... loading ...
... loading ...
دنیا بھر کے مسلمان اسٹاک ہوم کی سب سے بڑی مسجد کے باہر ایک عراقی شہری کی طرف سے قرآن کے نسخے کو نذر آتش کرنے کی مذمت میں سعودی عرب کے ساتھ شامل ہو گئے ہیں۔ سوئیڈن کے دارالحکومت میں مسجد کے باہر پولیس کی بھاری نفری کی موجودگی میں 37 سالہ سلوان مومیکا نے پہلے قرآن پر پتھر مارے اور بعد میں اسے نذر آتش کر دیا۔ سلوان مومیکا کئی برس قبل عراق سے فرار ہو کر سویڈن آ گیا تھا۔ پولیس نے اسے آزادی اظہار رائے کے ضابطوں کے تحت احتجاج کی اجازت دی تھی۔ تاہم بعد میں پولیس نے کہا کہ اس نے قرآن نذر آتش کرنے کے واقعے کی تحقیقات شروع کر دی ہیں۔ اس واقعے سے پوری مسلم دنیا میں غم و غصے کی لہر دوڑ گئی ہے۔ خیال رہے کہ سوئیڈن میں ہونے والا یہ پہلا واقعہ نہیں ہے۔ رواں برس جنوری میں بھی ایک دائیں بازو کے انتہا پسند نے اسٹاک ہوم میں ترکیہ کے سفارت خانے کے قریب قرآن کو نذر آتش کر دیا تھا۔ اس واقعے پر بھی پوری مسلم دنیا نے احتجاج کیا تھا۔سوئیڈن کے وزیراعظم اْلف کرسٹرسن نے کہا ہے کہ مومیکا کا احتجاج قانونی لیکن ٹھیک نہیں تھا۔ انہوں نے کہا کہ اسے احتجاج کی اجازت دینے یا نہ دینے کا اختیار پولیس کا تھا۔ یہ واقعہ ایک ایسے وقت میں ہوا ہے جب پوری دنیا کے مسلمان عید الاضحٰی کی چھٹیاں منا رہے تھے۔ عراقی حکومت کی طرف سے جاری کیے گئے ایک بیان میں ‘انتہا پسند اور ذہنی بیمار افراد کی جانب سے قرآن پاک کے نسخوں کو بار بار جلانے کے واقعات’ کی شدید مذمت کی ہے۔ بیان کے مطابق یہ کارروائیاں نفرت انگیز اور جارحیت کے جذبے کو ظاہر کرتی ہیں جو آزادی اظہار کے اصولوں کے خلاف ہے۔ وہ نہ صرف نسل پرست ہیں بلکہ تشدد اور نفرت کو بھی فروغ دیتے ہیں۔ متحدہ عرب امارات کی وزارت خارجہ نے ایک بیان میں کہا کہ متحدہ عرب امارات نے مقدس کتاب کو نذر آتش کرنے کے خلاف جمعرات کو سوئیڈن کے سفیر کو طلب کر کے احتجاج کیا۔ اردن نے جمعرات کو عمان میں سوئیڈن کے سفیر کو طلب کیا اور کہا کہ وہ اس عمل کو’اشتعال انگیزی اور نسل پرستی’ سمجھتے ہیں۔ وزارت خارجہ نے کہا کہ قرآن پاک کو نذر آتش کرنا ایک ‘خطرناک نفرت اور اسلامو فوبیا کا مظہر’ ہے جو تشدد کو ہوا دیتا ہے۔ اردنی وزارت خارجہ کا اپنے بیان میں مزید کہنا تھا کہ ‘قرآن کو نذر آتش کرنے کو آزادی اظہار کی ایک شکل نہیں سمجھا جا سکتا۔ ایسے غیر ذمہ دارانہ رویے اور اقدامات کو روکنے کی ضرورت ہے۔ کویت کی وزارت خارجہ کا کہنا تھا کہ قرآن کو نذر آتش کرنے سے دنیا بھر کے مسلمانوں کو تکلیف پہنچی۔ لوگوں کو رواداری اور بقائے باہمی کے اقدار کو فروغ دینے کی ضرورت ہے۔ اس سنگین اشتعال انگیز اقدام نے دنیا بھر کے مسلمانوں کو ناراض کیا ہے۔ کویتی وزارت خارجہ نے اپنے بیان میں مزید کہا کہ ‘کویت کی ریاست بین الاقوامی برادری اور تمام متعلقہ ممالک کو نفرت اور مذہبی انتہا پسندی کے خلاف کارروائی کرنے اور مسلمانوں کے لیے مقدس (کتاب) کو نشانہ بنانے والی معاندانہ کارروائیوں کو روکنے کے لیے اپنی ذمہ داری کے بارے میں یاد دلاتی ہے۔ ایران نے بھی اس عمل کواشتعال انگیز، ناجائز اور ناقابل قبول’ قرار دیا۔ ایرانی وزارت خارجہ کے ترجمان ناصر کنعانی نے کہا کہ ‘اسلامی جمہوریہ ایران کی حکومت اور عوام ایسی تذلیل کو برداشت نہیں کرتے اور اس کی شدید مذمت کرتے ہیں۔ مراکش نے بھی قرآن کو نذر آتش کرنے کی مذمت کی اور بدھ کو اسٹاک ہوم سے اپنے سفیر کو واپس بلا لیا۔ مراکشی حکومت نے ایک بیان میں کہا کہ ‘یہ نیا جارحانہ اور غیر ذمہ دارانہ فعل مکہ مکرمہ میں حج اور عید الاضحٰی کے مبارک تہوار کے اس مقدس وقت میں ایک ارب سے زائد مسلمانوں کے جذبات کی توہین ہے۔ مسلم ورلڈ لیگ کے سیکریٹری جنرل اور آرگنائزیشن آف مسلم اسکالرز کے چیئرمین شیخ محمد بن عبدالکریم العیسیٰ نے اس فعل کی مذمت کرتے ہوئے کہا کہ اس طرح کی کارروائیاں نفرت کو ہوا دیتی ہیں، مذہبی جذبات کو بھڑکاتی ہیں اور صرف انتہا پسندی کے ایجنڈوں کو پورا کرتی ہیں۔ ترک وزیر خارجہ ہاکان فیدان نے ایک ٹوئٹ میں اس فعل کی مذمت کرتے ہوئے کہا کہ ‘آزادی اظہار کے نام پر اسلام مخالف مظاہروں کی اجازت دینا ناقابل قبول ہے۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
