... loading ...
... loading ...
پاکستان میں سب سے زیادہ منظم جماعت سمجھے جانے والی ایم کیوایم ان دنوں انتشار کا شکار ہے۔ جس میں ایم کیوایم پاکستان اور لندن کے رہنما ایک دوسرے کو ہر گزرتے دن اپنی اپنی تنبیہ جاری کرتے ہیں۔ تازہ ترین اطلاعات میں ایم کیوایم لندن کے برطانیہ میں مقیم رہنماؤں نے متحدہ قومی موومنٹ پاکستان کے سربراہ فاروق ستار پر اپنی جماعت سے غداری کا الزام لگا کر اُنہیں پارٹی سے خارج کردیا ہے۔ مبصرین کے نزدیک یہ ایک مضحکہ خیز صورتِ حال ہے ۔ کیونکہ اُنہیں جس پارٹی سے خارج کیا گیا ہے وہ خود اُن ہی کے نام پر الیکشن کمیشن میں رجسٹرڈ ہے۔
یہ دلچسپ صورتِ حال اُس وقت پیدا ہوئی جب صرف ایک روز قبل ہی ایم کیو ایم پاکستان کے ایک اجلاس میں رابطہ کمیٹی نے مشترکہ طور پر فاروق ستار کو ایم کیو ایم کا کنوینئر بنانے اور عامر خان اور نسرین جلیل کو سینئر ڈپٹی کنوینئر جبکہ ڈاکٹر خالد مقبول صدیقی کو ڈپٹی کنوینئر بنائے جانے کا اعلان کیا تھا۔ ابتدا میں ایم کیوایم لندن کے رہنماؤں نے نسبتاً ایک نرم اعلان میں یہ کہنے پر اکتفا کیا کہ متحدہ قومی موومنٹ کے کارکنان کے منتخب کردہ کنوینئر ندیم نصرت ہیں،پارٹی آئین کے مطابق الطاف حسین کی زندگی میں اس قسم کے حساس نوعیت کے فیصلوں کا استحقاق اور اختیار کسی اور کو نہیں ہے۔ مگر اس اعلان کا کوئی خاص اثر پاکستان میں کسی بھی جگہ نہیں لیا گیا۔ اس کے بعد ایم کیوایم لندن نے ایک تازہ جھرجھری لیتے ہوئے اب کہا ہے کہ برطانیا میں مقیم رہنماؤں نے متحدہ پاکستان کے سربراہ ڈاکٹر فاروق ستار پر اپنی جماعت سے غداری کا الزام لگا کر اُنہیں پارٹی سے خارج کرنے کر دیا ہے۔ ظاہر ہے کہ ایم کیوایم لندن کے جن رہنماؤں کے نام لیے جارہے ہیں اُن میں مصطفی عزیز آبادی، قاسم علی رضا ، واسع جلیل اور محمد اشفاق شامل ہیں۔
ایم کیوایم پاکستان کے ایک اہم رہنما نے وجود سے گفتگو کرتے ہوئے کہا کہ یہ تمام رہنما الطاف حسین کے بغیر کوئی اہمیت نہیں رکھتے کیونکہ ان کی کراچی میں کوئی جڑیں نہیں۔ مگر جب الطاف حسین ایم کیوایم میں “اِن” تھے تو یہ تمام رہنما پاکستان سے لندن جانے والے رابطہ کمیٹی کے بھی اہم ترین رہنماؤں کو الطاف حسین سے ملنے کے لیے کئی کئی دنوں تک انتظار کراتے تھے۔ اب الطاف حسین کے غیر متعلق ہونے کے بعد یہ گئے وقتوں کی طرح کی طاقت اور اہمیت چاہتے ہیں۔ جو اُنہیں کسی طور نہیں ملے گی۔
حالات خواہ کچھ بھی ہو گئے ہوں، مگر ندیم نصرت کو ایم کیوایم کی رابطہ کمیٹی کا سینئر ڈپٹی کنوینئر 25 فروری 2015 کو مقرر کیا گیا تھا۔ جس کے بعد وہ امریکا سے لندن آگئے تھے ۔ پھر اُنہیں6 اکتوبر 2015 کو قائم مقام کنوینئر مقرر کردیا گیا تھا۔ یہاں تک کہ 31 جنوری 2016 تک آتے آتے ندیم نصرت رابطہ کمیٹی کے بھی اوپر قائم ہونے والی ایک نورکنی سپریم کونسل کے کنوینئر مقرر کر دیئے گئے تھے۔ مگر 22 اگست 2016 کے الطاف حسین کے خطاب اور پاکستان مخالف نعرے نے ایم کیوایم کے زمین وآسمان بدل دیئے۔ اور 23 اگست کو ایم کیوایم پاکستان نے اپنے ہی بانی اور قائد الطاف حسین سے اعلان لاتعلقی کردیا۔ ابتدا میں ایم کیوایم پاکستان کے الطاف حسین سے اعلان لاتعلقی کو پاکستان کے مختلف حلقے کوئی حقیقی پیش رفت سمجھنے کے لیے تیار نہیں تھے۔ مگر وہ حلقے اس حقیقت سے بے خبر تھے کہ خود ایم کیوایم کے اندر پہلے سے ہی کتنے طوفان پرورش پارہے تھے۔ اور الطاف حسین کے دفاع میں ناکام رہنے والے بعض رہنما خاموشی سے اِدھر اُدھر ہورہے تھے۔ جبکہ بعض تو بیرون ملک کی بھی راہ لے چکے تھے۔ اس سے قطع نظر اب ایم کیوایم پاکستان نے اپنے لیے ایک نئی منزل کی تلاش شروع کردی ہے۔ اور ایم کیوایم لندن سے جاری یہ لڑائی کسی تصادم کے خطرے سے بھی خالی نہیں۔
ان تمام حالات میں اب اس امر پر خاص توجہ دی جارہی ہے کہ ایم کیوایم لندن کے پاس کتنے آپشنز باقی رہے ہیں۔ پچھلے دنوں ایم کیوایم پاکستان کے کنونیئر ڈاکٹر فاروق ستار نے یہ کہہ کر سب کو چونکا دیا تھا کہ ایک مرتبہ پھر بھتے کی پرچیاں ملنے لگی ہیں۔ کیا وہ قانون نافذ کرنے والے اداروں کو اس پر متوجہ کررہے تھے کہ ایم کیوایم لندن نے کراچی میں اب “براہ راست احکامات” کا سلسلہ شروع کردیا ہے؟ڈاکٹر فاروق ستار کا مقصد کچھ بھی رہا ہو، یہ پہلو ناقابل نظر انداز ہے کہ ایم کیوایم لندن اب ایم کیوایم پاکستان کے ساتھ تصادم کی طرف جانے کی تیاریاں کررہی ہے۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
