... loading ...
سپریم کورٹ نے ایڈمنسٹریٹر کراچی مرتضی وہاب کی دوبارہ معافی قبول کرتے ہوئے انہیں عہدے سے ہٹانے کا فیصلہ واپس لے لیا،قبل ازیں سپریم کورٹ نے وزیر اعلیٰ سندھ سید مراد علی شاہ کو ایڈ منسٹریٹر کراچی بیرسٹر مرتضیٰ وہاب صدیقی کو فوری طور پر ان کے عہدے سے ہٹانے کا حکم دیا تھا جبکہ عدالت نے مرتضیٰ وہاب کو فوری طور پر عدالت سے بھی نکل جانے کا حکم دیا۔پیر کے روز کے ایم سی کے پارکس اور دیگر پارکوں کے اوپر قبضہ کے حوالے سے کیس کی جب چیف جسٹس آف پاکستان جسٹس گلزار احمد کی سربراہی میں جسٹس قاضی محمد امین احمد پر مشتمل دورکنی بینچ نے سماعت شروع کی تو اس موقع پر عدالت نے مرتضیٰ وہاب سے کے ایم سی کے پارکس کو واگزار کرانے کے حوالے سے پوچھا تو وہ غصے میں آگئے اور عدالت کے ساتھ ان کا سخت جملوں کا تبادلہ ہوا۔ چیف جسٹس آف پاکستان جسٹس گلزار احمد نے مرتضیٰ وہاب پر برہمی کااظہار کیا اور ویزاعلیٰ سندھ سید مراد علی شاہ کو حکم دیا کہ مرتضیٰ وہاب کو فوری طور پر عہدے سے ہٹایا جائے۔مرتضیٰ وہاب نے کہا کہ اوپن کورٹ میں سندھ حکومت کے خلاف بڑی،بڑی اۤبزرویشنزآجاتی ہیں اورباتیں کی جاتی ہیں جس سے لوگوں میں حکومت کا غلط تاثر پیدا ہوتا ہے۔ اس پر چیف جسٹس نے کہا مسٹر آپ چُپ کریں، آپ کیا بات کررہے ہیں ، یہاں سے باہر نکل جائیں ہم آپ کو ابھی فارغ کردیتے ہیں،یہاں سیاست نہ کریں۔ چیف جسٹس گلزار احمد نے مرتضیٰ وہاب کو مخاطب کرتے ہوئے کہا کہ آپ کو سرکاری زمینیں واگزار کروانے کا حکم دیا گیا اس پراب تک عملدرآمد کیوں نہیں ہو سکا، سندھ حکومت بھی آپ کی ہے اور تمام اختیارات بھی آپ کے پاس ہیں لیکن اب تک عدالتی احکامات پر عملدآمد کیوں نہیں کیا جاسکا۔ مرتضیٰ وہاب نے کہا کہ کیا ہم چلے جائیں، حکومت چھوڑ دیں؟ چیف جسٹس نے کہا کہ ایڈمنسٹریٹر کا اس طرح کا رویہ نہیں ہوتا، ایڈمنسٹریٹر غیر جانبدارشخص ہونا چاہئے، مرتضیٰ وہاب کا رویہ ایک سیاستدان کی طرح ہے اوروہ سیاست کرتے ہیں، ایڈمنسٹریٹرکا عہدہ کسی سیاستدان کے لئے نہیں ہونا چاہئے۔ چیف جسٹس گلزار احمد نے کہا کہ بادی النظر میں ایڈمنسٹریٹر کراچی اپنے فرائض انجام دینے میں ناکام رہے اورایڈمنسٹریٹر کراچی کا ایسا رویہ نہیں ہونا چاہئے، انہوں نے شہریوں کے لئے سروسز فراہم کرنا تھیں لیکن وہ سروسز فراہم کرنے کی بجائے اپنی سیاست چمکا رہے تھے۔ عدالت نے وزیر اعلیٰ سندھ کو حکم دیا کہ کوئی غیر جانبدار اور جو عوام کی خدمت کرسکے ایسے شخص کو ایڈمنسٹریٹر کراچی لگائیں اور مرتضیٰ وہاب کا چونکہ عدالت سے بھی رویہ مناسب نہیں اورعوام کی خدمت بھی نہیں کرنا چاہتے کیونکہ رویہ سے لگتا ہے کہ وہ سیاسی شخص ہیں اس لئے ان کو فوری طور پر عہدے سے ہٹایا جائے۔ عدالت نے وزیر اعلیٰ سندھ کو حکم دیا ہے کہ غفلت برتنے پر مرتضیٰ وہاب کے خلاف تادیبی کارروائی شروع کریں،بعد ازاں مرتضی وہاب نے سخت الفاظ استعمال کرنے پر عدالت سے معافی مانگ لی۔ مرتضی وہاب نے عدالت کے روبرو کہا کہ میں معافی چاہتا ہوں اپنے رویے پر معذرت خواہ ہوں، اس پر جسٹس قاضی امین نے ریمارکس دیے کہ ہم آپ کو عہدے سے ہٹا چکے اب آپ ایڈمنسٹریٹر نہیں رہے، آپ ریاست نہیں ہو حکومت ہو، دونوں کا فرق پتا ہونا چاہیے، آپ کا عہدے پر رہنا مفادات کا تصادم ہوگا۔عدالت نے کارروائی میں مختصر وقفے کے بعد مرتضی وہاب کی معافی قبول کرلی اور انہیں عہدے سے ہٹانے کا حکم واپس لے لیا۔
حکومت نے ایک بار پھر عوام پر بجلی گرا دی ، قیمت میں مزید ایک روپے 47 پیسے اضافے کی منظوری دے دی گئی۔نیپرا ذرائع کے مطابق صارفین سے وصولی اگست، ستمبر اور اکتوبر میں ہو گی، بجلی کمپنیوں نے پیسے 24-2023 کی تیسری سہ ماہی ایڈجسمنٹ کی مد میں مانگے تھے ، کیپسٹی چارجز کی مد میں31ارب 34 ک...
وزیر اعلیٰ خیبر پختونخوا علی امین گنڈا پور نے وفاقی حکومت کو صوبے کے واجبات اور لوڈشیڈنگ کا مسئلہ حل کرنے کے لیے 15دن کا وقت دے دیا۔صوبائی اسمبلی میں خطاب کرتے ہوئے علی امین گنڈا پور نے کہا کہ آپ کا زور کشمیر میں دیکھ لیا،کشمیریوں کے سامنے ایک دن میں حکومت کی ہوا نکل گئی، خیبر پخ...
اڈیالہ جیل میں 190 ملین پائونڈ کیس کی سماعت کے دوران عمران خان کی اہلیہ بشریٰ بی بی شدید غصے میں دکھائی دیں جبکہ بانی پی ٹی آئی بھی کمرہ عدالت میں پریشان نظر آئے ۔ نجی ٹی و ی کے مطابق اڈیالہ جیل میں بانی پاکستان تحریک انصاف کے خلاف 190 ملین پائونڈ ریفرنس کی سماعت ہوئی جس سلسلے می...
پاکستان تحریک انصاف نے انتخابات میں اداروں کے کردار پر جوڈیشل کمیشن کے ذریعے تحقیقات کرانے کا مطالبہ کردیا۔ ایک انٹرویو میں قائد حزب اختلاف عمر ایوب نے کہا کہ متحدہ قومی موومنٹ، پیپلز پارٹی اور مسلم لیگ (ن)نے فارم 47 کا فائدہ اٹھایا ہے ، لہٰذا یہ اس سے پیچھے ہٹیں اور ہماری چوری ش...
پاکستان انٹر نیشنل ایئر لائن(پی آئی اے ) کی نجکاری میں اہم پیش رفت ہوئی ہے اور مختلف ایئرلائنز سمیت 8 بڑے کاروباری گروپس کی جانب سے دلچسپی ظاہر کرتے ہوئے درخواستیں جمع کرادی ہیں۔پی آئی اے کی نجکاری میں حصہ لینے کے خواہاں فلائی جناح، ائیر بلیولمیٹڈ اور عارف حبیب کارپوریشن لمیٹڈ سم...
کراچی کے علاقے لائنز ایریا میں بجلی کی طویل بندش اور لوڈشیڈنگ کے خلاف احتجاج کیا گیا تاہم کے الیکٹرک نے علاقے میں طویل لوڈشیڈنگ کی تردید کی ہے ۔تفصیلات کے مطابق شدید گرمی میں بجلی کی طویل لوڈشیڈنگ کے خلاف لائنز ایریا کے عوام سڑکوں پر نکل آئے اور لکی اسٹار سے ایف ٹی سی جانے والی س...
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
ہائی کورٹ کے جج جسٹس محسن اختر کیانی نے شاعر احمد فرہاد کی بازیابی کی درخواست پر سماعت کرتے ہوئے ریمارکس دیے ہیں کہ میری رائے ہے کہ قانون سازی ہو اور گمشدگیوں میں ملوث افراد کو پھانسی دی جائے ، اصل بات وہی ہے ۔ جمعرات کو اسلام آباد ہائی کورٹ کے جسٹس محسن اختر کیانی نے مقدمے کی سم...
رہنما ایم کیو ایم مصطفی کمال نے کہا ہے کہ جج کے پاس وہ طاقت ہے جو منتخب وزیراعظم کو گھر بھیج سکتے ہیں، جج کے پاس دوہری شہریت بہت بڑا سوالیہ نشان ہے ، عدلیہ کو اس کا جواب دینا چاہئے ۔نیوز کانفرنس کرتے ہوئے رہنما ایم کیو ایم مصطفی کمال نے کہا کہ کیا دُہری شہریت پر کوئی شخص رکن قومی...
شکارپور میں کچے کے ڈاکو2مزید شہریوں کواغوا کر کے لے گئے ، دونوں ایک فش فام پر چوکیدرای کرتے تھے ۔ تفصیلات کے مطابق ضلع شکارپور میں بد امنی تھم نہیں سکی ہے ، کچے کے ڈاکو بے لگام ہو گئے اور مزید دو افراد کو اغوا کر کے لے گئے ہیں، شکارپور کی تحصیل خانپور کے قریب فیضو کے مقام پر واقع...
سندھ کے سینئروزیرشرجیل انعام میمن نے کہاہے کہ بانی پی ٹی آئی کی لائونچنگ، گرفتاری، ضمانتیں یہ کہانی کہیں اور لکھی جا رہی ہے ،بانی پی ٹی آئی چھوٹی سوچ کا مالک ہے ، انہوں نے لوگوں کو برداشت نہیں سکھائی، ہمیشہ عوام کو انتشار کی سیاست سکھائی، ٹرانسپورٹ سیکٹر کو مزید بہتر کرنے کی کوشش...