... loading ...
... loading ...
سندھ کابینہ نے بلدیاتی قانون میں ترامیم کے لیے 5رکنی وزارتی کمیٹی کے قیام کی منظوری دے دی ہے،صوبائی کابینہ نے گندم کی امدادی قیمت 2200 روپے فی 40 کلوگرام مقررکرتے ہوئے 2022 میں 1.4 ایم ایم ٹن گندم کی خریداری کا ہدف مقررکیا ہے،صوبائی کابینہ نے آتشزدگی سے متاثرہ کوآپریٹو مارکیٹ اور وکٹوریہ مارکیٹ کے متاثرہ دکانداروں کو معاوضہ دینے کے لیے 91 کروڑروپے اورجیلوں کی خالی دوہزارسے زائد ہزارسامیوں پربھرتی کی منظوری بھی دی ہے،سندھ کابینہ کی طرف سے کراچی کے قریب بنڈل، بڈو آئی لینڈز کو محفوظ جنگلات قرار دیا گیا ہے وزیراعلی سندھ سید مراد علی شاہ کا کہنا ہے کہ اپوزیشن جماعتوں کی تجاویز بلدیاتی بل میں شامل کی جائیں گی۔ سندھ کابینہ کا اجلاس بدھ کو وزیراعلی ہاس میں سید مراد علی شاہ کی صدارت میں ہوا،اجلاس میں صوبائی وزرا، مشیران، معاونین خصوصی، چیف سیکریٹری ممتاز شاہ، وزیراعلی سندھ کے پرنسپل سیکریٹری فیاض جتوئی، چیئرمین پی اینڈ ڈی حسن نقوی اور دیگر متعلقہ افسران نے شرکت کی۔ چیئرمین پی اینڈ ڈی اور دیگر متعلقہ افسران شریک ہوئے۔صوبائی وزیر بلدیات سید ناصر شاہ نے اپوزیشن جماعتوں کے ساتھ ہونے والی بات چیت پرسندھ کابینہ کوبریفنگ دی جس پرکابینہ اطمنیان کا اظہارکیا۔وزیراعلی سندھ سید مراد علی شاہ کا کہنا تھا کہ بلدیاتی قانون کے حوالے سے جن نکات پر اتفاق ہواہے ان پر اس کی اصل روح کے مطابق عمل درآمد کیا جائے گا،ہم اپوزیشن، جماعت اسلامی، پی ایس پی اور دیگر جماعتوں کی تجاویز کو بلدیاتی قانون میں شامل کریں گے۔وزیر اعلی سندھ نے وزیر بلدیات سید ناصر شاہ، وزیر محنت سعید غنی، وزیر پارلیمانی امور مکیش چاولہ، وزیر آبپاشی جام خان شورو اور مشیر قانون مرتضی وہاب کی سربراہی میں ایک کمیٹی تشکیل دی جو اپوزیشن جماعتوں کی طرف سے دی گئی تجاویز پر غور کرے گی اور انہیں قانون میں شامل کرے گی جسے بعدازاں منظوری کے لیے اسمبلی میں پیش کیا جائے گا۔صوبائی کابینہ نے 2200 روپے فی 40 کلو گرام گندم کی امدادی قیمت کے حساب سے 1.4 میٹرک ٹن گندم کی خریداری کے ہدف کی منظوری دی، جس کے لیے 70 ارب روپے کی منظورکیے گئے۔محکمہ خوراک کو مقررہ ہدف کی حد تک باردانہ خریدنے کے لئے 90 فیصد کے تناسب سے پی. پی تھیلے اور 10 فیصد جوٹ کے تھیلے مارکیٹ سے خریدنے کی اجازت دی گئی۔وزیراعلی سندھ نے محکمہ خوراک کو ہدایت کی کہ وہ فروری کے آخری ہفتے میں اپنے خریداری مراکز قائم کریں تاکہ یکم مارچ سے خریداری شروع کی جا سکے، اس کا فائدہ کاشتکاروں تک پہنچنا چاہیئے۔ کابینہ نے مکمل بحث و مباحثے کے بعد کراچی کے قریب واقع سمندری جزائر بنڈل اور بڈو جزائر کو ‘محفوظ جنگلات’ قرار دیا اور محکمہ جنگلات کو ہدایت کی کہ وہ اس فیصلے کو نوٹیفائی کرے۔کابینہ نے کوآپریٹو مارکیٹ اور وکٹوریہ سینٹر کی وہ دکانیں جوکہ 14 نومبر 2021 کو لگنے والی آگ میں جل کر خاکستر ہوگئیں تھیں کے لیے معاوضہ فراہم کرنے کے لیے 91,5230,000 روپے کی رقم کی منظوری دی۔کابینہ نے دکانداروں کے ساتھ یکجہتی کا اظہار کرتے ہوئے کہا کہ معاوضے کی ادائیگی سے وہ اپنا کاروبار نئے سرے سے شروع کر سکیں گے۔محکمہ صنعت کو تجویز دی گئی کہ وہ دکانداروں کو اس بات پر آمادہ کریں کہ وہ آگ سیبچا کے حوالے سے حفاظتی اقدامات کو یقینی بنائیں کیونکہ مارکیٹوں میں آگ لگنے کے واقعات ہو رہے ہیں۔کابینہ نے اس بات پرتشویش ظاہرکی کہ پاکستان اسٹیل ملز اپنی اضافی اراضی کو فروخت کرنے کا منصوبہ بنا رہی ہے جس کے لیے کابینہ نے کہا کہ اسٹیل ملز کے حکام اپنی زمینوں کو تصرف کرنے کے اہل نہیں ہیں۔ وہ زمین جوکہ وہ اضافی زمین کے طور پر سرینڈر کرینگے وہ خود بخود سندھ حکومت کو واپس ہوجائے گی۔ کابینہ نے محکمہ ریونیو کو ہدایت کی کہ وہ سب رجسٹرار کو ہدایات جاری کریں کہ وہ پاکستان اسٹیل ملز کی جانب سے تصرف بیچی گئی کسی بھی زمین کو رجسٹر نہ کریں۔کابینہ نے چیف سیکریٹری سندھ کو کے پی ٹی ہاسنگ سوسائٹی کے حوالے سے سپریم کورٹ کے فیصلوں پر عملدرآمد کی ہدایت کی۔کابینہ نے سینئر ممبر بورڈ آف ریوینیو (ایس ایم بی آر) کو ملیر ایکسپریس وے کی زمینوں کی حفاظت کریں تاکہ کوئی بھی ان پر تجاوزات یا قبضہ کرنے کی جرات نہ کر سکے۔محکمہ داخلہ نے کابینہ کو بتایامحکمہ جیل میں گریڈ BS-5 سے BS-15 کی 2113 آسامیاں بشمول 1355 کانسٹیبل بھی خالی ہیں۔ اسٹاف کی کمی کے باعث محکمہ جیل کو شدید مشکلات کا سامنا ہیصوبائی کابینہ نے 21 نومبر 2019 کو ہونے والے اپنے اجلاس میں آئی بی اے سکھر کو بھرتی کے لیے ٹیسٹنگ ایجنسی کے طور پر منظوری دی تھی لیکن آئی بی اے سکھر نے جسمانی پیمائش اور رننگ ٹیسٹ کرانے سے معذرت ظاہر کی تھی۔کابینہ نے محکمہ داخلہ کو ہدایت کی کہ وہ مسابقتی بولی کے عمل کے ذریعے کسی دوسری ٹیسٹنگ سروس کی خدمات حاصل کرے جس طرح سندھ پولیس نے کی ہے۔سندھ کابینہ کو بتایا گیا کہ حکومت نے 2017 میں گورنمنٹ پولی ٹیکنیک انسٹیٹیوٹ اعظم بستی کی تعمیر کی تھی اور اب انسٹیٹیوٹ آغاز کے مرحلے پر ہے جس کے لیے ٹیچنگ اسٹاف کی بھرتی کے علاوہ 200 ملین روپے درکار ہیں۔کابینہ نے انسٹیٹیوٹ کو PPP موڈ پر چلانے کے لیے اسے SZABIST کے حوالے کرنے کی تجویز کی منظوری دی تاکہ طلبا کو بہترین فنی تعلیم فراہم کی جاسکے۔محکمہ توانائی نے اجلاس کو بتایا کہ مٹیاری-لاہور ہائی وولٹیج ڈائریکٹ کرنٹ (HVDC) ٹرانسمیشن لائن پروجیکٹ 4000 میگاواٹ کی صلاحیت اور 878 کلومیٹر طویل لائن پاکستان میں توانائی کے اہم منصوبوں میں سے ایک ہے اور سی پیک منصوبوں کی ترجیحی فہرست میں تھا۔ یہ منصوبہ یکم دسمبر 2018 کو شروع کیا گیا تھا اور کمرشل آپریشنز کی تاریخ یکم ستمبر 2021 کو حاصل کی گئی تھی اس پروجیکٹ کی لاگت 1.6 بلین ڈالرز ہے ٹرانسمیشن لائن کا ایک حصہ سندھ کی حدود سے گزر رہا ہے، اس لیے کابینہ نے اسے رائٹ آف وے دینے کی منظوری دی۔کابینہ نے فرنٹیئر کانسٹیبلری (ایف سی)کو ایمبولینس فراہم کرنے کے لیے محکمہ داخلہ کی درخواست کی منظورکرلی ۔
سندھ میں پانی کی شدید قلت ہے، وفاقی حکومت کو نوٹس لینا چاہیے ،اجلاس میں حکومتی ارکان پیپلز پارٹی کے منصوبے گنواتے رہے، اپوزیشن کی جانب سے مسائل کی نشاندہی حکومتی اراکین خود مسائل کا رونا رو رہے ہیں، 18سال کے دوران سندھ میں کیا ہوا، ڈیفنس میں فحاشی کے اڈے چل رہے ہیں،باتوں سے یہ ش...
انسداد دہشتگردی عدالت نے 9 مئی کے ایک اور مقدمے کا فیصلہ سناتے ہوئے یاسمین راشد، محمود الرشید، عمر چیمہ اور اعجاز چوہدری کو 10، 10 سال قیدکی سزا اور شاہ محمود کو بری کر دیا جج منظر علی گل نے کوٹ لکھپت جیل میںپولیس کی گاڑیاں جلانے کا مقدمے کا محفوظ فیصلہ سنایا، جلائو گھیرائو کیس ...
تخریب کاروں کو چوکوں اور چوراہوں پر سرعام پھانسی جیسی عبرتناک سزائیں دی جائیں آٹا، چینی، چاول اور بجلی سے متعلق معاشی مطالبات تو بالکل جائز تھے، سردار عتیق احمد خان سابق وزیر اعظم آزاد جموں و کشمیر اور آل جموں و کشمیر مسلم کانفرنس کے صدر سردار عتیق احمد خان نے پاکستان کی م...
قومی اسمبلی سے منظور ہونے والا یہ بل جاہلانہ اور غاصبانہ ہے، یہ بل شہریوں کے بنیادی حقوق پر ڈاکہ ہے بل کی منظوری اراکین اسمبلی کی اہلیت پر سوالیہ نشان ، ٹیلی کام ٹاورز کی تنصیب سے متعلق بل پر شدید ردعمل امیر جماعت اسلامی پاکستان حافظ نعیم الرحمن نے قومی اسمبلی سے منظور ہونے و...
تحریک انصاف نے پارٹی پالیسی سے ہٹ کر بیان دینے پر سینیٹر ڈاکٹر زرقا سے وضاحت طلب کرلی حساس نوعیت کے معاملات پر بیان بازی سے گریز کرنے اور 7 روز میں جواب جمع کرانے کی ہدایت پاکستان تحریک انصاف نے آزاد کشمیر کے حوالے سے پارٹی پالیسی سے ہٹ کر بیان دینے پر سینیٹر ڈاکٹر زرقا کو ش...
ملکی قرضوں کی ادائیگی کیلئے 25ہزار 992،غیر ملکی قرضوں کی ادائیگی کیلئے 5ہزار 836ارب مختص کر دیے گئے سود کی ادائیگی کے لیے 69 کھرب 82 ارب روپے سے زائد مختص کیے گئے ہیں ، اپوزیشن کا تحفظات کا اظہار قومی اسمبلی نے 44ہزار 741ارب سے زائد کے غیر تصویبی لازمی اخراجات کی منظوری دیدی۔...
شادی ہالز، تقریباتی مقامات رات 10 بجے اور ریسٹورنٹس، کیفے اور فوڈ آؤٹ لیٹس 11 بجے بند ہوں گے ڈپارٹمنٹل اور جنرل اسٹورز،دکانیں، بازار ،شاپنگ مالز رات 9 بجے بند ہوں گے،کابینہ ڈویژن کا نوٹیفکیشن وفاقی حکومت نے فیول بچت اور اضافی کفایت شعاری اقدامات ختم کر دیے ہیں، اس حوالے سے ...
حملے میں حسین اور رانا صفادی اور ان کی دو چھوٹی بیٹیاں شہید ہوئے شمالی غزہ شہر کے الصفاوی علاقے ڈرون حملے میں ایک شخص مارا گیا غزہ پر اسرائیلی حملوں میں ایک ہی خاندان کے چار سمیت کم از کم پانچ فلسطینی شہید ہوگئے ہیں۔میڈیا رپورٹس کے مطابق صیہونی ریاست کا یہ تازہ حملوں کا سلسلہ...
شہباز شریف کی جانب سے کی گئی میثاق استحکام پاکستان کی پیش کش آج بھی موجود ہے اور حکومت ہر سطح پر بات چیت کے لیے تیار ہے، پی ٹی آئی نے مثبت جواب دیا ہے ، رانا ثنااللہ وزیراعظم کی ہدایت پر وزیر خزانہ محمد اورنگزیب اور اپوزیشن وفد کے درمیان اہم ملاقات ، فاٹا، پاٹا، این ایف سی ایوار...
پیٹرول کی فی لیٹر قیمت 373روپے سے کم ہو کر 299روپے پر آجائے گی، جبکہ ڈیزل کی فی لیٹر قیمت 378روپے سے کم ہو کر 311 روپے ہوگی عوام کی مشکلات کا بخوبی اندازہ ہے ، عوام نے مشکل صورتحال میں صبر و تحمل کا بے مثال مظاہرہ کیا، حکومت کا ساتھ دینے پر ہم عوام کے تہہ دل سے مشکور ہیں، شہباز ...
ایک ہفتے ہیں 0.46فیصد بڑھ گئی،ادارہ شماریات کی مہنگائی سے متعلق ہفتہ وار رپورٹ جاری 25اشیائے ضروریہ کی قیمتوں میں اضافہ ہوا، 11اشیا سستی ہوئیں جبکہ 15اشیا کی قیمتیں مستحکم ادارہ شماریات نے مہنگائی سے متعلق ہفتہ وار رپورٹ جاری کر دی۔رپورٹ کے مطابق ملک میں گزشتہ 1 ہفتے کے دوران...
پیٹرول فی لیٹر 225روپے فکس کرنے کا مطالبہٗ عوام کے حکومت کے خلاف زبردست نعرے پیٹرول کی قیمتوں میں نام نہاد کمی مسترد ٗ موجودہ قیمتیں جنگ سے قبل والی سطح پر نہیں آئیں، خطاب امیر جماعت اسلامی پاکستان حافظ نعیم الرحمن کی اپیل پر پیٹرول کی قیمتوں میں فوری طور پر کمی کرنے ، پیٹرو...
