... loading ...
... loading ...
القاعدہ کے سربراہ ڈاکٹر ایمن الظواہری افغانستان میں ایک امریکی کارروائی کے دوران جاں بحق ہوگئے۔ گزشتہ کئی دہائیوں سے امریکا کا ہدف رہنے والے ایمن الظواہری کے جاں بحق ہونے کی تصدیق امریکی صدر جوبائیڈن نے بھی کردی۔ اطلاعات کے مطابق القاعدہ سربراہ کو سی آئی اے نے کابل کے ایک علاقے میں ڈرون حملے کا نشانہ بنایا۔ اس کارروائی کی اہمیت کا اندازا اس سے لگایا جاسکتا ہے کہ اس کی تصدیق خود امریکی صدر نے قوم کے نام ایک مختصر خطاب کرتے ہوئے کی۔ ڈاکٹر ایمن الظواہری امریکہ کے مطلوب افراد کی فہرست میں اسامہ بن لادن کے بعد سب سے اہم ترین فرد شمار کیے جاتے تھے جن کی گرفتاری میں مدد دینے پر امریکا نے 25 ملین ڈالر انعام مقرر کر رکھا تھا۔ ڈاکٹر ایمن الظواہری 2011 میں اسامہ بن لادن کو پاکستان کے ایک علاقے ایبٹ آباد میں نشانہ بنائے جانے کے بعد القاعدہ کے سربراہ بنے تھے، وہ اسامہ بن لادن کے قریب ترین ساتھی اور رشتے دار بھی تھے۔
امریکی صدر جوبائیڈن نے اپنے خطاب میں کہا کہ ایمن الظواہری نائن الیون کی منصوبہ بندی میں شامل تھے اور اسامہ بن لادن کے نمبر ٹو تھے۔ امریکی صدر نے ماضی میں امریکا کے خلاف کئی دہائیوں سے جاری کارروائیوں میں ملوث قرار دیتے ہوئے کہا کہ وقت سے کوئی فرق نہیں پڑتا، آپ جہاں بھی چھپے ہوں ، امریکا سراغ لگا کہ آپ کو نکالے گا۔ امریکی صدر نے واضح کیا کہ ایمن الظواہری کا سراغ لگا کے میں نے سی آئی اے کو اس کارروائی کے لیے اجازت دی۔ امریکی صدر نے کارروائی کے مقام کے طور پر کابل کا نام لیا اور دعویٰ کیا کہ اس میں ایمن الظواہری کے خاندان کا کوئی دوسرا فرد نشانا نہیں بنا۔ ایک اور اطلاع کے مطابق ایمن الظواہری کو ہدف بنائے جانے کے وقت وہ اپنے گھر کی بالکونی میں کھڑے تھے جبکہ اُن کے اہلِ خانہ بھی اس وقت گھر پر تھے، تاہم وہ حملے میں محفوظ رہے۔ امریکا کی اس کارروائی نے افغانستان کے حوالے سے کئی سوالات چھوڑے ہیں۔ جس سے افغانستان میں قائم طالبان حکومت اب دوچار ہوگئی ہے۔ سب سے پہلے تو امریکا اور طالبان کے درمیان دوحا معاہدے کے بعد افغانستان میں جاری ڈرون حملے کو طالبان حکومت کیسے لیتی ہے؟کیا امریکا کی اس کارروائی کے بعد طالبان حکومت خاموش رہے گی یا نہیں؟ نیز ڈاکٹر ایمن الطواہری کی افغانستان میں موجودگی سے کوئی فرق طالبان پر پڑے گا یا نہیں؟
ایران کے سپریم لیڈر آیت اللہ خامنہ ای کی بہن بدری حسینی خامنہ ای نے مظاہرین کے خلاف حکومتی کردار کی مذمت کرتے ہوئے کہا ہے کہ میرے بھائی نے اپنے لوگوں کو مصیبتوں اور ظلم کے سوا کچھ نہیں دیا اور مجھے امید ہے کہ جلد ہی ظلم کی حکومت کو اکھاڑ پھینکا جائے گا۔ خامنہ ای کے خاندان کے زیاد...
چاند کے سفر کے دوران زمین کی اتاری گئی شاندار اور تاریخی تصویر کو اب پورے 50 برس ہو چکے ہیں۔ اس تصویر کو 'نیلے سنگِ مرمر' (دی بلو ماربل) کا نام دیا گیا ہے۔ دسمبر 1972 میں اپالو 17 کے خلانوردوں نے اپنے سفر کے دوران کرہِ ارض کی ایک شاندار تصویر کھینچی تھی جس میں افریقہ اور قطبِ جنو...
جرمنی میں حکومت کے خلاف سازش کرکے اقتدار کا تختہ الٹنے کا منصوبہ ناکام بنا دیا گیا۔ ملک بھر میں چھاپا مار کارروائیوں میں دائیں بازو کی تنظیم سے وابستہ 25 مشتبہ افراد کو گرفتار کرلیا گیا۔ بین الاقوامی خبر رساں اداروں کے مطابق وفاقی جرمن پولیس نے ملک میں دائیں بازو کے گروہ کے مشتبہ...
امریکا نے کالعدم داعشـ خراسان گروپ اور کالعدم جماعت تحریک طالبان پاکستان جیسے عسکریت پسند گروہوں کے خلاف کارروائی کرنے کا فیصلہ کیا ہے۔ امریکا کا کہنا ہے کہ دونوں دہشت گرد تنظیمیں پاکستان اور افغانستان میں اپنی سرگرمیاں تیز کررہی ہیں۔ امریکی محکمہ خارجہ کے ترجمان نے بتایا کہ ہمیں...
محکمہ تعلیم سندھ نے اسکولز اور کالجز کے لیے موسم سرما کی تعطیلات کا اعلان کر دیا ۔وزیر تعلیم سندھ احسن چانڈیو نے کہا ہے کہ تمام تعلیمی اداروں میں 20 دسمبر سے موسم سرما کی تعطیلات ہونگیں، تمام نجی و سرکاری تعلیمی ادارے 2 جنوری 2023 سے کھلیں گے۔ احسن چانڈیو نے کہا کہ تعطیلات کا اطل...
سابق وزیراعلیٰ بلوچستان نواب اسلم خان رئیسانی جمعیت علمائے اسلام (ف) میں شامل ہوگئے۔ سربراہ پی ڈی ایم مولانا فضل الرحمان نے کہا کہ دعا ہے اسلم رئیسانی کی شمولیت سے پارٹی کو تقویت ملے، بلوچستان میں عوام کے حقوق کیلئے متحد ہیں۔ کوئٹہ میں تقریب کے دوران سابق وزیراعلی بلوچستان اسلم ر...
وزیراعظم شہباز شریف کے صاحبزادے سلیمان شہباز برطانیہ میں جلا وطنی ختم کرکے وطن واپسی کیلئے روانہ ہوگئے، سلیمان شہباز، اہلیہ اور بچوں کے ہمراہ عمرہ کیلئے سعودی عرب پہنچ گئے۔ سلیمان شہباز ہفتے کو پاکستان پہنچیں گے، وہ 2018 کے عام انتخابات سے قبل نیب مقدمات قائم کیے جانے کے بعد لندن...
آرمی چیف جنرل عاصم منیر نے کور ہیڈ کوارٹرز کراچی کا دورہ کیا جہاں انہیں آپریشنل، سکیورٹی اور دیگر متعلقہ امور پر بریفنگ دی گئی۔آئی ایس پی آر کے مطابق آرمی چیف جنرل عاصم منیر نے بدھ کو کراچی کا دورہ کیا، کراچی آمد پر کور کمانڈر لیفٹیننٹ جنرل محمد سعید نے آرمی چیف کا استقبال کیا۔ آ...
سپریم کورٹ نے ارشد شریف قتل کیس کے حوالے سے حکومتی جے آئی ٹی کی رپورٹ کو مسترد کرتے ہوئے جمعرات تک نئی اسپیشل جے آئی ٹی تشکیل دینے کا حکم دے دیا۔ سپریم کورٹ میں ارشد شریف قتل از خود نوٹس کیس کی سماعت چیف جسٹس پاکستان کی سربراہی میں 5 رکنی لارجر بینچ نے کی، چیف جسٹس عمر عطا بندیال...
اسلام آباد ہائی کورٹ نے ڈاکٹر عافیہ صدیقی کی رہائی کیلئے وزارت خارجہ کی کوششوں پر عدم اطمینان کا اظہار کرتے ہوئے معاملہ پاکستان میں امریکی سفیر کے سامنے اٹھانے کا حکم دے دیا۔ امریکا میں قید ڈاکٹر عافیہ صدیقی کی رہائی سے متعلق درخواست کی سماعت میں ڈاکٹر عافیہ کی بہن ڈاکٹر فوزیہ صد...
آئی جی اسلام آباد نے صحافی ارشد شریف قتل کیس کی تحقیقات کے لیے جے آئی ٹی تشکیل دے دی۔ اسلام آباد پولیس کی جانب سے جاری ہونے والے نوٹیفکیشن کے مطابق 5 رکنی جے آئی ٹی ارشد شریف کے قتل کی تحقیقات کرے گی، نوٹیفکیشن کے مطابق ڈی آئی جی ہیڈ کوارٹر کو جے آئی ٹی کا چیئرمین مقرر کیا گیا ہے...
دنیا کے آلودہ شہروں کی فہرست میں لاہور پہلے جبکہ کراچی دوسرے نمبر پر آ گیا، بھارتی شہر ممبئی 207 پرٹیکیولیٹ میٹرز کے ساتھ تیسرے، کلکتہ چوتھے نمبر پر رہے۔ ایئر کوالٹی انڈیکس کے مطابق لاہور کی فضاؤں میں آلودہ ذرات کی مقدار 345 پرٹیکیولیٹ میٹرز ریکارڈ ہوئی جبکہ کراچی میں آلودہ ذرات ...
