... loading ...
... loading ...
بورڈ آف ریونیو، سندھ کے رجسٹریشن ونگ میں ایک مخصوص “چمک سسٹم” کے رائج ہونے کا انکشاف ہوا ہے، انتہائی باخبر ذرائع کے مطابق کراچی میں چالیس سے زائد سب رجسٹرارز، بورڈ آف ریونیو کے رجسٹریشن ونگ کے ماتحت کام کر رہے ہیں اور ان تمام سب رجسٹرارز کے تبادلے، تعیناتی اور دیگر محکمہ جاتی معاملات اسی مخصوص سسٹم کے تحت چل رہے ہیں۔
ذرائع کے مطابق ’’کلفٹن ون‘‘ کے سب رجسٹرار شبیہ علی اس خاص سسٹم کے اہم محرک سمجھے جاتے ہیں، ان کا ایک بڑے سیاسی گھرانے سے خاص تعلق بتایا جاتا ہے اور اسی تعلق کی وجہ سے وہ رجسٹریشن ونگ کی طاقتور ترین شخصیت سمجھے جاتے ہیں، علاوہ ازیں وہ چالیس سے زائد سب رجسٹرارز اور ریونیو بورڈ کے صوبائی وزیر کے آفس کے درمیان ایک پل کا کردار بھی ادا کرتے ہوئے نظر آتے ہیں جبکہ بوقت ضرورت محکمہ انسداد بدعنوانی اور دیگر اداروں سے درپیش مسائل کو بھی سلجھانے میں فعال رہتے ہیں۔ بیشتر سب رجسٹرار اپنے ٹرانسفر اور پوسٹنگ کے لیئے شبیہ علی کو ہی ’’شاہ کلید‘‘ سمجھتے ہیں، اس کی ایک تازہ مثال ’’گلشن اقبال lll‘‘ کی زرخیز پوسٹ پر پنوعاقل کے سب رجسٹرار کشمیر خان دھاریجو کی تعیناتی ہے۔
واضح رہے کہ روزنامہ جرأت نے اپنی 9؍ستمبر کی اشاعت میں یہ خبر شائع کی تھی کہ ’’گلشن lll‘‘ سے سب رجسٹرار زوہیب گوپانگ کو ہٹا کر کشمیر خان دھاریجو کو تعینات کر دیا جائے گا، جو درست ثابت ہوئی۔ اس اہم تبدیلی کے پس پردہ محرک بھی شبیہ علی ہیں۔ جرأت انویسٹی گیشن سیل کو اس حوالے سے مختلف ذرائع سے اطلات مل رہی تھیں کہ اس اہم پوسٹ پر مخصوص “چمک سسٹم” کے تابع کسی افسر کو ہی “مخصوص” شرائط و ضوابط طے کر کے تعینات کیا جائے گا۔ ذرائع نے دعویٰ کیا زوہیب گوپانگ چونکہ اس سسٹم کے تابع رہ کر چلنے کو تیار نہیں تھے، لہٰذا انہیں ’’گلشن lll‘‘ سے کردیا گیا۔ اس تبادلے کی اطلاع کی تصدیق سینئر افسران کے ساتھ ساتھ دیگر ذرائع نے بھی کردی ہے، البتہ شبیہ علی نے اس حوالے سے صحیح صورتحال بتانے سے اپنی معذوری کا اظہار کرتے ہوئے مزید بات کرنے سے انکار کردیا حالانکہ ذرائع کے دعوے کے مطابق شبیہ علی جس وقت نمائندہ جرأت سے بات کر رہے تھے، اس وقت بھی مذکورہ آرڈر کی کاپی ان کے پاس موجود تھی۔
دریں اثناء باخبر ذرائع نے وزیر ریونیو کے اس دعوے کو کہ ان کے محکمے سے کرپشن کا جلد خاتمہ کر دیا جائے گا، مسترد کرتے ہوئے کہا ہے کہ وزیر موصوف کے دعوؤں کے برعکس معاملات گزشتہ دور حکومت کی طرح ہی رواں دواں ہیں۔ رجسٹریشن ونگ کے کئی اہلکاروں اور افسران نے روزنامہ جرأت سے شکایت کی کہ وہ اس چمک سسٹم سے بیزار آچکے ہیں اور اوپر والوں کو ” خوش ” رکھنے پر مجبور ہیں۔ دریں اثنا گلشن III سے تبادلہ کیے گئے سب رجسٹرار زوہیب گوپانگ نے بھی اپنے ذرائع کو استعمال کرتے ہوئے کشمیر خان دھاریجو کی پوسٹنگ رکوانے کی تگ و دو شروع کر دی ہے ، تاہم وہ اپنی ان کوششوں میں شاید ہی کامیاب ہو سکیں کیونکہ چمک سسٹم نے رجسٹریشن ونگ میں اپنی جڑیں بہت مضبوط کر لی ہیں۔
روزنامہ جرأت کو مختلف ذرائع سے یہ خبر بھی ملی ہے کہ کشمیر خان دھاریجو اور ’’جمشید I‘‘ کے پیش کار منور دھاریجو، صوبائی وزیر برائے کوآپریٹوز جام اکرام اﷲ خان دھاریجو کے قریبی عزیز ہیں۔ مذکورہ دھاریجو برادران کھلے عام اس کا اظہار کرتے ہیں اور وزیر موصوف کے ساتھ اپنے سیل فون پر بنائی گئی تصاویر کی بھی نمائش کرتے رہتے ہیں۔ آخری اطلاعات آنے تک زوہیب گوپانگ اپنا ٹرانسفر رکوانے کے لیے سندھ کی ایک مشہور اور اعلیٰ سیاسی شخصیت کے گھر پر موجود تھے، اب دیکھنا یہ ہے کہ جیت اس مخصوص ” چمک سسٹم‘‘ کی ہوتی ہے یا پھر ہٹائے گئے سب رجسٹرار گوپانگ اپنی کوششوں میں کامیاب ہوتے ہیں……؟
نوٹ: یہ خبر ابتدائی طور پر روزنامہ جرات میں شائع ہوئی جو ادارہ وجود کا ہی حصہ ہے۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
