... loading ...
... loading ...
مسلم لیگ نون نے ایک مرتبہ پھر پیپلزپارٹی سے رابطے بڑھانے کا فیصلہ کرلیا ہے۔ بظاہر یہ رابطے تحریک انصاف کی حکومت کو مشکلات سے دوچار کرنے کے نام پر کیے جارہے ہیں۔ مگر انتہائی معتبر ذرائع کے مطابق اس کا مقصد دونوں جماعتوں کا اپنی اپنی بقا کی جنگ لڑنے کا فیصلہ ہے۔ اس ضمن میں دونوں جماعتیں ایک دوسرے کی مجبوریوں کا لحاظ کرتے ہوئے آگے بڑھنے اور خاموش اقدامات پر رضامند دکھائی دیتی ہیں۔ باخبر ذرائع کے مطابق پیپلزپارٹی نے مسلم لیگ نون پر واضح کردیا ہے کہ وہ کسی بھی صورت میں اسٹیبلشمنٹ یا عدلیہ مخالف بیانئے کی جنگ میں خو دکو نہیں جھونکنا چاہتی۔ جس کا سبب پارٹی قیادت کے خلاف مختلف مقدمات کی تحقیقات ہیں۔ واضح رہے کہ مسلم لیگ نون کا یہ اقدام ایک ایسے وقت میں سامنے آیا ہے جب مسلم لیگ نون کے تاحیات قائد نوازشریف کی اہلیہ کلثوم نواز کی وفات کے بعد آصف زرداری اپنے صاحبزادے کے ساتھ اُن سے تعزیت کے لیے جاتی امراء تشریف لے گئے تھے۔ مسلم لیگ نون کے ایک انتہائی اہم ذریعے نے اس نمائندے سے بات کرتے ہوئے نام کی رازداری کی شرط پر بتایا کہ یہ ملاقات ایک قدرتی موقع تھا جس میں جانبین نے ایک دوسرے کی غلط فہمیوں کودور کرتے ہوئے ایک دوسرے کی مجبوریوں پر کھل کر بات بھی کی تھی۔پیپلزپارٹی کے شریک چیئرمین آصف علی زرداری اس سے قبل نوازشریف پر زندگی بھر بھروسا نہ کرنے کا سیاسی بیان دے چکے تھے۔ مگر کلثوم نواز کی وفات پر تعزیت ایک ایسا موقع تھا جس میں دونوں کھل کربات کرسکتے تھے۔ انتہائی معتبر ذرائع کے مطابق نوازشریف نے اس موقع پر اپنی وزارتِ عظمیٰ کے دوران میں آصف علی زرداری کو ہونے والی شکایتوں کی وضاحت کی۔ اور اسٹیبلشمنٹ کے پیپلزپارٹی کے خلاف دباؤ کے متعلق آگاہ کیا۔ ذرائع کے مطابق آصف علی زرداری اس موقع پر نہایت کنفیوژن کا شکار ہے۔ وہ نوازشریف کے ساتھ کسی بھی طرح کی قربت کا مطلب خود کو مقدمات کے نرغے میں دینا اور اپنے خلاف مختلف بدعنوانیوں کی تحقیقات میں خود کو اسٹیبلشمنٹ کے سامنے ایک لقمہ تر کے طور پر پیش کرنا سمجھتے ہیں۔ دوسری طرف اُنہیں یہ بھی یقین نہیں کہ اگر وہ نوازشریف سے دور رہیں تو مستقبل میں اُن کے ساتھ کوئی رعایت برتے جائے گی۔ یوں وہ اپنے ہر آپشن میں خود کو مصیبت میں محسوس کرتے ہیں۔ اس لیے وہ کسی بھی سیاسی راستے کو بند یا سسٹم کو دباؤ میں رکھنے والے کسی بھی ہتھیار کو ضائع نہیں کرنا چاہتے۔ چنانچہ ایک محفوظ راستے کے طور پر آصف علی زرداری یہ سمجھتے ہیں کہ مسلم لیگ نون اسٹیبلشمنٹ کے بجائے تحریک انصاف کی حکومت کو ہدف بنائے۔ باخبر ذرائع کے مطابق پیپلزپارٹی کی اس مجبوری کو مسلم لیگ نون کی اعلیٰ قیادت نے محسوس کرلیا ہے۔ اور وہ خود بھی مقدمات کے دباؤ میں کسی انقلابی راستے کے بجائے سیاسی چہرے والی جدوجہد کے ذریعے سسٹم کو مشکل میں ڈال کر اپنے لیے راستے نکالنا چاہتی ہے۔ اسی پس منظر میں دونوں جماعتوں کے قائدین نے اپنی خصوصی ملاقات میں رابطوں پر اتفاق کرلیا تھا۔ جس کی طرف پیش قدمی کرتے ہوئے مسلم لیگ نون نے راجہ ظفر الحق کی قیادت میں ایک وفد پیپلز پارٹی کے سیکرٹری جنرل نیر بخاری سے اہم ملاقات کے لیے بھیجا، باخبر ذرائع کے مطابق اس ملاقات میں راجہ ظفرالحق نے نوازشریف کا ایک اہم پیغام پہنچایا۔ اگر چہ اس ملاقات میں پارلیمنٹ میں ایک فعال کردار اور ضمنی انتخابات کے حوالے سے دونوں جماعتوں کے مشترکہ کردار پر بات بھی کی گئی ہے۔ مگر اہمیت اُس پیغام کی ہے جو نوازشریف کی جانب سے آصف علی زرداری کو پہنچایا گیا ہے۔ ذرائع کے مطابق پیپلزپارٹی کے ساتھ سیاسی کردار کی فعالیت کے حوالے سے نوازشریف اپنے بھائی شہباز شریف کو زیادہ سے زیادہ متحرک کرنے کا فیصلہ کرچکے ہیں۔ اس ضمن میں آج شہبازشریف اسلام آباد پہنچ کر ان رابطوں کو مزید تقویت دیں گے۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
