... loading ...
... loading ...
صوبائی دارالحکومت کے حلقہ این اے 133میں ہونے والے ضمنی انتخاب میں غیر سرکاری اورغیر حتمی نتائج کے مطابق مسلم لیگ (ن) نے میدان مار لیا، مسلم لیگ (ن) کے رکن قومی اسمبلی پرویز ملک کے انتقال سے خالی ہونے والی نشست پر ان کی اہلیہ شائستہ پرویز ملک نے 46811جبکہ ان کے مد مقابل پیپلزپارٹی کے امیدوار اسلم گل نے32313ووٹ حاصل کئے ، کامیابی کی خوشی میں مسلم لیگ (ن) کے حامیوںنے بھرپور جشن منایا اور مٹھائیاں تقسیم کی گئیں، کارکنان ڈھول کی تھاپ پر بھنگڑے ڈالتے رہے اورنوٹ نچھاور کئے گئے جبکہ اس موقع پر آتش بازی کا مظاہرہ بھی کیا گیا ،رہنما اورکارکنان کامیابی کی خوشی میں ایک دوسرے کو گلے لگ کر مبارکبادیں پیش کرتے رہے،قومی اسمبلی کے حلقہ این اے 133کے ضمنی انتخاب کیلئے پولنگ کا عمل صبح آٹھ بجے شروع ہو کر بغیر کسی وقفے کے شام پانچ بجے تک جاری رہا ، توں تکرار اور مخالفانہ نعرے بازی کے علاوہ امن و امان کی مجموعی صورتحال کنٹرول میں رہی ،پارٹی رہنما پولنگ کیمپوں کا دورہ کر کے کارکنوں کا جوش بڑھاتے رہے ، رہنما اور کارکنان ووٹروں کو گھروں سے نکالنے کے لئے بھی متحرک نظر آئے تاہم اس کے باوجود ٹرن آئوٹ انتہائی کم رہا ، مقررہ وقت ختم ہونے پر پولنگ اسٹیشنز کے دروازے بند کر دئیے گئے اور پولنگ اسٹیشنز کی حدود کے اندر موجود ووٹرز کو ووٹ ڈالنے دیا گیا،غیر سرکاری او رغیر حتمی نتائج سامنے آنے پر کارکنوں نے جشن منانا شروع کر دیا اور ڈھول کی تھاپ پر بھنگڑے ڈالتے رہے ۔ تفصیلات کے مطابق حلقہ این اے 133کے ضمنی انتخاب کیلئے پولنگ کا عمل صبح 8بجے شروع ہوا ،ایک یا دو پولنگ اسٹیشنز کے علاوہ باقی تمام پولنگ اسٹیشنز پر پولنگ کا آغاز اپنے مقررہ وقت پر ہوا ۔ صبح کے وقت عملہ ووٹرز کے آنے کا انتظار کرتا رہا ۔ دوپہر کے بعد ووٹرز نے پولنگ اسٹیشنز کا رخ کیا جس سے گہما گہمی بھی شروع ہو گئی ۔ مسلم لیگ (ن) او رپیپلز پارٹی کے کارکنوں کی جانب سے پولنگ اسٹیشنز کے اطراف میں اپنے کیمپ لگائے گئے جہاں پر جمع ہونے والے کارکنان اپنی قیاد ت کے حق میں نعر ے لگاتے رہے ۔ پولنگ کیمپوں میں کارکنان ووٹروز کو ان کے ووٹوں کی پرچی بھی بنا کر دیتے رہے ۔ مسلم لیگ(ن) اور پیپلز پارٹی کے رہنما ئوں نے مختلف علاقوں کا دورہ کیا اور کارکنان کا جوش بڑھاتے رہے ۔ کئی مقامات پر مسلم لیگ (ن) او رپیپلز پارٹی کے کارکنان ایک دوسرے کے خلاف نعرے لگاتے رہے جس سے ماحول کشیدہ رہا تاہم پولیس اور رینجرز کے جوان کارکنوں کو پیچھے ہٹاتے رہے ۔ صرف ایک یادو مقامات پر کارکنوں میں توں تکرار دیکھنے میں آئی تاہم مجموعی طور پر امن و امان کی صورتحال کنٹرول میں رہی ۔ پولیس اور رینجرز کے جوان حلقے میں پیٹرولنگ بھی کرتے رہے ۔صوبائی الیکشن کمشنر نے بھی حلقے کا دورہ کے کے ووٹنگ کے عمل کا جائزہ لیا ۔ مقررہ وقت ختم ہونے پر پولنگ اسٹیشنز کے دروازے بند کر دئیے گئے اور پولنگ اسٹیشنز کی عمارتوں کے اندر موجود ووٹرز کو ووٹ کاسٹ کرنے دئیے گئے ۔ سیاسی جماعتوں اور آزاد امیدواروں کے پولنگ ایجنٹس کی موجودگی میں ووٹوں کی گنتی کا عمل شروع کیا گیا ۔ مسلم لیگ(ن) او رپیپلز پارٹی کے کارکنان نتائج سے آگاہی کیلئے پولنگ اسٹیشنز کے باہر جمع رہے ۔ جیسے جیسے غیر سرکاری او ر غیر حتمی کامیابی کا نتیجہ معلوم ہوتا رہا کارکنوں کی جانب سے قیادت کے حق میں نعرے لگائے جاتے جبکہ ڈھول کی تھاپ پر بھنگڑے بھی ڈالے گئے ۔حتمی نتائج کااعلان ہوتے ہی مسلم لیگ (ن) کے کارکنان نے دیوانہ وار شیر ،شیر اور اپنی قیادت کے حق میں نعرے لگانا شروع کر دئیے اور ایک دوسرے کو کندھوں پر اٹھالیا ۔ کارکنان نے اس موقع پر آتش بازی کا مظاہرہ کیا او ر کرنسی نوٹ بھی نچھاور کیے گئے ۔ اس موقع پر رہنمائوں اور کارکنوں نے ایک دوسرے کومٹھائیاں بھی کھلائیں۔
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
