... loading ...
لیاری گینگ وار کے سرغنہ عزیر بلوچ سے تفتیش مکمل کرکے جے آئی ٹی رپورٹ مرتب کر لی گئی ہے۔ جس میں حساس نوعیت کی معلومات نے پورے ملک کو چونکا دیا ہے۔
تفصیلات کے مطابق عزیر بلوچ کی ایرانی انٹیلجنس سے حانی نثار نامی ایک شخص نے ملاقات کرائی تھی جس کے بعد وہ ایرانی انٹیلجنس کو نہایت حساس نوعیت کی معلومات فراہم کرتا رہا ہے۔ اسی بنیاد پر عزیر بلوچ نے جعلی پیدائشی سرٹیفکیٹ ،ایرانی شناختی کارڈ اور پاسپورٹ بھی بنا رکھے تھے۔ عزیر بلوچ ایک گھر ایران میں بھی رکھتا تھا۔
پیپلز امن کمیٹی کے سربراہ عزیر بلوچ نے 198 افراد کے قتل کا بھی اعتراف کیا ہے۔ جن میں 159 افراد محض لسانی بنیادوں پر قتل کیے گیے۔ عزیر بلوچ نے ارشد پپو ، یاسر عرفات اور شیرا پٹھان کو قتل کرنے کا بھی اعتراف کیا ہے۔ عزیر بلوچ نے شیر شاہ کباڑی بازار میں قتل کی نہایت سفاکانہ واردات کا بھی اعتراف کیا ہے۔جس میں گیارہ بے گناہ لوگوں کو محض اس لیے قتل کردیا گیا تھا تاکہ شہر میں خوف وہراس کا راج ہو اور اُنہیں بآسانی بھتہ ملتا رہے۔ قتل کی اس بھیانک واردات کے بعد شیر شاہ کباڑی مارکیٹ سے ایک خاص شناخت رکھنے والے اکثر کاروباری حضرات نے اپنے کاروبار بند کردیئے تھے یا پھر یہاں سے کہیں اور منتقل ہو گیے تھے۔ عزیر بلوچ نے 2005 میں رینجرز کے دو اہلکاروں کے قتل کا بھی اعتراف کیا ہے۔ عزیر بلوچ نے جے آئی ٹی کے سامنے یہ اعتراف کیا کہ ملانثار، استاد تاجو، سہیل ڈاڈا، شاہد بکک، سلیم ، ریحان، احسان ، الیاس اور عارف نامی لوگ اسلحہ کی خرید وفروخت کرتے تھے۔ عزیر بلوچ کے بقول لیاری گینگ وار کے 14 کمانڈر ملک سے فرار ہو چکے ہیں ۔ جبکہ گینگ کے کارندے ان دنوں ، جنوبی افریقا، دبئی، اومان اور ایران میں موجود ہیں۔ عزیر بلوچ نے انتظامیہ میں اپنے گہرے اثرورسوخ کا بھی ذکر کیا۔ مثلاً عزیر بلوچ نے بتایا کہ ایس پی اقبال بھٹی کو اُسی نے ٹی پی او لیاری تعینات کرایا۔ اُس نے اعتراف کیا کہ تقریباً سات ایس ایچ اوز اور آٹھ پولیس اہلکارلیاری میں اُس کے لیے کام کرتے تھے۔
عزیر بلوچ نے تسلیم کیا کہ شہر میں وہ بہت بڑی رقوم بھتے کی مد میں جمع کرتا تھا۔ عزیر بلوچ سرکاری اداروں کے اہم افراد سے بھی بھتہ وصولتا تھا۔جن میں سابق ایڈمنسٹریٹر لیاری محمد رئیس اُسے دو لاکھ روپے ماہوار ادائی کرتا تھا۔ اسی طرح سابق چیئرمین ایف سی ایس سعید خان اُسے بیس لاکھ روپے ماہانہ بھتہ دیتا تھا۔ عزیر بلوچ کے ایران کے راسے دبئی فرار کے بعد بھی بھتے کا یہ دھندہ جاری رہا۔ اور اُسے باقاعدگی سے بھتہ دینے والے بھتہ دیتے رہے۔ عزیر بلوچ نے اپنی بیوی کے نام سے متعدد اکاؤنٹس بیرون ملک کھول رکھے ہیں۔ جن میں کافی بھاری رقوم موجود ہے۔
جے آئی ٹی نے تفتیش کے بعد یہ سفارش کی ہے کہ عزیر بلوچ کے مقدمات کی نیے سرے سے تفتیش کی جائے اوراُن مقدمات کو فوجی عدالتوں میں چلایا جائے۔ جب کہ عزیر بلوچ کے معاونوں کو بھی گرفتار کرنے کی سفارش کی گئی ہے۔
انتہائی ذمہ دار ذرائع نے وجود ڈاٹ کام کو بتایا ہے کہ عزیر بلوچ کی جے آئی ٹی میں سے ایسے بہت سے حقائق کو حذف کردیا گیا ہے جو پولیس ، رینجرز اور سیاست دانوں کے لیے پریشانی کا باعث بن سکتے تھے۔ مثلاً عزیر بلوچ نے جن دو اہم سیاسی شخصیات کا ذکر کیا تھا جو عزیر بلوچ سے قتل وغارت گری سے لے کر دیگر کام بالواسطہ اور بلاواسطہ لیتے رہے ، وہ نام بھی اچانک نکال دیے گیے۔
تحریک انصاف کے بانی و سابق وزیراعظم عمران خان نے کہا ہے کہ 9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا۔جیل سے اپنے ایک بیان میں عمران خان نے کہا کہ 9مئی 2023ء کی حقیقت قوم پر پوری طرح واضح ہے ، بتایا جائے کس کے حکم پر حساس مقامات کی سیکیورٹی ہٹائی گئی۔بانی پ...
سول عدالتوں کی تقسیم اوروکلاء پر دہشت گری کی دفعات کے تحت مقدمات کے اندراج کے خلاف احتجاج شدید ہنگامہ آرائی میں تبدیل ہوگیا،لاہور ہائیکورٹ میں داخل ہونے کے معاملے پر وکلاء اور پولیس کے درمیان تصادم کے نتیجے میں جی پی او چوک میدان جنگ بن گیا ، پولیس کی جانب سے وکلاء پر لاٹھی چارج ...
اسلام آباد ہائی کورٹ نے سینئرجج جسٹس محسن اخترکیانی اور جسٹس بابرستار کے خلاف سوشل میڈیا مہم پر ججوں کی جانب سے لکھے گئے خطوط کے بعد توہین عدالت کی کارروائی کے لیے دو الگ الگ لارجر بینچز تشکیل دے دیے گئے ۔اسلام آباد ہائی کورٹ نے توہین عدالت کی کارروائی کے لیے اسلام آباد ہائیکورٹ ...
اپوزیشن اتحاد تحفظ آئین پاکستان اور پشتونخوا ملی عوامی پارٹی کے سربراہ محمود خان اچکزئی نے کہا ہے کہ مارشل لاء لگانے والے پہلے معافی مانگ لیں پھر میں نو مئی والوں سے بھی کہہ دوں گا تو وہ بھی معافی مانگ لیں گے ۔اسلام آباد میں منعقدہ تحفظ آئین پاکستان کیسے اور کیوں؟ کے عنوان سے س...
سابق صدر مملکت ڈاکٹر عارف علوی نے کہا ہے کہ میں چاہتا ہوں 9مئی واقعات پرآزاد کمیشن بنے ،تحقیقات کی جائیں اور ملوث عناصر کو سزا دی جائے ،جو ٹرائل کرنا ہے کریں مگر جو عوام نے انتخابات میں فیصلہ کیا اس کی عزت کی جائے ،بانی پی ٹی آئی واحد لیڈر ہے جو دنیا میں مقبول ہے ، اگر ایسے لوگ ا...
وزیر اعظم شہباز شریف نے ملک بھر میں تعلیمی ایمرجنسی نافذ کرنے کا اعلان کرتے ہوئے کہا ہے کہ تعلیم کے بغیر کوئی قوم ترقی نہیں کرسکتی، پاکستان میں 2کروڑ 60 لاکھ بچوں کا اسکول نہ جانا بڑا چیلنج ہے ۔تعلیمی قومی کانفرنس سے خطاب کرتے ہوئے انہوںنے کہاکہ تعلیم کے بغیر کوئی قوم ترقی نہیں ک...
سپریم کورٹ آف پاکستان نے سنی اتحاد کونسل کی مخصوص نشستوں کی درخواست پر پشاور ہائی کورٹ کا فیصلہ معطل کردیا۔پیر کو سنی اتحاد کونسل کی مخصوص نشستوں کے لیے دائر اپیل پر سماعت جسٹس منصور علی شاہ کی سربراہی میں جسٹس محمد علی مظہر اور جسٹس اطہر من اللہ پر مشتمل تین رکنی بینچ نے کی۔وفاق...
سپریم کورٹ آف پاکستان کے چیف جسٹس قاضی فائز عیسیٰ نے فیض آباد دھرنا کمیشن رپورٹ کے غیر مستند ہونے پر برہمی کا اظہارکرتے ہوئے ریمارکس دیے ہیں کہ انکوائری کمیشن کی رپورٹ پر مایوسی ہی ہوئی ہے ،فیض آباد دھرنا فیصلے پر عمل کرتے تو 9 مئی کا واقعہ بھی شاید نہ ہوتا،کہتے ہیں بس آگے بڑھو، ...
وفاقی وزیر پٹرولیم و فوکل پرسن پاک سعودی شراکت داری ڈاکٹر مصدق ملک نے کہا ہے کہ 30 سے 35 سعودی کمپنیوں کے نمائندے پاکستان میں توانائی ،ریفائنری ، زراعت، انفارمیشن ٹیکنالوجی اور دیگر شعبوں میں سرمایہ کاری کے لئے بات چیت کررہے ہیں،پہلے حکومت سے حکومت کی سطح پر معاہدے ہوئے ،اب بزنس ...
قومی اسمبلی کی پبلک اکائونٹس کمیٹی (پی اے سی)کے چیئرمین کا تنازع شدت اختیار کرگیا ہے اور اس نے پاکستان تحریک انصاف کی سیاسی کمیٹی کی جانب سے شیر افضل خان مروت کی جگہ شیخ وقاص اکرم کو کمیٹی کا چیئرمین بنانے کیلئے ووٹ دینے پر جماعت کے اعلیٰ عہدیداران کے درمیان اختلافات کو اجاگر کرد...
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...