... loading ...
... loading ...
سری نگر کے دو پولیس اسٹیشنوں سے وابستہ علاقے اور جنوبی ضلع پلوامہ کو چھوڑ کر پیر کو وادی میں جاری احتجاجی لہر کے52ویں روز جونہی کرفیو اور بندشیں ہٹائی گئیں، تو شہر ودیہات میں شمال سے لیکر جنوب تک کشمیری ایک مرتبہ پھر سڑکوں پر آگئے اور احتجاجی مظاہروں کا سلسلہ شروع کردیا۔سری نگر کی معروف نیوز ایجنسی کے این این کے مطابق اگرچہ کرفیو ہٹائے جانے کا سرکاری طور پر اعلان کیاگیا ہے، لیکن بیشتر علاقوں میں پولیس اور مظاہرین میں جھڑپوں کے بعد غیر اعلانیہ کرفیو نافذ کردیا گیا اور متاثرہ علاقوں میں لوگوں کی نقل وحرکت اور گاڑیوں کی نقل و حرکت پر ایک بار پھر سخت ترین پابندی عائد کردی گئی ہے۔
اطلاعات کے مطابق کرفیو اور پابندیاں ہٹانے کے ساتھ ہی نوجوانوں کی ٹولیاں سڑکوں پر نمودار ہوئی جنہوں نے احتجاجی مظاہرے کیے۔فورسز نے فوری طور پر کارروائی عمل میں لاتے ہوئے مظاہرین کو تتر بتر کرنے کیلئے ٹیر گیس، شیلنگ، پیلٹ گن فائرنگ کی، جس کے نتیجے میں بیسیوں افراد زخمی ہوئے۔ برہان مظفر وانی کی شہادت کے بعد اب تک70 افراد جام شہادت نوش کرچکے ہیں، جن میں بچے اور خواتین بھی شامل ہیں۔ چھروں، گولیوں اور آنسوگیس کے گولوں سے 8 ہزار سے زائد افراد زخمی ہوئے ہیں۔ حکام کا کہنا ہے کہ پرتشدد پتھراؤ کے دوران میں فورسز کے تین ہزار اہلکار بھی زخمی ہوئے ہیں جبکہ اس دوران میں دو پولیس اہلکار مارے بھی گئے۔دریں اثنا ء حکومت نے مزاحمتی رہنماؤں سید علی گیلانی، میر واعظ عمر فاروق اور محمد یاسین ملک کو مسلسل قید رکھا ہے۔گزشتہ روز پولیس نے میرواعظ عمرفاروق کو بھی گرفتار کر لیا تھا۔ انھیں چشمہ شاہی کی ایک ٹورسٹ ہٹ میں قید کیا گیا ہے، جسے حکومت نے سب جیل قرار دیا ہے۔ یہ دوسراموقع ہے کہ میر واعظ عمرفاروق کو حراست میں لیا گیا ہے،اس سے قبل اُنہیں2010میں بھی گرفتار کیا گیاتھا۔
ادھرمقبوضہ کشمیر کی سکھ برادری نے کشمیریوں کے حق خود ارادیت کی حمایت کا اعلان کرتے ہوئے کہا ہے کہ انسانیت، جموریت اور کشمیریت کا نعرہ دھوکے کے سواکچھ نہیں جبکہ بھارت کو نوشتہ دیوار پڑھ کر کشمیر میں رائے شماری کرانی چاہئے۔ ’Sikh Intellectuals Circle ‘ کے چیئرمین نریندر سنگھ خالصہ نے موجودہ صورتحال کو خالص عوامی تحریک قرار دیتے ہوئے کہا ہے کہ کشمیریوں کی رواں جدوجہد کو نہ تو ماضی میں قوت اور فوجی دباؤ کی بنیاد پر دبایا گیا اور نہ مستقبل میں دبایا جاسکتا ہے۔نریندر سنگھ خالصہ نے پیر کو پریس کالونی سرینگر میں ایک پریس کانفرنس سے خطاب کرتے ہوئے کہا کہ سکھ برادری کشمیریوں کے حق خود ارادیت کی حمایت کرتی ہے۔ انہوں نے کہا کہ رواں جدوجہد کے حوالے سے مزاحمتی قائدین سید علی گیلانی، میر واعظ عمر فاروق اور محمد یاسین ملک کی جانب سے جو مشترکہ احتجاجی پروگرام ترتیب دیا جارہا ہے اس میں بھی سکھ برادری مکمل تعاون فراہم کرے گی۔
دریں اثنا حریت کانفرنس کے سربراہ میرواعظ مولوی محمد عمر فاروق نے کہا ہے کہ تحریک مخالف اور اتحاد دشمن افواہیں پھیلا کر اتحاد و اتفاق کو پارہ پارہ کرنے کی کوششوں میں مصروف ہیں۔انہوں نے لوگوں سے اپیل کی ہے کہ وہ مزاحمتی قیادت کی جانب سے دیے گئے احتجاجی پروگراموں پر سختی سے عمل کریں۔ حریت(ع) کے محبوس چیئرمین میرواعظ مولوی محمد عمر فاروق نے جیل سے اپنے ایک خصوصی پیغام میں کشمیری عوام کے نام اپنی اپیل میں کہا ہے کہ ہمارے حق و انصاف پر مبنی حق خودارادیت کی جدوجہد ایک انتہائی نازک مرحلے میں داخل ہو چکی ہے جہاں پوری یکسوئی اور اتحاد ِفکر و عمل کے ساتھ قیادت اور قوم کو تحریک آزادی کو اُسکے منطقی انجام تک لے جانے کیلئے انتہائی پھونک پھونک کر قدم اٹھانے کی ضرورت ہے۔ میرواعظ نے کہا کہ مظالم، تشدد اور قید و بند کی سختیاں ہمیں ہرگز اپنے مطالبات اور جدوجہد سے باز نہیں رکھ سکتیں اور نہ ہی ہم حکومتی جبر و استبداد کے سامنے جھکنے کو تیار ہیں۔پریس کے نام جاری ایک اور بیان میں حریت کا نفرنس گیلانی کے ترجمان نے کہاہے کہ جموں کشمیر میں برپا آزادی کی ہمہ گیر تحریک کو بزور طاقت کچلنے کی تمام تر سفاکانہ کوششوں میں ناکامی کا منہ دیکھنے کے بعد بھارتی سرکار اب بوکھلاہٹ اور گھبراہٹ میں مبتلا ہوکر تحریکِ آزادی کے قائدین اور کارکنان کو تعزیراتی اور نفسیاتی کریک ڈاؤن کی زد میں لارہی ہے تاکہ مزاحمتی قیادت عوامی جذبات واحساسات کی ترجمانی سے دستبردار ہوجائے اور یوں بھارتی سرکار کو نہتے اور بے بس کشمیریوں پر ڈھائے جانے والے مظالم پر پردہ ڈالنے کا ایک اور موقع میسر ہو۔
حریت ترجمان نے اپنے بیان میں انکشاف کیا ہے کہ سید علی گیلانی کے فرزند ڈاکٹر نعیم گیلانی کے خلاف بھارتی تفتیشی ایجنسی این آئی اے نے ایک نوٹس جاری کیا ہے جس میں انہیں این آئی اے کے تفتیشی مرکز واقع شیوپورہ میں حاضر ہونے کو کہا گیا ہے۔ نوٹس پر ردّعمل ظاہرتے کرتے ہوئے کہا گیا کہ ایسے مضحکہ خیز مفروضوں کی آڑ میں گیلانی صاحب کے اہل خانہ کو زیرِ عتاب لانے سے بھارت کو کچھ حاصل ہونے والا نہیں ہے کیونکہ بھارتی سرکار نے اس سے قبل حریت قیادت کے خلاف بارہا کردار کشی کی ایسی لاحاصل کوششوں کو آزمایا ہے، لیکن پھر بھی عوام میں حریت قیادت کے اعتبار کو کبھی کوئی گزند نہیں پہنچا سکی۔ بیان میں عوام سے اپیل کی گئی ہے کہ احتجاجی پروگرام کو ہر قیمت پر کامیاب بنایا جائے اور ہر پروگرام پر سختی سے کاربند رہا جائے۔ ساتھ ہی عوام سے یہ بھی کہا گیا کہ خون سے سینچی جارہی اس تحریک کے ساتھ کسی کو بھی کھلواڑ کرنے کا موقع نہ دیا جائے۔
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
