... loading ...
... loading ...
پاکستان تحریک انصاف کے چیئرمین اور سابق وزیراعظم عمران خان نے کہا ہے کہ امریکی سازش کے تحت منتخب حکومت گرانے والے غدار، قوم ہمارے ساتھ کھڑی ہے، 17 جولائی کو لوٹوں کو ہمیشہ کیلئے دفن کردیں گے، دھاندلی کی کوشش کے باوجود مخالفین کو شکست دیں گے، 17 جولائی کا الیکشن ملک کے مستقبل کا فیصلہ کرے گا،ہم نے ایسا پھینٹا لگانا ہے کہ یہ لوگ یاد رکھیں گے، جنگ حقیقی آزادی کی ہے،بدقسمتی سے ملک میں ایمانداری سے چلنے نہیں دیا جاتا، ساری قوم ہمارے ساتھ کھڑی ہے۔ ان خیالات کا اظہار انھوں نے جھنگ میں جلسہ سے خطاب کرتے ہوئے کیا۔ سابق وزیراعظم عمران خان نے کہا کہ موسم کی خرابی کے باعث پہنچنے میں تاخیر ہوئی جس پر معذرت چاہتا ہوں، یہاں اس لیے آیا ہوں کیونکہ ہمارا نمائندہ لوٹا ہوگیا ہے، بچے بھی جان چکے ہیں کہ لوٹا کون ہوتا ہے، لوٹا وہ ہوتا ہے جو اپنے ضمیر کا سودا کرتا ہے، پاکستان کے عوام غیرت مند ہیں، لوٹا صرف وہ نہیں جو غسل خانے میں استعمال ہوتا ہے، ضمیر کا سودا کرنے والا بھی لوٹا ہوتا ہے۔ عمران خان نے کہا کہ ہم کبھی کسی کے سامنے نہیں جھکتے اور نہ ضمیر کا سودا کرتے ہیں، ہمارا ملک عظیم ملک نہیں بن سکا، ہم سچ اور حق پر کھڑے ہوتے ہیں، لوٹے وہ لوگ ہیں جو پیسے لے کر عوام کے ووٹ بیچتے ہیں، یہ وہ لوگ ہیں جو پاکستان کے آئین کے خلاف جاتے ہیں، لوٹے ملک کے ساتھ غداری کرتے ہیں، سازش کے ذریعے منتخب حکومت گرائی گئی۔ پی ٹی آئی چیئرمین کا کہنا تھا کہ 17 جولائی کا الیکشن ملک کے مستقبل کا فیصلہ کرے گا، ہم نے الیکشن جیت کر ملک کو امریکا کے غلاموں سے بچانا ہے، یہ لوگ خواتین کے پولنگ اسٹیشنز پر دھاندلی کرتے ہیں، ہم اپنے پولنگ ایجنٹس کو بتا رہے ہیں کہ یہ کن طریقوں سے دھاندلی کرتے ہیں، سارا وقت اس پر لگ رہا ہے کہ دھاندلی کیسے روکی جائے۔ عمران خان نے الزام عائد کرتے ہوئے کہا کہ نواز شریف نے زندگی میں کوئی چیز ایمانداری سے نہیں کی، نواز شریف کرکٹ میں بھی اپنے امپائر کھڑے کرتا تھا، نواز شریف نے اقتدار میں آکر کرپشن کی، نواز شریف نے اقتدار میں آکر 18 فیکڑیاں بنائیں، ہمارا مقابلہ شریف خاندان، لوٹوں اور الیکشن کمیشن سے ہے، چیف الیکشن کمشنر خفیہ طور پر حمزہ اور مریم سے ملتا رہا ہے، لاہور میں مسٹر ایکس بیٹھا ہوا ہے، مسٹر ایکس نے مسٹر وائے کو ملتان بھجوایا ہوا ہے، ہم نے ان کے امپائروں کے باوجود یہ میچ جیتنا ہے۔ انہوں نے کہا کہ ای وی ایم آنے سے دھاندلی کا نظام ختم ہوجانا تھا، دو خاندان 35 سال سے پاکستان پر مسلط ہیں، دونوں خاندانوں نے ہر جگہ جعلی ووٹ بنوائے ہوئے ہیں، چیف الیکشن کمشنر اور ان دونوں خاندانوں نے ای وی ایم کی مخالفت کی، مسٹر ایکس اور وائے کو حکم ملا ہے کہ چوروں کو جتوانا ہے، اتوار کو جب نتیجہ آئے گا میں آپ کے پاس جشن منانے آوں گا، ہم نے ان کو ایسا پھینٹا لگانا ہے کہ یہ یاد رکھیں گے۔ سابق وزیراعظم نے کہا کہ سندھ کا الیکشن کمشنر ان کا ملازم ہے، ان سے تنخواہ لیتا ہے، سندھ میں جس طرح بلدیاتی انتخاب ہوئے اس پر الیکشن کمیشن کو اقدام اٹھانے چاہیے تھے، جے یو آئی ف اور ایم کیو ایم نے بھی دھاندلی کی شکایت کی، سندھ میں دھاندلی پر چیف الیکشن کمشنر میں اخلاقی جرات ہوتی تو مستعفی ہوجاتے۔ سندھ بلدیاتی الیکشن میں 15 فیصد سیٹوں پر بلا مقابلہ امیدوار منتخب ہوئے۔ سپریم کورٹ نے کہا سینیٹ الیکشن میں اوپن ووٹ ہونا چاہیے، سینیٹ میں ہارس ٹریڈنگ ہوتی ہے، سینیٹ الیکشن میں کروڑوں روپے چلے، یوسف رضا گیلانی کا بیٹا پکڑا گیا، جب یہاں آرہا تھا تو سزا یافتہ کی تصویر نظر آئی، سزایافتہ کے ساتھ بھگوڑے کی بھی تصویر دیکھی، حمزہ ککڑی غیر آئینی وزیراعلیٰ ہے، باپ بیٹوں پر 16 ارب کے کرپشن کیسز ہیں، میرجعفروں اور میرصادقوں نے چوروں کو ہم پر مسلط کیا، انہوں نے آتے ہی 1100 ارب روپے نیب قوانین کی ترمیم سے معاف کرا لیا۔ انھوں نے کہا کہ برطانیہ میں کوئی تصور نہیں کرسکتا کہ سزایافتہ خاتون کی تصویر لگی ہو، مغربی ممالک میں طاقتور ڈاکووں کو جیلوں میں ڈالا جاتا ہے، ڈاکو ہمارے اوپر مزید مسلط رہ گئے تو اور تباہی مچائیں گے، یہ الیکشن نہیں حقیقی آزادی کیلئے جہاد ہے، سری لنکا کی طرح سندھ میں بھی ایک خاندان بادشاہ بنا ہوا ہے، سری لنکا کا حکمران خاندان بھی پیسہ چوری کر کے باہر بھیج رہا تھا، حکمران چوری کر کے ارب پتی بن گئے اور سری لنکا کا دیوالیہ نکل گیا، شہباز شریف 50 ارب کے اشہتاروں پر اپنی کارکردگی دکھاتا تھا۔چیئرمین تحریک انصاف نے کہا کہ یہ جنگ عمران خان کی نہیں حقیقی آزادی کی جنگ ہے، مہنگائی آسمانوں پر اور معیشت زمین پر ہے، جو پیسہ آتا ہے وہ آپ کے لندن میں بڑے بڑے محلات میں چلا جاتا ہے، یہاں سے لوگ باہر جا کر محنت کرتے ہیں اور پاکستان پیسہ بھیجتے ہیں، یہ ڈاکو یہاں سے چوری کر کے ملک سے پیسہ باہر بھیج دیتے ہیں، یہ پھر کہتے ہیں کہ ہم مانگنے نہیں آئے ہیں۔ عمران خان نے مزید کہا ہے کہ ہمارا ملک عظیم ملک نہیں بن سکا کیونکہ ہم اصولوں پر نہیں چلے۔ لوگ سمجھتے تھے کہ شہباز شریف کوئی بہت بڑی چیز ہے، اب ساری قوم کے سامنے دودھ کا دودھ اور پانی کا پانی ہوگیا، اب مہنگائی آسمانوں پر اور معیشت زمین پر ہے۔
8 فروری الیکشن کو 2 سال مکمل،پی ٹی آئی کا احتجاج، مختلف شہروں میں شٹر ڈاؤن، آواز بلند کرنے کا مقصد انتخابات میں بے ضابطگیوں کیخلاف عوامی مینڈیٹ کے تحفظ کا مطالبہ ہے، پارٹی ترجمان پاکستانی قوم کی سیاسی پختگی اور جمہوری شعور کا منہ بولتا ثبوت ہے، آئیے مل کر اس گرتے ہوئے نظام ک...
اتوارکے روز شہریوں نے دکانیں کھولی،سانحہ گل پلازہ متاثرین کو تنہا نہیں چھوڑیں گے اپوزیشن جماعتیں احتجاج کی سیاست نہ کریں ایوان میں آئیں، وزیر اعلیٰ کی میڈیا سے گفتگو وزیر اعلیٰ سندھ مراد علی شاہ نے کہا ہے اپوزیشن جماعتیں احتجاج کی سیاست نہ کریں ایوان میں آئیں۔شہرِ قائد میں ...
دہشت گرد آرہے ہیں تو ماردیں کس نے روکا ہے،نیتن یاہو کے ساتھ امن بورڈ میں بیٹھنے پر شرم آنی چاہیے، سربراہ جے یو آئی ہم نے روش بھانپ کر عمران خان سے اختلاف کیا تھا تو آپ اس سے دو قدم آگے ہیں، ہم بھی دو قدم آگے ہوں گے، خطاب جمعیت علمائے اسلام پاکستان کے سربراہ مولانا فضل ا...
محمود اچکزئی کی وزیراعظم کو شریک ہونے کی پیشکش، عوام سے جذباتی نہ ہونے کی اپیل،شہباز شریف سے کہتا ہوں وہ عوام کے سوگ میں شامل ہوجائیں، ملکی حالات ایسے نہیں عوام کو جذباتی کیا جائے، پیغام مریم نواز کو ہمارے ساتھ ہونا چاہیے، ناانصافی سے گھر اور رشتے نہیں چلتے تو ملک کیسے چلے گا،مل...
داعش افغانی خودکش حملہ آور کا نام یاسر، پشاور کا رہائشی ، حملے سے قبل مسجد کی ریکی کی، ایک ہفتہ پہلے مسجد سے ہوکر گیا،شواہد جمع کرنے کیلئے نیشنل فرانزک ایجنسی اور نادرا کی مدد لی گئی، ابتدائی تفتیش حملے کی منصوبہ بندی، تربیت اور ذہن سازی افغانستان میں داعش نے کی، افغان طالبان ک...
ڈالرز کی منی لانڈرنگ اور اسمگلنگ کے خلاف سخت اقدامات کیے گئے ہیں،گورنر اسٹیٹ بینک ٹریڈ بیس منی لانڈرنگ کسی صورت برداشت نہیں کی جائے گی، سینئر صحافیوں سے ملاقات و گفتگو گورنر اسٹیٹ بینک آف پاکستان جمیل احمد نے کہا ہے کہ متحدہ عرب امارات سے دو ارب ڈالر کے رول اوور میں کوئی مسئ...
کسٹمز کے اینٹی اسمگلنگ یونٹ کا نیشنل سائبر کرائم انوسٹی گیشن ایجنسی سکھر کے سرکاری دفتر پر چھاپہ نان کسٹم پیڈ اور ٹمپرڈ گاڑی قبضے میں لے لی،جبکہ حیران کن طور پر ڈپٹی ڈائریکٹر مقدمے میں نامزد دو وفاقی اداروں کے درمیان اختیارات کی جنگ کھل کر سامنے آگئی، پاکستان کسٹمز کے اینٹی ...
خودکش حملہ آور نے گیٹ پر روکے جانے پر دھماکا کیا، متعدد زخمیوں کی حالت نازک، اسلام آباد کے ہسپتالوں میں ایمرجنسی نافذ،ہلاکتوں میں اضافے کا خدشہ،صدروزیراعظم کی مذمت،تحقیقات کا حکم وفاقی دارالحکومت اسلام آباد کے علاقے ترلائی میں امام بارگاہ میں دھماکہ ہوا ہے، جس کے نتیجے میں ...
جس نے خودکش دھماکا کیا اس کی معلومات مل گئی ہیں، ہوسکتا 72 گھنٹوں میں انجام تک پہنچائیں، وزیرمملکت داخلہ وزیرمملکت داخلہ طلال چوہدری نے کہا ہے کہ امام بارگارہ دھماکا خودکش تھا، حملہ آور کی معلومات مل گئی ہیں اور افغانستان کا کتنی دفعہ سفر کیا اس کی تفصیلات بھی آگئی ہیں۔وزیر ...
عمران خان نے دائیں آنکھ میں نظر کی کمی کی شکایت کی اور ان کی رضامندی سے علاج کیا گیا،پمز اسلام آباد کے سینئر اور مستند ماہر امراض چشم نے اڈیالہ جیل میں آنکھوں کا مکمل معائنہ کیا،ایگزیکٹو ڈائریکٹر معائنے میں سلٹ لیمپ معائنہ، فنڈواسکوپی، آنکھ کے اندرونی دباؤ کی پیمائش، ضروری ...
قوم کو نفرت، انتہاپسندی، اور دہشتگردی کے خلاف متحد ہو کر کھڑا ہونا ہوگا، چیئرمین حکومت عبادت گاہوں کے تحفظ کیلئے موثر اقدامات کو یقینی بنائے،شدیدمذمت پاکستان پیپلز پارٹی کے چیئرمین بلاول بھٹو زرداری نے اسلام آباد میں امام بارگاہ و مسجد میں دہشتگردانہ حملے کی شدید الفاظ میں مذ...
9 مئی سے متعلق دباؤ ڈالا جا رہا ہے، بند کمروں میں فیصلوں سے بہت نقصانات ہوئے غلط پالیسیوں سے یہاں امن قائم نہیں ہو رہا اور ہم دہشت گردی کے خلاف کھڑے ہیں وزیرِ اعلیٰ خیبر پختونخوا سہیل آفریدی نے کہا ہے کہ پولیس پر 9 مئی سے متعلق دباؤ ڈالا جا رہا ہے، پولیس کو سیاست میں مت گھ...
