... loading ...
رمضان کی آمد کے ساتھ ہی کراچی میں گراں فروشی اور ناجائز منافع خوری کا سیلاب امڈ آیا، گراں فروشوں نے سرکاری نرخ ہوا میں اڑا دیے، سبزیاں، پھل، گوشت اور مرغی کی قیمت آسمان سے باتیں کرنے لگیں۔مصنوعی مہنگائی اور ناجائز منافع خوری کے رجحان نے اپنی گرفت اور مضبوط کرلی ہے، رمضان میں کثرت سے استعمال ہونے والی خوردنی اشیا کی قیمتوں میں راتوں رات اضافہ ہوگیا ہے۔ کراچی کے بازاروں میں نرخ نامہ غائب ہے، سرکاری نرخ نامہ دفتری کھاتوں تک ہی محدود ہے۔شہر بھر میں مرغی کا گوشت 680روپے اور بچھیا کا گوشت 1400روپے کلو فروخت ہورہا ہے۔ چینی 125روپے کی سرکاری قیمت کے بجائے 145روپے، سفید چنا 363روپے کی سرکاری قیمت کے بجائے 400روپے کلو فروخت ہورہا ہے۔بیسن کی قیمت 209 روپے کے بجائے 320روپے کلو اور دالیں، چاول اور مسالا جات بھی من مانی قیمتوں پر فروخت کیے جارہے ہیں۔کیلا نایاب ہوگیا، خروبوزہ ، پپیتہ 200 روپے اور کھجور 700روپے کلو فروخت ہونے لگی۔چائنیز اور رول میں استعمال ہونے والی سبزیوں کی قیمت میں بھی راتوں رات تین گنا اضافہ ہوگیا، شملہ مرچ 200سے بڑھ کر 600روپے کلوِِ میں بکنے لگی، پیاز کی قیمت میں 50 روپے کا اضافہ ہوا، بند گوبھی اور سبز پتوں والی پیاز بھی دگنے داموں پر فروخت ہونے لگی۔سبزی اور پھل فروشوں نے سرکاری نرخ نامے کی دھجیاں اڑادیں، شہر بھر میں کسی ٹھیلے پتھارے پر سرکاری نرخ نامہ آویزاں نہیں ہے، سفید آلوسرکاری قیمت 58 کے بجائے 70 روپے کلو بک رہا ہے، لال آلو 63 کے بجائے 80 روپے کلو فروخت ہورہا ہے۔ایکسپورٹ پر پابندی کے باوجود پیاز درجہ دوم 196 کے بجائے 240 روپے کلو، پیاز درجہ اول 242 کے بجائے 300 روپے اور اس سے زائد پر فروخت ہورہی ہے۔رمضان کی آمد سے قبل 80سے 100روپے کلو بکنے والا ٹماٹر اب 200روپے کلو فروخت ہورہا ہے ، جس کی سرکاری قیمت 138 روپے مقرر ہے۔ لیموں درجہ اول 345 کے بجائے 500 روپے کلو، سبز مرچ 150روپے کلو کے بجائے 300روپے کلو فروخت کی جارہی ہے۔گزشتہ سال کی طرح اس سال بھی عین سیزن کے عروج پر بازاروں سے کیلا غائب ہوگیا، درجہ دوم کیلا 150روپے درجن کی سرکاری قیمت کے بجائے 200روپے درجن بک رہا ہے، خربوزہ درجہ دوم 136 کے بجائے 200 روپے کلو، گولاچی 138 کے بجائے 200 روپے کلو فروخت کیا جارہا ہے۔شہرقائد میں رمضان کی خریداری کے لیے بازاروں کا رخ کرنے والے عوام مہنگائی کی دہائی دیتے نظر آرہے ہیں۔ مہنگائی کے مارے عوام نے کہا کہ پنجاب میں وزیر اعلی مریم نواز نے سستی اشیائے خورونوش کے بازار اور کیمپ لگائے ہیں، اسی طرز پر کراچی سمیت سندھ بھر میں سستے اسٹال لگاکر عوام کو مہنگائی سے ریلیف دیا جاسکتا ہے۔
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...
پا ک فوج کے سربراہ جنرل سید عاصم منیر نے شہدا اور غازیوں کو قومی ہیرو قرار دیتے ہوئے واضح کیا ہے کہ قوم کی آزادی اور سلامتی اپنے بہادرجانبازوں کی قربانیوں کی مرہون منت ہے ، وطن کیلئے جان قربان کرنے سے بڑھ کر کوئی عظیم شے نہیں ہے ۔ پاک فوج کے شعبہ تعلقات عامہ (آئی ایس پی آر) کی جا...
پاکستان کی جانب سے مبینہ طور پر سرحد پار دہشت گردوں کے ٹھکانے کو پکتیکا میں نشانہ بنائے جانے کے خلاف احتجاج کرتے ہوئے افغان طالبان نے پاکستانی فوج کے ایک وفد کا قندھار کا دورہ منسوخ کردیا ہے ۔افغانستان کی حدود میں دہشت گردوں کے ٹھکانے پر حملہ کرنے یا کسی پاکستانی وفد کے اتوار کے ...
الیکشن کمیشن آف پاکستان (ای سی پی) نے سنی اتحاد کونسل کی درخواست پر سپریم کورٹ کے فیصلے کی روشنی میں قومی اور صوبائی اسمبلیوں میں اضافی نشستوں پر منتخب 77 ارکان کی رکنیت معطل کردی۔الیکشن کمیشن کی جانب سے جاری نوٹیفکیشن میں کہا گیا کہ قومی اسمبلی کی مخصوص نشستوں پر 22 منتخب ارکان ...
سندھ کے وزیرِ اعلیٰ سید مراد علی شاہ نے کہا ہے کہ اہلِ سندھ نے پاکستان پیپلز پارٹی پر اپنا اعتماد برقرار رکھا ہے، بلاول بھٹو کہتے ہیں کہ اب حکومت کو تجاویز کارکن دیں گے۔حیدر آباد میں صوبائی کابینہ کے ارکان کے ساتھ پریس کانفرنس سے خطاب کرتے ہوئے سندھ کے وزیر اعلیٰ نے کہا کہ ترقیا...
آئندہ مالی سال کے بجٹ میں سیلز اور انکم ٹیکس کی رعایتیں اور چھوٹ مرحلہ وار ختم کرنیکی تجویز سامنے آئی ہے ۔ ذرائع کے مطابق آئندہ بجٹ میں امپورٹڈ ٹریکٹرز پر ٹیکس عائدکرنے کی تجویز ہے اور کمرشل امپورٹرز پر ودہولڈنگ ٹیکس لگانے پر غور کیا جارہا ہے جب کہ کمرشل درآمدکنندگان کی خریداریوں...
سابق صدر مملکت و پاکستان تحریک انصاف کے رہنما ڈاکٹر عارف علوی نے کہا ہے کہ مسائل کا حل بات چیت ہی میں ہے ، بات چیت کے لئے اپنی کوشش کرتے رہیں گے ، ناکامی تب ہو گی جب ناکامی مان لوں گا،جمعرات کو بانی پی ٹی آئی سے ملاقات ہوئی ان کو اچھی صحت اور اچھے موڈ میں پایا، 6ججز کے خط سے متعل...
وفاقی وزیر خزانہ محمد اورنگزیب نے کہا ہے کہ اسٹریٹجک سرکاری اداروں جیسی کوئی چیز نہیں ہے ۔لاہور میں پری بجٹ سیمینار سے خطاب کرتے ہوئے ان کا کہنا تھا کہ زرمبادلہ کے ذخائر 9 ارب ڈالر سے تجاوز کرگئے ہیں، روپے کی قدر مستحکم اور افراط زر میں کمی آرہی ہے ، پچھلے 8 سے 10 ماہ میں میکرو ا...
سمیع اللہ ملک میں اس خوفناک لمحات سے بھی واقف ہوں جب ایٹمی بریف کیس کابٹن دبانے کی مکمل طاقت رکھنے والے امریکی صدرٹرمپ کے بارے میں ایک مشہورزمانہ امریکی ماہرنفسیات بھرپوردلائل کے ساتھ عالمی میڈیاپرببانگ دہل ٹرمپ کی دماغی صحت پر اپنے شک وشبہ کا اظہارکرتے ہوئے اپنے خدشات کااظہار ک...
آزاد جموں و کشمیر میں بجلی کے بلوں میں اضافے کے خلاف جاری شدید احتجاج کے دوران پولیس اور مظاہرین کے درمیان جھڑپیں ہوئی اور فائرنگ سے سب انسپکٹر شہید جبکہ ایس ایچ او سمیت 16 پولیس اہلکار زخمی ہوگئے ۔تفصیلات کے مطابق عوامی ایکشن کمیٹی کی کال پر آزاد جموں و کشمیر میں بجلی کے بلوں می...
پاکستان پیپلزپارٹی کے رہنما قمرالزمان کائرہ نے دعویٰ کیا ہے کہ حکومت کے کچھ لوگ چیف جسٹس کو توسیع دینا چاہتے ہیں،توسیع دینے کا فیصلہ سوچ سمجھ کر کرنا چاہیے ۔ قمرالزمان کائرہ نے ایک انٹرویومیںکہاکہ حکومت کی طرف سے کچھ لوگوں کے چیف جسٹس کو توسیع دینے کے اشارے ہیں۔انہوں نے کہا کہ یہ...
پاکستان تحریک انصاف نے غیر ذمہ دارانہ بیانات دینے پر شیر افضل مروت کو شو کاز نوٹس جاری کردیا۔شیر افضل مروت کو پارٹی پالیسی کی خلاف ورزی پر شوکاز نوٹس جاری کیا گیا ہے ۔ نوٹس کے مطابق شیر افضل مروت نے ایسے بیان دئیے ہیں جس سے پارٹی کی ساخت کو نقصان پہنچا ہے ۔بانی چئیرمین نے واضح ہد...