... loading ...
... loading ...
وفاقی وزیر اطلاعات و نشریات چوہدری فواد حسین نے کہا ہے کہ وزیراعظم کی کاوشوں سے بیرون ملک کی جیلوں میں پھنسے سینکڑوں پاکستانی وطن واپس لوٹ چکے ہیں، پاکستان کے مختلف علاقوں میں ویکسی نیشن کا عمل تیزی سے جاری ہے ، گرین ایریاز میں تجاوزات کا خاتمہ کیا جائے گا، انتخابی اصلاحات کیلئے 49 تجاویز مرتب کی گئی ہیں،اپوزیشن کو ان تجاویز پر اعتراض ہے تو اپنی تجاویز پیش کریں ۔وفاقی کابینہ کے اجلاس کے بعد میڈیا کو بریفنگ دیتے ہوئے وزیر اطلاعات نے کہا کہ اسلام آباد میں 50 فیصد پشاور، راولپنڈی35 فیصد اورفیصل آباد میں 28فیصد جبکہ لاہور گوجرانوالہ ، سیالکوٹ اور سرگودھا میں 27فیصد لوگوں کی ویکسی نیشن ہوچکی ہے جبکہ کراچی حیدر آباد ویکسی نیشن میں بھی سب سے پیچھے ہیں۔ حکومت سندھ کو چاہیے کہ وہ اپنے معاملات پر نظر ڈالے اور اپنے گریبان میں جھانکے اور اپنی گورننس کو بہتر بنانے کی کوشش کرے ہر شعبے میں سندھ حکومت سب سے پیچھے ہے جو انتہائی افسوس اور بدقسمتی کی بات ہے ۔ سندھ ہمارا بہت ہی اہم صوبہ ہے اور بہت بڑی آبادی کا مسکن ہے یہ نہیں ہوسکتا کہ ہم بیٹھ کر شکلیں دیکھیں گے ۔ وفاقی حکومت کو یہ اختیار حاصل ہے کہ صوبوں کو گورننس کی طرف توجہ دلائے ۔ ہم سندھ حکومت کو گورننس بہتر بنانے کی اکثر توجہ دلاتے رہتے ہیں جس کا مقصد یہ ہے وہ سندھ کے عوام کی بہتری کیلئے اقدامات کرے ۔ کابینہ اجلاس میں بتایا گیا کہ 23 پاکستانی قیدی سعودی عرب سے واپس آئے ہیں۔ یہ وزیراعظم کی کوششوں سے اب تک سینکڑوں قیدی پاکستان واپس آچکے ہیں یہ قیدی بیرون ممالک چھوٹے جرائم میں ملوث تھے ۔ عمران خان اوورسیز پاکستانیوں کیلئے دردرکھتے ہیں۔ الیکٹرونک ووٹنگ مشین پر بریفنگ دی گئی جس میں وزیراعظم کو اس حوالے سے پیشرفت سے آگاہ کیا گیا۔الیکٹرول اصلاحات پر اپوزیشن کے ساتھ بات چیت کررہے ہیں۔ آزاد کشمیر کے الیکشن مکمل طورپر آزاد کشمیر میں ن لیگ کی حکومت کی زیر نگرانی ہوئے لیکن جب بری طرح ہار گئی تو دھاندلی کاواویلا مچانا شروع کردیا۔ہمیں ایک ایسا نظام وضع کرنا پڑے گا جس پر تمام لوگوں کا اعتماد ہو۔ ہم نے انتخابی اصلاحات کیلئے 49 تجاویز مرتب کی ہیں جو حتمی نہیں اپوزیشن کوچاہیے کہ وہ انتخابی اصلاحات سے متعلقہ حکومتی تجاویز پر بات کرے یا اپنی تجاویز لے آئے ۔ کچھ لوگ اس ایوان کا حصہ نہیں ہیں جیسے نواز شریف، فضل الرحمن اور مریم نواز ہیں وہ اس نظام کو طاقتور ہوتا دیکھنا نہیں چاہتے وہ چاہتے ہیں نظام تلپٹ ہو اور ہمیں موقع ملے ۔ پیپلزپارٹی اور ن لیگ میں ایسے لوگ بھی ہیں جو نظام کا حصہ ہیں اور نظام کو مستحکم کرنا چاہتے ہیں ہم پارلیمان کے اندر لوگوں سے بات کریں گے اور پارلیمان سے باہر جو لوگ ہیں ان سے بات نہیں کریں گے ۔ پارلیمنٹ کے اندر لیڈر شپ کو اپنی پارٹیوں کولیڈ کرنا چاہیے ایسا نہیں ہوسکتا کہ باہر بیٹھے مفرور پارٹی کوہدایات دے رہے ہوں وہ قانون سے بھاگے ہوئے ملزمان ہیں۔ چیئرمین سی ڈی اے کی جانب سے اسلام آباد کے سیکٹر ای 8 اور ای 9 میں تجاوزات کو ہٹانے کے حوالے سے کابینہ کو بریفنگ دی گئی۔ کابینہ نے اس عزم کا اعادہ کیا کہ قومی پارکس میں کسی قسم کی تجاوزات کی ہرگز اجازت نہیں دی جائے گی۔ وزیراعظم نے ایک بار پھر سخت احکامات جاری کیے ہیں کہ اسلام آباد کے گرین ایریاز کو ہر صورت حفاظت کو یقینی بنایا جائے نیول فورسز فضائیہ سے کہا گیا ہے کہ وہ اپنی بائونڈری گرین ایریاز سے پیچھے لے جائیں۔ اسلام آباد پولیس نے بہت سے علاقوں میں اپنی چیک پوسٹیں بنائی ہوئی ہیں ان کوحکم دیا گیا ہے کہ وہ اپنی چیک پوسٹیں ختم کریں۔ جہاں جہاں طاقتور لوگوں نے تجاوزات کی ہوئی ہیں ان کو ختم کرنے کا حکم دیا گیا ہے کسی قسم کے دبائو کے بغیر تجاوزات کے خلاف آپریشن جاری رہے گا۔ ہم قبضے نہیں ہونے دیں گے ۔ وزیراعظم نے علی نواز اعوان کو ذمہ داری دی ہے کہ وہ تجاوزات کی نشاندہی کریں۔کابینہ نے ایڈمنسٹریٹو محمد سلیم کو ممبر نیشنل ٹیرف کمیشن تعینات کیا گیا ہے ۔ ممنوعہ اور غیر ممنوعہ اسلحہ لائسنسز کے حوالے سے کابینہ نے ممنوعہ اسلحہ کے لائسنسز کے اجراء کا اختیار وزیر داخلہ یا سیکرٹری داخلہ جبکہ غیر ممنوعہ اسلحہ لائسنسز کے اجراء کا اختیار وزیر سیکرٹری وزیر داخلہ یا ایڈیشنل سیکرٹری ایڈمن کو دینے کی تجویز دی ہے ۔ ممنوعہ اور غیر ممنوعہ اسلحہ کے لائسنس کے معاملے کا اختیار پہلے وزیراعظم کے پاس تھا اب وزارت داخلہ کو دے دیا گیا ہے ۔ کابینہ نے امریکی حکومت کی درخواست پر فراڈ کے مقدمے میں مطلوب مجاہد پرویزکو امریکہ کے حوالے کی منظوری دی ہے ۔ مجاہد پرویز پرکرپشن اور قانون شکنی میں ملوث ہونے کے الزامات ہیں ایڈیشنل ڈپٹی کمشنر کی جانب سے تحقیقات کے نتیجہ میں یہ بات ثابت ہوئی تھی کہ مذکورہ شخص پر قانون شکنی کے الزامات بظاہر حقائق پر مبنی ہیں۔ آئین کے آرٹیکل 51 تین کے تحت قومی اسمبلی میں مختلف صوبوں کی نشستوں کی تقسیم کے معاملے پر غور کرتے ہوئے فیصلہ کیا گیا کہ چونکہ مردم شماری کے عبوری اور حتمی اعدادوشمار میں کوئی خاص فرق سامنے نہیں آیا لہذا ان نشستوں کی تقسیم میں ردوبدل کی ضرورت نہیں ۔ 24 ویں آئینی ترمیم میں طے کیا گیا تھا کہ نشستوں کی مردم شماری کی تقسیم 2017 کے عبوری اعدادوشمار کے مطابق ہوگی۔ اور بعدازاں 25 ویں آئینی ترمیم کی روح سے قبائلی علاقوں کا خیبرپختونخوا میں انضمام کیا گیا اس سے خیبر پختونخوا کی نشستوں میں 6 کا اضافہ کیا گیا تھا۔آرٹیکل 51 میں واضح تھا کہ اگر فرق ہوگا تو اس کے مطابق نشستیں تبدیل ہوں گی لیکن اب مردم شماری کے جو نئے فگرز سامنے آئے ہیں ان میں کوئی خاص فرق نہیں ہے لہذا وہ نشستیں برقرار رہیں گی جو پرانی ہیں۔ محمد جبار خان کو سی ای او پشاور الیکٹرک سپلائی کمپنی تعینات کرنے کی منظوری دی گئی ہے ۔ کابینہ نے سندھ انفراسٹرکچر ڈویلپمنٹ کمپنی لمیٹڈ کے بورڈ آف ڈائریکٹر میں تبدیلیوں کی منظوری دی ۔ محترمہ رابعہ جویری آغا اور عامر کراچی والا کو بطور انڈیپینڈنٹ ڈائریکٹر نوٹی فائی کیا گیا ہے جب چند ڈائریکٹرز کو ڈی نوٹی فائی کیا گیا ہے ۔ انہوں نے کہاکہ ملک میں بجلی کی سپلائی 24 سے 26 ہزار میگاواٹ کے درمیان ہے کابینہ کو موجودہ معاشی اعشاریوں کے حوالے سے تفصیلی بریفنگ دی گئی۔ یہ بات خوش کن ہے کہ مہنگائی کے اعدادوشمار میں کمی آرہی ہے ۔ کرنٹ اکائونٹ خسارہ پچھلے پورے سال کا 1.9 بلین ڈالر رہا ہے جو 29 بلین ڈالر سے اس سطح پر پہنچا ہے ۔ ابھی بھی کرنٹ اکائونٹ خسارہ بڑھ رہا ہے کیونکہ ہمارے ہاں پرائیویٹ سرمایہ کاری بہت بڑھ گئی ہے ۔ بینکوںکا پچھلے سال پرائیویٹ قرضہ 75 ارب روپے تھا اس سال بڑھ کر 489 ارب روپے ہوگیا ہے ۔ کورونا کے باوجود اس سال ہماری برآمدات بھی بلند ترین سطح پر رہی ہیں زرمبادلہ کے ذخائر بھی اس سال بلند ترین سطح پر رہے ہیں۔ بڑی صنعتوں کی پیداوار میں 14.6 فیصد اضافہ ہوا ہے ۔ مشینری کی درآمد میں 11 فیصد اضافہ ہوا۔61 اشیاء کی درآمد پر ڈیوٹی معاف کی گئی ہے ۔ سید آفتاب حیدر کو سی او پاکستان سنگل ویڈو تعینات کیا گیا ہے ۔ یہ تجارت کے حوالے سے ایک انتہائی اہم ادارہ ہے ۔ کابینہ نے اقتصادی رابطہ کمیٹی کے 16جولائی 2021 کے اجلاس میں کئے گئے فیصلوں کی توثیق کی ہے ۔کامیاب جوان پروگرام کی منظوری سب سے اہم ہے ۔ 315 ارب روپے کے قرضے جوانوں کسانوں اور اس طبقے کو جائیں گے جس کو پہلے کبھی قرضہ نہیں ملا۔ نوجوان صحافیوں کو بھی ان قرضوں میں شامل کریں گے ۔315 ارب کے قرضے اس سال دئیے جائیں گے ۔ اس کیلئے 4 ملین لوگوں کو ٹارگٹ کیا جارہا ہے ۔ 2 جولائی 2021 کے اکنامک کوارڈینیشن کمیٹی کے اجلاس میں کیے گئے فیصلوں کی منظوری دی گئی ہے کپاس کی فی من امدادی قیمت 5 ہزار روپے مقرر کی گئی ہے ۔ کابینہ نے وزراء اور وزراء مملکت کی تنخواہوں میں اضافے کی تجویز مسترد کردی ہے ۔ باقی تمام سول سرونٹس کی تنخواہوں میں اضافہ ہوگیا ہے ۔ وزیراعظم ہائوس کو پرائیویٹ فنکشن کیلئے اوپن کرنے کی تجویز کو فی الحال موخر کردیا گیا ہے ۔
ایران اور اسرائیل کے درمیان جاری کشیدگی کے دوران اس نوعیت کے دعوے سامنے آتے رہے ہیں، ایران کی طرف سے کوئی باضابطہ ردعمل سامنے نہیں آیا ،اس خبر کی آزاد ذرائع سے تصدیق نہیں ہو سکی علی لاریجانی کی ہلاکت ایرانی حکومت کے خاتمے کے ہمارے منصوبے کا حصہ ہے، ہم ہارڈ لائنر کو نشانہ بنا ...
بس کردیں اور بانی کاعلاج کرائیں، جب ملاقات ہو گی تو انھیں بتائیں گے کتنے لوگوں نے ان سے اظہار یکجہتی کیا،اعتزاز احسن کے شکر گزار وہ آئے اور ہمارے ساتھ بیٹھے ،جدوجہد جاری رکھیں گے اگر عید کے بعد علاج نہ کروایا اور ملاقات نہیں ہونے دی تو حالات بدلیں گے، چیف کمشنر کی بات پر کیسے ی...
امریکہ، اسرائیل طاغوت، شیعہ سنی تفریق پیدا کرنیوالے ان کے آلہ کار ہیں، امیر جماعت اسلامی جماعت اسلامی اسٹیبلشمنٹ نہیں عوامی تائید سے اقتدار چاہتی ہے، حلقہ خواتین کی تقریب سے خطاب امیر جماعت اسلامی پاکستان حافظ نعیم الرحمن نے کہا ہے کہ وزیراعظم بے اختیار، فارم سنتالیس سے آئے...
ملک کی پیٹرولیم درآمدات کی سپلائی چین بہتر بنانے کیلئے وزیر پیٹرولیم مزید متحرک ہوں شہبازشریف کی زیرصدارت اجلاس،کفایت شعاری کے اقدامات کا تفصیلی جائزہ لیا گیا وزیراعظم شہبازشریف کا کہنا ہے کہ حالات کی بہتری تک تمام متعلقہ ادارے ہنگامی اقدامات کیلئے تیار رہیں، ملک کی پیٹرولیم...
بغداد انٹرنیشنل ایئرپورٹ کے قریب وکٹوریہ بیس پر ڈرونز اور راکٹوں سے حملہ، آگ بھڑک اٹھی ،8 افراد زخمی ،عراقی مزاحمتی تنظیم کی امریکی سفارتخانے کو نشانہ بنانے کی کوشش،روسی ٹی وی کا دعویٰ امریکا اور اسرائیل کی جانب سے17 ویں روز ایران پر حملوں کا سلسلہ جاری ، اسرائیل کے وسطی علاقوں...
رقم کی وصولی کے سلسلہ میںخواتین دوکان کی چھت پرچڑھ گئیں جس سے کمزورچھت اچانک زمین بوس ہوگئی،ضلعی انتظامیہ متعدد کی حالت تشویشناک علاقہ بھرکی فضاسوگوار،وزیراعلیٰ پنجاب کانوٹس، رپورٹ طلب کرلی، لواحقین سے اظہارتعزیت بے نظیرانکم سپورٹ پروگرام کی رقم وصولی کے دوران دوکان کی چھت گر...
بروقت فیصلوں کی بدولت اس وقت ملک میں پیٹرولیم مصنوعات کی مناسب مقدار موجود ہے،شہباز شریف ملکی معیشت کے استحکام اور عوام کو ریلیف دینے کیلئے اقدامات کے حوالے سے جائزہ اجلاس میں بات چیت وزیراعظم شہباز شریف نے کہا ہے کہ حکومت پاکستان عالمی سطح پر جاری کشیدگی کے پیش نظر کسی بھی ق...
سروے میں 100فیصد موٹرسائیکل سوار دھوکا دینے میں ملوث نکلے ،ڈی آئی جی ٹریفک آئی جی سندھ کے احکامات پر عید کے بعد بڑے پیمانے پر کریک ڈاؤن کا فیصلہ کرلیا شہر قائد کے موٹرسائیکل سواروں نے ای چالان سسٹم کو بھی ہرادیا ، ڈی آئی جی ٹریفک نے انکشاف کیا سروے میں 100 فیصد موٹرسائیکل س...
اصفہان میں15 افراد شہید، کئی زخمی ہو گئے،لبنان میں حزب اللہ اور اسرائیلی فوج کے درمیان جھڑپیں جاری ،ایران معاہدہ کرنا چاہتا ہے موجودہ شرائط امریکا کیلئے قابل قبول نہیں ہیں، امریکی صدر ٹرمپ اسرائیل میںایرانی پاسداران انقلاب کے میزائل حملے سے بڑے پیمانے تباہی ، متعدد مقامات پر آگ...
کراچی اور سندھ کے خلاف منفی بات نہ کی جائے،میں سیاسی کارکن ہوں،ہم ہوں یا نہ ہوں، صوبہ اورشہر ہمیشہ قائم رہیں گے ، پروپیگنڈا نہیں کریں گے، وزیراعظم کے یوتھ پروگرام کو لایا جائے گا سوشل میڈیا ویڈیوبنا کر فنکار نہیں بنائیں، نوازشریف جیل جا سکتے ہیںملک کو نقصان نہیں پہنچاسکتے، میںغل...
اسرائیلی وزیر اعظم زندہ ہیں تو وہ ایرانی حملوں کا ہدف رہیں گے، بچوں کا قاتل قراردیتے ہوئے سخت بیان نیتن یاہو محفوظ اور ہلاکت سے متعلق خبریں بے بنیاد ہیں، اسرائیلی وزیر اعظم کے دفتر نے خبروں کو مسترد کردیا ایران کی پاسداران انقلاب نے اسرائیلی وزیر اعظم نیتن یاہو کے خلاف سخت بی...
مسلح افواج کی کارروائیوں میں 912 زخمی،دہشتگردوں کی44 پوسٹوں پر قبضہ 229 ٹینک، بکتر بند گاڑیاں اور توپیں تباہ کی گئیں، وزارت اطلاعات کا بیان آپریشن غضب لِلحق کے تحت پاکستان کی مسلح افواج کی کارروائیوں میں دہشتگردوں اور افغان طالبان کو بھاری جانی و مالی نقصان اٹھانا پڑا ہے۔ وز...
