... loading ...
امریکا کی قومی سلامتی کے اہم ترین راز چرالئے گئے ہیں، گزشتہ دنوں یہ خبر اس وقت سامنے آئی جب امریکی انٹیلی جنس ایجنسی نے امریکا میں دشمن پر نگاہ رکھنے اور جاسوسی سے متعلق ادارے میں کام کرنے والے ایک ٹھیکیدار کو گرفتار کرلیا، اس 51سالہ ٹھیکیدار کوادارے میں موجود سی آئی اے، اور امریکی سائبر کمانڈ سے متعلق اہم ترین راز چرانے کامرتکب قرار دیاگیا ہے، امریکی خفیہ اداروں کے ذرائع نے دعویٰ کیاہے کہ ٹھیکیدار پر جو راز چرانے کاالزام عاید کیاگیاہے وہ سنوڈن کے چرائے ہوئے قیمتی رازوں سے بھی زیادہ قیمتی اور تعداد میں زیادہ ہیں۔
گزشتہ روز امریکی حکام کی جانب سے جاری کی جانے والی معلومات کے مطابق قیمتی فوجی اور انٹیلی جنس کے را ز چوری کرنے والے ٹھیکیدار کانام ہیرالڈ مارٹن ہے اور اس کے چرائے ہوئے راز اگر کہیں شائع ہوجائیں تو سنوڈن کی جانب سے افشا کئے جانے والے رازوں کے مقابلے میں بہت زیادہ ہلاکت خیز ثابت ہوں گے اور اس سے پوری دنیا میں امریکا کا پورا فوجی اور انٹیلی جنس نیٹ ورک خطرے میںپڑ جائے گا۔
نیویارک ٹائمز نے یہ خبر افشا کرتے ہوئے لکھا تھا کہ ایف بی آئی نے انٹیلی جنس سے تعلق رکھنے والے ایک ملازم کو انتہائی اہم خفیہ کمپیوٹر کوڈ چرانے کے شبہے میں گرفتار کیاتھا جس کی گرفتاری کے بعد انٹیلی جنس اور فوج کے بارے میں اہم راز چوری ہونے کا راز فاش ہوا۔نیویارک ٹائمز نے قیمتی فوجی راز چرانے والے ٹھیکیدار کانام ہیرالڈ ٹی مارٹن تھر ڈ برنی لکھاتھا ،اخبار کے مطابق ہیرالڈ ٹی مارٹن تھرڈ پہلے امریکی انٹیلی جنس کے ادارے میں ملازم تھا لیکن اس نے قیمتی راز چرانے کے بعد ملازمت ترک کردی تھی اور محکمہ دفاع ہی میں ٹھیکیدار کی حیثیت سے کام شروع کردیاتھا۔
ٹائمز میں شائع ہونے والی رپورٹ کے مطابق محکمہ دفاع کے ٹھیکیدار کی گرفتاری کی تصدیق اس کے ایک پڑوسی نے بھی کی ہے، اخبارکے مطابق مارٹن کے ایک پڑوسی نے بتایا کہ اس نے دیکھا کہ ایف بی آئی کے اہلکار فوجی طرز کی یونیفارم پہن کر ہاتھوںمیں بندوقیں اٹھائے ہوئے مارٹن کے گھر میں داخل ہوئے اور تھوڑی دیر کے بعد وہ مارٹن کو ساتھ لئے ہوئے اس طرح گھر سے باہر نکلے کہ مارٹن کے ہاتھوں میںہتھکڑیاں پڑی ہوئی تھیں۔
اخبار کی رپورٹ کے مطابق مارٹن کی گرفتاری کے بعد یہ قیاس آرائیاں کی جارہی تھیں کہ مارٹن نے این ایس اے کے جو کوڈ اور قیمتی راز چرائے ہیں وہ شیڈو بروکرز کے نام سے پہچانے والے گروپ کے ہاتھ لگ گئے ہیں لیکن اس کے بعد سے امریکی حکام اس حوالے سے افواہوں ، قیاس آرائیوں اور خبروں کی تصدیق یاتردید کرنے سے گریز کررہے ہیں اور اس حوالے سے کوئی بات کرنے کو تیار نہیں ہیں جس کی وجہ سے ان خبروں کوتقویت مل رہی ہے کہ امریکا کے قیمتی فوجی اورانٹیلی جنس راز کسی تیسری قوت کے ہاتھ لگ چکے ہیںجس کی وجہ سے امریکی سلامتی خطرے میں پڑسکتی ہے۔ جبکہ ایک اور اطلاع کے مطابق مارٹن اپنے چرائے ہوئے راز فروخت نہیں کرسکاتھا لیکن اس کے پاس سے برآمد ہونے والی خفیہ دستاویزات اب اس کو زندگی بھریا کم از کم 20سال تک جیل میں رکھنے کے لیے کافی ثابت ہوں گی۔
بزنس انسائیڈر نامی امریکی اخبار نے اپنی گزشتہ روز کی اشاعت میں انکشاف کیا ہے کہ مارٹن انتہائی اہم اور حساس نوعیت کے ڈاکومنٹس اور راز جن میں فوجی اور انٹیلی جنس افسران کی بات چیت کے ٹیپ اور ویڈیوز بھی شامل تھیں چرانے میں کامیاب ہوگیاتھا اور یہ تمام دستاویزات اس کے گھر پر ایف بی آئی کے چھاپے کے دوران برآمد ہوئیں جبکہ کچھ ڈاکومنٹس اس کی کار سے بھی برآمد ہوئے جن میں امریکا کی فوجی صلاحیتوں، سائبر اسپیس میں موجود خلا،امریکی فوج اور انٹیلی جنس کے مخصوص اہداف اوردہشت گرد گروپوں کے خلاف انتہائی حساس آپریشنز کے حوالے سے فوجی اور انٹیلی جنس افسران کی بات چیت پر مبنی ٹیپس اورویڈیوز بھی شامل تھیں۔
اس خبر سے مارٹن کے چوری کردہ اہم فوجی اور انٹیلی جنس رازوں کی حساسیت کااندازہ لگایاجاسکتاہے اور اس سے ثابت ہوتاہے کہ یہ راز سنوڈن کے افشا کردہ راز سے کہیں زیادہ اہم اور حساس نوعیت کے تھے۔ مارٹن کے چوری ڈاکومنٹس میں نیشنل انٹیلی جنس کمیونٹی کی تربیت اورتربیتی مواد کے حوالے سے بھی تفصیلات موجود تھیں۔
اخباری اطلاعات کے مطابق مارٹن پر اہم اور حساس نوعیت کے فوجی اور انٹیلی جنس راز چوری کے حوالے سے 20 دفعات پر مبنی الزامات عاید کیئے گئے ہیں،ملزم نے نہ صرف یہ کہ این ایس اے ، بلکہ امریکی سائبر کمانڈ اور سی آئی اے کے راز بھی چوری کئے اور اپنے قبضے میں رکھے ہوئے تھے۔
مارٹن پر جو الزامات لگائے گئے ہیں ان میں لکھاگیاہے کہ اس نے 2008 کے سی آئی اے کے وہ ڈاکومنٹس بھی چوری کئے جن میں غیر ممالک سے انٹیلی جنس ذرائع کے حوالے سے جمع کردہ معلومات کے علاوہ یہ معلومات حاصل کرنے کا طریقہ کار اور انٹیلی جنس معلومات کے حصول کے اہداف شامل تھے۔ ان میں 17اگست 2016 کا وہ سائبر کام ڈاکومنٹ بھی شامل تھا جس میں امریکی فوجی صلاحیتوں کی خامیوں اور مخصوص فوجی آپریشنز کی تفصیلات بھی موجود تھیں۔ ان میں این ایس اے کے کمیونی کیشن سسٹم کے ٹیکنیکل ڈھانچے کی تفصیلات بھی موجود تھیں۔
مارٹن کو اسی ماہ یعنی فروری کے دوران ہی عدالت میں پیش کیاجائے گا اور اگر اس پر عاید کئے گئے الزامات ثابت ہوگئے تو اسے مجموعی طوپر 20سال تک کی سزا سنائی جاسکتی ہے اور اس طرح اسے20سا ل سے زیادہ عرصہ جیل میں گزارنا پڑسکتاہے۔
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
ہائی کورٹ کے جج جسٹس محسن اختر کیانی نے شاعر احمد فرہاد کی بازیابی کی درخواست پر سماعت کرتے ہوئے ریمارکس دیے ہیں کہ میری رائے ہے کہ قانون سازی ہو اور گمشدگیوں میں ملوث افراد کو پھانسی دی جائے ، اصل بات وہی ہے ۔ جمعرات کو اسلام آباد ہائی کورٹ کے جسٹس محسن اختر کیانی نے مقدمے کی سم...
رہنما ایم کیو ایم مصطفی کمال نے کہا ہے کہ جج کے پاس وہ طاقت ہے جو منتخب وزیراعظم کو گھر بھیج سکتے ہیں، جج کے پاس دوہری شہریت بہت بڑا سوالیہ نشان ہے ، عدلیہ کو اس کا جواب دینا چاہئے ۔نیوز کانفرنس کرتے ہوئے رہنما ایم کیو ایم مصطفی کمال نے کہا کہ کیا دُہری شہریت پر کوئی شخص رکن قومی...
شکارپور میں کچے کے ڈاکو2مزید شہریوں کواغوا کر کے لے گئے ، دونوں ایک فش فام پر چوکیدرای کرتے تھے ۔ تفصیلات کے مطابق ضلع شکارپور میں بد امنی تھم نہیں سکی ہے ، کچے کے ڈاکو بے لگام ہو گئے اور مزید دو افراد کو اغوا کر کے لے گئے ہیں، شکارپور کی تحصیل خانپور کے قریب فیضو کے مقام پر واقع...
سندھ کے سینئروزیرشرجیل انعام میمن نے کہاہے کہ بانی پی ٹی آئی کی لائونچنگ، گرفتاری، ضمانتیں یہ کہانی کہیں اور لکھی جا رہی ہے ،بانی پی ٹی آئی چھوٹی سوچ کا مالک ہے ، انہوں نے لوگوں کو برداشت نہیں سکھائی، ہمیشہ عوام کو انتشار کی سیاست سکھائی، ٹرانسپورٹ سیکٹر کو مزید بہتر کرنے کی کوشش...
پنجاب حکومت نے مزید مشاورت کرنے کیلئے ہتک عزت بل کی اسمبلی سے منظوری اتوار تک موخر کر دی جبکہ صوبائی وزیر وزیر اطلاعات عظمی بخاری نے کہا ہے کہ مریم نواز کی ہدایت پرمشاورت کے لئے بل کی منظوری کو موخر کیا گیا ہے ، ہم سوشل میڈیا سے ڈرے ہوئے نہیں لیکن کسی کو جھوٹے الزام لگا کر پگڑیاں...
سابق چیئرمین فیڈرل بورڈ آف ریونیو (ایف بی آر)شبر زیدی نے دبئی پراپرٹی لیکس پر ردعمل دیتے ہوئے کہا ہے کہ سیاستدان یہ بتائیں کہ جن پیسوں سے جائیدادیں خریدیں وہ پیسہ کہاں سے کمایا؟ایک انٹرویو میں دبئی میں پاکستانیوں کی جائیدادوں کی مالیت 20 ارب سے زیادہ ہے ، جن پیسوں سے جائیدادیں خر...
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ اگر اپوزیشن 9 مئی کی معافی مانگنے پر تیار نہیں تو ان کا رونا دھونا جاری رہے گا۔قومی اسمبلی میں اظہار خیال کرتے ہوئے بلاول بھٹو نے کہا کہ ان کا لیڈر رو رہا ہے اور کہہ رہا ہے مجھے نکالو، مجھے نکالو، یہ انگلی ...
وزیراعلیٰ خیبرپختونخوا علی امین گنڈاپور نے صوبے میں بجلی کی لوڈشیڈنگ میں کمی کے لیے وفاقی حکومت کو ڈیڈ لائن دے دی۔علی امین گنڈاپور نے کہا ہے کہ وفاقی حکومت صوبے میں لوڈشیڈنگ کم کرنے کے لیے آج رات تک شیڈول جاری کرے ، اگر شیڈول جاری نہ ہواتو کل پیسکو چیف کے دفتر جاکر خود شیڈول دوں ...
اسلام آباد ہائی کورٹ نے 190ملین پاؤنڈ کرپشن کیس میں بانی پی ٹی آئی کی 10 لاکھ روپے کے مچلکوں پر ضمانت منظور کرلی۔تفصیلات کے مطابق اسلام آباد ہائی کورٹ کے چیف جسٹس عامر فاروق اور جسٹس طارق محمود جہانگیری پر مشتمل ڈویژن بینچ نے بانی پی ٹی آئی کی ضمانت منظور کرنے کا فیصلہ سنادیا۔ عد...
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...