... loading ...
’’سچ‘‘ اور ’’جھوٹ‘‘ حق تعالیٰ شانہ کی طرف سے انسان میں ودیعت فرما باہم دو ایسی متضاد صفات ہیں کہ جن کے انسانی معاشرے پر مثبت و منفی بڑے دور رس اثرات مرتب ہوتے ہیں۔’’ سچ‘‘ سے معاشرہ پھلتا پھولتا اور پروان چڑھتا ہے جب کہ’’ جھوٹ‘‘ سے معاشرے میں فساد، بد امنی اور تلخیاں پیدا ہوتی ہیں۔انسان کے ہر قول و عمل کی درستی کی بنیاد یہ ہے کہ اُس کے لیے اُس کا دل اور اُس کی زبان باہم ایک دوسرے سے ہم آہنگ ہوں، اسی کا نام ’’سچ‘‘ ہے۔، اور اگر یہ دونوں چیزیں باہم ایک دوسرے سے ہم آہنگ نہیں ہوں گی تو اُس کے ہر قول اور عمل میں تضاد پایا جائے گا، اور اسی کا نام ’’جھوٹ‘‘ ہے۔
’’سچائی‘‘ کے معنی عام طور پر صرف سچ بولنے کے سمجھے جاتے ہیں، مگر اسلام کی نگاہ میں اس کا معنی بڑا وسیع ہے، اس لحاظ سے اس کے اندر اکیلے قول ہی نہیں بلکہ عمل کی بھی ہر سچائی داخل ہے۔ امام غزالی رحمۃ اللہ علیہ نے ’’احیاء العلوم ‘‘ میں بڑی باریک بینی سے ’’سچ‘‘ کی چھ قسمیں کی ہیںاور قرآن و حدیث سے ہر ایک کے معنی بتلائے ہیں : (۱)بات میں سچائی (۲) ارادہ اور نیت میں سچائی (۳)عزم میں سچائی (۴) عزم کو پورا کرنے میں سچائی (۵)عمل میں سچائی (۶)دین داری کے مقامات اور مراتب میں سچائی۔لیکن ذرا معنی میں وسعت دی جائے تو اس کی تین ہی قسموں میں ساری سچائیاں آجاتی ہیں: (۱)زبان کی سچائی (۲) دل کی سچائی (۳)عمل کی سچائی۔
۱-زبان کی سچائی یہ ہے کہ جو بولا جائے سچ بولا جائے، اورسچ کے خلاف زبان سے اور کوئی حرف نہ نکالا جائے، یہ سچائی کی عام اور مشہور قسم ہے، اور یہی ایمان اور اسلام کی سب سے بڑی نشانی ہے ، اس کے برخلاف جھوٹ کو نفاق کے لفظ سے تعبیر کیا گیا ہے۔ چنانچہ قرآنِ مجید میں اللہ تعالیٰ فرماتے ہیں: ’’ترجمہ: تاکہ اللہ تعالیٰ اگر چاہے تو سچوں کو اُن کی سچائی کا بدلہ دے اور منافقوں کو سزا دے۔‘‘
۲-دل کی سچائی یہ ہے کہ زبان سے دل کی صحیح ترجمانی کی جائے، یہ نہیں کہ دل میں غرض کچھ اور ہو اور ظاہر میں کچھ اور کہ یہ جھوٹ ہے۔ چنانچہ ایک حدیث میں آتا ہے کہ: ’’ قیامت کے دن اللہ تعالیٰ کے سامنے تین شخص پیش کیے جائیں گے: (۱) ایک عالم(۲) دوسرا شہید (۳)ا تیسرا سخی۔ اُن میں سے ہر ایک شخص اپنے اپنے کارنامے بیان کرے گا، لیکن ان کارناموں کو سن کر اللہ تعالیٰ فرمائیں گے کہ: ’’تم سب جھوٹ بولتے ہو۔‘‘ اور پھر انہیں منہ کے بل گھسیٹ کر جہنم میں ڈال دیا جائے گا۔ یہ کارنامے اگرچہ غلط بیان نہیں کیے جائیں گے لیکن چوں کہ یہ شہرت حاصل کرنے کی غرض سے کیے گئے تھے جن میں اخلاص نہیں تھا اس لیے اللہ تعالیٰ نے انہیں جھوٹا فرمایا ہے ۔
۳-عمل کی سچائی یہ ہے کہ جو بھی نیک کام کیا جائے وہ ضمیر کے مطابق کیا جائے، یعنی انسان کے ظاہری اعمال اُس کے باطنی اوصاف کے مطابق ہونے چاہئیں، مثلاً ایک شخص ظاہری طور پر خشوع و خضوع سے نماز پڑھتا ہے، اور اُس کے باطن میں بھی خشوع و خضوع موجود ہے ، توایسا شخص اپنے عمل میں سچا ہے، لیکن اِس کے بر عکس اگر کوئی شخص ظاہری طور پر تو خشوع و خضوع سے نماز پڑھتا ہے، لیکن اُس کے باطن میں خشوع و خضوع موجود نہیں ہے ، توایسا شخص اپنے عمل میں جھوٹا ہے، اِس لیے کہ اُس کے ظاہری اعمال اُس کے باطن کی صحیح ترجمانی نہیں کر رہے۔
حضرت حنظلہ اسیدی صایک مرتبہ حضرت ابو بکر صدیق ص کے پاس سے روتے ہوئے گزرے، حضرت ابوبکرص نے پوچھا: ’’ حنظلہ (ص) !کیا بات ہے؟۔‘‘ عرض کیا:’’ حنظلہ منافق ہوگیا۔‘‘ حضرت ابوبکرص نے پوچھا : ’’وہ کیسے؟۔‘‘ عرض کیاکہ: ’’جب ہم لوگ رسول اللہ ا کی خدمت میں ہوتے ہیں اور آپ ا جنت و دوزخ کا ذکر فرماتے ہیں تو گویا ہم ان کو علانیہ دیکھ لیتے ہیں، لیکن جب ہم پلٹ کر اپنے بال بچوں اور دُنیوی کاروبار میں مشغول ہوجاتے ہیں تو سب بھول جاتے ہیں۔‘‘ حضرت ابوبکرصدیق ص نے فرمایا : ’’میری بھی یہی حالت ہوتی ہے۔‘‘ چنانچہ دونوں حضرات حضور اقدس صکی خدمت میں حاضر ہوئے اور واقعہ بیان کیا۔ آپ انے فرمایا : ’’اگر یہ حالت ہمیشہ قائم رہتی تو فرشتے تم سے تمہاری مجلسوں میں مصافحہ کرتے، یہ حالت تو کبھی کبھی پیش آجاتی ہے۔‘‘
’’سچ‘‘ کے برعکس انسان میں ودیعت فرما اللہ تعالیٰ کی طرف سے دوسری صفت’’ جھوٹ‘‘ ہے۔ انسان کے تمام اخلاقِ رذیلہ میں سب سے زیادہ سب سے زیادہ بری اور مذموم عادت ’’جھوٹ‘‘ کی ہے۔ ’’جھوٹ‘‘ خواہ زبان سے بولا جائے یا عمل سے ظاہر ہوجائے بہرحال یہ تمام قولی اور عملی برائیوں کی جڑ ہے۔ اور جھوٹے شخص سے محض جھوٹ بولنے کی وجہ سے دوسری کئی برائیاں لازمی طور پرصادر ہوجاتی ہیں ۔ اسی وجہ سے قرآنِ مجید میں اللہ تعالیٰ نے ’’جھوٹ‘‘ کے ساتھ دوسری بھی کئی برائیوں کا ذکر فرمایا ہے۔
چنانچہ ایک جگہ ارشاد ہے: ’’ترجمہ: وہ (شیاطین) ہر ایسے شخص پر اُترتے ہیں جو پرلے درجے کا جھوٹا گناہ گار ہو۔‘‘ ایک دوسری جگہ ارشاد ہے: ترجمہ: بے شک اللہ تعالیٰ کسی ایسے شخص کو راہِ راست پر نہیں لاتے جو جھوٹ بولنے والا ہو، احسان کا حق نہ ماننے والا ہو۔‘‘ ایک اور جگہ ارشاد ہے: ’’ترجمہ: اللہ تعالیٰ کسی ایسے شخص کو ہدایت نہیں دیتے جو حد سے گزرنے والا (اور) جھوٹ بولنے کا عادی ہو۔‘‘
حضور ِ اقدس اکا ارشاد ہے کہ: ’’جھوٹ گناہ کی طرف لے جاتا ہے، اور گناہ دوزخ میں لے جاتا ہے، اور آدمی جھوٹ بولتا رہتا ہے یہاں تک وہ اللہ تعالیٰ کے یہاں جھوٹا لکھ دیا جاتا ہے۔‘‘
حضرت عبد اللہ بن عمرو صسے روایت ہے کہ … ایک آدمی نے عرض کیا: ’’ یارسول اللہ (ا)! دوزخ میں لے جانے والا کام کیا ہے؟۔‘‘ آپ انے فرمایا : ’’جھوٹ بولنا، جب آدمی جھوٹ بولے گا تو گناہ کے کام کرے گا، اور جب گناہ کے کام کرے گا تو کفر کرے گا، اور جو کفر کرے گا وہ دوزخ میں جائے گا۔‘‘
اِس حدیث سے معلوم ہوا کہ جھوٹ کی برائی کی وسعت اتنی زیادہ ہے کہ کفر بھی اس میں آجا تا ہے، جس سے زیادہ بری چیز کوئی دوسری نہیں اور جس کے لیے نجات کا ہر دروازہ بند ہے۔
ایک حدیث میں آتا ہے، حضور ِاقدس ا نے ارشاد فرمایا کہ: ’’منافق کی تین نشانیاں ہیں: (۱)جب بات کرے گا تو جھوٹ بولے گا (۲) جب وعدہ کرے گا تو اُس کی خلاف ورزی کرے گا (۳)اور جب اُس کے پاس کوئی امانت رکھوائی جائے گی تو وہ اُس میں خیانت کرے گا۔‘‘
بظاہر تو یہ تین مختلف باتیں ہیں لیکن حقیقت میں یہ ایک ہی شکل کی تین مختلف صورتیں ہیں، جھوٹی باتیں کرنا تو جھوٹ ہے ہی، مگر وعدہ کرکے اُس کو پورا نہ کرنا، اور امین بن کر امانت میں خیانت کرنا یہ بھی تو ایک قسم کے عملی جھوٹ ہی ہیں۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...