... loading ...
... loading ...
۱۰ویں عالمی اُردو کانفرنس ۲۰۱۷ء
روشنیوں کے شہر کراچی میں دسویں اُردو عالمی کانفرس ہوئی جس کی وجہ سے اس شہر کاماحول پانچ دن تک ادبی رہا ہر طرف دنیا بھر سے آئے ہوئے قلم کاروں کی ملاقاتیں اور چرچا رہا،اس کانفرس کے موقعے پرجناب احمد شاہ نے دعوت نامے میں پیش لفظ تحریرکرتے ہوئے فرمایا:
معزز ممبر آرٹس کونسل!
دسویں عالمی اُردو کانفرنس کے ساتھ حاضرِ خدمت ہوں۔مجھے خود پر یقین نہیں آتا کہ دس برس قبل جب آپ نے مجھے پہلی بار منتخب کیا تھا تو میں نے یہ اعلان کیا کہ آرٹس کونسل میں ہر سال عالمی اُردو کانفرنس منعقد کی جائے گی جس سے دنیا بھر سے شاعر، ادیب و اسکالرز جمع ہوں گے اور زبان و ادب پر سیر حاصل بحثیں اور اس کے فروغ کے لیے کاوشیں ہوںگی۔ لوگوں نے کہا تھا کہ اس طرح کی باتیں پہلے آنے والوں نے بھی کی ہیں لیکن اب تک کچھ نہیں ہوا… آپ کو بھی دیکھ لیتے ہیں!
پھر آپ نے اپنی آنکھوں سے دیکھا پہلی کانفرنس ہو گئی۔ میں اللہ تعالیٰ کا شکر بجالاتا ہوں کہ میرے اندازے کے عین مطابق دنیا بھر میں زبان و ثقافت سے محبت کرنے والوں اور میڈیا سے اسے خوب پزیرائی ملی۔ پھر میں نے اس کے اختتامی اجلاس میں جب اعلان کیا کہ اگلے سال فلاں تاریخ کو دوسری کانفرنس ہوگی تو انھی لوگوں نے کہا پاگل ہے، اگلے ماہ الیکن ہے پتا نہیں اس کا کیا حشر ہوگا چناںچہ تمام روایتی سیاست بازوں نے اس کے خلاف اتحاد بنا لیا کہ یہاں کارکردگی پر کس کو ووٹ ملتا ہے وغیرہ وغیرہ:
سب پہ جس بار نے گرانی کی
اُس کو یہ ناتواں اُٹھا لایا
ہم اپنے کام میں مگن رہے، مراحل طرے ہوتے گئے اور منزلیں سر ہوتی چلی گئیں۔ پھر دوسری کانفرنس منعقد ہوئی، پھر تیسری، چوتھی، پانچویں، چھٹی، ساتویں، آٹھویں، نویں اور اب الحمدللہ دسویں عالمی اُردو کانفرنس کا شیڈول آپ کے ہاتھوں میں ہے۔ ہم نے وہی فیصلے کیے جو ادارے کے مفاد میں تھے۔ پھر آپ نے بھی تو ایک عام سے غیر معروف ، لوگوں کی نظر میں نیم پاگل، اجڈ آدمی کو وہ اعتماد دیا جس کی بدولت دنیا کا کوئی کام پھر مجھے مشکل نہیں رہا اور پھر آپ نے مجھے اس عظیم الشان ادارے کا پہلا صدر منتخب کیا جو اعزاز اُن سب کو نصیب نہیں ہو سکا تھا۔
دوسرا ہم پر یہ الزام بھی ہے کہ ہم عالمی اُردو کانفرنس صرف الیکن جیتنے کے لیے کرتے ہیں، اس سال تو الیکن بھی نہیں ہے تو پھر!۔ آپ اسے ہمارا پاگل پن کہہ لیں کیوںکہ ہمیں اس کے انعقاد سے ایک توانائی اور تازہ اعتماد ملتا ہے۔ ہمارا مقصد ہرگز کوئی عہدہ، دستار یا مسند نہیں بلکہ ہم تو یہ سب اپنے شہر کی ادبی اور ثقافتی شناخت کو مضبوط بنانے کے لیے کرتے ہیں تاکہ سوسائٹی میں ایک مثبت تبدیلی آئے۔ آج الحمدللہ عروس الباد کراچی کی روشنیاں لوٹانے میں ہمارے بھرپور کردار کی پورا شہر تعریف کرتا ہے۔
جب میں نے آرٹس کونسل میں قدم رکھا تھا تو اس کی گرانٹ دس لاکھ روپے تھی اور آج دس کروڑ روپے ہے۔ ترقی و ترویج کے سفر میں ہمارے راستے مسدود کرنے کے لیے جھوٹے مقدمات، کرپشن کے الزامات حتیٰ کہ محاسبہ تک کرایا گیا، نیب کا کلیئرنس خط کہتا ہے کہ ’’ہمارے تمام کام قانون کے مطابق تھے‘‘ تو میں کہتا ہوں تھے، ہیں اور رہیں گے۔ اللہ کے کرم سے ہر قدم پر عزت و توقیر ملی اور سب سے بڑی بات یہ کہ آپ سب کا ہر سال بھرپور اعتماد کا ووٹ ملا:
رکھنے والے نے ہمیشہ سرخ رو رکھا ہمیں
آپ کے اسی اعتماد کا نتیجہ ہے کہ برسوں سے قبضہ شدہ آرٹس اسکول کو ہم نے وا گزار کر بحال کیا، میوزک و تھیٹر اکیڈمیوں کا قیام، مشرقی موسیقی کے فروغ کے لیے میوزک فیسٹیولز منعقد کرائے، تھیٹر کی بحالی کے لیے تھیٹر فیسٹیولز اور آج یہاں اُردو اور انگریزی کلاسیکل ڈراموں سے لے کر ماڈرن ڈرامے تک ہر روز معیاری تھیٹر ہوتا ہے۔ پھر نوجوانوں کو آرٹس کونسل سے جوڑنے کے لیے یوتھ فیسٹیولز کیے جس میں لاکھوں کی تعداد میں نوجوان حصہ لے چکے ہیں جن کی حوصلہ افزائی خطیر نقد انعامات سے کی گئی۔ ناصرف یہ بلکہ مصوری کی نمائشیں، بچھڑنے والے دوستوں کے تعزیتی جلسے، بے شمار کتابوں کی اشاعت اور رونمائیاں، بائیو میٹرک ممبر شپ کارڈز کا اجراء، فول پروف انتظامات کے لیے سی سی ٹی وی کیمروں کی تنصیب، ساٹھ برس اور اس سے زائد العرم ممبران کی فیس ختم کی، آڈیٹوریم کی تزئین و آرائش، سوشل میڈیا اور عالمی طرز کی ویب سائٹ کے ذریعے آرٹس کونسل کو پوری دنیاسے مربوط کیا، امریکہ و جرمنی کے وفود آئے، اسی سال چائنہ کے ثقافتی وفد کے ساتھ ایم ویو پر دستخط، نئی بلڈنگ کی تعمیر جس میں نئے تھیٹر ہال کے ساتھ ساتھ تین آرٹ گیلریاں، آڈیووڈیو اسٹوڈیوز، جدید لائبریری اور تمام اکیڈمیز کے لیے کلاس رومز اور دیگر سہولیات شامل ہیں۔ یہاں تک کہ دنیا بھر میں آپ کا ادارہ ناصرف قابلِ توصیف ہے بلکہ فعال ترین اداروں کی فہرست میں نمایاں ہے۔
امسال اُردو کانفرنس پہلے سے زیادہ رعنائیوں کے ساتھ سجانے کا اہتمام ہے، چوںکہ آرٹس کونسل پاکستان کے ستر سالہ جشن کو بھی خوب شایانِ شان طریقے سے منا رہا ہے لہٰذا اس کانفرنس کی خاص بات یہ بھی ہے کہ قیام پاکستان سے اب تک جن ادبی، ثقافتی، فنی شخصیات نے اپنے اپنے شعبوں میں کارکردگی دکھائی ہے ان کو خراجِ تحسین پیش کیا جا رہا ہے اور ادب ثقافت کے تمام شعبوں پر خصوصی سیشن رکھے گئے ہیں۔ دوسرا یہ کہ پچھلی نو اُردو کانفرنسوں کا احوال اور کئی نابغۂ روزگار ادبی شخصیات جو ہمارے درمیان تھیں ان پر خصوصی دستاویزی فلم دکھائی جائے گی اور یہ بھی دکھایا جائے گا کہ عالمی اُردو کانفرنس نے کون کون سے ادوار طے کیے۔
میں آپ سب کا اور میڈیا کا بھی شکر گزار ہوں کہ آپ کی تمام پروگراموں میں بھرپور شرکت سے ہمارے حوصلے بلند ہوتے ہیں، ہم آپ کے بغیر نامکمل اور ادھورے ہیں۔ مجھے یقین ہے کہ اس مرکز تہذیب و ثقافت، اپنے شہر اور زبان و ادب سے محبت کے عملی ثبوت کے طور پر حسب روایت اپنے اہلِ خانہ کے ہمراہ بھرپور شرکت کریں گے۔ ہم آپ کے استقبال کے لیے موجود ہوں گے۔
اپنا اور اہل خانہ کا خیال رکھیے گا۔
آپ کا ، محمد احمد شاہ
عہدیدران و اراکین گورننگ باڈی
اطہر وقار عظیم، پروفیسر اعجاز احمد فاروقی، قدسیہ اکبر، شہناز صدیقی،محترمہ حسینہ معین، پروفیسر سحر انصاری، طلعت حسین، ڈاکٹر ایس ایم قیصر سجاد کاشف گرامی، ڈاکٹر ہمار میر، محمد اقبال لطیف، سید سجاد حسن، محترمہ نور الہدیٰ شاہ، سید سعادت علی جعفری، سہیل احمد، شیخ راشد عالم، ڈاکٹر محمد ایوب شیخ، سید اسجد حسین بخاری، خالد آرائیں، شکیل خان، محمد بشیر خان سدوزئی۔
حکومت کی جانب سے بجٹ کے حوالے سے آئی ایم ایف کو مطمئن کرنے کی کوششیں ، دونوں فریقین میںمذاکرات کا جاری ، ممکنہ خسارے کے ازالے کیلئے متبادل ریونیو اقدامات پر مشاورت حکومت کا فنانس بل میں شامل مختلف ٹیکس رعایتوں کی مکمل تفصیلات جاری کرنے سے گریز، تنخواہ دار طبقے کو دیے گئے ٹیکس ر...
میری وزیراعلیٰ خیبر پختونخوا سہیل آفریدی سے بات ہوگئی ہے،صوبائی حکومت صرف 3 ماہ کا بجٹ پیپر پاس کرے گی، آئین کا آرٹیکل 125 اجازت دیتا ہے، آپ 3 ماہ کا بجٹ پیپر پیش کرسکتے ہیں بانی پی ٹی آئی سے ملاقات تک حتمی بجٹ پیش نہیں ہوگا،30 جون تک بانی سے ملاقات نہ ہوئی تو خیبر پختونخوا...
ملزمہ سادہ کوکین 20ہزار فی گرام جبکہ گولڈن اسٹف40ہزار فی گرام فروخت کرتی تھی مقدمے میں نامزد پانچ ملزمان مفرور قرار ،پولیس نے گرفتاری کیلئے کارروائیاں تیز کر دی کراچی میں منشیات فروشی کے مبینہ بڑے نیٹ ورک کی مرکزی ملزمہ انمول عرف پنکی اور دیگر کے خلاف منشیات کے مقدمے کا عبوری...
منشیات کی ترسیل کے لیے انڈوں کے خول استعمال کیے جاتے تھے،ملزم شاہ فہد سہراب گوٹھ سے مختلف رائیڈرز کے ذریعے مختلف علاقوں میں سپلائی کیا جاتا تھا کراچی سائوتھ زون پولیس نے کارروائی کرتے ہوئے منشیات سپلائی کرنے والے ایک اور مبینہ منظم نیٹ ورک کا سراغ لگانے کا دعوی کیا ہے۔ گرفتار...
رواں سال ڈبل ڈیکر اور جدید الیکٹرک بسوں کی بڑی تعداد کراچی پہنچ جائے گی،شرجیل میمن نئی ڈبل ڈیکر اور ماحول دوست ای وی بسیں مرحلہ وار مختلف روٹس پر چلائی جائیں گی،گفتگو سندھ کے سینئر وزیر شرجیل انعام میمن نے کراچی کے شہریوں کے لیے پبلک ٹرانسپورٹ کے شعبے میں ایک اہم پیش رفت کا ا...
ایک شخص کی وجہ سے ملکی تناؤ ہے تو اسے باہر نکالیں، مجھے کہا جاتا ہے آپ تو عمران خان کیخلاف تھے، مخالف جیل میں ہاتھ پاؤں بندھا پڑا ہو تو اس کیخلاف بات نہیں کرتے،سربراہ جے یو آئی اسمبلی میں اپوزیشن لیڈروں کی تقریروں کو بلیک آؤٹ کیا جا رہا ہے، ہم نے کشمیریوں کی ماؤں بہنوں کی...
81ہزار ٹن خریداری ہدف سے کم، مقامی مارکیٹ اور پاسکو سے مزید گندم خریدنے کا فیصلہ ہاریوں کو مقررہ امدادی قیمت کی ادائیگی ہر صورت یقینی بنائی جائے،اجلاس میں تفصیلی جائزہ وزیراعلیٰ سندھ سید مراد علی شاہ کی زیر صدارت وزیراعلی ہاؤس میں محکمہ خوراک اور محکمہ زراعت کا مشترکہ اجلاس ...
عوام بخوبی جانتے ہیں کہ کس نے اسے بوری بند لاشوں کے تحفے دیے،سینئر صوبائی وزیر کراچی ملک کا معاشی حب اور سندھ کا دارالخلافہ ہے، خالد مقبول کے بیان پر سخت ردعمل سینئر صوبائی وزیر شرجیل انعام میمن کا خالد مقبول صدیقی کے بیان پر سخت ردعمل دیتے ہوئے کراچی کے عوام بخوبی جانتے ہیں ...
تحریکِ انصاف کی قیادت اور اپوزیشن اتحاد 16 جون بروز منگل دوپہر 3 بجے سے شام 7 بجے تک اڈیالہ جیل کے باہر ایک مضبوط اور پرامن عوامی طاقت کا مظاہرہ کرنے جارہے ہیں،خصوصی بیان اس احتجاج کے پیچھے کوئی سیاسی مقاصد یا توڑ پھوڑ نہیں بلکہ خالصتاً قانونی اور انسانی بنیادیں شامل ہیں، احتجاج...
پارٹی میں موجود بدعتوں کو اب نکالنا ہوگا جس کے دل میں پارٹی کی ذمہ داری کا شوق آیا وہ کچھ نہیں کر سکتا، ہم استعمال نہیں ہورہے کوئی اور استعمال ہو رہا ہے ، خالد مقبول صدیقی کی مصطفی کمال پر تنقید ایکسٹینشن والا لیڈر قوم کو کبھی ان کے حقوق نہیں دلوا سکتا جس لیڈر کا کریکٹر نہیں و...
حکومت اب بھی ایک لیٹر پیٹرول پر120 روپے سے زائد پیٹرولیم لیوی وصول کررہی ہے بہت تماشا ہوگیا وسائل پر قابض اشرافیہ عوام کے راستے سے ہٹ جائے،تقریب سے خطاب امیر جماعت اسلامی پاکستان حافظ نعیم الرحمن نے کہا ہے بجٹ میں آئی ٹی کے فروغ کے لیے کوئی جامع منصوبہ شامل نہیں۔ سات دہائیوں...
امریکا اور ایران کے درمیان مفاہمتی یادداشت پر دستخط اتوار کو نہیں ہوں گے جنگ کے خاتمے پر توجہ مرکوز کرنے والے اسلام آباد میمورنڈم پر عمل کیا جا رہا ہے ایرانی وزارت خارجہ کے ترجمان اسماعیل بقائی نے کہا ہے کہ امریکا سے معاہدے پرآج دستخط نہیں کر رہے ہیں۔ایک بیان میں اسماعیل بق...
