... loading ...
2016 میں جاپانی ماہرین نے اعلان کیا تھا کہ انہوں نے ایک جرثومے (بیکٹیریا) میں ایسا خامرہ (اینزائم) دریافت کرلیا ہے جو پلاسٹک کی سب سے عام قسم ’پولی ایتھائلین ٹیرفتھیلیٹ‘ یا ’پی ای ٹی پلاسٹک‘ کو تلف کرسکتا ہے۔ اب امریکی اور برطانوی ماہرین نے اسی بیکٹیریا پر تحقیق کے دوران اتفاقیہ طور پر ایک تبدیل شدہ اینزائم بنالیا ہے جو اس سے بھی زیادہ مؤثر ہے اور بہت تیزی سے پلاسٹک کو ’کھاتا‘ ہے۔
بیکیٹریا میں موجود یہ تبدیل شدہ اینزائم انتہائی ماحول دشمن پلاسٹک کی بوتلیں بھی تلف کرنے کی صلاحیت رکھتا ہے۔ یونیورسٹی آف پورٹس ماؤتھ، برطانیا اور نیشنل رینیوایبل انرجی لیبارٹری امریکا نے مشترکہ طور پر اس اینزائم پر مطالعے کے لیے طاقتور ایکسرے ڈالی تو اینزائم نے اپنی ساخت بدل لی اور پہلے سے زیادہ مؤثر ہوگیا۔
اس پر کام کرنے والے ماہر جان مک گیہان کہتے ہیں کہ سائنسی تاریخ اتفاقیہ دریافتوں سے بھری ہوئی ہے اور ہم نے اچانک اس اینزائم کو بہتر بنایا ہے جو دنیا بھر میں موجود پلاسٹک کے پہاڑ کو کم کرسکتا ہے۔ اس اہم تحقیق کی تفصیلات جرنل پروسیڈنگز آف نیشنل اکیڈمی آف سائنسز میں آن لائن شائع ہوئی ہیں۔ماہرین کا خیال ہے کہ اس تحقیق کے بعد اگلے چند برس میں پی ای ٹی کو اس اینزائم سے اس کے بنیادی اجزا میں توڑا جاسکتا ہے اور پھر اسے بہتر طور پر ٹھکانے لگایا جاسکتا ہے جو زیادہ ماحول دوست طریقہ ہوگا۔اس وقت پلاسٹک کی آلودگی پوری دنیا کے لیے درد سر بنی ہوئی ہے یہاں تک کہ پلاسٹک کچرا سمندروں میں ہر جگہ پھیل کر ماحول اور جانوروں کو ہلاک کررہا ہے۔ ہر منٹ میں پوری دنیا میں پلاسٹک کی 10 لاکھ بوتلیں پھینکی جاتی ہیں جو پی ای ٹی سے بنی ہوتی ہیں۔ پی ای ٹی کو ایسے ہی چھوڑ دیا جائے تو اسے ختم ہونے میں 400 سال لگتے ہیں۔ اس دوران یہ ٹوٹ پھوٹ کر مزید باریک ہوتی جاتی ہیں۔ دوسری جانب ہر سال سمندروں میں 80 لاکھ ٹن پلاسٹک جمع ہورہا ہے۔
دنیا بھر میں پیدا ہونے والے پلاسٹک کی صرف 7 فیصد مقدار ہی ری سائیکل کی جارہی ہے۔ مشروب ساز کمپنیاں بھی ہر سال لاکھوں کروڑوں پلاسٹک کی بوتلوں میں سافٹ ڈرنکس اور مشروبات بھر کر فروخت کرتی ہیں لیکن ان کی بہت ہی کم مقدار کو ری سائیکل کیا جاتا ہے۔دوسری جانب صنعتی بایو ٹیکنالوجی کے ایک ماہر وِم سویٹارٹ نے کہا ہے کہ یہ اینزائم قدرتی حالت میں نہیں پایا جاتا اور اس کی بڑے پیمانے پر تیاری سب سے اہم اور پہلا قدم ہوگا۔ پھر اینزائم بہت سست رفتار سے کام کرتا ہے۔ اس لیے بہتر ہوگا کہ ازخود تلف ہونے والے ماحول دوست پلاسٹک پر توجہ مرکوز کی جائے۔
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...