... loading ...
... loading ...
متحدہ جہاد کونسل جموں و کشمیر کے چیئرمین پیر سید صلاح الدین احمد نے کہا ہے کہ پاکستان کشمیریوں کاوکیل ہے لیکن پاکستانی قیادت کو قاتل کی حمایت یا مخالفت میں سے کسی ایک چیز کا انتخاب کرنا ہو گا۔ کشمیر کی وکالت اور بھارت سے دوستی ایک ساتھ نہیں چل سکتے۔پٹھان کوٹ ایئر بیس پر کارروائی کشمیری مجاہدین کے نیشنل ہائی وے اسکواڈ نے کی۔ اس کارروائی میں کوئی بھارتی سول آدمی متاثر نہیں ہوا۔ ہماری جنگ بھارتی فوج کے خلاف ہے ،مجاہدین کسی بھی جگہ بھارتی فوج کو نشانہ بنا سکتے ہیں اور بنائیں گے۔ ایسے اقدامات سے گریز کیا جائے جن سے کشمیری مایوس ہوں یا مجاہدین کی حوصلہ شکنی ہو۔گلگت بلتستان کو پاکستان کا آئینی صوبہ بنانے سے تحریک آزادی کشمیر ختم ہو جائیگی ،بھارت کو مقبوضہ کشمیر پر قبضے کا موقع ملے گا اور کشمیر سے متعلق اقوام متحدہ کی قرار دادیں غیر موثر ہو جائینگی۔ گلگت بلتستان کو صوبہ بنانے کے بجائے وہاں کے عوام کو سیاسی ، معاشی اور اقتصادی حقوق دیئے جائیں۔ پاک بھارت مذاکرات فضول مشق ہے ، یہ مذاکرات تب ہی کامیاب ہونگے جب بھارت کشمیر کو متنازع تسلیم کرے گا۔ پاکستانی قیادت پہلی ترجیح مسئلہ کشمیر کو دے۔ اسکے بعد دوستی اور تجارت کی جائے۔ پاکستانی قیادت کو سمجھنا چاہیئے کہ بھارت مذاکرات کی آڑ میں مقبوضہ کشمیر میں اپنے فوجی قبضے کو مستحکم کر رہا ہے اور اربوں ڈالر دفاعی منصوبوں پر خر چ کر رہا ہے ۔
پاکستان کے اندر دہشتگردی میں بھارت ملوث ہے۔ پاکستانی قیادت کو کھل کر بھارت کی دہشت گردانہ کارروائیوں اور مقبوضہ کشمیر میں جاری بھارتی مظالم کی مذمت کرنی چاہیئے ۔سید صلاح الدین نے ان خیالات کا اظہار مرکزی ایوان صحافت میں ایک پرہجوم پریس کانفرنس سے خطاب کر تے ہوئے کیا۔ ان کا کہنا تھا کہ کشمیریوں کی مسلح جدوجہد آزادی اقوام متحدہ کے چارٹر کے عین مطابق ہے۔ کشمیر میں بھارتی فوج کیخلاف آزادی کیلئے برسر پیکار مجاہدین دہشتگرد نہیں فریڈم فائٹر ہیں۔ بزدل بھارتی فوج مجاہدین کے ہاتھوں پٹنے کے بعد نہتے عوام ، خواتین ، بچوں ، مردوں اور بوڑھوں کو انتقام کا نشانہ بناتی ہے۔ مقبوضہ کشمیر میں بھارتی فوج نے ظلم و بربریت کی انتہاکرر کھی ہے۔ اب تک سوا پانچ لاکھ کشمیری شہید ہو چکے ہیں ہماری جنگ بھارتی فوج کے خلاف ہے اور بھارتی فوج کو کسی بھی مقام پر نشانہ بنا سکتے ہیں خواہ یہ کاروائی کشمیر کے اندر ہو یا باہر۔ پٹھانکوٹ پر مجاہدین کے حملے میں ایک کرنل سمیت آٹھ بھارتی فوجی ہلاک ہوئے، کوئی سول آدمی نشانہ نہیں بنا۔ انہوں نے کہا کہ پاکستان مسئلہ کشمیر کا بنیادی فریق اور کشمیریوں کا وکیل ہے۔ اس وقت بھی کشمیریوں کی وکالت کر رہا ہے لیکن ہندوستان سے دوستی اور تجارت کی باتیں بھی ہو رہی ہیں کشمیریوں کی وکالت اور بھارت سے دوستی دونوں کام ایک ساتھ نہیں ہو سکتے پاکستان قیادت کو دونوں میں سے کسی ایک کا انتخاب کرنا ہو گا۔ ان کا کہنا تھا کہ بھارت کی طرف سے پٹھانکوٹ سے متعلق پیش کردہ ثبوت جعلی ثابت ہوئے۔ تحقیقات کیلئے کمیٹی بنی ،کمیٹی نے ابھی کام کا آغاز ہی نہیں کیا لیکن مجاہدین کے خلاف کریک ڈاؤن شروع کر دیا گیا ہے۔ دفاتر کو سیل کر کے گرفتاریاں عمل میں لائی جا رہی ہیں۔ ان اقدامات کا اس پار غلط تاثر جا رہا ہے موجودہ حالات میں پاکستانی قیادت اپنا موقف واضح کرے ۔ پاکستانی قیادت کشمیریوں کی پشتیبا ن بنے یا دستبردار ہو جائے۔ انہوں نے کہا کہ جب تک بھارتی فورسز مظالم ڈھاتی رہیں گی ہماری کارروائیاں جاری رہیں گی اور خون کے آخری قطرے تک جدوجہد آزادی جاری رکھیں گے ۔کشمیر کی آزادی پر کوئی سمجھوتہ نہیں ہو گا پیر صلاح الدین احمد نے کہا کہ گلگت بلتستان ریاست جموں وکشمیر کا حصہ ہے اور مسئلہ کشمیر کے حل تک اسے پاکستان کا آئینی صوبہ نہیں بنایا جا سکتا اور نہ ہم اس کی اجازت دینگے ۔گلگت بلتستان کو آئینی صوبہ بنانا بھارت کو مقبوضہ کشمیر پر قبضے کی راہ دینے کے مترادف ہو گا ۔گلگت بلتستان کے عوام کی شکایات جائز ہیں یہاں کے عوام کو سیاسی ، معاشی اور اقتصادی حقوق دیئے جائیں انہوں نے کہا کہ بھارت مذاکرات میں کبھی مخلص نہیں رہا۔ پاکستان اور بھارت کے درمیان 155بار مذاکرات ہو چکے ہیں لیکن ان کا کوئی نتیجہ نہیں نکلا۔ پاکستان اور اسکی قیادت کو مودی کی چانکیا سیاست کو سمجھنا ہو گا ۔مذاکرات کی آڑ میں بھارت مقبوضہ کشمیر میں فوجی قبضے کو مستحکم کر رہا ہے اور تیزی سے دفاعی منصوبوں کو مکمل کر رہا ہے چیئرمین متحدہ جہاد کونسل نے واضح کیا کہ کشمیر کوئی سرحدی تنازع نہیں بلکہ ریاست کے ڈیڑھ کروڑ انسانوں کے حق خودارادیت کا مسئلہ ہے جس کا فیصلہ عالمی نگرانی میں رائے شماری کے ذریعے ہونا ہے ۔ آزاد کشمیر میں مہاجرین کی آباد کاری نہ ہونے پر افسوس کا اظہار کرتے ہوئے ان کا کہنا تھا کہ 9ہزار میں سے اڑھائی خاندان آج تک آباد نہیں ہو سکے۔ اور مہاجرین کے گزار ہ الاؤنس میں اضافہ نہیں کیا جا رہا۔ موجودہ مہنگائی کے تناسب سے مہاجرین کے گزارہ الاؤنس میں اضافہ کیا جائے۔ اور مہاجرین کی آباد کاری کے لئے ہنگامی بنیادوں پر اقدامات اٹھائیں جائیں۔
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
