... loading ...
22اگست کی پاکستان مخالف تقریرکے بعد وجودمیں آنے یالائی جانے والی ایم کیوایم پاکستان کم وپیش دیڑھ سال کاعرصہ گزرنے کے باوجودٹوٹ پھوٹ کے عمل سے دوچارہے اس کے کئی اراکین قومی وصوبائی اسمبلی پارٹی چھوڑکردیگر جماعتوں کوپیارے ہوگئے ۔ ایم کیوایم پاکستان کوسب سے زیادہ نقصان پاک سرزمین پارٹی نے پہنچایا جس نے ایک درجن سے زائد اراکین قومی وصوبائی اسمبلیوں کوتوڑابلکہ شہر کا ڈپٹی میئربھی چھین لیا۔قطع نظراس بات کے کہ ایم کیوایم پاکستان اس وقت اندرونی خلفشارسے دوچارہے اورواضح طورپرپی آئی بی اور بہادر آباد گروپوں میں بٹی ہوئی نظرآتی ہے ۔اس کاسب سے زیادہ نقصان پارٹی کوسینیٹ کے حالیہ انتخابات میں پہنچا۔یہی نہیں اس جماعت کے کئی اراکین صوبائی اسمبلی جن میں خواتین کی اکثریت تھی نے پیپلزپارٹی کے امیدوارکوووٹ دیا۔بات یہیں تک رہتی تو فاروق ستار اینڈکمپنی کے لیے کسی حد تک قابل برداشت تھی۔لیکن ایم کیو ایم کی رکن سندھ اسمبلی ہیر سوہو نے پیپلز پارٹی کے امیدوارکوووٹ ہی نہیں دیا بکلہ خود بھی پاکستان پیپلز پارٹی میں شامل ہوگئی ہیں۔
اس حوالے سے پیپلز پارٹی کے رہنما نثار کھوڑو نے ایم کیو ایم کی ایک اورخاتون رکن اسمبلی نائلہ منیر کی بھی پیپلز پارٹی میں شمولیت کا دعویٰ بھی کیا ہے۔حالیہ سینیٹ انتخابات میں بھی چاروں صوبائی اسمبلیوں میں متعددارکان پرپارٹی پالیسی کے مطابق ووٹ نہ دینے کے الزامات سامنے آئے ہیں۔کیا پارلیمانی پالیسی سے انحراف پر ان کے خلاف نااہلی کی کارروائی ہوسکتی ہے ؟ جہاں تک اپنی پارلیمانی جماعت کو چھوڑ کر کسی دوسری سیاسی جماعت میں شامل ہونے کا تعلق ہے ،ایسے ارکان کے خلاف آئین کے آرٹیکل63(اے)کے تحت کارروائی ہوسکتی ہے جبکہ سینیٹ الیکشن میں پارٹی پالیسی سے انحراف کرنے پر اس آرٹیکل کے تحت کسی رکن اسمبلی کے خلاف کارروائی نہیں ہوسکتی۔
وفاداریاں اور سیاسی جماعت تبدیل کرنے والے ارکان اسمبلی کے خلاف بھی اس وقت تک نااہلی کی کارروائی نہیں ہوسکتی جب تک کہ ان کی سابقہ جماعت کا سربراہ ان کے خلاف کارروائی کا آغاز نہ کرے۔الیکشن کمیشن اور ا سپیکر اسمبلی یا چیئرمین سینیٹ از خود ایسے کسی رکن کے خلاف نوٹس لینے اور کارروائی کرنے کے مجاز نہیں ہیں۔اگر کوئی شخص اپنی سیاسی جماعت کی رکنیت سے استعفیٰ دے دیتا ہے یا پھر وہ کسی دیگر پارلیمانی پارٹی میں شمولیت اختیار کرلیتا ہے تو وہ ایوان کی رکنیت کے لیے نااہل ہوسکتا ہے ،اس کی سابق پارٹی کا سربراہ (جو پارٹی رکن اسمبلی نے چھوڑی ہے )تحریری طورپر ا سپیکر یا چیئرمین اور چیف الیکشن کمشنر کو ریفرنس بھیجے گا ،لیکن اس سے قبل ضروری ہے کہ وہ متعلقہ رکن کو شوکاز نوٹس جاری کرے۔ اسپیکر اسمبلی یا چیئرمین سینیٹ پر لازم ہے کہ وہ آرٹیکل 63 (اے)3کے تحت دو یوم کے اندر نااہلی کا یہ ریفرنس چیف الیکشن کمشنر کو بھیجے گا ،اگر وہ ایسا کرنے میں ناکام رہتا ہے تو آئینی طور پر چیف الیکشن کمشنر کو بھیجا گیا تصور کیا جائے گا۔اگرالیکشن کمیشن ریفرنس کی توثیق کردے تو متعلقہ رکن اسمبلی ایوان کی نشست سے محروم ہوجائے گا اور اس کی نشست خالی ہوجائے گی۔الیکشن کمیشن کے فیصلے کے خلاف 30یوم کے اندر سپریم کورٹ میں اپیل دائر کی جاسکتی ہے۔آئین میں یہ بھی کہا گیا ہے کہ سپریم کورٹ ایسی اپیل کا 90روز میں فیصلہ کرے گی۔
اس آرٹیکل میں یہ دلچسپ بات بھی موجود ہے کہ کسی اسمبلی کے ا سپیکر یا چیئرمین سینیٹ پر نااہلی کے آرٹیکل63 (اے)کا اطلاق نہیں ہوگا۔پارٹی پالیسی سے انحراف پر دیگر قابل گرفت اقدامات میں وزیراعظم یا وزیراعلیٰ کے انتخاب اوران کے خلاف تحریک عدم اعتماد کے موقع پر کسی رکن کا پارٹی پالیسی سے انحراف کرنا شامل ہے۔اسی طرح بجٹ یا آئین میں ترمیم کے مسودہ پر اگر کوئی رکن اسمبلی اپنی پارٹی پالیسی سے انحراف کرتا ہے تو اس کے خلاف نااہلی کی کارروائی ہوسکتی ہے۔سینیٹ کے ارکان اور چیئر مین یا پھر ا سپیکر اسمبلی کے انتخابات کے حوالے سے آئین ایوان کے ممبران پر پارٹی پالیسی کی پابندی کی کوئی شرط عائد نہیں کرتا ،اس لیے اگر سینیٹ کے انتخابات میں کسی ایم پی اے نے پارٹی پالیسی سے ہٹ کر کسی امیدوار کو ووٹ دیا ہے تو اس کے خلاف مذکورہ آرٹیکل کے تحت نااہلی کی کارروائی نہیں ہوسکتی۔
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...