... loading ...
... loading ...
ملک میں10ہزار سے زائد لاپتہ افراد کی بازیابی کیلئے ”سچ مفاہمتی کمیشن” کے قیام کا مطالبہ کردیا گیا، لاپتہ افراد کی مرکزی تنظیم کی طرف سے موجودہ کمیشن کو مسترد کردیا گیا ہے،عقوبت خانوں، حراستی مراکز ختم کرنے کی ترامیم بھی مجوزہ قانون میں شامل کرنے کا مطالبہ کردیاگیا۔ لاپتہ افراد کے بین الاقوامی دن کے موقع پر اسلام آباد کے ڈی چوک میں ڈیفنس آف ہیومن رائٹس کی چیئرپرسن آمنہ مسعود جنجوعہ کی قیادت میں ایک بڑا احتجاجی مظاہرہ کیا گیا۔ ملک بھر سے لاپتہ افراد کے لواحقین نے شرکت کی۔ لاپتہ افراد کے بچے، خواتین ، بزرگ بھی مظاہرے میں شامل تھے ۔ سوات سے گلنار نامی لڑکی آپ بیتی بیان کرتے ہوئے آبدیدہ ہوگئی۔ مختلف سیاسی جماعتوں بشمول جماعت اسلامی کے کارکنوں کے علاوہ سابق سینیٹر فرحت اللہ بابر، سول سوسائٹی کی رہنما طاہرہ عبداللہ، تحریک اتحاد قبائل کے رہنما ابو سفیان محسود بھی شریک ہوئے۔ اپنے خطاب میں آمنہ مسعود جنجوعہ نے وزیراعظم عمران خان کو ماضی میں ڈی چوک میں لاپتہ افراد کے کیمپ میں شرکت کے موقع پر لاپتہ افراد کے خاندانوں کا ساتھ دینے کا وعدہ یاد دلایا اور کہا کہ عمران خان نے اعلان کیا تھا کہ انہیں حکومت ملی تو نہ صرف لاپتہ افراد بازیاب ہوں گے بلکہ کوئی کسی کو لاپتہ اور جبری گمشدہ نہیں کرسکے گا۔ 2001ء سے لاپتہ افراد کا مسئلہ طول پکڑتا جارہا ہے بلکہ لاپتہ افراد کی تعداد میں اضافہ ہورہا ہے ۔ بلوچ خواتین نے اسلام آباد میں کیمپ لگایا شنوائی کا وعدہ کیا گیا۔ مالاکنڈ ،سوات،قبائلی اضلاع، اندرون سندھ، جنوبی پنجاب سے لوگ آئے ۔ مظاہرے کیے دہائیاں دیں، سابق چیف جسٹس افتخار چودھری نے سوموٹو نوٹس لیا تھا مگر مسئلہ تاحال موجود ہے۔ موجودہ حکومت نے قانون سازی کیلئے جو پیش رفت کی ہے اس کا خیر مقدم کرتے ہیں۔ قائمہ کمیٹی داخلہ بل کی توثیق کرچکی ہے اس میں ترامیم کی ضرورت ہے کیونکہ مجوزہ قانون میں متاثرہ خاندانوں کو ہرجانہ کی ادائیگی، مستحق خاندانوں کی امداد، غیر قانونی حراستی مراکز اور عقوبت خانے ختم کرنے کے حوالے سے کوئی نشاندہی نہیں کی گئی لاپتہ افراد کا کمیشن ناکارہ اور نااہل ثابت ہوا ہے کسی کو اس پر اعتبارنہیں ہے۔ کسی کی شنوائی نہیں ہوئی۔ اس کمیشن کو ہم مسترد رکرتے ہیں اور مطالبہ کرتے ہیں کہ سچ مفاہمتی کمیشن بنایا جائے اور 10ہزار افراد کی بازیابی کیلئے پیش رفت کی جائے۔ کرنل(ر) عباسی نے اپنے خطاب میں کہاکہ افغانستان میں نئی طالبان حکومت سے عام معافی کے اعلان کا مطالبہ کیا گیا تھا جسے تسلیم کیا گیا۔ حکومت پاکستان بھی لاپتہ افراد کے حوالے سے عام معافی کا اعلان کرے اور انہیں رہا کیا جائے۔ سوات سے ڈی ایچ آر کی نمائندہ گلنار نے انتہائی جذباتی خطاب کیا اور کہاکہ کیا داڑھی رکھنا دہشت گردی ہے کیونکہ سوات ، مالاکنڈ سے باریش نوجوانوں کو بغیر کسی جرم کے اٹھایا گیا۔ ہم روز مرتے ہیں ، روز جیتے ہیں، ہر گھر میں ماتم ہے ۔ یہ خاتون آپ بیتی بیان کرتے ہوئے آبدیدہ ہوگئی۔ پرامن طورپر مظاہرین منتشر ہوگئے۔
(رپورٹ: ہادی بخش خاصخیلی) پاکستان مسلم لیگ (ن ) کے قائد نواز شریف کا کہنا ہے کہ بانی پاکستان تحریک انصاف (پی ٹی آئی) نے پیٹھ میں چھرا گھونپا، ساتھ چلنے کی یقین دہانی کروائی، پھر طاہرالقادری اور ظہیرالاسلام کے ساتھ لندن جاکر ہماری حکومت کے خلاف سازش کا جال بُنا۔نواز شریف نے قوم س...
وزیراعظم شہباز شریف کا کہنا ہے کہ سیاسی جماعتیں قوم کے لیے نواز شریف سے مل کر چلیں، نواز شریف ہی ملک میں یکجہتی لا سکتے ہیں، مسائل سے نکال سکتے ہیں۔ن لیگ کی سینٹرل ورکنگ کمیٹی کے اجلاس سے خطاب کرتے ہوئے شہباز شریف نے کہا کہ نواز شریف کو صدارت سے علیحدہ کر کے ظلم کیا گیا تھا، ن لی...
کرغزستان میں پھنسے اوکاڑہ، آزاد کشمیر، فورٹ عباس اور بدین کے طلبا کے پیغامات سامنے آگئے ، وہ ہاسٹل میں محصور ہیں جہاں ان پر حملے ہوئے اور انہیں مارا پیٹا گیا جبکہ ان کے پاس کھانے پینے کی اشیا بھی ختم ہوچکی ہیں۔ تفصیلات کے مطابق کرغزستان میں فسادات کے سبب پاکستانی طلبا خوف کے ما...
اسرائیلی اخبار نے کہا ہے کہ سینئر سکیورٹی حکام نے حال ہی میں حماس کے ساتھ جنگ کے خاتمے کے بعد غزہ کی پٹی میں اسرائیلی فوجی حکومت کے قیام کی لاگت کا تخمینہ لگانے کی درخواست کی تھی، جس کے اندازے کے مطابق یہ لاگت 20 ارب شیکل سالانہ تک پہنچ جائے گی۔اخبار نے ایک سرکاری رپورٹ کا حوالہ ...
حکومت نے ایک بار پھر عوام پر بجلی گرا دی ، قیمت میں مزید ایک روپے 47 پیسے اضافے کی منظوری دے دی گئی۔نیپرا ذرائع کے مطابق صارفین سے وصولی اگست، ستمبر اور اکتوبر میں ہو گی، بجلی کمپنیوں نے پیسے 24-2023 کی تیسری سہ ماہی ایڈجسمنٹ کی مد میں مانگے تھے ، کیپسٹی چارجز کی مد میں31ارب 34 ک...
وزیر اعلیٰ خیبر پختونخوا علی امین گنڈا پور نے وفاقی حکومت کو صوبے کے واجبات اور لوڈشیڈنگ کا مسئلہ حل کرنے کے لیے 15دن کا وقت دے دیا۔صوبائی اسمبلی میں خطاب کرتے ہوئے علی امین گنڈا پور نے کہا کہ آپ کا زور کشمیر میں دیکھ لیا،کشمیریوں کے سامنے ایک دن میں حکومت کی ہوا نکل گئی، خیبر پخ...
اڈیالہ جیل میں 190 ملین پائونڈ کیس کی سماعت کے دوران عمران خان کی اہلیہ بشریٰ بی بی شدید غصے میں دکھائی دیں جبکہ بانی پی ٹی آئی بھی کمرہ عدالت میں پریشان نظر آئے ۔ نجی ٹی و ی کے مطابق اڈیالہ جیل میں بانی پاکستان تحریک انصاف کے خلاف 190 ملین پائونڈ ریفرنس کی سماعت ہوئی جس سلسلے می...
پاکستان تحریک انصاف نے انتخابات میں اداروں کے کردار پر جوڈیشل کمیشن کے ذریعے تحقیقات کرانے کا مطالبہ کردیا۔ ایک انٹرویو میں قائد حزب اختلاف عمر ایوب نے کہا کہ متحدہ قومی موومنٹ، پیپلز پارٹی اور مسلم لیگ (ن)نے فارم 47 کا فائدہ اٹھایا ہے ، لہٰذا یہ اس سے پیچھے ہٹیں اور ہماری چوری ش...
پاکستان انٹر نیشنل ایئر لائن(پی آئی اے ) کی نجکاری میں اہم پیش رفت ہوئی ہے اور مختلف ایئرلائنز سمیت 8 بڑے کاروباری گروپس کی جانب سے دلچسپی ظاہر کرتے ہوئے درخواستیں جمع کرادی ہیں۔پی آئی اے کی نجکاری میں حصہ لینے کے خواہاں فلائی جناح، ائیر بلیولمیٹڈ اور عارف حبیب کارپوریشن لمیٹڈ سم...
کراچی کے علاقے لائنز ایریا میں بجلی کی طویل بندش اور لوڈشیڈنگ کے خلاف احتجاج کیا گیا تاہم کے الیکٹرک نے علاقے میں طویل لوڈشیڈنگ کی تردید کی ہے ۔تفصیلات کے مطابق شدید گرمی میں بجلی کی طویل لوڈشیڈنگ کے خلاف لائنز ایریا کے عوام سڑکوں پر نکل آئے اور لکی اسٹار سے ایف ٹی سی جانے والی س...
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
