... loading ...
... loading ...
35 سال کی عمر میں تو یہاں زندگی گزارنے کا ڈھنگ نہیں ہوتا لیکن یہ نوجوان ہیں کہ اس عمر میں ارب پتی بن گئے ہیں، وہ بھی ڈالرز میں ارب پتی۔ دنیا کے یہ نوجوان ترین 10 افراد امارت کی حدوں کو پہنچے ہیں، کچھ وراثت میں ملنے والی دولت کے بل بوتے تو کچھ اپنے زورِ بازو پر اس مقام تک پہنچے لیکن ایسے بھی جنہیں صرف قسمت یہاں تک لے کر آئی۔ آئیے آپ کو ملاتے ہیں ان 10 ارب پتی افراد سے جو 35 سال سے کم عمر ہیں۔
کل دولت: 2 اعشاریہ 7 ارب ڈالرز
صرف 30 سال کے تھامس پیرس سوئیڈن کی معروف فیشن شخصیت ایرلنگ پیرسن کے پوتے ہیں۔ جنہوں نے ہینس اینڈ مارٹنز المعروف ایچ اینڈ ایم (H&M) قائم کی تھی۔ نوجوان پیرسن بڑے خوش قسمت ہیں کہ اس ادارے کے حصص یافتہ ہیں۔ ان کے والد اسٹیفن پیرسن ایچ اینڈ ایم کے چیئرمین ہیں جبکہ بڑے بھائی کارل-یوہان پیرسن سی ای او کی حیثیت سے خدمات انجام دیتے ہیں۔ فلم سازی میں تعلیم حاصل کرنے والے پیرسن اپنا بیشتر وقت اسی شعبے سے وابستہ رہ کر گزارتے ہیں۔
کل دولت: 3 ارب ڈالرز
متعدد چھوٹے اور کم منافع کے حامل کاروباری اداروں اور ٹیکنیکل منصوبوں کے قیام کے بعد گیبیا کو چھپر پھاڑ کر اس وقت ملا، جب انہوں نے دیگر ساتھیوں کے ساتھ مل کر ایئربی این بی (Airbnb) کی بنیاد رکھی۔ حال ہی میں ایئر بی این بی کی قدر 25 ارب ڈالرز تک جا پہنچی ہے۔ 33 سالہ گیبیا اِس وقت ادارے کے چیف پروڈکٹ آفیسر ہیں۔
کل دولت: 3 ارب ڈالرز
33 سالہ چیسکی ایئر بی این بی کے سی ای او کی حیثیت سے خدمات انجام دے رہے ہیں۔ یہ اپنے ساتھی شراکت دار جو گیبیا سے اُس وقت ملے تھے جب دونوں رہوڈ آئی لینڈ اسکول آف ڈیزائن میں پڑھتے تھے۔ پھر دونوں نے سان فرانسسکو میں اپنی ملازمتیں چھوڑ کر کاروبار سنبھالنے کا فیصلہ کیا۔ چیسکی ادارے کے وژن اور ترقی کے ذمہ دار ہیں۔
کل دولت: 3 ارب ڈالرز
مائیکروسافٹ میں پروڈکٹ مینیجر رہنے والے ہارورڈ گریجویٹ، بلیکارزک کو ان کو ساتھی جو گیبیا نے ایئر بی این بی کے لیے بھرتی کیا تھا کیونکہ وہ ویب ڈیولپمنٹ میں وسیع تجربہ رکھتے ہیں۔ 32 سالہ بلیکارزک نے 12 سال کی عمر میں کوڈنگ شروع کی تھی اور بالآخر اپنی سافٹویئر ساز کمپنی قائم کی۔ ان کا کہنا ہے کہ ایئربی این بی کی زبردست ترقی ان کے کام کو پہلےسے کہیں زیادہ مشکل بنا رہی ہے۔ ایئر بی این بی میں چیف ٹیکنالوجی افسر کی حیثیت سے کام کرنے والے بلیکارزک ادارے کی کیوبا میں حالیہ ترقی میں اہم کردار ہیں۔
کل دولت: 4 اعشاریہ 5 ارب ڈالرز
جب ایلزبتھ ہومز سیکنڈ ایئر میں تھیں تو انہوں نے ہیلتھ کیئر ٹیکنالوجی کمپنی تھیرانوس (Theranos) قائم کی اور چند ہی مہینوں میں اسکول چھوڑ کر مکمل طور پر اسی سے وابستہ ہوگئیں۔ آج وہ امریکا کی کم عمر ترین ارب پتی خاتون ہیں، جن کی عمر صرف 31 سال ہے۔ تھیرانوس 9 بلین ڈالر کی ایک بایوٹیک کمپنی ہے جو خون کی ٹیسٹنگ میں نئے طریقے اپناتی ہے۔ اس کا ہدف طبی تجربات کو سستا اور فوری بنانا ہے۔
کل دولت: 5 ارب ڈالرز
ڈنکن کے والد امریکا میں سب سے بڑے پائپ لائن ادارے کے مالک ہیں۔ جب وہ 2010ء میں چل بسے تو ان کے چاروں بچے کو والد کی دولت کا ایک چوتھائی حصہ ملا۔ 32 سالہ ڈنکن اب انٹرپرائز پروڈکٹ پارٹنرز کے حصص یافتہ اور ڈین ایل ڈنکن فیملی فاؤنڈیشن کے ڈائریکٹر ہیں جس کے فنڈز 200 ملین ڈالرز سے تجاوز کرچکے ہیں اور زیادہ تر طب کے شعبے میں کام کرنے والے خیراتی اداروں کو جاتے ہیں۔
کل دولت: 5 اعشاریہ 3 ارب ڈالرز
اپنے فیس بک شریک بانیوں سے قانونی تنازعات کے باوجود کہ جس کی وجہ سےادارے میں ان کی شمولیت کم سے کم ہو رہی ہے، سیورین اب بھی فیس بک میں 5 فیصد حصص رکھتے ہیں۔ 33 سالہ ارب پتی اب ایک متحرک سرمایہ کار ہیں اور سنگاپور میں قائم املاک کرائے پردینے اور فروخت کرنے والی ویب سائٹ 99 کے ڈائریکٹر بھی ہیں۔
کل دولت: 5 اعشاریہ 9 ارب ڈالرز
یانگ ہوئیان کے والد کیووک کیونگ نے چین میں املاک و جائیدا د اور ہوٹل چلانے اور سنبھالنے کاادارہ کنٹری گارڈن ہولڈنگز بنایا تھا۔ 2007ء میں کمپنی کے ہانگ کانگ آئی پی او سے پہلے کیونگ نے اپنے حصص بیٹی کو منتقل کردیے تھے جو اب ادارے کی چیئر اور واحد حصص یافتہ ہیں۔ 2013ء میں وہ چین کی امیر ترین خاتون تھیں۔ 34 سالہ یانگ اور ان کے اہل خانہ خیراتی مقاصد کے لیے 107 ملین ڈالرز سے زیادہ دے چکے ہیں۔
کل دولت: 9 اعشاریہ 3 ارب ڈالرز
فیس بک کے ابتدائی دنوں کے اہم رکن، 31 سالہ موسکووٹز ادارے کے پہلے سی ٹی او تھے۔ 2008ء میں فیس بک کے ایک اور ساتھی جسٹن روزنسٹائن کے ساتھ مل کر آسانا (Asana) کے اجراء کے لیے ادارہ چھوڑ گئے۔ موسکووٹز اور ان کی اہلیہ نے بعد ازاں انسان دوست ادارہ گڈ وینچرز (Good Ventures) قائم کیا اور بل اینڈ میلنڈا گیٹس اور ویرن بوفیٹ کے گونگ پلیج (Giving Pledge) کے ساتھ معاہدہ کرنے والی نوجوان ترین جوڑی بنے۔ گونگ پلیج ارب پتیوں کو اپنی بیشتر دولت خیراتی مقاصد کے لیے دینے پر ابھارتا ہے۔
کل دولت: 41 اعشاریہ 6 ارب ڈالرز
زکربرگ کی قسمت انہیں اِس مقام تک لائی ہے۔ جب 2006ء میں یاہو! کی جانب سے 1 ارب ڈالر میں فیس بک خریدنےکی پیشکش کی گئی تو مارک نے نجانے کس ترنگ میں اسے ٹھکرا دیا۔ صرف چند سالوں میں ثابت ہوگیا کہ ان کا یہ اقدام کتنا درست تھا۔ جب 2012ء میں فیس بک نے آئی پی او پر ہی 16 ارب ڈالرز حاصل کیے۔ زکربرگ ان اور ان کی اہلیہ پرسکیلا دنیا کی امیر ترین جوڑیوں میں نویں نمبر پر ہیں۔
سوشل میڈیا کے موثر استعمال میں اسرائیل کو طویل عرصے تک فلسطینیوں پر برتری حاصل رہی ہے لیکن اب فلسطینی نوجوان اس ہتھیار کا ہوشیاری سے استعمال کرنے لگے ہیں۔ عرب نیوز کی ایک رپورٹ کے مطابق اسرائیل کی جانب سے اشتعال انگیز مواد پوسٹ کرنے کے دعووں پر فیس بک، واٹس ایپ، ٹوئٹر اور انسٹاگر...
روس کی کمیونیکیشن ریگولیٹر اتھارٹی نے سماجی رابطوں کی مشہور ویب سائٹس پر پابندی عائد کر دی ہے۔سماجی رابطے کی ویب سائٹ ٹوئٹر اور تصاویر شئیرنگ کی ویب سائٹ فیس بک پر روسی شہریوں کے حقوق اور آزادیوں کی خلاف ورزی کا الزام لگایا گیا ہے۔ریگولیٹر اتھارٹی کا کہنا ہے کہ ٹوئٹر اور فیس بک پ...
فیس بک نے اپنی سروسز تک مفت رسائی کے لیے پاکستان، انڈونیشیا اور فلپائن جیسے ترقی پزیر ممالک میں ٹیلی کام کمپنیوں کے ساتھ شراکت داری کر رکھی ہے۔امریکی اخبار کے مطابق فیس بک نے فیس بک اور دیگر ویب سائٹس تک مفت رسائی فراہم کرنے کے لیے پاکستان، انڈونیشیا اور فلپائن جیسے ترقی پذیر مما...
فیس بک کے ہر 8 میں سے ایک صارف کا ماننا ہے کہ اس سوشل میڈیا ایپ کو استعمال کرنے سے اس کی نیند، کام، رشتے اور بچوں سے تعلق پر مضر اثرات مرتب ہوئے ہیں۔وال اسٹریٹ جرنل کی ایک رپورٹ میں یہ دعویٰ فیس بک کے ایک مبینہ اندرونی سروے کے نتائج پر کیا گیا۔فیس بک کے محققین نے تخمینہ لگایا کہ ...
برطانیہ کی کمپیٹیشن اور مارکیٹس اتھارٹی نے جف پلیٹ فارم GIPHYکی خریداری سے متعلق مکمل معلومات نہ دینے پر فیس بک کو 55 کروڑ پاؤنڈ کا جرمانہ کر دیا۔ کمپیٹیشن اینڈ مارکیٹس اتھارٹی کے مطابق جف پلیٹ فارم کی خریداری سے متعلق تحقیقات میں درکار معلومات دینے سے انکار کرنے پر فیس بک پر جرم...
سابق امریکی صدر ڈونلڈ ٹرمپ نے فیس بک اور ٹوئٹر سے ٹکرانے کا فیصلہ کرلیا ۔ میڈیا رپورٹ کے مطابق ڈونلڈ ٹرمپ نے ٹروتھ نامی سوشل میڈیا پلیٹ فارم بنانے کا اعلان کردیا ہے۔ ٹرمپ نے کہا کہ ہم ایک ایسی دنیا میں رہتے ہیں جہاں ٹوئٹر پر طالبان کی موجودگی تو ہے تاہم عوام کے پسندیدہ امریکی صدر...
وائٹ ہاؤس نے کہا ہے کہ پرائیویسی اور اعتماد کے خدشات کے پیش نظرفیس بک کو مزید کام اور اصلاحات کی ضرورت ہے۔میڈیارپورٹس کے مطابق وائٹ ہاؤس کی پریس سکریٹری جین ساکی کی طرف سے جاری ایک بیان میں فیس بک کے ڈھانچے میں اصلاحات کا مطالبہ ایک ایسے وقت میں کیا گیا جب فیس بک کے سابق پروڈکٹ ڈ...
فیس بک کی چند گھنٹے کی خرابی کے باعث میسیجنگ ایپ ٹیلی گرام پر ایک روز میں 7 کروڑ صارفین کا اضافہ ہوگیا۔بانی ٹیلی گرام پاول دروف کا کہنا ہے کہ دیگر پلیٹ فارمز سے آنے والے 7 کروڑ صارفین کو خوش آمدید کیا ہے۔مانیٹرنگ فرم کا کہنا ہے کہ امریکا میں ٹیلی گرام ڈاون لوڈنگ کے56 ویں نمبر سے ...
فیس بک کی سابقہ عہدے دار فرانسس ہاوگن امریکی سینیٹ کی خصوصی کمیٹی کے سامنے پیش ہو گئیں،فیس بک کی ایک سابقہ ملازم فرانسس ہاگن نے الزام عائد کیا ہے کہ یہ ادارہ ان معاشرتی نقصانات سے بخوبی آگاہ ہے، جو اس کی وجہ سے پیدا ہوئے ہیں۔ میڈیاپورٹس کے مطابق ہاگن نے اپنے خیالات کا اظہار ایک ٹ...
فیس بک ، انسٹاگرام اور واٹس ایپ سروسز کی گھنٹوں تعطلی کے بعد دنیا بھر میں لاکھوں سوشل میڈیا صارفین کو مشکل کا سامنا کرنا پڑاہے ۔ اس الجھن کے بعد یورپی یونین نے کہا ہے کہ جو مسئلہ پیش آیا اس نے مزید متبادل کمپنیوں کی ضرورت ظاہر کی ہے۔ میڈیارپورٹس کے مطابق انہوں نے زور دیتے ہوئے ک...
پاکستان سمیت دنیا کے بڑے حصے میں اہم سوشل میڈیا ویب سائٹس فیس بْک، واٹس ایپ، انسٹا گرام اور میسنجر کی سروسز متاثر ہوئیں جس کے باعث صارفین کو شدید مشکلات کا سامنا کر نا پڑا ۔تفصیلات کے مطابق یہ مسئلہ پاکستانی وقت کے مطابق رات 8 بجکر 44 منٹ پر شروع ہوا جس کے بعد دنیا بھر میں صارفین...
فیس بک کے ایک اعلیٰ اہلکار نے کہاہے کہ ایسے سینکڑوں اکائونٹ ختم کر دیے گئے جنہیں مشرق وسطی، افریقہ اور مشرق بعید میں فعال رکھا گیا تھا۔غیرملکی خبررساں ادارے کے مطابق سماجی رابطوں کی اس ویب سائٹ نے بتایاکہ یہ اکائونٹ مربوط لیکن غیر مستند رویے رکھنے والے تین مختلف آپریشنز سے منسلک ...
