... loading ...
... loading ...
سندھ اسمبلی میں پی ٹی آئی کے احتجاج پر اپوزیشن تقسیم ہوگئی ہے ، جی ڈی اے نے ایوان میں جمہوریت کا علامتی جنازہ لانے کی سخت الفاظ میں مذمت کرتے ہوئے کہا کہ وہ اس قسم کے غیر جمہوری کاموں میں پی ٹی آئی کا ساتھ دینے کو تیار نہیں ہے ،اسپیکر کی جانب سے پی ٹی آئی کے آٹھ ارکان پر ایوان میں داخلہ پر پابندی کے باعث اسمبلی کا ماحول کشیدہ رہا، تحریک انصاف کے ارکان اسمبلی باجماعت ڈھول تاشوں کے ساتھ سندھ اسمبلی پہنچے انہوں نے اسپیکر کے فیصلے کے خلاف ایوان کی کارروائی کا بائیکاٹ کیا اور اسمبلی کے باہر اور پھر اند ر احتجاجی دھرنا بھی دیا جبکہ فردوس شمیم نقوی نے سندھ اسمبلی کی اپنی نشست سے استعفی دینے کا بھی اعلان کردیا۔ منگل کو سندھ اسمبلی کا اجلاس انتہائی سخت سکیوریٹی اور کشیدہ ماحول میں اسپیکر آغا سراج درانی کی زیر صدارت شروع ہوا۔پی ٹی آئی کے تمام ارکان ڈھول تاشوں کے ساتھ باجماعت سندھ اسمبلی پہنچے تھے ، پابندی کا شکار ارکان نے پھولوں کے ہار پہنے ہوئے تھے ۔اسمبلی کے مرکزی دروازے پرپی ٹی آئی ارکان نے گو کرپشن گو کے نعرے لگائے ،اپوزیشن لیڈر حلیم عادل شیخ اپنی پارٹی کے ارکان کو لینے مین گیٹ پہنچے تھے جہاں سیکوریٹی کے عملے نے غیر متعلقہ افراد کو اندر داخل ہونے سے روکنے کے لئے اسمبلی بلڈنگ کا مرکزی دروازہ بند کررکھا تھا۔ایوان کی کاروائی کے دوران اسپیکر آغا سراج درانی نے گزشتہ روز پیش آنے والے واقعہ کو انتہائی شرمناک اور قابل مذمت قرار دیتے ہوئے کہا کہ سندھ اسمبلی کا مرکزی دروازہ ڈھول تاشوں کو روکنے کے لئے بند کیا گیا ہے ،کل ایوان کی بے حرمتی کی گئی ،انہوں نے کہا کہ اس قسم کی گھٹیا حرکات مناسب نہیں تھیں۔آغا سراج درانی نے کہا کہ وہ جی ڈی اے اراکین کا شکریہ ادا کرتے ہیںجنہوں نے ہمارا ساتھ دیا ۔اسپیکر نے کہا کہ اگر آج بھی یہ لوگ گند کرناچاہ رہے ہیں تو سکیورٹی اہلکار گیٹ بند کردیں ۔انہوں نے کہا کہ ڈی آئی جی کو بتائیں جو فورس باہر کھڑی ہے وہ گیٹ بند کردے ۔ آغا سراج نے اس بات پر افسوس کا اظہار کیا کہ کل اتنی بڑی چارپائی لے آئے لوگوں کو گھسٹا گیا ،سکیورٹی اہلکاروں کو گالیاں اور دہمکیاں دی گئیں،اسمبلی سکیوریٹی کو دھکے دیئے ہیں خواتین ارکان نے بھی اس عمل کا ساتھ دیا ۔اسپیکر نے کہا کہ تیس سال میں کبھی ایسی حرکات نہیں دیکھی ہیں ۔انہوں نے خبردار کیا کہ اسمبلی کی بے حرمتی میں کبھی بھی برداشت نہیں کروں گا ۔آغا سراج د رانی نے کہا کہ پی ٹی آئی اراکین نے گیٹ توڑنے کی کوشش جو شرمناک عمل ہے ۔اس موقع پر جی ڈی اے کے رکن اسمبلی نند کمار گوکلانی نے کہا کہ جنہوں نے کل یہ حرکت کی وہ بہت بچکانہ اور غیر جمہوری عمل ہے ۔ان لوگوںنے کل اپنا جنازہ نکالا ہے ،انہوں نے اسمبلی کو ڈی گریڈ کیا ہے ،ہم ان کے ساتھ شامل نہیں ہیں۔نند کمار نے کہا کہ ان لوگوں کو دوبارہ اسمبلی میں نہیںآنا ہے جبکہ ہم خاندانی ہیں،اسمبلی کا اپنا ایک تقدس ہوتا ہے ۔ہم اس کی مذمت کرتے ہیں۔ تحریک لبیک کے مفی قام فخری نے کہا کہ گزشتہ روز کا واقعہ نہیں ہونا چاہیئے تھا ۔انہوں نے کہا کہ 2018 میں جو کچھ ہوا ہوا اب اس کے اثرات نمودار ہو رہے ہیں تاہم سندھ اسمبلی کے دروازے بند کرنا غیر آئینی عمل ہے ۔ایم ایم کے رکن سید عبدالریشد نے بھی کل کے واقعات کو افسوس ناک قرار دیا اور کہا کہ اس وقت پولیس کا طرز عمل جیالوں جیسا ہے ۔سندھ اسمبلی کا مرکزی دروازہ بند ہونے کے باعث سید عبدالرشید اورپی ٹی آئی رکن عدیل احمد سندھ اسمبلی کے گیٹ پر چڑھے اور اسے پھلانگ کے اندر آئے تھے ۔ کارروائی کے دوران ایوان میں موجود پی ٹی آئی کے واحد رکن فردوس شمیم نقوی کچھ کہنا چاہتے تھے تاہم اسپیکرنے انہیںبات کرنے سے روک دیا اور کہا کہ یہ کوئی طریقہ نہیں ہے ۔آپ لوگوں نے جوطریقہ اختیارکیا وہ ناقابل برداشت ہے ۔اس موقع پر فردوس شمیم نقوی نے سندھ اسمبلی کی اپنی نشست سے استعفی دینے کا بھی اعلان کردیا۔ان کا کہنا تھا کہ مجھے اس ایوان میں اپنا کردار ادا کرنے نہیں دیا جارہاہے ۔ وزیر پارلیمانی امور مکیش کمار چالہ نے اسپیکر کو بتایا کہ باہر گیٹ پر اسمبلی ملازمین کو گالیاں دی جارہی ہیں اورپی ٹی آئی ارکان نے سندھ اسمبلی مرکزی گیٹ پر دھرنا دے رکھا ہے ۔کارروائی کے دوران ٹی ایل پی کے مفتی قاسم فخری نے کہا کہ وہ اسمبلی رولز 2013 میں ترمیم کے لئے ایک نجی بل پیش کرنا چاہتے ہیں جس کے تحت جب اذان کا وقت ہوتو نماز کے لئے 15 منٹ کا وقفہ دیا جائے ۔مکیش کمار چاولہ نے اسپیکر سے کہا کہ مجوزہ ترمیم کو ایوان کی متعلقہ کمیٹی کو بھیج دیا جائے ۔ایوان میںمحکمہ فشریز اینڈ لائیو اسٹاک سے متعلق وقفہ سوالات بھی ارکان کی عدم دلچسپی کے باعث کچھ ہی دیر میں نمٹ گیا۔ سندھ اسمبلی کے اجلاس میںوزیراعلی کے مشیرجیل اعجازجکھرانی کے گھرپرنیب چھاپے پررکن سندھ اسمبلی میرممتازجکھرانی نے اپنے ایک نکتہ اعتراض پر کہا کہ نیب نے کل چادرچودیواری کی خلاف ورزی کی ہے ۔ہمارے سیاسی مخالف وفاقی وزیر محمدمیاں سومرواوران کی والدہ ملیحہ کے کہنے پریہ سب کچھ کیاگیا۔انہوں نے کہا کہ جیکب آباد قبائلی علاقہ ہے حالات خراب ہو سکتے تھے لیکن ہم نے صبرکیاپہلے بھی حالات اورانتقامی کارروائیوں کامقابلہ کیاہے اب بھی کریں گے ۔پیپلز پارٹی کے رکن اسمبلی ذوالفقار شاہ نے اپنے ایک نکتہ اعتراض پر اظہار خیال کرتے ہوئے کہا کہ ایک جھوٹی خبر مجھ سے منسوب کی گئی کہ میری شادی ہوگئی ہے ۔ جس پر اسپیکر نے ازراہ مذاق کہا کہ آپ پہلی والی سے اجازت لے لیں۔ ذوالفقار شاہ کا کہنا تھا کہ علی رند نے پورے سندھ میں مجھے بدنام کیا۔ میں ان کے خلاف ایف آئی آر سائبر کرائم میں دوں گا۔ایوان کی کارروائی کے دوران اپوزیشن لیڈر حلیم عادل شیخ نے کہا کہ لگتا پیپلز پارٹی کا پودا اسکندر مرزا نے لگایا تھا، ایوب خان نے اس گملے کو پانی دیا اور اب یہ طے ہوگیا ہے کہ یہ ڈکٹیٹرز کی اولاد ہیں۔اب کسی میثاق جمہوریت پر عمل نہیں ہورہا بلکہ جمہوریت پر چھری چلانے کی کوشش کی جارہی ہے ۔ بعدازاں اسپیکر نے سندھ اسمبلی کا اجلاس جمعہ کی دوپہر دو بجے تک ملتوی کردیا۔
قطری حکام نے نئی امریکی فوجی کارروائی روکنے کیلئے سفارتی کوششیں شروع کر دیں، رپورٹ اسرائیلی وزیرِاعظم نیتن یاہو ایران کے خلاف امریکا کی جانب سے دوبارہ حملے شروع کرنے پر مسلسل زور دے رہے ہیں، جبکہ امریکی صدر ڈونلڈ ٹرمپ کے مشیر اس معاملے پر تقسیم ہو گئے ہیں کہ آیا جنگ ختم کی جائ...
شاہی خاندان میں صلح کروانے کے حوالے سے شہرت رکھنے والی کیٹ مڈلٹن نے ہیری سے مطالبہ کردیا برطانوی شاہی خاندان کے منحرف رکن شہزادہ ہیری اپنے ناراض بھائی شہزادہ ولیم سے تعلقات بہتر بنانے کے لیے پرعزم ہیں اور اس مقصد کے لیے انہوں نے اپنی بھابھی کیٹ مڈلٹن سے مدد لینے کا فیصلہ کیا ہ...
ایران کو جوہری ہتھیار بنانے سے نہ روکا ہوتا تو آج اسرائیل ،مشرق وسطی موجود نہ ہوتے، امریکی صدر امریکی صدر ڈونلڈ ٹرمپ نے مڈ ٹرم الیکشن کے حوالے سے دعوی کیا ہے کہ صرف ایک الیکشن کی وجہ سے امریکہ کو 3 ٹریلین ڈالر کا نقصان ہو چکا ہے۔ امریکی صدر ڈونلڈ ٹرمپ کا کینیڈی سپیس سینٹر میں ...
عبداللہ فضل کی جگہ طیب عارف، علی عثمان کی جگہ عامر جمال کی شمولیت کا امکان پاکستان ٹیسٹ ٹیم مینجمنٹ وسلیکشن کمیٹی نے اسکواڈ سے 2 کھلاڑیوں کو ریلیز کردیا۔ ذرائع کے مطابق عبداللہ فضل اورعلی عثمان کو اسکواڈ جوائن کرنے سے قبل ہی ریلیز کردیا گیا، عبداللہ فضل کی جگہ طیب عارف، علی عث...
آسٹریلوی ٹیم کے تمام کھلاڑی بال ٹیمپرنگ منصوبے سے آگاہ تھے، صرف تین کرکٹرز کو سزا ہوگئی، سابق کرکٹر کا دعویٰ 8 برسوں میں بہت کچھ کہا بہت افواہیں سامنے آئیں، ہم اپنی انٹیگریٹی تحقیقات کے نتائج سے مطمئن ہیں،کرکٹ آسٹریلیا سابق آسٹریلوی کرکٹر عثمان خواجہ کے انکشافات نے بال ٹیمپ...
ہوم سیریز نوجوان کھلاڑیوں کے لیے بہترین موقع ہے، اپنی پرفارمنس میں بہتری سے مطمئن ہوں، میڈیا سے گفتگو پاکستان ٹیسٹ ٹیم کے نائب کپتان سعود شکیل نے کہا ہے کہ ٹیسٹ میچز میں پرفارمنس میں تسلسل نہیں سینئرز کی بھی ذمے داری ہے۔اسلام آباد میں میڈیا سے گفتگو میں سعود شکیل نے کہا کہ پاک...
وفاقی اردو یونیورسٹی کے شیخ الجامعہ ڈاکٹر ضابطہ خان شنواری کا مؤقف درست تسلیم حکومت، وزارت تعلیم اور ایچ ای سی کو فریق بنانے کی ہدایت ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سندھ ہائی کورٹ نے وفاقی اردو یونیورسٹی برائے فنون، سائنس و ٹیکنالوجی کے شیخ الجامعہ پروفیسر ڈاکٹر...
میزائل حملے کی کوشش کو مسلمانوں کے لیے کھلی اشتعال انگیزی اور شہریوں کی جانوں سے خطرناک کھیل ہے،قطر قطر، کویت، بحرین اور اردن نے یمن کے حوثی گروپ کی جانب سے سعودی عرب کے مدینہ منورہ کے علاقے کو بیلسٹک میزائل سے نشانہ بنانے کی مبینہ کوشش کی شدید مذمت کرتے ہوئے سعودی عرب کے ساتھ...
چین 22 ارب 40 کروڑ ڈالر کے ساتھ سب سے بڑا قرض خواہ، عالمی بینک اور ایشیائی ترقیاتی بینک بھی بڑے قرض دہندگان میں شامل گزشتہ 10 سال کے دوران پاکستان کا بیرونی قرض تقریباً دگنا ہوکر 135 ارب 10 کروڑ ڈالر تک پہنچ گیا ہے، جبکہ چین پاکستان کا سب سے بڑا انفرادی قرض خواہ ہے۔ عالمی بینک...
وکلا کی درخواست پر سماعت، بجلی کی بندش سے عدالتی امور متاثر ہونے کا مؤقف کے الیکٹرک نے فیڈر تبدیل کرنے اور لوڈشیڈنگ ختم کرنے کی یقین دہانی کرادی سندھ ہائیکورٹ کے آئینی بینچ نے اسد چیمبرز میں غیر اعلانیہ لوڈشیڈنگ کے خلاف وکلا کی درخواست پر کے الیکٹرک سے تحریری رپورٹ طلب کرلی...
ٹیلی کام آپریٹرز کے پاس ایک کروڑ 60لاکھ ری سائیکل نمبرز موجود ،پی ٹی اے نے ایک کروڑ نمبرز کی تفصیلات میٹا کو بھجوائی تھیں میٹا نے پاکستان ٹیلی کمیونیکیشن اتھارٹی کی درخواست پر ایک لاکھ 76ہزار اکائونٹس بند کر دئیے۔ حکام کے مطابق غیر فعال نمبرز پر واٹس ایپ اکائونٹس سائبر فراڈ کا...
خواتین کے جائیداد حقوق سے متعلق محتسب اور پشاور ہائی کورٹ کے فیصلے کالعدم قرار سپریم کورٹ آف پاکستان نے وفاقی محتسب کے اختیارات سے متعلق اہم فیصلہ جاری کرتے ہوئے قرار دیا ہے کہ محتسب کو پیچیدہ جائیداد تنازعات اور متنازعہ ملکیتی حقوق کا حتمی فیصلہ کرنے کا اختیار حاصل نہیں، ایسے...
