... loading ...
... loading ...
لشکر جھنگوی کی جانب سے حیدرآباد جیل توڑنے کے ایک ایسے منصوبے کا انکشاف ہوا ہے جس پر عمل درآمد کے لئے تقریباً نوے فیصد کام مکمل ہو چکا تھا۔مگر پاک فوج نے اِسے روبہ عمل آنے سے پہلے ناکام بنادیا۔ کراچی میں ایک انکشافات سے بھرپور پریس کا نفرنس کرتے ہوئے پاک فوج کے شعبہ تعلقات کے ڈائریکٹر جنرل لیفٹیننٹ جنرل عاصم سلیم باجوہ نے کہا ہے کہ حیدرآباد جیل توڑنے کے منصوبے کا ہدف ڈینئل پرل کے قتل میں ملوث ایک اہم ترین ملزم خالد عمر شیخ سمیت دہشت گردوں کے تقریباً سو ساتھیوں کو فرار کرانا تھااور ساتھ ہی 35 سے 40 افراد کا قتل کرنا تھا۔ڈی جی آئی ایس پی آر نے یہ سنسنی خیز انکشاف بھی کیا کہ دہشت گردوں کی جانب سے جیل توڑنے کے منصوبے پر 90 فیصد کام مکمل ہو چکا تھا۔مگر انٹلیجنس اطلاعات کی بنا پر کارروائی کرکے اس میں ملوث گینگ کو پکڑ لیا گیا۔
لیفٹیننٹ جنرل عاصم سلیم باجوہ نے جیل توڑنے کے منصوبے کی تفصیلات بتاتے ہوئے کہا کہ دہشت گردوں نے حیدرآباد کے علاقے لطیف آباد میں ایک گھر کرائے پر لے رکھا تھاجہاں سے پلاسٹک کے کنٹینرز کا کاروبار شروع کیا گیا۔ اور پھر مختلف قسم کااسلحہ اور دیگر بارودی مواد واشنگ مشینوں کی موٹریں نکال کر اس میں محفوظ کرکے حیدرآبا د پہنچایا جاتا تھا۔پاک فوج کے ترجمان کے مطابق گرفتار افراد سے خود کش گاڑی، بھاری تعداد میں بارودی مواد اور جیل کا ہاتھ سے بنا ہوا نقشہ برآمد ہوا ہے۔ دہشت گردوں کو اس پورے منصوبے میں جیل کے ایک کانسٹیبل کا تعاون بھی حاصل تھا، جسے حراست میں لے لیا گیا ہے۔
پاک فوج کے ترجمان نے کراچی آپریشن کے حوالے سے بھی تفصیل سےبات کرتے ہوئے واضح کر دیا کہ شہر قائد میں جرائم پیشہ عناصر کے خلاف آپریشن کامیابی سے جاری ہے تاہم ابھی اس میں مزید بہت کچھ کرنا باقی ہے۔اُنہوں نے کہا کہ ستمبر 2013 میں شروع ہونے والے آپریشن سے قبل کراچی میں جرائم عروج پر پہنچے ہوئے تھے، ٹارگٹ کلنگ، بھتہ خوری، اغوا برائے تاوان اور اسٹریٹ کرائمز کی شرح بہت زیادہ تھی مگر اب اس پر بڑی حد تک قابو پایا گیا۔ کراچی میں اب تک سات ہزار سے زائد آپریشن کیے گئے جن میں 12 ہزار سے زائد افراد کو گرفتار کیا گیا جن میں تقریباً 6 ہزار افراد کو پولیس کے حوالے کیا گیا، جبکہ تقریباً 9 ہزار چھوٹے بڑے ہتھیار اور 4 لاکھ سے زائد گولیاں برآمد کی گئیں، آپریشن کے دوران القاعدہ برصغیر کے نائب امیر سمیت 94 خطرناک دہشت گردوں کو پکڑا گیا جن میں سے 26 کے سروں کی قیمتیں مقرر تھیں۔ لیفٹیننٹ جنرل عاصم باجوہ نے دوٹوک طور پر یہ بھی کہا کہ دہشت گردوں کے سہولت کاروں کے خلاف بھی کارروائی کی جارہی ہے اور شہر میں القاعدہ کو مالی مدد فراہم کرنے والے بارہ ملزمان گرفتار کئے جاچکے ہیں، جبکہ کالعدم لشکر جھنگوی کے 15 ایسے کارندے پکڑے گئے جو دھماکا خیز مواد کے ماہر تھے۔لیفٹیننٹ جنرل عاصم سلیم باجوہ کے مطابق کراچی میں دہشت گردی کے واقعات میں تین بڑے دہشت گرد گروپس القاعدہ برصغیر، کالعدم تحریک طالبان پاکستان (ٹی ٹی پی)اور کالعدم لشکری جھنگوی ملوث ہیں جبکہ دیگر چھوٹے گروپس آپس میں مل کر دہشت گردی کی کوششیں کر رہے ہیں۔دہشت گردوں کے ایک بڑے گروہ کی طرف اشارہ کرتے ہوئے ڈی جی آئی ایس پی آر نے کہا کہ یہ گروہ کراچی میں دہشت گردی کرتا رہا ہے، کراچی ایئر پورٹ حملہ، کامرہ ایئربیس، سکھر میں آئی ایس آئی کے دفتر پر حملے میں یہی گروہ ملوث ہے، چوہدری اسلم کو بھی ان ہی دہشت گردوں نے ہلاک کیا، جبکہ اس گروپ کے مثنیٰ، نعیم بخاری اور صابر خان نامی دہشت گرد حملوں کی منصوبہ بندی کرتے تھے جنہیں گرفتار کیا جاچکا ہے۔ پاک فوج کے ترجمان نے کراچی آپریشن سے آنے والی بہتری کی وضاحت کرتے ہوئے کہا کہ کراچی آپریشن سے شہر میں ٹارگٹ کلنگ میں 69 فیصد، بھتہ خوری کے واقعات میں 85 فیصد اور اغوا برائے تاوان کے واقعات میں 90 فیصد تک کمی آئی ہے اور یہ آپریشن شہر میں مکمل بحالی امن تک جاری رہے گا۔لیفٹیننٹ جنرل عاصم سلیم باجوہ نے آپریشن ضرب عضب کے حوالے سے یہ کہا کہ دہشت گردوں کے خلاف آپریشن ضرب عضب15 جون 2014 ء سے شروع ہوا جس کے تحت فاٹا میں دہشت گردوں کی پناہ گاہیں ختم کی گئیں۔ تاہم ابھی بھی افغان سرحد کے ساتھ دہشت گردوں کی چند پناہ گاہیں باقی ہیں جن کے خلاف کارروائی جاری ہے۔
مقتول صحافی ڈینیل پرل
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
