... loading ...
... loading ...
روزنامہ جناح اور آن لائن نیوز ایجنسی کے ایڈیٹر انچیف سینئر صحافی و تجزیہ نگار محسن بیگ کو ایف آئی اے سائبر ونگ نے چھاپہ مار کر گرفتار کرلیا ۔ ترجمان محسن بیگ کے مطابق بغیر وارنٹ گرفتاری ایف آئی اے اور پولیس کی بھاری نفری نے گھر کا گھیراؤ کیا اس دور ان ایف آئی اے سے وارنٹ گرفتاری مانگنے پر تلخ کلامی ہوئی ۔ ترجمان محسن بیگ کے مطابق ایف آئی اے اور پولیس نے محسن بیگ کو زدوکوب کیا۔ بعد ازاں پولیس اور ایف آئی اے نے محسن بیگ کو گرفتار کرلیا ۔ ترجمان محسن بیگ کے مطابق ایف آئی اے کے پاس محسن بیگ کے وارنٹ گرفتاری تھے نہ ہی کوئی مقدمہ درج تھا۔سینئر صحافی محسن بیگ حکومتی پالیسیوں پر تنقید کرتے تھے۔ ادھر اسلام آباد پولیس کے ترجمان نے کہا ہے کہ ایف آئی اے کی ٹیم محسن بیگ کی گرفتاری کیلئے ان کے گھر پہنچی تو گرفتاری کے دوران مزاحمت ہوئی اور ملزم نے فائرنگ کر دی جس سے ایف آئی اے کا ایک اہلکار زخمی ہو گیا۔ ترجمان پولیس کے مطابق محسن جمیل بیگ کے خلاف تھانہ مارگلہ میں بھی ایک مقدمہ درج کرلیا گیا ،مقدمہ میں دہشت گردی کی دفعہ7ATA شامل ہیں ،مقدمہ میں اقدام قتل کی دفعہ 324 بھی شامل ہیں ،مقدمہ نمبر 87 میں 353/186/148/149/342 بھی شامل ہے ،سینئر صحافی مقدمہ محسن بیگ کو تھانہ منتقل کرنے کے بعد درج کیا گیا۔ دوسری جانب محسن بیگ کے وکیل راحیل نیازی نے غیر قانونی حراست کے خلاف درخواست دائر کر دی،درخواست پر سماعت ایڈیشنل سیشن جج ظفر اقبال نے کی۔عدالت نے بیلف مقرر کر کے محسن بیگ کو عدالت پیش کرنیکا حکم دیدیا ۔ وکیل راحیل قریشی نے کہاکہ صبح سویرے سادہ کپڑوں میں لوگ محسن بیگ کے گھر آئے، کون لوگ تھے کہا لے کر جا رہے تھے کچھ معلوم نہیں۔ وکیل نے کہاکہ ایس پی اور ڈی ایس پی سے وارنٹ گرفتاری اور سرچ وارنٹ مانگے گئے مگر نہیں دئیے گئے، ایس پی نے سادہ کپڑوں میں ملبوس افراد کو گھر میں دھاوا بولنے کا حکم دیا۔ وکیل نے کہاکہ سادہ کپڑوں میں افراد نے بچوں کو مارا موبائل فون توڑ دئیے اور محسن بیگ کو ساتھ لے گئے ۔دوسری جانب محسن بیگ کے خلاف ایف آئی اے سائبر کرائم ونگ لاہورنے مقدمہ درج کیا ۔ایف آئی اے کے مطابق مقدمہ وفاقی وزیر مراد سعید کی مدعیت میں درج کیا گیا۔ ایف آئی اے کے مطابق میری وزارت کو بہترین کارکردگی پر نمبر ون کا ایوارڈ دیا گیا۔ متن مقدمہ کے مطابق جی فار غریدہ کے پروگرام میں محسن بیگ نے میری کردار کشی کی ، پروگرام سے متعلق کلپ سوشل میڈیا پر اپ لوڈ کیا گیا۔ ایف آئی آر کے مطابق محسن بیگ نے وزیراعظم اور مراد سعید کی ساکھ کو عوام میں نقصان پہنچایا،جن ریمارکس کی بات کی گئی وہ ریحام خان کی کتاب کے صفحہ نمبر دو سو73میں لکھے گئے ہیں۔ایف آئی اے کی جانب سے جاری کئے گئے بیان کے مطابق وفاقی وزیر مراد سعید کی درخواست پر ایف آئی اے ٹیم نے محسن بیگ کے گھر پر چھاپہ مارا، ترجمان کے مطابق عدالت سے سرچ اینڈسیزوارنٹ حاصل کئے گئے تھے۔ترجمان کے مطابق چھاپے کے دوران ایف آئی اے کی ٹیم پر سیدھی فائرنگ کی گئی ، دو افسران کو زدوکوب کیا گیا۔ایف آئی اے کے مطابق گولیاں ختم ہونے پر ملزم کو گرفتار کر کے تھانہ مارگلہ منتقل کردیا گیا۔ دریں اثناء ملک بھر کے صحافیوں، صحافتی تنظیموں، سیاستدانوں،پاکستان پیپلز پارٹی کے چیئرمین وسابق صدر آصف علی زرداری ،چیئرمین پیپلز پارٹی بلاول بھٹو زرداری، سابق وزیراعظم و سینیٹ میں اپوزیشن لیڈر سید یوسف رضا گیلانی ،نائب صدر سینیٹر شیری رحمن ، سینیٹر پلوشہ رحمن، رکن قومی اسمبلی ڈاکٹر نفیسہ شاہ ، مسلم لیگ (ن) کی ترجمان مریم اورنگزیب ودیگر نے محسن بیگ کی گرفتاری کی مذمت کرتے ہوئے فوری رہائی کا مطالبہ کیا۔پاکستان مسلم لیگ (ن) کی ترجمان مریم اورنگزیب نے سینئر صحافی محسن بیگ کی گرفتاری کو بدترین انتقامی کارروائی قرار دیتے ہوئے کہا کہ عمران صاحب جس کو گرفتار ہونا چاہئے وہ صحافیوں کو گرفتار کر رہا ہے ،گرفتار تو آٹا چینی بجلی گیس دوائی چور کو ہونا چاہئے ۔ انہوں نے کہا کہ محسن بیگ کی گرفتاری عمران صاحب کی انتقامی، گھٹیا اور آمرانہ سوچ کا نتیجہ ہے ۔ انہوں نے کہا کہ پاکستان میں میڈیا کتنا آزاد ہے محسن بیگ کی دہشت گردوں کی طرح گرفتاری سے آج پوری دنیا نے دیکھ لیا ۔انہوں نے کہا کہ کالم، پروگرام اور ٹی وی چینل بند کرنے، صحافیوں کو گرفتار کرنے، ان کے گھروں پر چھاپے مارنے سے عمران صاحب سچائی نہیں چھپے گی۔ انہوں نے عمران صاحب محسن بیگ آپ کی تعریف کریں تو اچھے لیکن تنقید کریں تو ایف آئی اے کے ذریعے چھاپے، گرفتاری اور تشدد؟ ۔انہوں نے کہا کہ ایف آئی اے کو استعمال کرکے پہلے اپوزیشن کو گرفتار کرایا، جیلوں میں ڈالا اب عمران صاحب صحافیوں کو گرفتار کرا رہے ہیں ،محسن بیگ کی گرفتاری عمران صاحب کے گھر جانے کے خوف کا پتہ دے رہی ہے ۔ انہوں نے کہا کہ عمران صاحب آپ کو اپنی حقیقت ، جھوٹ اور جرائم چھپانے کے لئے بائیس کروڑ عوام کو گرفتار کرنا پڑے گا۔پاکستان پیپلز پارٹی کی نائب صدر شیری رحمن نے محسن بیگ کی گرفتاری کی مذمت کرتے ہوئے کہا کہ حکومت جس طرح کی پکڑ دھکڑ کر رہی وہ قابل مذمت ہے۔ انہوں نے کہا کہ پیپلز پارٹی میڈیا کی آزادی کو کلیدی ستون سمجھتی ہے۔پیپلزپارٹی کی رہنما ء سینیٹر پلوشہ خان نے سینئر صحافی محسن بیگ کی گرفتاری کی مذمت کرتے ہوئے کہا ہے کہ کٹھ پتلی ڈکٹیٹر بننے کی کوشش کر رہے ہیں۔ انہوں نے کہا کہ محسن بیگ کی گرفتاری عمران خان کی گھبراہٹ ظاہر کرتی ہے ۔ انہوں نے کہاکہ عمران خان کو صحافی محسن بیگ کے خلاف کوئی شکایت تھی تو ان کے خلاف مقدمہ درج کرواتے ۔پاکستان پیپلزپارٹی کی سینئر رہنماء اور رکن قومی اسمبلی ڈاکٹر نفیسہ شاہ نے سینئر صحافی اور تجزیہ نگار محسن بیگ کی گرفتاری کی مذمت کرتے ہوئے کہا ہے کہ ریاست مدینہ کے درس دینے والے حکمران تنقید اور فیصلوں سے اختلاف رائے بھی برداشت نہیں کر سکتے۔ انہوںنے کہا کہ کیا ریاست مدینہ میں اس طرح کے فیصلوں کی کوئی مثال ملتی ہے؟ حکومت نے محسن بیگ کو گرفتار کرکے یہ پیغام دیا ہے کہ کوئی انکے فیصلوں سے اختلاف کرے گا تو جیل جائے گا۔ نفیسہ شاہ نے کہا کہ خان صاحب کسی کو جیل بھیج کر اپنے عوام دشمن فیصلے عوام پر مسلط نہیں کر سکتے، پوری عوام اس وقت وفاقی حکومت کے خلاف سراپا احتجاج ہے خان صاحب کس کس کی آواز کو دبائیں گے؟ نفیسہ شاہ نے کہا کہ حکومت اس طرح کے فیصلوں سے گریز کرے اور محسن بیگ کو فوری رہا کیا جائے۔سینئر صحافیوں حامد میر،منیزہ جہانگیر، نیشنل پریس کلب کے صدر انور رضا،آر آئی یو جے ، پی ایف یو جے ودیگر نے سینئر صحافی محسن بیگ کی گرفتار ی کی مذمت کرتے ہوئے فوری رہائی کا مطالبہ کیا ہے۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
