... loading ...
رپورٹ: شہزاد علی شاہ: عام انتخابات کے بعد صوبہ سندھ میں بننے والی پاکستان پیپلزپارٹی کی نئی حکومت نے اعلیٰ بیوروکریسی میں تقرریوں اور تبادلوں کے حوالے سے اپنی سابقہ روش کو برقرار رکھتے ہوئے ایک مرتبہ پھر اپنی پسند ناپسند کو ترجیح دینا اور اعلیٰ بیوروکریسی کو مکمل اپنے کنٹرول میں رکھنے کے لیے من مانے اقدامات کرنا شروع کر دیے ہیں ، انتہائی اہم ذرائع کا کہنا ہے کہ وزیر اعلیٰ سندھ کی قربت میں رہنے والے چند پی ایس ایس افسران ایسے بھی ہیں جنہوں نے اپنی ذاتی رنجشوں اور پیشہ ورانہ رقابت کے تحت اہم عہدوں پر اپنے من پسند افسران کو تعینات کرانے کے لیے وزیر اعلیٰ سندھ سے خوشامدانہ تعلقات استوار کر رکھے ہیں ، اس سلسلے میں اہم ذرائع نے دعوی کیا ہے کہ گزشتہ روز سیکرٹری سروسز کے عہدے سے سبکدوش ہونے والے نوید احمد شیخ کو محض اس بناء پر اپنے عہدے سے ہاتھ دھونا پڑے تھے کہ ا نہوں نے اندرون سندھ سے تعلق رکھنے والے ایک طاقتور ایم پی اے کی سفارش پر سندھ کے ایک اہم ضلع میں منظور نظر افسر کو ڈپٹی کمشنر تعینات نہیں کیا تھا جس پر راتوں رات انہیں ان کے عہدے سے ہٹا دیا گیا
تھا ، ذرائع نے دعویٰ کیا ہے کہ حکومت سندھ کے اسی نازیبا رویے سے متنفر ہو کر ڈی ایم جی افسران کی خاصی تعداد مرکزی حکومت میں رپورٹ کرنے کے لیے پر تول رہی ہے ، بیوروکریسی کے ذرائع نے اس بات پر اپنی حیرت کا اظہار کیا کہ اسٹیبلشمنٹ ڈویژن کے گزشتہ ماہ کے احکامات کے مطابق اقبال حسین درانی ، سید خالد حیدر شاہ ، سہیل راجپوت ، سید آصف حیدر شاہ اور اقبال میمن کو مرکزی حکومت رپورٹ کرنا تھی تاہم ان افسران میں سے اقبال حسین درانی ، سہیل راجپوت ، سید آصف حیدر شاہ اور اقبال میمن نے مرکزی حکومت رپورٹ کی ہے جبکہ خالد حیدر شاہ ہنوز بطور سیکرٹری بلدیات کے سندھ حکومت میں ہی اپنی خدمات انجام دے رہے ہیں ، ان ذرائع کا کہنا ہے کہ ڈی ایم جی افسران کی رائے کو اب کم اہمیت دی جاتی ہے جس کی وجہ سے ان افسران میں شدید اضطراب اور بد دلی پائی جاتی ہے ۔ ذرائع کا کہنا ہے کہ اگر سندھ حکومت کا ایسا ہی جانبدارانہ رویہ رہا تو سندھ کی اعلیٰ بیوروکریسی میں بحران کی کیفیت پیدا ہو سکتی ہے اور کثیر تعداد میں ڈی ایم جی افسران کے مرکزی حکومت رپورٹ کر جانے پر حکومت سندھ کا کاروبار ٹھپ ہو سکتا ہے ، ذرائع کے مطابق چیف سیکرٹری سندھ ممتاز علی شاہ کا تعلق بھی ڈی ایم جی گروپ سے ہے اور انہیں اس بات کا شدت کے ساتھ احساس بھی ہے کہ وہ اپنے بیچ میٹس کو تحفظ فراہم کرنے میں بری طرح سے ناکام رہے ہیں اور وہ بذات خود اس بات کا بھی ادراک رکھتے ہیں کہ اگر سندھ حکومت کا رویہ ایسے ہی رہا تو ڈی ایم جی افسران کی بڑی تعداد مرکزی حکومت کی جانب رخت سفر نہ باندھ لے اور یہ ہی وجہ ہے کہ چیف سیکرٹری سندھ ممتاز علی شاہ مذکورہ صورتحال میں خاصے متفکر دکھائی دیتے ہیں ، دریں اثناء سروسز معاملات کے قانونی ماہرین نے روزنامہ جرأت کو بتایا کہ پوسٹنگ کی مدت کے حوالے سے 1986ء کے قانون کے سیکشن 35 کے مطابق کسی بھی افسر کی کسی بھی عہدے پر تعیناتی کی مدت کم از کم 3 سال ہونا چاہئے لیکن بدقسمتی سے سابق چیف سیکرٹری سندھ رضوان میمن نے پیپلز پارٹی کی اعلیٰ قیادت کی خواہشات کو مد نظر رکھتے ہوئے مذکورہ بالا شق ختم کر دی تھی ، قانونی ماہرین کا یہ بھی کہنا ہے کہ عدالتی احکامات کے مطابق بھی کسی بھی افسر کو کم از کم ایک سال تک اس کے عہدے سے نہیں ہٹایا جا سکتا۔
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...
حکومت نے رات گئے پیٹرولیم مصنوعات کی نئی قیمتوں کا اعلان کردیا۔ وزیراعظم نے پیٹرولیم مصنوعات کی قیمتوں میں کمی منظوری دے دی۔ وزارت خزانہ کے نوٹیفکیشن کے مطابق پیٹرول کی قیمت میں 5 روپے 45پیسے کمی کے بعد نئی قیمت 288روپے 49پیسے فی لیٹر مقرر کی گئی ہے ۔ہائی اسپیڈ ڈیزل کی قیمت 8 روپ...
مسلم لیگ (ن) پنجاب کے صدر اور سابق وزیر داخلہ رانا ثناء اللہ کو وزیراعظم شہباز شریف کا مشیر برائے سیاسی و عوامی امور تعینات کر دیا گیا۔ن لیگی قیادت نے الیکشن 2024ء میں اپنی نشست پر کامیاب نہ ہونے والے رانا ثناء کو شہباز شریف کی ٹیم کا حصہ بنانے کا فیصلہ کیا ہے ۔ذرائع کے مطابق وزی...
پبلک اکاؤنٹس کمیٹی کیلئے شیر افضل مروت کا نام فائنل کر لیا گیا ہے ۔ اڈیالہ جیل کے باہر گفتگو کے دوران بیرسٹر گوہر نے کہا کہ شیر افضل مروت کا نام فائنل ہونے پر تمام تنازعات ختم ہو چکے ہیں۔واضح رہے کہ گزشتہ کچھ دنوں سے پبلک اکائونٹس کمیٹی کے لیے شیر افضل مروت کے نام پر تحریک انصاف...
گزشتہ سال نومبر میں تیزاب پھینکنے کے الزام کے حوالے سے سابق وفاقی حکومت کے مشیر شہزاد اکبر نے حکومت پاکستان کے خلاف مقدمہ دائر کرنے کی تیاری کر لی۔شہزاد اکبر نے قانونی کارروائی کی کاپی لندن میں پاکستان ہائی کمیشن کو بھجوا دی۔شہزاد اکبر نے دعویٰ کیا کہ تیزاب حملے کے پیچھے حکومت پا...
جمعیت علمائے اسلام کے سربراہ مولانا فضل الرحمان نے انتخابات میں مبینہ دھاندلی کے خلاف ملین مارچ کا اعلان کرتے ہوئے کہا ہے کہ ہمیں روکنے کی کوشش کرنے والا خود مصیبت کو دعوت دے گا۔تفصیلات کے مطابق قومی اسمبلی کا اجلاس اسپیکر کے زیر صدارت شروع ہوا جس میں پی ٹی آئی کے اپوزیشن لیڈر ا...
چیئرمین پی ٹی آئی بیرسٹر گوہر علی خان نے کہا ہے کہ پبلک اکاؤنٹس کمیٹی کے چیئرمین کے لیے حتمی نام کل تک فائنل کرلیں گے ، بانی پی ٹی آئی نے مذاکرات کے لیے کچھ لوگوں کا نام لیا ہے لیکن فی الوقت کوئی مذاکرات نہیں ہو رہے ۔اڈیالہ جیل کے باہر شیر افضل مروت کے ہمراہ میڈیا سے گفتگو میں بی...
ملک بھر میں انسدادِ پولیو مہم کا آغاز ہو گیا جس کے دوران 2کروڑ 40لاکھ سے زائد بچوں کو انسدادِ پولیو قطرے پلائے جائیں گے ۔ کوآرڈینیٹر نیشنل ہیلتھ سروسز ڈاکٹر ملک مختار احمد نے شہریوں سے اپیل کی ہے کہ وہ اپنے 5سال سے کم عمر کے بچوں کو پولیو سے بچاؤ کے قطرے لازمی پلوائیں۔انہوں نے ک...
اسرائیلی جارحیت کا نشانہ بننے والے غزہ کے فلسطینیوں سے اظہار یکجہتی کے لئے امریکی یونیورسٹیوں میں جاری احتجاج میں تیزی سے شدت آرہی ہے ۔امریکی خبر رساں ادارے کی رپورٹ کے مطابق 18 اپریل سے شروع ہونے والے ان احتجاجی مظاہروں میں شرکت پر گرفتار کئے جانے والے طلبہ کی تعداد 900 تک پہنچ ...
عالمی مالیاتی فنڈ کے ایگزیکٹو بورڈ نے اسٹینڈ بائی ارینجمنٹ کے تحت پاکستان کے لیے ایک ارب 10 کروڑ ڈالر کی آخری قسط جاری کرنے کی منظوری دے دی۔20 اپریل کو آئی ایم ایف نے اجلاس کا شیڈول جاری کردیا گیا تھا جس میں کہا گیا تھا کہ 29 اپریل کو نائجریا کے قرض پروگرام کا جائزہ لیا جائے گا، ...
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...