... loading ...
... loading ...
پنجاب کی بیوروکریسی نے سابق ڈی جی ایل ڈی اے احد خان چیمہ کی نیب میں گرفتاری کیخلاف گزشتہ روز ہڑتال کر دی اور سول سیکریٹریٹ کے داخلی گیٹ تالے لگا کر بندکرکے سیکریٹریٹ کے اندر احتجاج کیا آفیسرز میس جی او آر میں ایڈیشنل چیف سیکرٹری پنجاب عمر رسول کی زیر صدارت ڈی ایم جی گروپ کے 200سے زائد افسران پر مشتمل ایک اجلاس منعقد ہوا جس میں کمشنر لاہور عبداللہ سنبل سمیت پنجاب بھر کے اضلاع کے ڈپٹی کمشنروں سمیت دیگر افسران نے شرکت کی اجلاس میں احد چیمہ کی گرفتاری کیخلاف ایک مذمتی قرار منظور کی گئی جس میں احد چیمہ کی گرفتاری کو غیر قانونی قرار دیتے ہوئے ان کی رہائی کامطالبہ کیا جبکہ ڈی ایم جی گروپ کے افسران نے منظور کی گئی مذمتی قرارداد گزشتہ شام صوبائی کابینہ کے ہونے والے اجلاس میں بھی پیش کر دی۔ ایڈیشنل چیف سیکرٹری عمر رسول ، ایڈیشنل سیکرٹری ویلفیئر دانش افضال ، ایڈیشنل سیکرٹری ایڈمن عرفان علی کے دفاتر کو تالے لگا کر بند کر دیا گیا۔افسروں کی ہڑتال کے باعث سیکریٹریٹ میں تمام سیکرٹریز کے دفاتر میں ہو کا عالم رہا ،ماتحت عملہ بھی غائب ہو گیا۔ملک کی تاریخ میں یہ پہلا موقع ہے کہ بیوروکریسی نے ہی سول سیکریٹریٹ میں تالے لگا کر عوام کا داخلہ بند کر دیا احتجاجی تحریک کی کمان ایڈیشنل چیف سیکرٹری پنجاب عمر رسول کر رہے ہیں۔
دوسری طرف تمام محکموں کے سیکریٹریز مختلف پراجیکٹوں کے سربراہان مختلف ترقیاتی اداروں کے ڈی جی ،ایم ڈیزاور پنجاب ریونیواتھارٹی کے افسران بھی اپنے دفاتر سے دن بھر غائب رہے تاہم جب دفتری اوقات کار کا وقت سہ پہر چار بجے ختم ہوا تو سیکریٹریٹ کے گیٹ کو لگے تالے کھول دئیے گئے گیٹ کھلنے سے قبل تحریک انصاف کا وفد بھی میاں محمود الرشید کی قیادت میں سول سیکرٹریٹ پہنچا تو ان کی آمد سے قبل تالے کھل چکے تھے۔پنجاب کی ٹاپ کلاس بیوروکریسی کی ہڑتال کے باعث سائلین پریشان رہے وزیر اعلیٰ معائنہ ٹیم ایوان وزیر اعلیٰ کے دفاتر میں بھی ڈی ایم جی گروپ سے تعلق رکھنے والے افسروں کی اکثریت ہڑتال پر رہی۔قبل ازیں بیوروکریسی نے 28نکات پر مشتمل چارٹر آف ڈیمانڈ چیف سیکریٹر ی کے ذریعے وزیر اعلی کو پیش کر دیا ہے چارٹر ڈی ایم جی گروپ کی ویلفیئر ایسوسی ایشن کے عہدیداروں عمر رسول اور دیگر کی جانب سے پیش کیا گیا ہے جس میں کہا گیا ہے کہ احد خان چیمہ کو فوری رہا کیا جائے ان کی گرفتاری قانون کے مطابق نہیں ہے احد خان چیمہ ایک ذمہ دار آفیسر ہیں انہیں ناکردہ گناہ کی سزا دی گئی چیف جسٹس نیب کی زیادتی کا نوٹس لیں اور ذمہ دار افسر کو رہا کرائیں اگر انہیں رہا نہ کیا گیا تو افسر شاہی اپنے فرائض سر انجام نہیں دے سکے گی۔
سول سرونٹس کو عدلیہ کی طرز پر آئینی تحفظ فراہم کیا جائے ،سول سرونٹس کی 1سیٹ پر کم از کم 2سال تعیناتی یقینی بنائی جائے ،2سال تک تعیناتی کیلیے گورنر پنجاب آرڈیننس جاری کریں ،سی ایس ایس ، پی ایم ایس اور پی سی ایس افسران کے لیے یکساں آرڈیننس ہو ، سول سرونٹس کے خلاف شکایات کی تحقیقات کے لیے الگ اعلی سطحی ٹربیونل بنایا جائے،جس کا ایک ممبر بیورو کریٹ بھی ہو ،تحقیقات کیلیے کیس ٹربیونل کو چیف سیکرٹری کی جانب سے بھجوایا جائے۔تحقیقات کے بعد ٹربیونل کیس کسی دوسرے ادارے کو بھجوانے کا فیصلہ کرے اور کسی افسر پر کیس بنے تو حکومت وکلاء کے ساتھ اس کی قانونی مدد کرے۔ چارٹر آف ڈیمانڈ میں کہا گیا ہے کہ سیاسی دفاتر سے جاری احکامات سیدھے افسران کو نہ بھجوائے جائیں ،سیاسی سطح پر افسران کی تضحیک پر پنجاب حکومت فوری اقدامات کرے ،کسی افسر کی تضحیک کی صورت میں کام چھوڑ دیں گے اور معافی مانگنے تک کام نہیں کریں گے۔
چارٹر آف ڈیمانڈ میں کہا گیا کہ مقبول دھاولہ ، آفتاب چیمہ ،محمد علی نیکو کارا وسیم اجمل ، عامر عتیق خان اور صفدر ورک ،احد چیمہ کی تضحیک پر معافی مانگی جائے۔ اس کے ساتھ خیبر پختونخواہ طرز پر سول سرونٹس کے لیے ایگزیکٹو الاؤنس جاری کیا جائے ،تمام سول سرونٹس کو کم از کم 1بار ڈپٹی کمشنر طرز کی فیلڈ اسائمنٹ پر بھیجا جائے۔مزید کہا گیا کہ حکومت انٹیلی جنس ایجنسیز سے افسران کی ذاتی زندگی کی کھوج لگانا بند کرے ،کسی افسر کے ذاتی معاملات کیریئر پر اثر انداز نہیں ہونے چاہئیں، افسران نے مطالبہ کیا ہے کہ چارٹر آف ڈیمانڈ پر عملدرآمد کے لیے ضروری قانون سازی کی جائے۔ڈی ایم جی گروپ کے افسران نے اپنے ساتھی احد چیمہ خان کی رہائی تک ایگزیکٹو اتھارٹی کا استعمال نہ کرنے کا بھی فیصلہ کیا ہے۔جبکہ احد چیمہ کی گرفتاری کیخلاف ڈی ایم جی گروپ افسران کے احتجاجی ردعمل کے مقابلے میں پی ایم ایس ایسوسی ایشن گروپ کے افسران ڈی ایم جی افسران کا ساتھ دینے سے انکار کر دیا ہے پی ایم ایس ایسوسی ایشن کے اراکین کا کہنا ہے کہ احد چیمہ کی حمایت میںہونے والی غیر قانونی ہڑتال کو کسی صورت قبول نہیں کرینگے ان کا یہ بھی کہنا تھا کہ اگر ڈی ایم جی گروپ کے افسران اپنے احتجاج میں پی ایم ایس ایسوسی ایشن گروپ کے افسران کو اپنے ساتھ ملانا چاہتے ہیں تو چیف سیکرٹری پنجاب کیپٹن (ر)زاہد سعید کو باقاعدہ آفس آرڈر جاری کرنا ہوگا ایسی صورت میں ان افسران کا ساتھ دینے کے حوالے سے سوچ و بچار کر سکتے ہیں تاہم انہوں نے چیف سیکرٹری پنجاب کیپٹن (ر)زاہد سعید اور ایڈیشنل چیف سیکرٹری پنجاب عمر رسول سے درخواست کی کہ وہ پی ایم ایس افسران کو ہڑتال کرنے پر مجبور نہ کریں۔
تجزیہ کار کے مطابق لاہور ڈویلپمنٹ اتھارٹی ( ایل ڈی اے) کے سابق ڈائریکٹر جنرل احد چیمہ کی گرفتاری پر پنجاب حکومت اور بیوروکریسی میں ہلچل دیکھی جارہی ہے۔قومی احتساب بیورو کی جانب سے احد چیمہ کی گرفتاری کے بعد کابینہ کا ہنگامی اجلاس طلب کرلیا گیا جب کہ صوبائی اسمبلی کے اجلاس کے دوران ہنگامہ آرائی ہوئی اور صوبے کے سول افسروں نے بھی ہنگامی اجلاس طلب کرتے ہوئے مذمتی قرارداد منظور کرلی۔ صوبائی اسمبلی کے اجلاس کے دوران احد چیمہ کی ترقی پر بات کرنے کی اجازت نہ ملنے پر اپوزیشن نے علامتی واک آؤٹ کیا جب کہ اپوزیشن کی جانب سے کہا گیا کہ احد چیمہ کو جیل سے گریڈ 19 سے 20 میں ترقی دے دی گئی ہے۔تحریک انصاف کے رکن اسمبلی ڈاکٹر مراد راس نے میڈیا سے بات کرتے ہوئے کہا کہ احد چیمہ وزیراعلیٰ شہباز شریف کا فرنٹ مین ہے جسے رشوت کے طور پر ترقی دی گئی جبکہ حکمرانوں کو ڈر ہے کہ احد چیمہ ان کیخلاف وعدہ معاف گواہ بن جائے گا۔پیپلز پارٹی کی رکن فائزہ ملک نے کہا کہ احد چیمہ وزیراعلیٰ کا صرف فرنٹ مین نہیں، نیب شہباز شریف کو بھی فوری گرفتار کرے جب کہ رکن اسمبلی سردار شہاب الدین کا کہنا تھا کہ ابھی تو عابد باکسر کی کہانی بھی کھلنے والی ہے اور ڈاکٹر توقیر کی بھی باری آنے والی ہے۔
ادھر گورنر پنجاب رفیق رجوانہ کا میڈیا سے بات کرتے ہوئے کہنا تھا کہ نیب کارروائی ضرور کرے لیکن اس سے قبل قانونی تقاضے پورے کرے اور لوگوں کی عزت نفس کا خیال رکھے۔ترجمان پنجاب حکومت ملک محمد احمد خان نے کہا ہے کہ سابق ڈی جی ایل ڈی اے احد خان چیمہ کی گرفتاری کے وقت نیب نے گرفتاری کی وجہ نہیں بتائی۔ گرفتاری کے بعد احد چیمہ سے ایل ڈی اے سے متعلق سوالات کئے۔ احمد چیمہ کو گرفتار کرنا تھا تو نیب چیف سیکرٹری پنجاب کو لکھ کر بھیج دیتے۔ احد چیمہ کی گرفتاری کے بعد نیب نے تصویر شائع کی۔ کیا یہ تصویر احد چیمہ کو بدنام کرنے کیلیے جاری کی گئی۔ احد چیمہ کی گرفتاری نے پوری سول سروس میں خوف کا ماحول پیدا کر دیا ہے۔ احد چیمہ ایک انتہائی قابل آفیسر ہے اور اسے پرائیڈ آف پرمارمنس مل چکا ہے۔دوسری جانب احد چیمہ کی گرفتاری کے بعد کی صورتحال پر پنجاب کابینہ کا ہنگامی اجلاس طلب کرلیا گیا۔پنجاب کابینہ کے اجلاس نے لاہور ڈویلپمنٹ اتھارٹی کے سابق ڈائریکٹر جنرل اورچیف ایگزیکٹو آفیسر قائد اعظم تھرمل پاور لمیٹڈ احد چیمہ کی گرفتاری پر گہری تشویش کا اظہار کیاہے اور کہا ہے کہ یہ گرفتاری بلا جواز اور غیر قانونی ہے اور نیب نے اس ضمن میں اختیارات کا نا جائز استعمال کیا ہے۔وزیر اعلی پنجاب محمد شہباز شریف کی صدارت میں منعقد ہونے والے کابینہ کے اجلاس میں اراکین نے اس امر کا اظہار کیا کہ احد خان چیمہ پنجاب حکومت کے فرض شناس، محنتی اور دیانت دار افسر ہیں اور صوبے میں ترقیاتی منصوبوں کی تیز رفتاری اور شفافیت کے ساتھ تیاری اور تکمیل میں ایک دنیا ان کی معترف ہے۔ حکومت نے عوام کو لوڈ شیڈنگ سے نجات دلانے کے لیئے جو تاریخی کامیابیاں حاصل کی ہیں ان میں احد چیمہ کا نمایاں کردار خاص طور پر مسلمہ ہے۔کابینہ نے اس امر پر گہری تشویس کا اظہار کیا کہ ان اقدامات کے ذریعے بیوروکریسی میں خوف وہراس کی فضا قائم کر کے عوامی فلاح و بہبود کے ان منصوبوں کی تکمیل میں رکاوٹ ڈالنے کی کوشش کی جا رہی ہے۔کابینہ کے اراکین نے کہا کہ وہ احد چیمہ کی گرفتاری سمیت ان اقدامات کی شدید مذمت کرتے ہیں اور ناانصافی اور امتیازی سلوک کا نشانہ بننے والے افسران کے ساتھ کھڑے ہیں۔اجلاس میں اس مسئلے کو پنجاب اسمبلی میں بحث کے لیے پیش کرنے کا فیصلہ بھی کیا گیا۔پنجاب کابینہ کے اجلاس میں یہ بھی فیصلہ کیا گیا کہ احد خان چیمہ اور ان کے اہل خانہ کو ہر ممکن اخلاقی اور قانونی مدد مہیا کی جائے گی۔
پاکستان دنیا میں پیس میکر بن چکا، اب معاشی قوت بننا ہمارا ہدف ہے‘ آج دنیا پاکستان کو دہشت گردی کے بجائے امن، استحکام اور تعمیری کردار کی علامت کے طور پر دیکھ رہی ہے، اسحاق ڈار اللہ تعالی نے پاکستان کو دنیا میں منفرد مقام عطاء کیا ، پوری قوم اس پر شکر گزار ہے ، وزیراعظم اور فیلڈ ...
بلاول بھٹو کا مطالبہ درست، کراچی بلدیاتی انتخابات کی طرز پر الیکشن کروانے سے بہتر انتخابات نہ کروانا ہوگا کوئی تفصیل جاننا چاہتا ہیں توحافظ نعیم یا خالد مقبول سے پوچھ لیں،بلاول کے بیان پر جواب مسلم لیگ (ن) کے رہنما خواجہ سعد رفیق کا کہنا ہے کہ بلاول بھٹو کا بلدیاتی انتخابات ت...
پنجاب میں بلدیاتی انتخابات نہ کرانے والی ن لیگ کراچی کے جمہوری عمل اور بلدیاتی نظام پر تنقید کر رہی ہے پہلے پنجاب کے عوام کو ان کا آئینی حق دے،پھر دوسرے صوبوں کے نظام پر تنقید کریسعد رفیق کے بیان پر ردعمل پاکستان مسلم لیگ ن کے رہنما خواجہ سعد رفیق کے بیان پر سینئر وزیر سندھ ...
سلامتی کونسل کی قراردادوں پر غیر جانبدارانہ اور بروقت عملدرآمد کو یقینی بنانے کے طریقہ کار پر غور سلامتی کونسل کی قراردادیں محض سفارشات نہیں قانونی ذمہ داری ہیں، پاکستانی مستقل مندوب پاکستان نے کشمیر اور فلسطین کے حل طلب تنازعات کو عالمی امن کیلئے خطرہ قرار دے دیا۔پاکستان اورچی...
وزیراعظم نے پیٹرول اور ڈیزل کی قیمتیں کم کیں تو آئل مارکیٹنگ کمپنیوں نے رونا گانا شروع کر دیا پیٹرولیم مصنوعات کی قیمتیں کم ہونے سے آئل مارکیٹنگ کمپنیوں کا 104ارب نقصان کادعوی کر دیا پاکستان میں مہنگے تیل پر اربوں روپے منافع کمانے والی آئل مارکیٹنگ کمپنیوں کا رونا دھونا جار...
ایک وفاقی وزیر نے آگ بجھانے کے بجائے اسے مزید بھڑکایا، وہ وزیر اب تک معافی مانگنے کیلئے بھی تیار نہیں، کچھ وزیر ایسے مشورے دیتے ہیں کام میں مشکلات پیدا ہو جاتی ہیں وزیراعظم جس نیت کے ساتھ اتحادیوں اور اپوزیشن کو انگیج کرتے ہیں اسے سراہتا ہوں، چاہتا ہوں وزیراعظم کامیاب ہوں تو صو...
عوامی ایکشن کمیٹی نے مظفرآباد کی طرف آج کا مارچ مؤخر کر دیا ، کل تک ہم مقبوضہ کشمیر میں انسانی حقوق کی باتیں کرتے تھے،حکومت کی ہٹ دھرمی برقرار رہی تو میں ثالثی نہیں کرواؤں گا عوامی ایکشن کمیٹی سے بات چیت ہونی چاہیے،خواجہ آصف کے اشتعال انگیزبیانات نے آگ بھڑکائی، حکومت کو کمی...
پاکستان اور قطر کی تکنیکی ٹیمیں امریکا اور ایران کی تکنیکی ٹیموں کے ساتھ رابطے میں رہیں گی پاکستانیوں کی بازیابی کیلئے صومالیہ کے حکام کے ساتھ رابطے میں ہیں،طاہر حسین اندرابی ترجمان دفترِ خارجہ طاہر حسین اندرابی نے کہا ہے کہ مختلف ملکوں نے خطے میں قیامِ امن کیلئے کردار ادا کر...
ہلاک دہشتگردوں میں خلیل الرحمان، نعیم الدین کفایت اللہ شامل ہیں، حکام دہشت گردوں سے 6 کلاشنکوف، 3 دستی بم برآمد، فرار ساتھیوں کی تلاش جاری لوئر دیر کے علاقے برچڑئی تالاش میں پولیس اور خوارج کے مابین جھڑپ کے دوران 6 دہشت گرد ہلاک ہوگئے۔ پولیس کے مطابق برچڑی پہاڑی میں دہشت گرد...
مودی سرکارکی بدترین خارجہ پالیسی، سنجیدہ سفارت کاری سوشل میڈیاپر تماشا بن گئی ناقص پالیسیوں کے باعث غیر ملکی سرمایہ کار بھارت کا بائیکاٹ کر رہے ہیں،رپورٹ مودی کی عالمی سطح پر موجودگی کے باوجود بھارت کے سفارتی تعلقات کمزور ہونے لگے،غیرملکی خبررساں ادارے کے مطابق بی جے پی کے کٹ...
دھماکا اس وقت پیش آیا جب مارچ میں ایرانی حملے کے بعد بند کی گئی تنصیبات کو دوبارہ فعال کیا جا رہا تھا،دھماکے کی شدت اتنی زیادہ تھی اس کا اثر مرکزی دوحا تک محسوس کیا گیا، وزیر توانائیقطر ہمارے 13 افراد جان کی بازی ہار گئے، جن کا تعلق بھارت، پاکستان سے ہے، 66 افراد زخمی ہوئے ،راس...
کلائمٹ سپورٹ لیوی میں 50فیصد اضافہ ،عالمی منڈی میں خام تیل کی گرتی قیمتوں کا ریلیف عوام کو منتقل کرنے میں پٹرولیم لیوی بڑی رکاوٹ بن گئی،مہنگائی میں اضافے کا خدشہ ایران امریکا جنگ بندی کے بعدپیٹرول 299روپے 58پیسے فی لیٹرمقرر،نئے بجٹ میں لیوی کا ہدف بڑھا کر پیٹرولیم قیمتوںکی مد می...
