... loading ...
... loading ...
پاکستان پیپلزپارٹی کی صوبائی حکومت نے 5جون 2017ءکواپنا مسلسل دسواں بجٹ پیش کردیا لیکن دیکھا جائے توان دس سالوں میں کسی ایک بھی شہر کومثالی نہیں بنایاگیا۔ کسی ایک بھی سڑک کوبہترین نہیں بنایا ۔ کسی ایک اسپتال یا کسی ایک تعلیمی ادارے کونہیں بنایاگیا جس کے لئے دعویٰ کیاجائے کہ دیکھو حکومت سندھ نے یہ کیسا شاندار کارنامہ سرانجام دیاہے مگراس کے باوجود سندھ کے حکمراں بڑے دعوے کے ساتھ عوام کی خدمت کی بات کرتے ہیں ۔ اب ان حکمرانوں کوکون سمجھائے کہ بہترحکمرانی وہ ہوتی ہے جوظاہر میں دکھائی بھی دے، صرف امن امان ہی ایسا مسئلہ ہے جس پر سابق آرمی چیف جنرل راحیل شریف نے دلیرانہ اورفیصلہ کن اندا ز میں عمل کردکھایا، جس کی بدولت اب چھوٹے موٹے جرائم پیشہ افراد یا تومفرور ہیں یا زیر زمین چلے گئے ہیں یاپھرجیلوں میں بند ہیں ۔ راحیل شریف کا اس قوم پرایک بڑا احسان ہے کہ کراچی جیسے عروس البلاد شہر کوامن کا گہوارہ بنایا، پشاور اورکوئٹہ جیسے شہروں میں پرامن فضا قائم کی ،آپریشن سے قبل سندھ بھرمیں مغرب کی اذان ہوتی تھی توسڑکیں سنسان ہوجاتی تھیں ڈاکو،لٹیرے اورچور سڑکوں پرپوری رات دندناتے پھرتے تھے اوران کوپولیس بھی کچھ نہیں کہتی تھی لیکن جب جنرل راحیل شریف آئے توسب اپنی بلوں میں چھپ گئے یوں کراچی سے لے کرکشمورتک مکمل امن ہوا۔
قائم علی شاہ کے دورمیں جب امن ہواتو پی پی نے بڑے بڑے دعویٰ کئے لیکن پھرکیا ہوا؟ اچانک قائم علی شاہ کوتبدیل کرکے مراد علی شاہ کو وزیراعلیٰ بنادیاگیا اورپھرجب دسمبر میں آئی جی سندھ پولیس سے انورمجید کی کھینچا تانی شروع ہوئی تومراد علی شاہ سے بہت سے امیدیں وابستہ کی گئیں ۔مراد علی شاہ موجودہ آئی جی سندھ پولیس اے ڈی خواجہ کی عزت دووجوہات کی بنا پر کرتے ہیں ،ایک یہ کہ اے ڈی خواجہ سابق وزیراعلیٰ عبداﷲ شاہ (موجودہ وزیراعلیٰ کے والد)کے پرسنل اسٹاف افسر(پی ایس او)تھے ،دوسرا یہ کہ اے ڈی خواجہ کی شہرت صاف ستھری ہے، وہ مالی بے قاعدگیوں میں ملوث نہیں ہیں لیکن جب آصف زرداری کا حکم آیا کہ آئی جی سندھ پولیس کوجبری چھٹی پر بھیجا جائے توانہوں نے سرتسلیم خم کیا، ان کو حکم ملا کہ آئی جی کی خدمات وفاق کے حوالے کرکے سردار عبدالمجید دستی کوقائم مقام آئی جی بنایا جائے توانہوں نے من وعن حکم پرعمل کیا پھران کوہرہفتے حکم دیاگیا کہ آئی جی کے لئے کیا کیا رکاوٹیں کھڑی کی جائیں تووہ فرمانبردار غلام کی طرح عمل کرتے رہے لیکن اس کے باوجو دآصف زرداری،فریال تالپور ،اورانورمجید ان پرناراض ہیں ۔ انہوں نے سب کچھ بھلا کرآئی جی سندھ کے لئے زمین تنگ کی لیکن پھربھی تینوں طاقتور شخصیات وزیراعلیٰ سے راضی نہ ہوسکیں پھروہ کیا کرے؟ ہرحکم پرعمل کیا ،ہربات مانی لیکن وہ گُڈبُک میں زیادہ دیرتک نہ ٹھہرسکے۔ آخر ان سے کیا خطاہوئی کہ آقا ان سے خوش نہیں ہیں ؟اب پارٹی کے اندرچہ مگوئیاں چل رہی ہیں کہ مراد علی شاہ کوتبدیل کرکے دوافراد پرغور کیاجارہا ہے کہ ان میں سے کس کووزیراعلیٰ سندھ بنایا جائے، ان میں ایک نام سکھر سے تعلق رکھنے والے مہر گروپ کے سید ناصر حسین شاہ ہیں اوردوسرا نام صوبائی وزیر داخلہ سہیل انور سیال کا ہے ۔ناصرحسین شاہ پہلی مرتبہ سید خورشید شاہ کی سفار ش پر1997 میں ایم پی اے بنے، پرویز مشرف کے دورمیں وہ دومرتبہ سکھرکے ناظم رہے اورعلی محمد مہر کی وزارت اعلیٰ کے دورمیں وہ راتوں رات ارب پتی بن گئے اور پھر 2008ءمیں جب پی پی حکومت بنی توناصر حسین شاہ صوبائی اسمبلی کی نشست ہارگئے ، 2013ءمیں وہ سکھر سے ایم پی اے منتخب ہوگئے اس طرح وہ اب پی پی کی قیادت کی آنکھ کا تارا بن گئے ہیں ۔
سہیل انور سیال2001ءکے بلدیاتی الیکشن میں یونین کونسل کے ناظم شپ کا الیکشن ہار گئے تھے پھر2013ءکے عام انتخابات میں آصف زرداری اور فریال تالپر کی بھرپور حمایت کے باوجود وہ صوبائی حلقے کا الیکشن ہار گئے بعدمیں حاجی الطاف حسین انڑ انتقال کرگئے توانہیں پوری سرکاری مشینری استعمال کرکے بلا مقابلہ ایم پی اے بنایاگیا ۔اب دونوں وزیراعلیٰ بننے کے لئے پرتول رہے ہیں ۔انہیں یہ یقین دلایاجارہا ہے کہ عام انتخابات کے بعدبھی ان کو وزیراعلیٰ بنایا جائے گا ،اس لئے وہ تیار ہوجائیں ،تعجب کی بات ہے کہ وزیراعلیٰ مراد علی شاہ سب کچھ کرنے کے بعد بھی قیادت کااعتماد حاصل نہیں کرسکے ہیں ۔
متحدہ قومی موومنٹ نے سندھ اسمبلی میں منشیات فروشی اور گداگر نیٹ ورک کیخلاف قرارداد جمع کرا ئی ہے جس میں کہاگیاہے کہ کراچی میں ، گداگر مافیا جرائم پیشہ افراد کے لیے جاسوسی کررہاہے،شہر میں بھیک مانگنے کا منظم کاروبار چلا یاجارہا ہے۔ایم کیو ایم کے اراکین اسمبلی ریحان اکرم،ارسلان پرو...
حکومت نے قومی احتساب بیورو (نیب) کے لیے نئے قواعد و ضوابط تیار کرلیے ، جس کے مطابق آئندہ کسی بھی سیاستدان کی براہ راست گرفتاری ممکن نہیں ہوگی۔تفصیلات کے مطابق اسپیکر قومی اسمبلی ایاز صادق کی چیئرمین نیب سے ملاقات ہوئی جس کی اندرونی کہانی کے مطابق اسپیکر نے نیب چیئرمین کو نئے ایس...
پاکستان کے ساتھ نئے قرض پروگرام پر مذاکرات کیلئے پہلے مرحلے میں اورآئی ایم ایف کی تکنیکی ماہرین کی ٹیم پاکستان پہنچ گئی۔ذرائع وزارت خزانہ کے مطابق نئے قرض پروگرام پر مذاکرات کا آغاز15مئی سے شیڈول ہے ، آئی ایم ایف مشن چیف نیتھن پورٹر وفد کی قیادت کریں گے ۔ذرائع کے مطابق ماہرین کی ...
چین نے چاند کے گرد مدار میں چھوڑے گئے پاکستانی سیٹلائیٹ آئی کیوب قمر کا ڈیٹا جمعہ کو پاکستان کے حوالے کر دیا جس سے دونوں ممالک کے درمیان چاند بارے تحقیق میں تعاون مزید گہرا ہوا ہے ۔یہ سیٹلائٹ چین کے خلائی مشن چینگ 6کے ذریعے چاند کے گرد مدار میں چھوڑا گیا ہے ۔چائنا نیشنل سپیس ایڈم...
کنوینر ایم کیو ایم پاکستان ڈاکٹر خالد مقبول صدیقی نے کہا ہے کہ گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، اس معاملے میں کارکردگی اگر معیار بنی تو پھر فیصلے اسی حساب سے ہوں گے۔خالد مقبول نے خصوصی گفتگو کرتے ہوئے کہا کہ گورنر سے متعلق جو تبدیلی کی بات ہو رہ...
سندھ میں 2022ء کے سیلاب کے بعد محکمہ خوراک کے افسران نے 3 لاکھ 79 ہزار بوریوں میں ناقص گندم اور مٹی ملا کر سرکاری خزانہ کو 3 ارب 22 کروڑروپے کا نقصان پہنچایا، وزیراعلیٰ کی معائنہ ٹیم کی رپورٹ میں ذمے داران افسران کے خلاف کارروائی کی سفارش۔ گندم کے خراب ہونے سے متعلق وزیراعلیٰ کی ...
تحریک انصاف کے بانی و سابق وزیراعظم عمران خان نے کہا ہے کہ 9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا۔جیل سے اپنے ایک بیان میں عمران خان نے کہا کہ 9مئی 2023ء کی حقیقت قوم پر پوری طرح واضح ہے ، بتایا جائے کس کے حکم پر حساس مقامات کی سیکیورٹی ہٹائی گئی۔بانی پ...
سول عدالتوں کی تقسیم اوروکلاء پر دہشت گری کی دفعات کے تحت مقدمات کے اندراج کے خلاف احتجاج شدید ہنگامہ آرائی میں تبدیل ہوگیا،لاہور ہائیکورٹ میں داخل ہونے کے معاملے پر وکلاء اور پولیس کے درمیان تصادم کے نتیجے میں جی پی او چوک میدان جنگ بن گیا ، پولیس کی جانب سے وکلاء پر لاٹھی چارج ...
اسلام آباد ہائی کورٹ نے سینئرجج جسٹس محسن اخترکیانی اور جسٹس بابرستار کے خلاف سوشل میڈیا مہم پر ججوں کی جانب سے لکھے گئے خطوط کے بعد توہین عدالت کی کارروائی کے لیے دو الگ الگ لارجر بینچز تشکیل دے دیے گئے ۔اسلام آباد ہائی کورٹ نے توہین عدالت کی کارروائی کے لیے اسلام آباد ہائیکورٹ ...
اپوزیشن اتحاد تحفظ آئین پاکستان اور پشتونخوا ملی عوامی پارٹی کے سربراہ محمود خان اچکزئی نے کہا ہے کہ مارشل لاء لگانے والے پہلے معافی مانگ لیں پھر میں نو مئی والوں سے بھی کہہ دوں گا تو وہ بھی معافی مانگ لیں گے ۔اسلام آباد میں منعقدہ تحفظ آئین پاکستان کیسے اور کیوں؟ کے عنوان سے س...
سابق صدر مملکت ڈاکٹر عارف علوی نے کہا ہے کہ میں چاہتا ہوں 9مئی واقعات پرآزاد کمیشن بنے ،تحقیقات کی جائیں اور ملوث عناصر کو سزا دی جائے ،جو ٹرائل کرنا ہے کریں مگر جو عوام نے انتخابات میں فیصلہ کیا اس کی عزت کی جائے ،بانی پی ٹی آئی واحد لیڈر ہے جو دنیا میں مقبول ہے ، اگر ایسے لوگ ا...
وزیر اعظم شہباز شریف نے ملک بھر میں تعلیمی ایمرجنسی نافذ کرنے کا اعلان کرتے ہوئے کہا ہے کہ تعلیم کے بغیر کوئی قوم ترقی نہیں کرسکتی، پاکستان میں 2کروڑ 60 لاکھ بچوں کا اسکول نہ جانا بڑا چیلنج ہے ۔تعلیمی قومی کانفرنس سے خطاب کرتے ہوئے انہوںنے کہاکہ تعلیم کے بغیر کوئی قوم ترقی نہیں ک...
