... loading ...
... loading ...
حکومت سندھ نے آئندہ مالی سال کے بجٹ میں تعلیمی اداروں کے ساتھ ہسپتالوں اور کلینکس کی خدمات پر بھی 15فیصد صوبائی سیلز ٹیکس عائد کردیا اور طبی تعلیم فراہم کرنے والے اداروں اور انسٹی ٹیوٹس کی خدمات پر بھی ٹیکس ہوگا۔ ماہرین اور عوام کا کہنا تھا کہ تعلیم اور صحت کی سہولتوں پر سیلز ٹیکس مہنگائی کے شکار عوام کی مشکلات میں مزید اضافے کا سبب بنے گا۔سندھ کے آئندہ مالی سال کے بجٹ میں ٹیکس صوبائی سیلز ٹیکس کے دائرے میں گزر بسر کی بنیادی خدمات کو بھی شامل کرلیا گیا ہے ، اسکولوں، کالجوں جامعات، کوچنگ سینٹرز اور تکنیکی تربیت کے اداروں کی تعلیمی خدمات کے ساتھ ساتھ ہسپتالوں اور کلینکس کی طبی خدمات پر بھی صوبائی سیلز ٹیکس عائد ہوگا۔ عوامی حلقوں میں جہاں صحت اور تعلیم جیسی بنیادی ضرورت کو ٹیکس کے دائرے میں لانے پر بے چینی پائی جاتی ہے وہیں ٹیکس ماہرین بھی اسے عوام پر بوجھ قرار دے رہے ہیں۔صدر پاکستان ٹیکس بار ایسوسی ایشن انور کاشف ممتاز کا کہنا تھا کہ عوام کو مفت تعلیم اور صحت کی سہولت فراہم کرنا حکومت کی آئینی ذمہ داری ہے جو حکومت انجام دینے میں ناکام ہے اور اس کا نتیجہ یہ ہے کہ نجی تعلیمی اداروں، ہسپتالوں اور کلینکس کی تعداد میں بہت تیزی سے اضافہ ہوا ہے ۔انہوں نے کہا کہ عوام بہت مشکل سے اپنے بچوں کو نجی تعلیمی اداروں میں تعلیم دلوارہے ہیں کیونکہ حکومت سرکاری اسکولوں کا معیار بہتر بنانے میں ناکام ہوئی ہے ، دوسری جانب سرکاری ہسپتالوں میں ناکافی گنجائش اور سہولتوں کے فقدان کی وجہ سے کم آمدن والا طبقہ بھی نجی ہسپتالوں سے رجوع کرنے پر مجبور ہے ۔ان کا کہنا تھا کہ حکومت سندھ نے تعلیم اور صحت کی خدمات پر ٹیکس لگا کر اپنی ذمہ داری عوام پر منتقل کر دی ہے ، تعلیم اور صحت کی سہولتیں پہلے ہی عام طبقے کی پہنچ سے دور ہیں، اب ٹیکس لگنے سے اور مشکل ہوگی۔صدر پاکستان ٹیکس بار ایسوسی ایشن نے کہا کہ اصولاً ٹیکس ان سے لینا چاہیے جن کے پاس سرمایہ ہے اور یہ سرمایہ کم آمدن والے طبقے پر خرچ ہونا چاہیے ، تعلیم اور صحت پر سیلز ٹیکس میں غریب اور امیر کافرق نہیں رکھا گیا۔انہوں نے حکومت سندھ پر زور دیا کہ صحت اور تعلیم کی خدمات کو ٹیکس سے استثنیٰ دیا جائے اور تجارتی بنیادوں پر تعلیمی ادارے اور ہسپتال چلانے والوں کی آمدن پر ٹیکس لاگو کیا جائے تاکہ عوام کو اس مہنگائی کے دور میں ٹیکسوں کے بوجھ سے بچایا جاسکے ۔ہسپتالوں اور کلینکس پر سیلز ٹیکس کے نفاذ پر ردعمل دیتے ہوئے پاکستان میڈیکل ایسوسی ایشن کے سیکریٹری ڈاکٹر عبدالغفور شورو نے کہا کہ 70 فیصد مریض نجی اداروں سے علاج کراتے ہیں، ٹیکس کا بوجھ مریض کو ہی اٹھانا پڑے گا۔ انہوں نے کہا کہ موجودہ معاشی حالات میں عوام تعلیم اور صحت پر سیلز ٹیکس کے متحمل نہیں ہوسکتے ، تعلیم اور صحت پر سیلز ٹیکس کا بوجھ ادارے نہیں اٹھائیں گے اور آخر کار عوام کو ہی یہ اضافی بوجھ برداشت کرنا پڑے گا۔ ان کا کہنا تھا کہ مریض پہلے سے پسے ہوئے ہیں، غریب کے لیے علاج ان کی سکت سے باہر ہے اور حکومت کے لیے مفت علاج فراہم کرنا ممکن نہیں، ایسی صورت حال میں ہسپتال، میڈیکل تعلیم کے اداروں اور ڈاکٹروں کی خدمات پر ٹیکس لگانے سے صورت حال مزید خراب ہوگی۔ڈاکٹر عبدالغفور شورو نے بتایا کہ اگر یہ ٹیکس نافذ کیا گیا تو صحت کا نظام کمزور ہوگا اور علاج کی سکت نہ رکھنے والے مریض نجی ہسپتالوں کا رخ کرنے کے بجائے گھروں میں ہی رہ جائیں گے ۔ان کا کہنا تھا کہ عوامی مشکلات کو مدنظر رکھتے ہوئے صحت، میڈیکل تعلیم اور عمومی تعلیم پر سیلز ٹیکس کے نفاذ پر نظر ثانی کی جائے ۔عوامی حلقوں نے ردعمل دیتے ہوئے کہا کہ اب زندگی گزارنا بہت مشکل ہوچکا ہے ، ہر چیز پر ٹیکس ہے ، بجلی اور گیس کے بلوں سے لے کر ماچس کی ڈبیا، پیٹرول، کھانے پینے کی اشیا، موبائل فون، انٹرنیٹ غرض ہر چیز پر ٹیکس نے عوام کا معیار زندگی بری طرح متاثر کیا ہے اور اب صحت اور تعلیم جیسی بنیادی ضرورت پر ٹیکس لگایا جا رہا ہے جس کے دور رس منفی اثرات مرتب ہوں گے ۔
اپنے تمام ایم پی ایز کو ہر شہر میں احتجاج کی ہدایت کرتا ہوں، ہمارا رویہ آنے والے منگل کو مزید سخت ہوگا، پورا پاکستان دیکھے گا پی ٹی آئی ایک مٹھی ہو کر میدان میں نکل رہی ہے،وزیراعلیٰ پولیس نے اسلام آباد میں منتخب نمائندوں کو روکنے کیلئے فائرنگ کی،وقت نے ثابت کر دیا سائفر معامل...
چیف جسٹس یحییٰ آفریدی نے اپنے متعلقہ افسران کو بلا کر ہدایات دے دیں مجھے یقین دلایا ہے کہ مقدمات عید کے بعد لگ جائیں گے، سلمان اکرم راجا چیف جسٹس یحییٰ آفریدی نے عمران خان کے مقدمات عید کے بعد مقرر کرانے کی یقین دہانی کرا دی۔ تفصیلات کے مطابق تحریک انصاف کے سیکرٹری جنرل سلم...
نجی کمپنیوں کے مالک، سی ای اوز، پارٹی بوائز، سیاستدان، بیوروکریٹ شامل ہیں شوبز کی بیشتر شخصیات کے نام، نمبرز اور گھر کے پتے حاصل کرلیے گئے ہیں ،ذرائع قومی اسمبلی کی قائمہ کمیٹی میں انکشاف ہوا ہے کہ انمول پنکی کے کسٹمرز میں 881 اہم شخصیات شامل تھیں۔نجی کمپنیوں کے مالک، سی ای ا...
متحدہ قومی موومنٹ قیادت کی شہباز شریف سے ملاقات ،کسی بھی آئینی ترمیم پر بات نہیں ہوئی،ذرائع آئندہ بجٹ میں ٹیکس ریلیف پر بات کی،کراچی پیکیج اور کے فور پر گفتگو کی، اندرونی کہانی سامنے آگئیں متحدہ قومی موومنٹ(ایم کیو ایم) قیادت کی وزیراعظم سے ملاقات کی اندرونی کہانی سامنے آ...
پراکسیز اور منفی پروپیگنڈے کے ذریعے پاکستان کی پیشرفت روکنے کی کوششیں ناکام ہوں گی، عوام کی ثابت قدم حمایت سے مسلح افواج دہشتگردی کے مکمل خاتمے کیلئے پُرعزم ہیں بلوچستان میں امن و استحکام اور ریاستی رٹ برقرار رکھنے کیلئے افسران اور جوانوں کے بلند حوصلے، آپریشنل تیاری اور پیشہ و...
انکوائری کے دوران عدالت میںپیشی کے وقت پنکی کو موبائل فون دینے کا انکشاف سیکیورٹی میں کئی خامیاں سامنے آئیں ، ملزمہ کو غیر معمولی سہولتیں فراہم کی گئیں،رپورٹ کوکین گینگ کی سرغنہ انمول عرف پنکی کی عدالت میں پہلی پیشی کے دوران غیر معمولی پروٹوکول دیئے جانے کے معاملے پر کراچی پ...
نظم و ضبط، قیادت اور پیشہ ورانہ تربیت کی درخشاں روایات کا امین ہے،شہباز شریف ایران، امریکا جنگ نے خطے کو غیریقینی صورتحال، معاشی چیلنجز سے دوچار کر دیا،خطاب وزیراعظم شہباز شریف نے کہا ہے کہ ہمیں اپنے محافظوں پر فخر ہے، جو ہماری خودمختاری کے نگہبان ہیں۔کمانڈ اینڈ سٹاف کالج کوئ...
سکیورٹی فورسز کا خورج کی موجودگی کی خفیہ اطلاع پر ضلع شیوا میں کامیاب کارروائی انڈین ا سپانسرڈشرپسندوں سے فائرنگ کا تبادلہ، اسلحہ ، گولہ بارود برآمد،آئی ایس پی آر سکیورٹی فورسز کے شمالی وزیرستان میں آپریشن کے دوران 22 خوارج جہنم واصل ہوگئے۔پاک فوج کے شعبہ تعلقات عامہ (آئ...
امریکا ایران جنگ کے بادل پھر منڈلانے لگے،امریکی صدر اور اسرائیلی وزیراعظم کی ایران جنگ دوبارہ چھڑنے کے امکان پر گفتگو ، ٹرمپ اس ہفتے قومی سلامتی ٹیم سے مشاورت کریں گے پینٹاگون نے ایران میں اہداف کا چنا ئوکرلیا، توانائی اور انفرااسٹرکچر سمیت مزید اہداف کو نشانہ بنانے کی منصوبہ بن...
عالمی حالات کو جواز بناکر مہنگائی، عام آدمی 2 وقت کی روٹی سے محروم ہوگیا، سیاستدانوں کی کمپرومائز پالیسیوں نے جمہوریت کو کمزور کیا،22 مئی کو ملکگیرمہنگائی کیخلاف احتجاجی تحریک شروعہوگی حکمران امن و امان کے قیام میں سنجیدہ نہیں،ملک میں باغیانہ سوچ پروان چڑھ رہی ہے،مسلح گروہ فوجی...
تفتیشی افسر پر تشدد، دھمکیوں اور زبردستی مخصوص افراد کے نام لینے کیلئے دبائو ڈالنے کے سنگین الزامات عائد کردیئے میڈیا نمائندوں کے کمرہ عدالت میں داخلے پر پابندی ،صحافیوں کو دھکیل کر ملزمہ کے قریب آنے سے روکنے کی کوشش منشیات اور قتل کے مقدمات میں گرفتار ملزمہ انمول عرف پنکی نے...
فیصل ایدھی کے بیٹے سعد ایدھی بھی شامل، غزہ کو امداد پہنچانے کا ایک پرامن مشن ہے اسرائیلی فورسز نے گرفتارکرلیا،وطن واپس لانا پاکستان کی ذمے داری ہے،سعدایدھی غزہ کے لیے روانہ ہونے والے امدادی مشن میں شامل پاکستان کے سماجی کارکن سعد ایدھی سمیت متعدد بین الاقوامی کارکنوں کو اسرائ...
