... loading ...
... loading ...
قومی اور صوبائی اسمبلیوں کی21خالی نشستوں کے لیے ضمنی انتخابات آج21اپریل بروز ( اتوار) کو ہوں گے ،پنجاب کے 12صوبائی اور 2قومی اسمبلی حلقوں میں ضمنی انتخابات کے لئے ووٹنگ ہو گی ،انتخابات کے لئے سکیورٹی سمیت تمام تیاریاں مکمل کر لی گئی ہیں ،سکیورٹی اور شکایات کے حوالے سے کنٹرول روم اور الیکشن مانیٹرنگ اینڈ کنٹرول سنٹر قائم کر دئیے گئے ۔ رپورٹ کے مطابق قومی اور صوبائی اسمبلی کی 21خالی نشستوں پر ہونے والے ضمنی انتخابات میں مجموعی طورپر 237امیدوار میدان میں ہیں۔ووٹنگ کا عمل صبح آٹھ بجے سے شام پانچ بجے تک بغیر کسی وقفے کے جاری رہے گا ۔الیکشن کمیشن نے ریٹرننگ آفیسرز اور پریذائیڈنگ آفیسرز کو فرسٹ کلاس مجسٹریٹس کے مساوی اختیارات دے دیئے ہیں۔ آر اوز کے کیمپ آفسز سے پریذائیڈنگ افسران نے سامان حاصل کر لیا ہے ۔الیکشن کمیشن کے مطابق قومی اسمبلی کی 6، پنجاب اسمبلی کی 12،خیبر پختوانخواہ اسمبلی کی 2، سندھ اسمبلی کی 1، بلوچستان اسمبلی کی 2نشستوں پر ضمنی انتخابات ہوں گے۔ سندھ سے قومی اسمبلی کی نشست این اے207سے آصفہ بھٹوزرداری اور پی ایس 80سے زبیر احمد جونیو بلا مقابلہ منتخب ہو چکے ہیں ۔صوبہ پنجاب کے 12صوبائی اور 2قومی اسمبلی حلقوں میں ضمنی انتخابات کے لئے ووٹنگ ہو گی ۔ صوبہ پنجاب کے 14حلقوں میں ضمنی انتخابات کیلئے 40لاکھ 44ہزار 552رجسٹرڈ ووٹرز اپنا حق رائے دہی استعمال کریں گے۔ رجسٹرڈ ووٹرز میں 21لاکھ 77ہزار 187مرد اور 18لاکھ 67ہزار 365خواتین ووٹرز ہیں۔پنجاب میں ضمنی انتخابات کیلئے 663مردانہ 649زنانہ اور 1289مشترکہ پولنگ اسٹیشنز قائم کئے گئے ہیں۔ضمنی الیکشن میںلاہورکے قومی اسمبلی کے ایک جبکہ صوبائی اسمبلی کے 4حلقوں میں انتخاب ہوگا۔قومی اسمبلی کے این اے119سے علی پرویز اورشہزاد فاروق سمیت 9امیدوارں مدمقابل ہیں،جبکہ پی پی147 سے لیگی امیدوارملک ریاض اور محمد خان مدنی سمیت 11امیدوار مدمقابل ہیں۔پی پی 149سے استحکام پاکستان پارٹی کے محمد شعیب صدیقی اور قیصرشہزاد سمیت14امیدوار،پی پی 158سے لیگی امیدوار چوہدری نواز اور سنی اتحاد کونسل کے مونس الٰہی سمیت 22امیدوار آمنے سامنے ہیں۔پی پی 164سے لیگی رہنما راشد منہاس اور سنی اتحاد کونسل کے محمد یوسف سمیت بیس امیدوار مدمقابل ہیں۔پنجاب کے عہدیدار کے مطابق14قومی و صوبائی حلقوں پر منعقدہونے والے ضمنی انتخابات کی سکیورٹی پر 35ہزار سے زائد افسران و اہلکار تعینات ہوں گے۔2599پولنگ اسٹیشنز میں سے 419انتہائی حساس جبکہ 1081کوحساس قرار دیا گیا ہے۔انتہائی حساس پولنگ اسٹیشنز پر سی سی ٹی وی کیمروں کی تنصیب مکمل کر لی گئی ہے، لمحہ بہ لمحہ مانیٹرنگ کی جائے گی، رینجرز اور پاک آرمی کی مکمل معاونت بھی حاصل ہو گی۔ الیکشن کمیشن کے ضابطہ اخلاق، دفعہ 144، اسلحہ کی پابندی کی خلاف ورزی پر زیرو ٹالرنس ہو گا۔دوسری جانب ضمنی انتخابات کے موقع پر محکمہ داخلہ پنجاب نے سکیورٹی خدشات کے پیش نظر 13اضلاع اور تحصیلوں میں موبائل اور انٹر نیٹ سروس بند رکھنے کی سفارش کر دی ہے ۔وفاقی وزارت داخلہ کو بھجوائے گئے خط میں کہا گیا ہے کہ لاہور، قصور،شیخوپورہ،تلہ گنگ، کلر کہار،گجرات،، علی پور چٹھہ،ظفر وال، بھکر، صادق آباد، ڈی جی خان میں موبائل اور انٹر نیٹ سروس معطل رکھی جائے۔ خط کی کاپی چیف سیکرٹری پنجاب، آئی جی پنجاب اور چیئرمین پی ٹی اے کو بھی بھجوائی گئی ہے۔
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
وفاقی وزیر اطلاعات و نشریات عطا اللہ تارڑ نے کہا ہے کہ کسی سوشل میڈیا پلیٹ فارم کی بندش کے حق میں نہیں۔نجی ٹی وی سے گفتگو کرتے ہوئے وفاقی وزیر عطا تارڑ کا کہنا تھا کہ سوشل میڈیا پلیٹ فارمز پاکستان میں کیوں دفتر نہیں کھولتے ، سوشل میڈیا پلیٹ فارمز کو پاکستان میں دفاتر کھولنے چاہئی...
یوم صحافت پر خضدار میں دھماکا، صحافی صدیق مینگل سمیت 3 افراد جاں بحق ہوگئے ۔پولیس کے مطابق خضدار میں قومی شاہراہ پر سلطان ابراہیم خان روڈ پر ریموٹ کنٹرول دھماکے سے ایک گاڑی کو نشانہ بنایا گیا۔ایس ایچ او خضدار سٹی کے مطابق ریموٹ کنٹرول دھماکے میں ایک شخص جاں بحق اور 10 افراد زخمی ...
ایرانی تیل کی پاکستان میں اسمگلنگ پر سیکیورٹی ادارے کی رپورٹ میں اہم انکشافات سامنے آگئے ۔پاکستان میں ایرانی تیل کی اسمگلنگ کے بارے میں رپورٹ منظرعام پر آگئی ہے جس میں کہا گیا کہ پاکستان میں سالانہ 2 ارب 80 کروڑ لیٹر ایرانی تیل اسمگل کیا جاتا ہے اور اسمگلنگ سے قومی خزانے کو سالان...
سندھ کابینہ نے رینجرز کی کراچی میں تعیناتی کی مدت میں 180 دن کے اضافے کی منظوری دے دی۔ترجمان حکومت سندھ نے بتایا کہ رینجرز کی کراچی میں تعیناتی 13 جون 2024 سے 9 دسمبر 2024 تک ہے ، جس دوران رینجرز کو انسداد دہشت گردی ایکٹ 1997 کے تحت اختیارات حاصل رہیں گے ۔کابینہ نے گزشتہ کابینہ ا...
بھارتی وزیراعظم نریندر مودی انتخابات میں کامیابی کے لیے بھارتی مسلمانوں اور پاکستان کو دھمکی دے رہے ہیں ۔ دی وائر کے مطابق بی جے پی نے آفیشل انسٹاگرام ہینڈل کے ذریعے مودی کی ایک ویڈیو جاری کی ہے جس میں مودی کہتے ہیں کہ اگر کانگریس اقتدار میں آئی تو وہ ہندؤں کی جائیداد اور دولت م...
اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔غیرملکی خبررساں ادارے کے مطابق امریکی وزیر خارجہ انٹونی بلنکن سے ملاقات میں انہوں نے کہا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔اسرائیلی وزیراعظم کا کہنا تھا کہ حماس نے جنگ ...
جمعیت علمائے اسلام (جے یو آئی)کو کراچی میں جلسے کی اجازت نہیں ملی اس حوالے سے ڈپٹی کمشنر شرقی نے بتایا کہ جے یو آئی کو ایس ایس پی ایسٹ کی رپورٹ پر جلسہ کرنے کی اجازت نہیں دی گئی۔ ایس ایس پی ایسٹ کی رپورٹ میں کہا گیا ہے کہ شہر میں حالیہ دہشت گردی کے واقعات کے پیش نظر بڑے عوامی اجت...
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
