیو سینا نے بھارتیہ جنتا پارٹی کے سابق رہنما سدھیندر کلکرنی کے چہرے پر کالک مل دی جو پاکستان کے سابق وزیر خارجہ خورشید محمود قصوری کی کتاب کی تقریب رونمائی میں شرکت کے لیے جا رہے تھے۔
نوٹس میں مزید خبردار کیا گیا ہے کہ قانونی تقاضے پورے نہ کرنے کی صورت میں مدرسے کی عمارت کو سیل کیا جا سکتا ہے مولانا فضل الرحمان کی جماعت جمعیت علمائے اسلام (ف) سے منسلک مدرسہ اختر العلوم کو قانونی خلاف ورزیوں پر سی ڈی اے کا نوٹس جاری کر دیا گیا۔ کیپیٹل ڈویلپمنٹ اتھارٹی کے ڈائ...
ہیگستھ کے خلاف مواخذے کی کوششوں میں تیزی آنے اور مزید ری پبلکن ارکان کی حمایت ملنے کا امکان امریکی وسط مدتی انتخابات میں ایوانِ نمائندگان پر ڈیموکریٹس کے ممکنہ کنٹرول سے وزیرِ جنگ پیٹ ہیگستھ کے لیے مشکلات بڑھ سکتی ہیں۔ امریکی میڈیا کے مطابق ڈیموکریٹس کی کامیابی سے ہیگستھ کے خل...
تین سال سے جاری فسادات میں اب تک تین سو ترانوے افراد ہلاک ہوچکے ہیں، تحقیقاتی رپورٹ بھارتی ریاست منی پور میں بی جے پی حکومت کے خلاف احتجاجی مظاہرے جاری ہیں، تازہ جھڑپوں میں مزید پانچ افراد ہلاک ہوگئے. تحقیقاتی رپورٹ کے مطابق تین سال سے جاری فسادات میں اب تک تین سو ترانوے افراد...
ایران سے لڑنے والا اسکی قیمت میدان جنگ سے اپنی دہلیز تک چکائے گا، بیان ایران کی قومی سلامتی کونسل کے سربراہ محسن رضائی نے کہا ہے کہ جو بھی ایران سے ٹکرائے گا، قیمت چکائے گا۔امریکا کے مڈٹرم نتائج پر ردعمل دیتے ہوئے انہوں نے کہا کہ ایرانی قوم نے ڈونلڈ ٹرمپ کو میدان جنگ اور ہرمز ...
بانی سے ملاقاتوں کا سلسلہ چلتا رہتا تو سیاسی تناؤ نہیں ہوتا اور نہ ایمرجنسی یا گورنر راج کی نوبت آتی، گفتگو پاکستان تحریک انصاف کے چیئرمین بیرسٹر گوہر نے کہا ہے کہ بانی پی ٹی آئی خیبرپختونخوا میں گورنر راج اور ایمرجنسی کے نفاذ سے مکمل باخبر تھے ، انہوں نے حکومت کے خاتمے کو خوش...
صدر کے پاس ایوانِ نمائندگان یا سینیٹ کی حمایت نہ ہونے کی صورت میں بھی حکومت چلانے کی مثالیں موجود ہیں،انٹرویو امریکی صدر ڈونلڈ ٹرمپ نے خبردار کیا ہے کہ اگر وسط مدتی انتخابات میں ڈیموکریٹک پارٹی ایوانِ نمائندگان اور سینیٹ دونوں میں اکثریت حاصل کرنے میں کامیاب ہو گئی تو میں مسٹر...
ہلاک ہونے والے ملاح کی شناخت گجرات سے تعلق رکھنے والے گندھر نعیم عجیز کے نام سے ہوئی،حکام عمان کے ساحل کے قریب بھارتی پرچم بردار کارگو جہاز کو نامعلوم فضائی شے سے نشانہ بنایا گیا، جس کے نتیجے میں ایک بھارتی ملاح ہلاک ہوگیا، جبکہ جہاز پر سوار دیگر 13 افراد کو بحفاظت ریسکیو کرلی...
مختلف یورپی ممالک میں سائبر حملوں کے نتیجے میں سپرمارکیٹس کے فریج اور کولنگ سسٹم خراب ہوگئے، جس کے باعث خوراک کو محفوظ رکھنے اور اس کی فراہمی متاثر ہونے کا خدشہ پیدا ہوگیا ہے۔ عرب ٹی وی کے مطابق سائبر حملوں سے سویڈن، بیلجیم اور لکسمبرگ کے اسٹورز متاثر ہوئے ہیں۔ آئرلینڈ کے 13 اور ...
سپریم کورٹ، سندھ ہائی کورٹ اور وفاقی ہائر ایجوکیشن کمیشن کے نمائندوں پر مشتمل تین رکنی کمیٹی بنائی گئی ہےخستہ حال پوائنٹس کی فی الفور مرمت کے ساتھ کلاسز کی ابتر صورتحال کو بہتر کیا جائے، طلبہ جامعہ کراچی سے الحاق شدہ لا کالجز کے سیکنڈ ایئر کے امتحانی نتائج اور مارکس شیٹس سے مت...
سرمایہ کاروں نے ڈالر پر انحصار کم کرنا شروع کردیا ہے، جس کے باعث یورو سمیت دیگر بڑی کرنسیوں کو تقویت مل رہی ہے عالمی مالیاتی منڈی میں امریکی ڈالر کی قدر میں نمایاں کمی ریکارڈ کی گئی ہے اور ڈالر ایک ماہ کی کم ترین سطح پر پہنچ گیا ہے۔ امریکا اور ایران کے درمیان کشیدگی میں کمی او...
گریڈ 18 کے افسر شہزاد اکبر کو اضافی چارج سونپ دیا گیا، تین ماہ یا مستقل تعیناتی تک ذمہ داریاں انجام دیں گے نیشنل سائبر کرائم انویسٹی گیشن ایجنسی (این سی سی آئی اے) کراچی میں اہم انتظامی تبدیلی عمل میں لائی گئی ہے، جہاں گریڈ 18 کے افسر طارق نواز نے ایڈیشنل ڈائریکٹر کا عہدہ چھوڑ...
سابق پروجیکٹ ڈائریکٹر ضمیر احمد عباسی سمیت چار افسران نامزد، ٹھیکیداروں کو اربوں روپے کی پیشگی ادائیگیوں اور قواعد کی خلاف ورزیوں کا الزام صوبائی اینٹی کرپشن عدالت میں یلو لائن منصوبے میں مبینہ مالی بے ضابطگیوں کے مقدمے میں اینٹی کرپشن حکام نے سابق پروجیکٹ ڈائریکٹر ضمیر احمد ع...
