... loading ...
ایران امریکا تنازع پرپاکستان کی ثالثی رنگ لانے لگی؟ ایران امریکا معاہدے کا 9 نکاتی مسودہ سامنے آگیا،جنگ بندی، آبنائے ہرمز میں جہاز رانی، پابندیوں میں نرمی اور یورینیم تنازع پر تجاویز شامل
دونوں فریقین فوجی، سویلین یا اقتصادی تنصیبات کو نشانہ نہ بنانے کے پابند ہوں گے، ابتدائی معاہدہ دونوں فریقین کی جانب سے باضابطہ اعلان کے فوراً بعد نافذ العمل ہو جائے گا،9 نکاتی مسودے کا متن
پاکستان کی سفارتی کوششوں میں تیزی کے دوران ایران اور امریکہ کے درمیان رضامندی کی صورت میں متوقع معاہدے کا ایک مسودہ سامنے آگیا ہے۔ایران امریکا تنازع پر پاکستانی سفارتی رابطے جاری، عسکری و سول قیادت متحرک، مذاکرات کا اگلا دور بقرعید کے بعد اسلام آباد میں متوقع ۔چیف آف ڈیفنس فورسز فیلڈ مارشل عاصم منیر سرکاری دورے پر تہران پہنچ گئے۔آئی ایس پی آر کے مطابق چیف آف آرمی اسٹاف اور چیف آف ڈیفنس اسٹاف فیلڈ مارشل سید عاصم منیر ایران اور امریکا کے درمیان جاری ثالثی کی کوششوں کے سلسلے میں تہران پہنچ گئے۔تہران پہنچنے پر ایرانی وزیر داخلہ اسکندر مومنیٰ نے ان کا پرتپاک استقبال کیا۔ اس موقع پر وزیر داخلہ محسن نقوی بھی موجود تھے۔سیکیورٹی ذرائع کے مطابق وہ اپنے دورے میں ایران-امریکا بات چیت، خطے میں قیام امن اور دیگر اہم امور پر تبادلہ خیال کریں گے۔سیکیورٹی ذرائع کا کہنا تھا کہ دورے کے دوران فیلڈ مارشل عاصم منیر اہم اعلیٰ ایرانی شخصیات سے ملاقات کریں گے۔میڈیا روپورٹ کے مطابق ذرائع نے جمعہ کے روز العربیہ؍الحدث کو بتایا ہے کہ اس مسودے میں 9 نکات شامل کیے گئے ہیں جن میں تمام محاذوں پر فوری، جامع اور غیر مشروط جنگ بندی شامل ہے۔مسودے میں اس بات پر بھی زور دیا گیا ہے کہ دونوں فریقین ایک دوسرے کی فوجی، سویلین یا اقتصادی تنصیبات کو نشانہ نہ بنانے کے پابند ہوں گے۔ اس کے علاوہ مسودے میں فوجی کارروائیاں روکنے اور میڈیا وار یعنی تشہیری جنگ کو بھی بند کرنے کی تصدیق کی گئی ہے۔ مسودے میں دونوں ممالک کی خودمختاری اور علاقائی سالمیت کے احترام اور ایک دوسرے کے اندرونی معاملات میں عدم مداخلت کا بھی ذکر کیا گیا ہے۔ اس کے علاوہ خلیج عرب، آبنائے ہرمز اور بحر عمان میں جہاز رانی کی آزادی کو یقینی بنانا بھی اس مسودے کا حصہ ہے۔ اس مسودے میں نگرانی اور تنازعات کے حل کے لیے ایک مشترکہ طریقہ کار قائم کرنے کی بات بھی شامل کی گئی ہے۔ ساتھ ہی یہ شرط بھی رکھی گئی ہے کہ معطل شدہ مسائل پر مذاکرات کا آغاز 7 دنوں کے اندر کر دیا جائے گا۔ایران کی جانب سے شرائط کی پابندی کے بدلے میں امریکہ کی طرف سے عائد کردہ پابندیاں مرحلہ وار اٹھانے کا عمل شروع ہو گا۔ اس معاہدے میں بین الاقوامی قوانین اور اقوام متحدہ کے چارٹر کی پاسداری کی توثیق بھی کی گئی ہے۔ توقع کی جا رہی ہے کہ یہ ابتدائی معاہدہ دونوں فریقین کی جانب سے باضابطہ اعلان کے فوراً بعد نافذ العمل ہو جائے گا۔دوسری جانب ایک پاکستانی ذریعہ نے العربیہ؍الحدث کو بتایا ہے کہ ممکنہ معاہدے کے حوالے سے جاری رابطوں میں محتاط امید پرستی کا عنصر نمایاں ہے اور انہوں نے اس بات پر زور دیا کہ امریکہ اور ایران کے درمیان عبوری معاہدے کا کوئی دوسرا متبادل موجود نہیں ہے۔انہوں نے اس بات کی بھی تصدیق کی کہ اختلافات کو کم کرنا آسان نہیں ہے کیونکہ دونوں فریقین کے مطالبات کی سطح بہت زیادہ ہے۔انہوں نے یہ بھی اشارہ دیا کہ یورینیم اور آبنائے ہرمز کے معاملات پر اختلافات کو کم کرنے کے لیے رابطے مسلسل جاری ہیں۔ انہوں نے واضح کیا کہ مذاکرات کا سب سے بڑا مرکز اب بھی یہی رہا ہے کہ اعلیٰ افزودہ یورینیم کے معاملے سے کیسے نمٹا جائے۔ انہوں نے مزید کہا کہ معاہدے کے بڑے مسائل پر بات چیت کے لیے طویل وقت درکار ہے۔علاوہ ازیں، انہوں نے بتایا کہ پاکستان امریکہ اور ایران کے درمیان ممکنہ معاہدے کو آگے بڑھانے کے لیے چین پر بہت زیادہ بھروسہ کر رہا ہے۔واضح رہے کہ تہران نے رواں ہفتے امریکہ کو ایک نئی تجویز پیش کی تھی لیکن اس کے مندرجات کے بارے میں جو کچھ علانتی طور پر کہا گیا، وہ انہی نکات کا اعادہ تھا جنہیں امریکی صدر ڈونلڈ ٹرمپ پہلے ہی مسترد کر چکے ہیں، جن میں آبنائے ہرمز پر کنٹرول، جنگی نقصانات کا معاوضہ، تمام امریکی پابندیوں کا خاتمہ اور بیرون ملک منجمد تمام ایرانی اثاثوں اور فنڈز کی واگزاری شامل ہے۔
ایس ایم نقی نامی انویسٹراور پلاٹس کے خریداروں کا بلڈر فیصل اور فہد کے خلاف احتجاج ابتدائی منظوری، سینکڑوں ایکڑ کی تشہیر اور شہریوں سے وصولیوں پر تحقیقات کا مطالبہ کراچی (خصوصی رپورٹ) ایم نائن موٹروے پر بن احسان بلڈرز اینڈ ڈیولپرز کے رہائشی منصوبے بن احسان گرین سٹی کی قانونی...
مواخذے کی قراردادیں میرا کچھ نہیں بگاڑ سکتیں،پیٹ ہیگستھ کی جوابی کانفرنس امریکی وزیر جنگ پیٹ ہیگستھ کے مواخذے کی قرارداد امریکی ایوان نمائندگان میں پیش کردی گئی۔ مواخذے کی قرارداد ایوان نمائندگان کے ریپبلکن رکن ٹامس میسی نے پیش کی۔ پیٹ ہیگستھ پر ایران سے امریکی جنگ میں نااہلی ...
کروڑوں کے فنڈز غائب، 12 ہزار منسوخ فائلیں دوبارہ جاری کرنے کا انکشاف جونیئر ملازمین ایک طاقتور مافیا میں تبدیل ، ہائی کورٹ کے احکامات ہوا میں اڑا دیے گئے حیدرآباد/کراچی (خصوصی رپورٹ)سیہون ڈیولپمنٹ اتھارٹی (SDA) میں کرپشن، فنڈز کی خورد برد اور اختیارات کے ناجائز استعمال کا ا...
طویل مدت تک عدم استحکام، غیر یقینی کی صورتحال اور غیر واضح سیاسی و سکیورٹی ماحول‘ کا سامنا کرنا پڑ سکتا ہے،وزیرِ اعظم کے سینیئر مشیر انور قرقاش کا ابوظبی میں کانفرنس سے خطاب متحدہ عرب امارات کے وزیرِ اعظم کے سینیئر مشیر انور قرقاش کا کہنا ہے کہ خطے کو ’ایک طویل مدت تک عدم استح...
امریکی لابنگ فرم ایس ایچ ڈبلیو پارٹنرز نے رواں سال مئی اور جون کے دوران بھارتی حکومت اور وائٹ ہاؤس کے سینیئر حکام کے درمیان آٹھ فون کالز کے انتظام میں کردار ادا کیا۔ انڈین ایکسپریس ہندوستان کی حکومت اور وائٹ ہاؤس کے سینیئر حکام کے درمیان رواں سال مئی اور جون میں ہونے والے مبین...
شائستہ عباس کینسر کے باعث گزشتہ دو ماہ سے اسپتال میں زیرِ علاج تھیں پاکستانی معروف اداکارہ میرا کی چھوٹی بہن شائستہ عباس طویل عرصے تک کینسر کے مرض سے زندگی کی جنگ لڑنے کے بعد لندن میں انتقال کر گئیں۔نیویارک میں نجی ٹی وی سے گفتگو کرتے ہوئے میرا نے تصدیق کی ہے کہ شائستہ کئی برس...
سابق وزیراعظم نے نئے پاسپورٹ اور شناختی کارڈ کے لیے بھی درخواست دے دی بھارت میں موجود بنگلادیش کی سابق وزیراعظم شیخ حسینہ واجد نے وطن واپسی کے لیے نئی دہلی میں بنگلادیشی سفارتخانے سے رجوع کر لیا۔غیر ملکی خبر ایجنسی کے مطابق حسینہ واجد نے نئے پاسپورٹ اور شناختی کارڈ کے لیے درخو...
امریکا تمام محاذوں پر جنگ ختم کرنے پر آمادہ ہو جائے تو آبنائے ہرمز کو 2دن میں کھول دینگے،انٹرویو ایران کے وزیر خارجہ عباس عراقچی نے امریکا پر زور دیا ہے کہ وہ جاری امن مذاکرات میں تہران کے مطالبات تسلیم کرے، بصورت دیگر سنگین نتائج کے لیے تیار رہے۔عباس عراقچی نے ایرانی سرکاری م...
برینٹ خام تیل کی قیمت 97 ڈالرز 67 سینٹ فی بیرل ہوگئی،رپورٹ ایشیا میں کاروباری سرگرمیوں کے آغاز پر عالمی منڈی میں خام تیل کی قیمتوں میں کمی ریکارڈ کی گئی ہے۔غیرملکی خبر رساں ادارے کے مطابق برینٹ خام تیل کی قیمت 97 ڈالرز 67 سینٹ فی بیرل ہوگئی۔ امریکی خام تیل کے مستقبل کے سودوں ک...
پاک بحریہ کے چاق و چوبند دستے نے مزار اقبال پر اعزازی گارڈز کے فرائض سنبھال لیے حکیم الامت، شاعر مشرق علامہ محمد اقبال کے 149 ویں یوم پیدائش پر مزار اقبال پر گارڈز کی تبدیلی کی پروقار تقریب ہوئی، پاکستان نیوی کے اسٹیشن کمانڈر لاہور کموڈور مصباح الامین مہمان خصوصی تھے۔ پاکستان ...
حکومت بنانے کی کوششیں ناکام ہوئیں تو کینیسٹ کو توڑ دیا جائے گا اور دوبارہ الیکشن کرائے جائیں گے، صدر اسرائیل کے صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دیدی۔ غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے۔ اسرائیلی ا...
قطری حکام نے نئی امریکی فوجی کارروائی روکنے کیلئے سفارتی کوششیں شروع کر دیں، رپورٹ اسرائیلی وزیرِاعظم نیتن یاہو ایران کے خلاف امریکا کی جانب سے دوبارہ حملے شروع کرنے پر مسلسل زور دے رہے ہیں، جبکہ امریکی صدر ڈونلڈ ٹرمپ کے مشیر اس معاملے پر تقسیم ہو گئے ہیں کہ آیا جنگ ختم کی جائ...