... loading ...
... loading ...
بہار کے تازہ انتخابی نتائج نے بی جے پی کی قیادت میں قائم اتحاد کو شرمناک شکست سے دوچار کر دیا ہے اور نتیش کمار کی قیادت والے ’’عظیم اتحاد‘‘ کو دوتہائی اکثریت کے ساتھ کامیابی دلا دی ہے۔اس طرح بی جے پی اور شیوسینا کے اتحاد کی جانب سے پاکستان مخالفت کا نسخہ کام آیا اور نہ ہی گائے کے گوشت کی مخالفت کا منجن فروخت ہو سکا۔مرکزی وزیر وی کے سنگھ کی جانب سے دلتوں کو کتے قرار دینے سے لے کر مسلم دشمنی کے تمام حربے آزمائے جانے کے باوجود بہار کے انتخابات میں نتیش کمار کی قیادت والے مہا گٹھ بندھن یعنی عظیم اتحاد نے بی جے پی کی قیادت والے این ڈی اے کو تقریباً پچھاڑ کر رکھ دیا ہے۔
نتیش کمار کے عظیم اتحاد نے 243 رکنی ایوان میں دوتہائی اکثریت کے ساتھ 178نشستیں اپنے نام کر لیں۔ اور بہار کی انتخابی مہم کا خود بیڑا اٹھا کر تابڑ توڑ تیس عوامی جلسے کرنے والے وزیراعظم نریندر مودی کی قیادت میں قائم اتحاد صرف 58 نشستیں ہی بچا پایا۔ جس پر بھارتی اخبار نے یہ سرخی جمائی کہ ’’انکسار سرخرو،غرور کا سرنیچا۔‘‘
ان انتخابات کی خاص بات یہ تھی کہ اس میں تمام کارپوریشنز اور انڈسٹریز گزشتہ عام انتخابات کی مانند نریندر مودی اور اُن کی جماعت بی جے پی کے ساتھ تھی۔ جنہوں نے نہایت مہارت سے تمام سرویز بی جے پی کی قیادت والے اتحاد کے حق میں جاری کراکے انتخابات کی فضا مودی کے حق میں بنا دی تھی۔ انتخابات سے دور وزقبل بھی جاری کیا جانے والا سروے بی جے پی کے حق میں ہی تھا۔ یہاں تک کہ تمام پیش گوئیاں اور فال بھی بی جے پی کے حق میں ہی نکالے جارہے تھے۔ مگر فالوں ، پیش گوئیوں اور سرویز کو جعلی ثابت کرتے ہوئے لالو پرشاد یادو اور نتیش کمار کے اتحاد نے بہار میں وہ جادو کیا کہ بی جے پی کا تمام غرور خاک میں مل گیا اور اِسے نریندر مودی کی شکست سے تعبیر کیا گیا۔ یہاں تک کہ بی جے پی کو ایک وضاحتی بیان میں یہ کہنا پڑا کہ بہار شکست کا ذمہ دار صرف ایک شخص (مودی) کو قرار نہیں دیا جا سکتا۔ مگر خود بی جے پی کی قیادت والے اتحاد این ڈی اے کی سب سے اہم انتہا پسند ہندو جماعت شیوسینا کے ایک اہم رہنما سنجے راؤت نے براہِ راست نریندر مودی پر حملہ کرتے ہوئے کہا ہے کہ بہار انتخابات کے نتائج ایک رہنما (مودی) کے کمزور ہونے کی علامت ہے۔ اُنہوں نے کہا کہ اگر ابھی مہاراشٹر میں انتخابات ہو جائیں تو یہی نتائج (یعنی بی جے پی کی شکست کی صورت میں) نکلیں گے۔ شیوسینا لیڈر نے واضح الفاظ میں تسلیم کیا کہ نتیش کمار ایک سپر اسٹار ثابت ہوئے ہیں۔
بہار انتخابات نے اپنے سیاسی مستقبل سے پریشان لالو پرشاد یادو کو ایک مرتبہ پھر قومی سیاست میں اہم مقام بلکہ بادشاہ گر کی حیثیت دلا دی ہے۔ اور اُن کی جماعت راشٹریہ جنتا دل سب سے زیادہ 78نشستیں جیت کر پہلے نمبر پر واپس آگئی ہے۔ جبکہ اُن کی اتحادی جماعت نتیش کمار کی جنتا دل یو71 نشستیں جیت کر دوسری بڑی جماعت بن کر اُبھری ہے اور دنیا کی سب سے بڑی جماعت کا دعویٰ رکھنے والی بی جے پی بہار میں تیسرے نمبر پر سمٹ کر آکھڑی ہوئی ہے۔ لالو پرساد یادو نے کہا ہے کہ مودی اپنی جماعت کو واپس گجرات لے جائیں ۔
بہار انتخابات میں 24 مسلمان امیدوار کامیاب ہوئے ہیں جن میں سب سے زیادہ لالو پرساد یادو کی جماعت سے ہیں،جن کی تعدار بارہ ہے۔ دوسرے نمبر پر کانگریس سے چھ مسلم امیدوار کامیاب ہوئے۔ اور تیسرے نمبر پر نتیش کمار کے جنتادل یو سے پانچ امیدوار کامیاب ہوئے۔ تمام کے تمام چوبیس مسلمان امید واروں کی کامیابی کی خاص بات یہ ہے کہ یہ سب بہت بھاری فرق کے ساتھ اپنے حریفوں سے کامیاب ہوئے۔
بہار انتخابات میں عظیم اتحاد کی کامیابی نے پورے بھارت پر اپنے گہرے اثرات مرتب کرنا شروع کردیئے ہیں ۔عظیم اتحا دکی کامیابی کے ساتھ ہی بی جے پی اور شیوسینا کی کامیابی والی سب سے اہم ریاست مہاراشٹر کی حزب اختلاف نے جشن منایا۔ اور ممبئی میں بی جے پی کے دفتر میں ایک سناٹا چھا گیا۔ بھارتی تجزیہ کار بہار انتخابات کو ایک ایسامثالی( ماڈل )انتخابات قراردے رہے ہیں جو آئندہ ہر انتخاب میں بی جے پی کے خلاف اپنے اثرات پیدا کرے گا اور یوں اِسے مودی کے زوال کا آغاز قرار دیا جارہا ہے۔
تحریکِ انصاف کی قیادت اور اپوزیشن اتحاد 16 جون بروز منگل دوپہر 3 بجے سے شام 7 بجے تک اڈیالہ جیل کے باہر ایک مضبوط اور پرامن عوامی طاقت کا مظاہرہ کرنے جارہے ہیں،خصوصی بیان اس احتجاج کے پیچھے کوئی سیاسی مقاصد یا توڑ پھوڑ نہیں بلکہ خالصتاً قانونی اور انسانی بنیادیں شامل ہیں، احتجاج...
پارٹی میں موجود بدعتوں کو اب نکالنا ہوگا جس کے دل میں پارٹی کی ذمہ داری کا شوق آیا وہ کچھ نہیں کر سکتا، ہم استعمال نہیں ہورہے کوئی اور استعمال ہو رہا ہے ، خالد مقبول صدیقی کی مصطفی کمال پر تنقید ایکسٹینشن والا لیڈر قوم کو کبھی ان کے حقوق نہیں دلوا سکتا جس لیڈر کا کریکٹر نہیں و...
حکومت اب بھی ایک لیٹر پیٹرول پر120 روپے سے زائد پیٹرولیم لیوی وصول کررہی ہے بہت تماشا ہوگیا وسائل پر قابض اشرافیہ عوام کے راستے سے ہٹ جائے،تقریب سے خطاب امیر جماعت اسلامی پاکستان حافظ نعیم الرحمن نے کہا ہے بجٹ میں آئی ٹی کے فروغ کے لیے کوئی جامع منصوبہ شامل نہیں۔ سات دہائیوں...
امریکا اور ایران کے درمیان مفاہمتی یادداشت پر دستخط اتوار کو نہیں ہوں گے جنگ کے خاتمے پر توجہ مرکوز کرنے والے اسلام آباد میمورنڈم پر عمل کیا جا رہا ہے ایرانی وزارت خارجہ کے ترجمان اسماعیل بقائی نے کہا ہے کہ امریکا سے معاہدے پرآج دستخط نہیں کر رہے ہیں۔ایک بیان میں اسماعیل بق...
دفاعی بجٹ 17.6فیصد اضافے کے بعد3؍ہزار 10؍ارب 90 کروڑ مختص، حکومت کے کل اخراجات میں سے 8,054ارب روپے صرف مارک اپ کی ادائیگی کے لیے مختص،جائیداد کی فروخت پر ٹیکس کی شرح میں کمی حکومت کے کل اخراجات کا تخمینہ 18,771 ارب روپے ،سول انتظامیہ کے اخراجات کے لیے 1,07...
پرانے منصوبوں میں پانی فراہمی کے منصوبے کے فور کے لئے 10ارب اور کراچی اربن انفرا اسٹرکچر کے لئے 7ارب 50کروڑ روپے مختص، حیدرآباد سکھر موٹر وے پر 30ارب روپے خرچ ہونگے آئندہ مالی سال کے بجٹ میں کراچی کوئٹہ چمن روڈ کے لئے 3؍ارب روپے رکھے گئے ، کراچی گرین لائن کے لئے تقری...
یہ ن لیگ کا بجٹ ہے جس میں غریب کو صرف ٹکڑے جبکہ امیر کو ریلیف دیا گیا ہے بجٹ ایماندار ٹیکس دہندگان کو ہراساں کرنے پر مبنی ہے، شیخ وقاص اکرم کی گفتگو پاکستان تحریک انصاف نے آئندہ مالی سال کے بجٹ کو مسترد کردیا۔پاکستان تحریک انصاف کے مرکزی سیکریٹری اطلاعات شیخ وقاص اکرم نے اس ...
ناگا قبیلیکے 6افراد کی لاشیں برآمد ، ڈپٹی وزیراعلیٰ کو عہدے سے ہٹانے کا مطالبہ منی پور قابض بھارت کے ہاتھ سے نکل چکا ہے، خانہ جنگی کی صورتحال بھی برقرار مودی کی نااہلی کے باعث منی پور میں فسادات روزانہ ایک نیا اور خطرناک رخ اختیار کررہے ہیں۔بھارت کا اپنا جریدہ "انڈیا نیوز نی...
حکومت معاشی استحکام کے ثمرات براہِ راست عوام تک پہنچائے گی ، وزیراعظم حکومت اب عوام کو ریلیف فراہم کرنے کے قابل ہوئی ہے، بیان جاری وزیراعظم شہباز شریف نے وفاقی بجٹ 2026-27 کو عوامی ریلیف، معاشی ترقی اور خوشحالی کا بجٹ قرار دیتے ہوئے کہا ہے کہ حکومت معاشی استحکام کے ثمرات براہ...
مہنگائی بتدریج کم ہوئی، شرحِ نمو 3۔7 فیصد تک پہنچ گئی، پچھلے 4 سال کی سب سے بہترین معاشی ترقی، تجارتی غیر یقینی کے بعد پھر سیلاب آیا، مارچ میں خطے میں عدم استحکام ہوا، وفاقی وزیر خزانہ تمام چیلنجز سے درست نبردآزما ہوئے،مالی سال کے دوران 3 بڑے چیلنجز سے کامیابی سے نمٹا گیا،اکنا...
امریکا مستقبل میں خارگ جزیرے سمیت ایران کے اہم تیل اور گیس کے انفراسٹرکچر پر قبضہ کرکے ان کی توانائی منڈیوں کا مکمل کنٹرول سنبھال لے گا، پلیٹ فارم ٹروتھ سوشل پر جاری بیان یہ حکمت عملی اسی طرز پر ہوگی جس طرح امریکا نے وینزویلا میں توانائی کے شعبے سے متعلق اقدامات کیے تھے، اامریکا...
منصوبہ اپنی تکمیل کے بعد روزانہ تین لاکھ تک مسافروں کو سفری سہولت فراہم کرے گا 21 کلومیٹر طویل مخصوص بی آر ٹی کوریڈور داؤد چورنگی سے نمائش تک قائم کیا جائے گا کراچی کے یلو لائن بس ریپڈ ٹرانزٹ (بی آر ٹی) منصوبے کے لئے 256 الیکٹرک بسیں خریدی جائیں گی جبکہ منصوبہ اپنی تکمیل ک...
