... loading ...
سندھ حکومت نے محکمہ اینٹی کرپشن میں قانونی اصلاحات لانے، عوام کو دھوکہ دینے والے عناصر کیخلاف کارروائی اور پراسیکیو ٹرز اور انویسٹی گیٹرز آئی اوز کو ٹریننگ کرانے کا فیصلہ کیاہے۔ وزیر انسداد بدعنوانی اور وزیر زراعت سردار محمد بخش مہر کی زیرصدارت محکمہ انسداد بدعنوانی کاتعارفی اجلاس ہوا۔سردار محمد بخش مہر نے کہاکہ محکمہ اینٹی کرپشن میں لیگل ریفارمز لائی جائیں اور عوام کو دھوکہ دینے والے عناصر کے خلاف سخت کارروائی کی جائے گی ،محکمہ اینٹی کرپشن میں تمام خالی اسامیوں پر اے ایس آئیز، انسپکٹرز، سب انسپکٹرز سمیت 400 کانسٹیبل آئی بی اے اور سندھ پبلک سروس کمیشن کے ذریعے بھرتی کیے جانے کے لیے اقدامات کئے جائیں گے۔انہوں نے کہاکہ کرپٹ افسران کے خلاف کارروائی تیز کی جائے،کرپشن کرنے والے افسران کو کسی صورت بخشا نہیں جائیگا، انکے خلاف ملنے والی شکایات پر فوراً ایکشن لیا جائے۔سردار محمد بخش مہر نے کہاکہ اینٹی کرپشن افسران مقدمات نمٹانے کے لیے باقاعدہ اجلاس کریں اور اپنے زونز میں سرپرائزوزٹ کرکے،بدعنوانی کے خلاف آگاہی سیمینارز، واک اور لوگوں کو آگاہی دینے کے بڑے پیمانے پر مہم چلائیں، محکمہ انسداد بدعنوانی کے افسران میرٹ پر کام کریں۔وزیر اینٹی کرپشن سردار محمد بخش مہر نے افسران کو ہدایت دی کہ لوگوں کے ساتھ پیشہ ورانہ رویہ اپنائیں اور کسی کو بھی غیر ضروری طور پر ہراساں نہ کریں، محکمہ اینٹی کرپشن کی کارکردگی کو بہتر بنایا جائے،کوئی بھی افسر بدعنوانی یا غیرقانونی سرگرمی میں ملوث پایا گیا تو کارروائی ہوگی۔اس موقع پر چیئرمین محکمہ انسداد بدعنوانی فرحت جونیجو نے بریفنگ دیتے ہوئے کہا کہ سال 2018 سے لیکر اب تک 329سرپرائز وزٹ اور رشوت لیتے رنگے ہاتھوں59 سرکاری افسران کو گرفتارکیاگیاجبکہ سائوتھ،ایسٹ، ویسٹ،حیدرآباد،جامشورو،شہید بینظیرآباد، میرپورخاص، سکھر، لاڑکانہ میں 158جگہوں پر چھاپے مارے گئے۔ انہوں نے اجلاس میں بریفنگ دیتے ہوئے کہا کہ سندھ کے9 زون میں 775 مقدمات درج کئے گئے اور کرپشن کیسز ثابت ہونے پر 66 افسران کو سزادی گئی۔اجلاس میں ڈپٹی ڈائریکٹرز نے تجویز دی کے انہیں جھوٹی درخواست دینے والوں کے خلاف دفعہ 182 کے تحت کارروائی کے اختیار دیئے جائیں جبکہ جھوٹی درخواست دینے والوں کے نام بلیک لسٹ میں ڈالے جائیں تاکہ کوئی بھی شخص دوبارہ جھوٹی درخواست نہ دے سکے،اجلاس میں صوبائی وزیر سردار محمد بخش مہر کو ڈائریکٹر اسٹیبلشمنٹ امتیاز ابڑو اور دیگر افسران کی جانب سے کرپشن کیسز سے متعلق بریفنگ دی گئی۔ادارے میں کارکردگی کی بنیاد پر افسران کو جانچنے کا لائحہ عمل بھی مرتب کیا جائے گا۔
پنجاب حکومت نے ہتک عزت قانون 2024 ایوان سے منظور کروالیا۔تفصیلات کے مطابق ہتک عزت قانون کا بل وزیر پارلیمانی امور مجتبیٰ شجاع الرحمٰن نے ایوان میں پیش کیا، جس پر صحافیوں نے پریس گیلری سے احتجاجا ًواک آؤٹ کیا جبکہ اپوزیشن نے بھی اسے مسترد کردیا۔بل کا اطلاق پرنٹ، الیکٹرونک اور سوش...
اسلام آباد ہائی کورٹ نے شاعر احمد فرہاد کی بازیابی کی درخواست پر سیکریٹری دفاع اور سیکرٹری داخلہ کو (آج) منگل کو ذاتی حیثیت میں طلب کرلیا۔شاعر احمد فرہاد کی بازیابی کی درخواست پر جسٹس محسن اختر کیانی نے سماعت کی۔اس موقع پر احمد فرہاد کی اہلیہ کے وکیل ایمان مزاری اور ہادی علی چٹھہ...
سابق وزیراعظم شاہد خاقان عباسی نے کہا ہے کہ آئین میں ہائبرڈ حکومت کی کوئی گنجائش نہیں ، جب تک بڑے پیمانے پر نظام کی تبدیلی نہیں کریں گے ملک نہیں چلے گا،سیاسی جماعت ایک دن میں نہیں بنتی، اگلے ماہ تک سیاسی جماعت وجود میں آجائے گی اور پورے پاکستان سے لوگ ہمارے ساتھ شامل ہوں گے ۔پیرک...
تحریک تحفظ آئین پاکستان کے صدر محمود خان اچکزئی نے کہا ہے کہ جب ہم آئین کی بات کرتے ہیں تو بعض ادارے یہ سمجھتے ہیں کہ ہم ان کے خلاف بات کر رہے ہیں ہم چاہتے ہیں جس طرح دنیا بھر کی افواج اپنی آئینی حدود میں کام کرتی ہیں آپ بھی اسی حدود میں کام کریں۔تقریب سے خطاب میں انہوں نے کہا کہ...
عدالتوں نے عمران خان کو 9 مئی اور آزادی مارچ سمیت 3 مقدمات میں بری کردیا۔اسلام آباد کی مقامی عدالت نے نو مئی ، آزادی مارچ توڑ پھوڑ کیس اور دفعہ ایک سو چوالیس کی خلاف ورزی سمیت تین کیسز میں بانی پی ٹی آئی کو بری کردیا ۔ عدالت نے شیخ رشید ، فیصل جاوید کو بھی تھانہ کوہسار اور تھانہ ...
ایران کے صدر ابراہیم رئیسی، اُن کے چیف گارڈ، وزیر خارجہ، صوبے مشرقی آذربائیجان کے گورنر، آیت اللہ خامنہ ای کے نمانندہ خصوصی، اور ہیلی کاپٹر عملے کے 3 ارکان حادثے میں جاں بحق ہوگئے۔ایرانی وزیر داخلہ نے گزشتہ شب لاپتا ہونے والے ہیلی کاپٹر کا ملبہ تبریز سے 100 کلومیٹر دور ایک گھنے ج...
خیبر پختونخوا میں سرحد پر 4روز تک جاری رہنے والی جھڑپوں کے بعد پاکستان اور افغانستان کے قبائلی عمائدین اور حکام پر مشتمل ایک جرگے نے جنگ بندی پر اتفاق کرلیا۔میڈیا رپورٹ کے مطابق جمعہ کو پاکستان اور افغانستان کی افواج کے درمیان جھڑپوں میں اضافے کے باعث کرم میں خرلاچی بارڈر کراسنگ ...
ایشیائی ترقیاتی بینک نے پاکستان کے پنشن سسٹم کے اصلاحات پر زور دیتے ہوئے کہا کہ اگر فوری اقدامات نہیں کیے گئے تو یہ لاگت اگلے 10 سالوں میں 100 کھرب تک پہنچ جائے گی۔جارجیا میں میڈیا بریفنگ کے دوران ایشیائی ترقیاتی بینک کے سینئر ماہر اقتصادیات ایکو ککاوا نے کہا کہ پاکستان میں پنشن ...
وزیراعظم محمد شہباز شریف نے کرغزستان میں پاکستان کے سفیر حسن علی ضیغم سے ٹیلی فونک رابطہ کر کے پاکستانی طلبا ء کو واپس لانے والے خصوصی طیارے کے حوالے سے ضروری انتظامات کرنے کی ہدایت کی۔وزیراعظم کی ہدایت پر خصوصی طیارہ بشکیک کرغزستان کے لئے روانہ ہو گا اور 130 پاکستانی طلبا کو لے ...
وزیرِ اعلیٰ سندھ سیدمراد علی شاہ نے کورنگی انڈسٹریل ایریا کے ایس ایچ او کو معطل کر دیا۔اتوارکی صبح وزیراعلیٰ سندھ سید مراد علی شاہ نے کراچی میں جاری مختلف پروجیکٹس کا دورہ کیا، صوبائی وزراء شرجیل میمن، ناصر شاہ، سعید غنی اور میئر کراچی مرتضیٰ وہاب بھی ان کے ہمراہ تھے ۔مراد علی شا...
(رپورٹ: ہادی بخش خاصخیلی) پاکستان مسلم لیگ (ن ) کے قائد نواز شریف کا کہنا ہے کہ بانی پاکستان تحریک انصاف (پی ٹی آئی) نے پیٹھ میں چھرا گھونپا، ساتھ چلنے کی یقین دہانی کروائی، پھر طاہرالقادری اور ظہیرالاسلام کے ساتھ لندن جاکر ہماری حکومت کے خلاف سازش کا جال بُنا۔نواز شریف نے قوم س...
وزیراعظم شہباز شریف کا کہنا ہے کہ سیاسی جماعتیں قوم کے لیے نواز شریف سے مل کر چلیں، نواز شریف ہی ملک میں یکجہتی لا سکتے ہیں، مسائل سے نکال سکتے ہیں۔ن لیگ کی سینٹرل ورکنگ کمیٹی کے اجلاس سے خطاب کرتے ہوئے شہباز شریف نے کہا کہ نواز شریف کو صدارت سے علیحدہ کر کے ظلم کیا گیا تھا، ن لی...