... loading ...
... loading ...
عوام قومی پرچم تھامے سڑکوں پر نکل آئے، سیاسی و مذہبی جماعتوں ،تنظیموں کی جانب سے اظہار تشکر ریلیاں ،پاک افواج کے حق میں نعرے ، مٹھائیاں تقسیم ، شرکاء ڈھول کی تھاپ پر بھنگڑے ڈالتے رہے
ملک کے مختلف حصوں میں بسنے والی اقلیتوں کی بھی پاک افواج سے اظہار یکجہتی کے لئے ریلیاں ،پاکستان کی افواج نے ازلی دشمن کو ناکوں چنے چبوا دئیے ہیں،بھارت اب جارحیت سے پہلے ہزار بار سوچے گا ،اظہار خیال
آپریشن ”بنیان مرصوص ”کی شاندار کامیابی پر ملک بھر میں یوم تشکر منایا گیا ،بھارت کے خلاف کامیابی پر جیت کا جشن منانے کیلئے لاہور، اسلام آباد، کراچی، پشاور، کوئٹہ سمیت ملک کے مختلف شہروں میں سیاسی و مذہبی جماعتوں ، سماجی تنظیموں کے کارکنان اور عوام قومی پرچم تھامے سڑکوں پر نکل آئے اور پاک افواج سے بھرپور یکجہتی کرتے ہوئے پاکستان زندہ باد اور پاک افواج زندہ باد کے نعرے لگاتے رہے ، اس موقع پر مٹھائیاں بھی تقسیم کی گئیں ۔ تفصیلات کے مطابق وزیر اعظم محمد شہباز شریف کی جانب سے آپریشن ”بنیان مرصوص ”کی کامیابی پر اتوار کے روز یوم تشکر منانے کے اعلان پر بھرپور جشن منایا گیا اور پاک افواج سے بھرپور یکجہتی کا اظہار کیا گیا ۔ سیاسی و مذہبی جماعتوں ، سماجی تنظیموں اور عوام کی جانب سے اظہار تشکر ریلیاں نکالی گئیں ، مٹھائیاں تقسیم کی گئیں ،شرکاء ڈھول کی تھاپ پر بھنگڑے ڈالتے ہوئے پاکستان زندہ باد اور پاک افواج زندہ باد کے نعرے لگاتے رہے ۔ملک کے تمام صوبوں کے صوبائی دارالحکومتوں لاہور، پشاور،کراچی ، کوئٹہ سمیت مریدکے ، نارروال، سیالکوٹ، راولپنڈی، ایبٹ آباد، کشمور، کوئٹہ، گوادر، پشاور، ہری پور، ڈیرہ اسماعیل خان ، اٹک، کراچی،گھوٹکی، ڈیرہ غازی خان ،کندھ کوٹ، فیصل آباد، جھنگ، گوجرانوالہ، رینالہ خور، چنیوٹ، وہاڑی ،قصور ،سوات، مہمند، نوشہرہ ،قلعہ بالاحصار ،مظفر آباد سمیت دیگر مقامات پر پاک افواج سے اظہار یکجہتی کے لئے ریلیاں نکالی گئیں اور مظاہرے کئے گئے ۔ملک کے مختلف حصوں میں بسنے والی اقلیتوں نے بھی پاک افواج سے اظہار یکجہتی کے لئے ریلیاں نکالیں ۔آپریشن بنیان مرصوص کی خوشی میں لاہور میں آتش بازی کا شاندار مظاہرہ بھی کیا گیا ۔ اک فوج کی کامیابی پر بین المذاہب تشکر ریلی۔چیئرمین انٹرفیتھ ڈائیلاگ فورم ماڈریٹر ڈاکٹر مجید ایبل کی قیادت میں نولکھا چرچ سے بین المذاہب تشکر ریلی نکالی گئی جس میں چیئرمین کل مسالک علما ء بورڈ مولانا محمد عاصم مخدوم ،سکھ راہنما سردار کلیان سنگھ کلیان ،ہندو راہنما پنڈت بھگت لال کھوکھر سمیت مسیحیوں کی کثیر تعداد نے شرکت کی ۔ شرکاء سارے راستے پاکستان کی افواج کے حق میں نعرے لگاتے رہے ۔ پاکستان مسلم لیگ (ن) لاہور کے صدر ملک سیف الملوک کھوکھرکی جانب سے بھارت کے خلاف فتح کی خوشی میں یوم تشکر کے موقع پر کھوکھر پیلس میں ریلی کا انعقاد کیا گیا ،ریلی میں لیگی کارکنان اور عوام کی کثیر تعداد نے شرکت کی جو پاکستان کی افواج اور سیاسی قیادت کے حق میں نعرے لگاتے رہے ۔ اس موقع پر شرکاء میں مٹھائی بھی تقسیم کی گئی ۔ ریلی میں چیئرمین قائمہ کمیٹی ملک شہباز کھوکھر سمیت علاقہ عمائدین بھی موجود تھے۔ شرکاء سے خطاب کرتے ہوئے ملک سیف الملوک کھوکھر نے کہا کہ آج ساری قوم اپنی افواج سے اظہار تشکر کر رہی ہے ، قوم نے اپنے اتحاد سے ثابت کیا کہ ہم اپنی افواج کی پشت پر ہیں ،جب بھی پاکستان کی بات آئے گی ہم ہر محاذ پر موجود ہوں گے ۔انہوں نے کہا کہ پاکستان کی سیاسی اور عسکری قیادت نے بہترین حکمت عملی سے جنگی اور سفارتکاری کے میدان میں دشمن کو بد ترین شکست سے دوچار کیا ،ہمارے دشمن پر واضح ہو گیا ہے کہ پاکستان کا دفاع ناقابل تسخیر ہے ، پاکستان نے اپنی دفاعی برتری ثابت کر دیا ہے ان شا اللہ اب بھارت کبھی جارحیت کی جرات نہیں کرے گا ۔ انہوں نے کہا کہ ہم پر امن قوم اور مذاکرات کے حامی ہیں، دنیا بھارت کو مسئلہ کشمیر اور پانی کے مسائل پر بات چیت کے لئے مذاکرات کی میز پر لائے ۔تحریک بیداری امت مصطفی اور المصطفی اسکائوٹس اوپن گروپ کے زیر انتظام پنجاب اسمبلی کے باہر دفاع وطن پریڈ کا اہتمام کیا گیا جس میں کارکنان کی بہت بڑی تعداد نے شرکت کی ۔پشتون برادری کی جانب سے لاہور پریس کلب کے باہر پاکستان کی افواج کے حق میں مظاہرہ کیا گیا ۔ پاکستان کے جھنڈے اٹھائے پشتون شہری پاکستان کی افواج کے حق میں نعرے لگاتے رہے ۔اس موقع پر اپنے جذبات کا اظہار کرتے ہوئے انہوں نے کہا کہ پاکستان کی افواج نے ازلی دشمن کو ناکوں چنے چبوا دئیے ہیں۔ بھارت اب پاکستان کے خلاف جارحیت کرنے سے پہلے ہزار بار سوچے گا ۔ انہوںنے کہا کہ بھارت کا ماضی دیکھا جائے تو اس پر اعتبار نہیں کیا جا سکتا اس لئے پاکستان کی افواج اور پاکستانی قوم ہر لمحے انہیں منہ توڑ جواب دینے کے لئے تیار ہیں۔تحفظ ناموس رسالت محاذ کے زیراہتمام لاہورمیں دفاع پاکستان ریلی نکالی گئی،ریلی کی قیادت چیئرمین اسلامی نظریاتی کونسل علامہ ڈاکٹرراغب حسین نعیمی نے کی،ریلی میں مختلف دینی مدارس کے ناظمین، ساتذہ وطلبہ سمیت عوام کی کثیرتعداد شریک ہوئی۔ریلی کے شرکا ء کی جانب سے بھارتی جارحیت کے خلاف شدیدنعرے بازی کی گئی ۔ شرکاء نے کامیاب آپریشن بنیا ن مرصوص پرپاک فوج کوبھرپور خراج تحسین پیش کرتے ہوئے ان کے حق میں نعرے لگائے۔
پیپلز پارٹی کے ماننے کی صورت میں چیئرمین پی پی بلاول بھٹو کو اہم وزارت کا قلمدان ملنے کا امکان ،وفاقی کابینہ میں ردوبدل متوقع ، نئے چہرے سامنے لائے جائیں گے‘ذرائع وزیراعظم کی تمام وزراء سے کارکردگی رپورٹ طلب ، وزراء کے قلمدان تبدیل کرنے کا عمل شروع ہوگا،کامرس، پاور، ہاؤسنگ، موا...
امریکا اور ایران نے وقت سے پہلے ہی جنگ بندی معاہدے پر دستخط کر دیے سوئٹزرلینڈ میں متوقع ملاقات کے حوالے سے حتمی فیصلہ جلد سامنے آئے گا معروف امریکی جریدے ایگزیوس کے مطابق امریکا اور ایران نے طے شدہ وقت سے پہلے ہی جنگی ماحول کے خاتمے اور آبنائے ہرمز کی بحالی سے متعلق مفاہمتی...
جنیوا میں ہونے والی مفاہمتی یاداشت کی تقریب میں شرکت ضروری نہیں رہی ایم او یو پر امریکی اور ایرانی صدور کے دستخط کے بعد بطورثالث توثیق کر دی وزیراعظم شہباز شریف کا سوئٹزرلینڈ میں ایران اور امریکا کے درمیان معاہدے کی تقریب میں شرکت کے لیے شیڈول دورہ منسوخ کردیا گیا۔تفصیلات کے ...
شہری مشکلات کا شکار، ملازمت پیشہ افراد، مزدور، طلبہ کوطویل فاصلے پیدل طے کرنا پڑے حب ریور روڈ، شیرشاہ و دیگر علاقوں میں شہری پبلک ٹرانسپورٹ کی عدم دستیابی پر پریشان کراچی میں ٹرانسپورٹرز کی ہڑتال کے باعث شہر بھر میں پبلک ٹرانسپورٹ معطل ہوگئی، جس سے شہری شدید مشکلات کا شکار ہو...
موجودہ اسٹیٹس کو کے مطابق غیر مسلم افراد مسجد اقصی کا دورہ کر سکتے ہیں انہیں وہاں مذہبی عبادات یا رسومات ادا کرنے کی اجازت نہیں،رپورٹ اسرائیل کے بعض سخت گیر حکومتی عہدیداروں اور انتہا پسند دائیں بازو کے رہنماں پر الزام عائد کیا گیا ہے کہ وہ امریکا کے بعض حلقوں کے تعاون سے مسج...
حکومت کی جانب سے بجٹ کے حوالے سے آئی ایم ایف کو مطمئن کرنے کی کوششیں ، دونوں فریقین میںمذاکرات کا جاری ، ممکنہ خسارے کے ازالے کیلئے متبادل ریونیو اقدامات پر مشاورت حکومت کا فنانس بل میں شامل مختلف ٹیکس رعایتوں کی مکمل تفصیلات جاری کرنے سے گریز، تنخواہ دار طبقے کو دیے گئے ٹیکس ر...
میری وزیراعلیٰ خیبر پختونخوا سہیل آفریدی سے بات ہوگئی ہے،صوبائی حکومت صرف 3 ماہ کا بجٹ پیپر پاس کرے گی، آئین کا آرٹیکل 125 اجازت دیتا ہے، آپ 3 ماہ کا بجٹ پیپر پیش کرسکتے ہیں بانی پی ٹی آئی سے ملاقات تک حتمی بجٹ پیش نہیں ہوگا،30 جون تک بانی سے ملاقات نہ ہوئی تو خیبر پختونخوا...
ملزمہ سادہ کوکین 20ہزار فی گرام جبکہ گولڈن اسٹف40ہزار فی گرام فروخت کرتی تھی مقدمے میں نامزد پانچ ملزمان مفرور قرار ،پولیس نے گرفتاری کیلئے کارروائیاں تیز کر دی کراچی میں منشیات فروشی کے مبینہ بڑے نیٹ ورک کی مرکزی ملزمہ انمول عرف پنکی اور دیگر کے خلاف منشیات کے مقدمے کا عبوری...
منشیات کی ترسیل کے لیے انڈوں کے خول استعمال کیے جاتے تھے،ملزم شاہ فہد سہراب گوٹھ سے مختلف رائیڈرز کے ذریعے مختلف علاقوں میں سپلائی کیا جاتا تھا کراچی سائوتھ زون پولیس نے کارروائی کرتے ہوئے منشیات سپلائی کرنے والے ایک اور مبینہ منظم نیٹ ورک کا سراغ لگانے کا دعوی کیا ہے۔ گرفتار...
رواں سال ڈبل ڈیکر اور جدید الیکٹرک بسوں کی بڑی تعداد کراچی پہنچ جائے گی،شرجیل میمن نئی ڈبل ڈیکر اور ماحول دوست ای وی بسیں مرحلہ وار مختلف روٹس پر چلائی جائیں گی،گفتگو سندھ کے سینئر وزیر شرجیل انعام میمن نے کراچی کے شہریوں کے لیے پبلک ٹرانسپورٹ کے شعبے میں ایک اہم پیش رفت کا ا...
ایک شخص کی وجہ سے ملکی تناؤ ہے تو اسے باہر نکالیں، مجھے کہا جاتا ہے آپ تو عمران خان کیخلاف تھے، مخالف جیل میں ہاتھ پاؤں بندھا پڑا ہو تو اس کیخلاف بات نہیں کرتے،سربراہ جے یو آئی اسمبلی میں اپوزیشن لیڈروں کی تقریروں کو بلیک آؤٹ کیا جا رہا ہے، ہم نے کشمیریوں کی ماؤں بہنوں کی...
81ہزار ٹن خریداری ہدف سے کم، مقامی مارکیٹ اور پاسکو سے مزید گندم خریدنے کا فیصلہ ہاریوں کو مقررہ امدادی قیمت کی ادائیگی ہر صورت یقینی بنائی جائے،اجلاس میں تفصیلی جائزہ وزیراعلیٰ سندھ سید مراد علی شاہ کی زیر صدارت وزیراعلی ہاؤس میں محکمہ خوراک اور محکمہ زراعت کا مشترکہ اجلاس ...
