... loading ...
بھارت میں جواہرنہرو یونیورسٹی میں کشمیری رہنما افضل گورو کی پھانسی کی برسی پر ریلی کے انعقاد سے جنم لینے والے تنازع نے بھارت بھر میں ایک بحران کی شکل اختیار کر لی ہے۔یہ تنازع بائیں بازو کے ایک طالب علم رہنما کنہیا کمار کی گرفتاری سے شروع ہوا۔ جس پر الزام تھا کہ اُنہوں نے کشمیری رہنما افضل گورو کی پھانسی کی برسی کے موقع پر ایک ریلی منعقد کی تھی۔ ریلی سے طالب علم رہنما کنہیا کمار نے خطاب کرتے ہوئے2001 کے پارلیمنٹ حملے میں دی جانے والی پھانسی پر سوالات اُٹھائے تھے۔اور 2013 میں محمد افضل گورو کو اس میں ملوث کرکے سزا دینے کے معاملے میں بھارتی سپریم کورٹ کے فیصلے کو صرف واقعاتی شہادتوں کا حامل قرارد یا تھا۔ طالب علم رہنما کی اس تقریر پر بھارتی وزیراعظم نریندر مودی کی جانب سے آزادئ اظہار پر عائد قدغن کے تحت غداری کے الزام میں گرفتاری نے ایک احتجاجی تحریک کو جنم دے دیا ہے۔ گزشتہ روز اس حوالے سے بھاری کی اکثر یونیورسٹیوں میں احتجاج ہوا۔
نئی دہلی میں قائم جوال لال نہرو یونیورسٹی میں اس حوالے سے سب سے بڑا احتجاج دیکھنے میں آیا۔ جہاں ہزاروں طالب علموں نے تدریسی عمل کا مکمل بائیکاٹ کرتے ہوئے رکاوٹیں کھڑی کردیں۔آل انڈین اسٹوڈنٹ فیڈریشن کے دہلی یونٹ کے نائب صدر نےا س موقع پر کہا کہ “حکومت چاہتی ہے کہ طلبہ کچھ نہ بولیں، طلبہ کی سوچ، سمجھ اور بولنے پر صرف ان کا حکم چلے”۔
حالیہ بحران نے مودی کی ہندو انتہا پسند انہ سوچ اور بائیں بازوں کی تنظیموں کے درمیان نظریاتی کشیدگی کو ایک تحریک دی ہے۔ بھارتی حکمران جماعت، بھارتیہ جنتا پارٹی (بی جے پی) نے طالب علم رہنما کنہیا کمار کے خیالات پر بھارت مخالف جذبات کا الزام عائد کیا ہے۔یہاں تک کہ بی جے پی سے تعلق رکھنے والے ایک رکن اسمبلی نے تو یہ تک کہہ دیا ہے کہ بائیں بازو کی سیاسی سرگرمیوں کو پروان چڑھانے والی یونیورسٹی کو لازمی طور پر بند ہونا چاہیے۔اس ضمن میں نریندر مودی کے قریبی ساتھی اور بی جے پی کے صدر امیت شاہ نے پریس کانفرنس کرتے ہوئے کہا ہے کہ “ہمارا ہر قدم ملک کی حفاظت کے لئے ہے۔اور بھارت مخالف سرگرمیوں کو کسی بھی طرح برداشت نہیں کیا جائے گا ”
نریندر مودی کے مئی 2014 میں اقتدارسنبھالنے کے بعد سے ہی بھارت بھر میں انتہا پسند ہندوتوا کا ایجنڈا ریاستی ہدف بنا کر جبراً مسلط کیا جارہا ہے، جس کے باعث بھارت بھر میں لوگوں کو سنگھ پریوار کی جانب سے حملوں کا سامنا ہے۔اس حوالے سے چرچوں پر حملوں کے متعدد واقعات بھی سامنے آتے رہے ہیں۔ گزشتہ کچھ عرصے سے سیکولر اقدار کے حامل دانشوروں کے بھی پراسرار قتل کے واقعات ہوئے جس پر بھارتی مصنفین نے اپنے ایوارڈ حکومت کو احتجاجاً واپس کر دیئے تھے۔ جس میں مشہور ایوارڈ ساہتیا ایوارڈ بھی شامل ہے۔
اب جواہر نہرویونیورسٹی کے معاملے پر یہ تمام ردِ عمل ایک جگہ یکجا ہونے لگا ہے۔ جس کا مظاہرہ گزشتہ روزبھارت کیااٹھارہ جامعات میں بھرپور احتجاج کی شکل میں سامنے آیا۔ جس میں مظاہرین نے مشرقی شہر کلکتہ میں نریندر مودی کا پتلا بھی جلایا۔
پنجاب حکومت نے ہتک عزت قانون 2024 ایوان سے منظور کروالیا۔تفصیلات کے مطابق ہتک عزت قانون کا بل وزیر پارلیمانی امور مجتبیٰ شجاع الرحمٰن نے ایوان میں پیش کیا، جس پر صحافیوں نے پریس گیلری سے احتجاجا ًواک آؤٹ کیا جبکہ اپوزیشن نے بھی اسے مسترد کردیا۔بل کا اطلاق پرنٹ، الیکٹرونک اور سوش...
اسلام آباد ہائی کورٹ نے شاعر احمد فرہاد کی بازیابی کی درخواست پر سیکریٹری دفاع اور سیکرٹری داخلہ کو (آج) منگل کو ذاتی حیثیت میں طلب کرلیا۔شاعر احمد فرہاد کی بازیابی کی درخواست پر جسٹس محسن اختر کیانی نے سماعت کی۔اس موقع پر احمد فرہاد کی اہلیہ کے وکیل ایمان مزاری اور ہادی علی چٹھہ...
سابق وزیراعظم شاہد خاقان عباسی نے کہا ہے کہ آئین میں ہائبرڈ حکومت کی کوئی گنجائش نہیں ، جب تک بڑے پیمانے پر نظام کی تبدیلی نہیں کریں گے ملک نہیں چلے گا،سیاسی جماعت ایک دن میں نہیں بنتی، اگلے ماہ تک سیاسی جماعت وجود میں آجائے گی اور پورے پاکستان سے لوگ ہمارے ساتھ شامل ہوں گے ۔پیرک...
تحریک تحفظ آئین پاکستان کے صدر محمود خان اچکزئی نے کہا ہے کہ جب ہم آئین کی بات کرتے ہیں تو بعض ادارے یہ سمجھتے ہیں کہ ہم ان کے خلاف بات کر رہے ہیں ہم چاہتے ہیں جس طرح دنیا بھر کی افواج اپنی آئینی حدود میں کام کرتی ہیں آپ بھی اسی حدود میں کام کریں۔تقریب سے خطاب میں انہوں نے کہا کہ...
عدالتوں نے عمران خان کو 9 مئی اور آزادی مارچ سمیت 3 مقدمات میں بری کردیا۔اسلام آباد کی مقامی عدالت نے نو مئی ، آزادی مارچ توڑ پھوڑ کیس اور دفعہ ایک سو چوالیس کی خلاف ورزی سمیت تین کیسز میں بانی پی ٹی آئی کو بری کردیا ۔ عدالت نے شیخ رشید ، فیصل جاوید کو بھی تھانہ کوہسار اور تھانہ ...
ایران کے صدر ابراہیم رئیسی، اُن کے چیف گارڈ، وزیر خارجہ، صوبے مشرقی آذربائیجان کے گورنر، آیت اللہ خامنہ ای کے نمانندہ خصوصی، اور ہیلی کاپٹر عملے کے 3 ارکان حادثے میں جاں بحق ہوگئے۔ایرانی وزیر داخلہ نے گزشتہ شب لاپتا ہونے والے ہیلی کاپٹر کا ملبہ تبریز سے 100 کلومیٹر دور ایک گھنے ج...
خیبر پختونخوا میں سرحد پر 4روز تک جاری رہنے والی جھڑپوں کے بعد پاکستان اور افغانستان کے قبائلی عمائدین اور حکام پر مشتمل ایک جرگے نے جنگ بندی پر اتفاق کرلیا۔میڈیا رپورٹ کے مطابق جمعہ کو پاکستان اور افغانستان کی افواج کے درمیان جھڑپوں میں اضافے کے باعث کرم میں خرلاچی بارڈر کراسنگ ...
ایشیائی ترقیاتی بینک نے پاکستان کے پنشن سسٹم کے اصلاحات پر زور دیتے ہوئے کہا کہ اگر فوری اقدامات نہیں کیے گئے تو یہ لاگت اگلے 10 سالوں میں 100 کھرب تک پہنچ جائے گی۔جارجیا میں میڈیا بریفنگ کے دوران ایشیائی ترقیاتی بینک کے سینئر ماہر اقتصادیات ایکو ککاوا نے کہا کہ پاکستان میں پنشن ...
وزیراعظم محمد شہباز شریف نے کرغزستان میں پاکستان کے سفیر حسن علی ضیغم سے ٹیلی فونک رابطہ کر کے پاکستانی طلبا ء کو واپس لانے والے خصوصی طیارے کے حوالے سے ضروری انتظامات کرنے کی ہدایت کی۔وزیراعظم کی ہدایت پر خصوصی طیارہ بشکیک کرغزستان کے لئے روانہ ہو گا اور 130 پاکستانی طلبا کو لے ...
وزیرِ اعلیٰ سندھ سیدمراد علی شاہ نے کورنگی انڈسٹریل ایریا کے ایس ایچ او کو معطل کر دیا۔اتوارکی صبح وزیراعلیٰ سندھ سید مراد علی شاہ نے کراچی میں جاری مختلف پروجیکٹس کا دورہ کیا، صوبائی وزراء شرجیل میمن، ناصر شاہ، سعید غنی اور میئر کراچی مرتضیٰ وہاب بھی ان کے ہمراہ تھے ۔مراد علی شا...
(رپورٹ: ہادی بخش خاصخیلی) پاکستان مسلم لیگ (ن ) کے قائد نواز شریف کا کہنا ہے کہ بانی پاکستان تحریک انصاف (پی ٹی آئی) نے پیٹھ میں چھرا گھونپا، ساتھ چلنے کی یقین دہانی کروائی، پھر طاہرالقادری اور ظہیرالاسلام کے ساتھ لندن جاکر ہماری حکومت کے خلاف سازش کا جال بُنا۔نواز شریف نے قوم س...
وزیراعظم شہباز شریف کا کہنا ہے کہ سیاسی جماعتیں قوم کے لیے نواز شریف سے مل کر چلیں، نواز شریف ہی ملک میں یکجہتی لا سکتے ہیں، مسائل سے نکال سکتے ہیں۔ن لیگ کی سینٹرل ورکنگ کمیٹی کے اجلاس سے خطاب کرتے ہوئے شہباز شریف نے کہا کہ نواز شریف کو صدارت سے علیحدہ کر کے ظلم کیا گیا تھا، ن لی...