... loading ...
پاکستان اور ہندوستان کی تاریخ میں یہ پہلی مرتبہ ہے کہ دونوں ملکوں کے خفیہ اداروں کی سربراہی کے منصب پر متمکن رہنے والی دو شخصیات نے مل کر ایک کتاب لکھی ہے جس میں دونوں ملکوں کے درمیان اچھے تعلقات کے لیے بعض بڑی مثبت تجاویز بھی پیش کی گئی ہیں۔ ’’را‘‘ کے سابق سربراہ اے ایس دولت اور آئی ایس آئی کے سابق سربراہ لیفٹیننٹ جنرل (ر) اسد درانی اس کے مصنف ہیں۔ مصنفین کی تجاویز اور خیالات اپنے اپنے ہیں اور یہ ضروری نہیں ہے کہ کتاب کے قارئین اس کتاب میں دی گئی تجاویز کو مثبت نقطہ نظر سے ہی دیکھیں، وہ اپنے اپنے مائنڈ سیٹ کے حساب سے کتاب کو پڑھیں گے، چونکہ اس کتاب میں بعض ایسے واقعات بھی بیان ہوئے ہیں، جن تک رسائی عام آدمی کے بس میں نہیں ہوتی۔ ایسے واقعات کا علم اعلیٰ عہدوں پر رہنے والے لوگوں کو ہی ہوسکتا ہے، اس لیے اس کتاب میں آپ کو ایسے بہت سے واقعات کا تذکرہ ملے گا، جنہیں پڑھ کر آپ چونک بھی سکتے ہیں۔ مثال کے طور پر ’’را‘‘ کے سابق چیف نے تجویز کیا ہے کہ بھارت کو پاکستان کے چیف آف آرمی سٹاف جنرل قمر جاوید باجوہ کو اپنے ملک کے دورے کی دعوت دینی چاہئے۔ ویسے تو مختلف ملکوں کے آرمی چیف دوسرے ملکوں کے دورے کرتے رہتے ہیں اور ایسے دوروں کی خبروں سے کوئی زیادہ چونکتا بھی نہیں ہے، لیکن بھارتی لیڈر شپ کو اس کے سابق ’’را‘‘ چیف کا یہ مشورہ کہ اگر مذاکرات کے رکے ہوئے سلسلے کو آگے بڑھانا ہے تو پاکستان کے آرمی چیف کو دور? بھارت کی دعوت دی جائے، اپنے اندر بڑی معنویت رکھتا ہے۔ ’’را‘‘ چیف کا خیال ہوگا کہ پاکستان کی سویلین لیڈر شپ اس ضمن میں پہل کاری نہیں کرسکتی، حالانکہ یہ سلسلہ اگر رکا ہوا ہے تو اس کی وجہ پاکستان نہیں خود بھارت ہے، کیونکہ پٹھان کوٹ ایئر پورٹ حملے کے وقت سے مذاکرات کا سلسلہ تعطل کا شکار چلا آرہا ہے۔ اس واقعہ سے قبل مذاکرات طے شدہ تھے اور اس وقت خارجہ امور کے متعلق وزیراعظم کے مشیر سرتاج عزیز بھارت جانے کی تیاری کر رہے تھے کہ پٹھان کوٹ واقعہ رونما ہوگیا تو بھارت نے سرتاج عزیز کا استقبال کرنے سے انکار کر دیا اور یوں یہ سلسلہ معطل ہوکر رہ گیا، حالانکہ بعد میں پٹھان کوٹ حملے کی جو تحقیقات ہوئیں، ان میں اس واقعے سے پاکستان کا کوئی تعلق ثابت نہیں ہوا۔ تحقیقات میں پاکستان نے پورا پورا تعاون کیا اور بالآخر ثابت بھی ہوگیا کہ اس واقعے میں بھارت کے مقامی گروپ ہی ملوث تھے، لیکن بدقسمتی سے مذاکرات کا معطل سلسلہ شروع نہ ہوسکا۔ ممکن ہے ’’را‘‘ چیف کا خیال ہو کہ اگر بھارت جنرل قمر جاوید باجوہ کو دورے کی دعوت دے اور وہ اس دعوت کو قبول کرکے دورے پر آجائیں تو مذاکرات پر جمی ہوئی برف پگھل جائے۔
کتاب کے مصنفین جن بڑے عہدوں سے ریٹائر ہوئے ہیں، ان سے توقع کی جاسکتی تھی کہ وہ تعلقات کی بہتری کے ضمن میں کوئی ایسی تجاویز بھی سامنے لائیں گے جو اس سے پہلے آزمائی نہ جاچکی ہوں اور آزمائش کے بعد ناکام ثابت نہ ہو چکی ہوں لیکن مایوسی ہوتی ہے کہ تعلقات کی بہتری کے لیے پرانی گھسی پٹی تجاویز ہی سامنے لائی گئی ہیں جو بار بار آزمائی بھی جاچکی ہیں اور ان کا کوئی نتیجہ نہیں نکلا۔ یہ بہت پرانا رومانس ہے کہ اگر دونوں ملکوں کے لوگ آپس میں ملیں گے، رابطے بڑھیں گے، آمدورفت میں اضافہ ہوگا تو وقت کے ساتھ ساتھ رنجشیں کم ہوں گی۔ اس طریق کار کو ’’عوام کا عوام سے رابطہ‘‘ کا نام دیا جاتا ہے۔ اس کتاب میں بھی کہا گیا ہے کہ عوام کا عوام سے رابطہ ایک ایسے درخت کے پھل کے مماثل ہے جس کی ٹہنیاں زمین کی طرف اس انداز میں جھکی ہوئی ہوں کہ اسے آسانی سے ہاتھ بڑھا کر توڑا جاسکے۔ یہ تجویز بھی پیش کی گئی ہے کہ آمدورفت کے لیے ویزوں میں آسانیاں پیدا کی جائیں اور کرکٹ کا کھیل بحال کیا جائے۔
کہنے کو تو کہہ دیا جاتا ہے کہ عوام کا عوام سے رابطہ بڑا آسان کام ہے اور اس سے نتائج بھی نکلیں گے، لیکن ہمیں ذاتی طور پر تجربہ ہے کہ یہ کام آسان نہیں ہے، کیونکہ کئی بار یہ تجربہ کرکے دیکھا گیا اور ہر بار ناکام رہا۔ چند برس قبل عوام کے عوام سے رابطے کی ذیل میں بہت سے وفود بھارت جاتے اور پاکستان آتے تھے، لیکن دیکھا یہی گیا ہے کہ ان وفود کو بھی شکوک و شبہات کی نظر سے دیکھا جاتا ہے۔ اگر آپ بھارت گئے ہوئے ہیں اور وہاں جگہ جگہ کھلے ہوئے پی سی او سے پاکستان کال کرنا چاہتے ہیں تو کوئی مالک آپ کو یہ سہولت فراہم نہیں کرے گا اور ہاتھ جوڑ کر کہے گا ’’مہاراج! آپ تو فون کرکے چلے جائیں گے، لیکن ہمارا پی سی او بند ہو جائے گا‘‘ اسی طرح کوئی ہوٹل آپ کو پوری سفری دستاویزات کے باوجود رہائش کے لیے کمرہ نہیں دے گا، حتیٰ کہ منی چینجر کو اگر پتہ چلے گا کہ آپ پاکستان سے آئے ہوئے ہیں تو رقم کے تبادلے سے بھی ہچکچائے گا۔ اگر آپ کسی وفد میں ہیں اور کسی ہوسٹل وغیرہ میں ٹھہرے ہوئے ہیں تو اس کے اندر اور باہر خفیہ والے تعینات ہوں گے۔ اب آپ تصور کریں کہ اگر آپ ویزہ ہونے کے باوجود کسی شہر میں آزادی سے حرکت نہیں کرسکتے تو لوگوں سے رابطہ کس طرح ہوگا؟ ویزوں کی مشکلات تو اپنی جگہ ہیں، لیکن ویزے اتنی تھوڑی تعداد میں جاری ہوتے ہیں کہ لاہور اور دلی کے درمیان چلنے والی بس سروس بھی ناکام ہے اور بسیں عموماً خالی چلتی ہیں۔ لطف کی بات یہ ہے کہ کتاب کے شریک مصنف اسد درانی کو دہلی میں کتاب کی تقریب رونمائی میں شرکت کے لیے بھی ویزا نہیں ملا، ہما شما کس کھاتے میں ہیں۔ جہاں تک کرکٹ کا تعلق ہے، اس معاملے میں بھارت کسی تیسرے ملک میں بھی پاکستان کے ساتھ براہ راست کھیلنے کے لیے تیار نہیں ہوتا، اور کئی سال سے دونوں ملکوں کے درمیان کرکٹ نہیں کھیلی گئی۔ ایسے میں لوگوں سے روابط کا تصور کتنا مثبت ہوسکتا ہے۔ البتہ دولت کی یہ تجویز خاصی مفید ثابت ہوسکتی ہے کہ پاکستان کے آرمی چیف کو دور? بھارت کی دعوت دی جائے۔ دیکھیں اس جانب کوئی پیش رفت ہوتی ہے یا نہیں۔
سپریم کورٹ آف پاکستان نے سنی اتحاد کونسل کی مخصوص نشستوں کی درخواست پر پشاور ہائی کورٹ کا فیصلہ معطل کردیا۔پیر کو سنی اتحاد کونسل کی مخصوص نشستوں کے لیے دائر اپیل پر سماعت جسٹس منصور علی شاہ کی سربراہی میں جسٹس محمد علی مظہر اور جسٹس اطہر من اللہ پر مشتمل تین رکنی بینچ نے کی۔وفاق...
سپریم کورٹ آف پاکستان کے چیف جسٹس قاضی فائز عیسیٰ نے فیض آباد دھرنا کمیشن رپورٹ کے غیر مستند ہونے پر برہمی کا اظہارکرتے ہوئے ریمارکس دیے ہیں کہ انکوائری کمیشن کی رپورٹ پر مایوسی ہی ہوئی ہے ،فیض آباد دھرنا فیصلے پر عمل کرتے تو 9 مئی کا واقعہ بھی شاید نہ ہوتا،کہتے ہیں بس آگے بڑھو، ...
وفاقی وزیر پٹرولیم و فوکل پرسن پاک سعودی شراکت داری ڈاکٹر مصدق ملک نے کہا ہے کہ 30 سے 35 سعودی کمپنیوں کے نمائندے پاکستان میں توانائی ،ریفائنری ، زراعت، انفارمیشن ٹیکنالوجی اور دیگر شعبوں میں سرمایہ کاری کے لئے بات چیت کررہے ہیں،پہلے حکومت سے حکومت کی سطح پر معاہدے ہوئے ،اب بزنس ...
قومی اسمبلی کی پبلک اکائونٹس کمیٹی (پی اے سی)کے چیئرمین کا تنازع شدت اختیار کرگیا ہے اور اس نے پاکستان تحریک انصاف کی سیاسی کمیٹی کی جانب سے شیر افضل خان مروت کی جگہ شیخ وقاص اکرم کو کمیٹی کا چیئرمین بنانے کیلئے ووٹ دینے پر جماعت کے اعلیٰ عہدیداران کے درمیان اختلافات کو اجاگر کرد...
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...