... loading ...
تجزیہ: باسط علی نواز لیگ کے لیے پنجاب کے ضمنی انتخاب کے نتائج نے بقا کا مسئلہ پیدا کردیا ہے۔ تحریک انصاف کے ہاتھوں مسلم لیگ نون کی عبرت ناک شکست نے سنجیدہ حلقوں میں سوال پیدا کردیا ہے کہ کیا واقعی تحریک انصاف نے نواز لیگ کے سیاسی ورثے کو خطرات سے دوچار کردیا ہے۔ تاریخ میں پہلی مرتبہ نواز لیگ کے لیے یہ سوال اُبھر اہے کہ کیا یہ جماعت اپنی طبعی عمر پوری کرچکی اور اب پنجاب میں اس کا وجود لرز رہا ہے یا نہیں؟ درحقیقت تحریک انصاف کی پنجاب کے ضمنی انتخاب میں فتح عام فتح نہ تھی، یہ اسٹیبلشمنٹ کی واضح مخالفت اور تمام ریاستی اداروں کی کھلی یا چھپی عداوت کے باوجود حاصل کی گئی فتح تھی۔ اس ضمن میں اضافی عناصر بھی نہایت اہم تھے۔ مرکز اور پنجاب میں نواز لیگ کی اپنی حکومتیں تھیں، پندرہ جماعتی اتحادکی حمایت کے علاوہ انتخابی دنگل جن علاقوں میں تھا، یہ سب نوازلیگ کی سیاسی حمایت کے اہم مراکز تھے، شہبازشریف اسٹیبلشمنٹ کی نئی ڈارلنگ کے طور پر انتخابی میدان میں فتح یاب ہونے کی تمام سہولتیں رکھتے تھے، پھر مرکزی حکومت کے وزیر داخلہ ماڈل ٹاؤن فیم راناثناء اللہ تھے، جو اپنے سخت گیر رویے کے علاوہ اپنے اہداف حاصل کرنے کی خاطر ہر قسم کے طریقے اختیار کرنے کی عمومی شہرت رکھتے ہیں۔ اس پورے منظرنامے میں تحریک انصاف کی پنجاب میں حمایت اور ضمنی انتخاب میں کامیابی نے اس تاثر کو گہرا کردیا ہے کہ اب نوازلیگ کاسیاسی ورثہ ہی خطرے میں ہے جبکہ تحریک انصاف کا راستا روکنا ایک کارِ دشوار ہے۔ چنانچہ بعض تجزیہ کاروں کے مطابق ضمنی انتخاب کی حالیہ فتح 2018ء کے عام انتخابات میں تحریک انصاف کی کامیابی سے بھی بڑی فتح کی نشاندہی کرتی ہے۔ اس صورتِ حال نے نواز لیگ کے فہمیدہ حلقوں کو پریشان کردیا ہے۔ انتہائی ذمہ دار ذرائع تصدیق کرتے ہیں کہ نواز لیگ کے اندر ایک مرتبہ پھر اسٹیبلشمنٹ کے خلاف نوازشریف کی سخت گیر حکمت عملی کو دوبارہ اپنانے پر غور کیا جارہا ہے۔ دوسری طرف اتحادیوں کو اعتماد میں لیتے ہوئے مرکزی حکومت کے مستقبل پر بھی غور کیا جارہا ہے۔ پنجاب کے ضمنی انتخاب کے بعد اگلے مرحلے میں پنجاب کی وزارتِ اعلیٰ میں تبدیلی کا بے قابو سفر اگلے تین روز میں شروع ہوگا، جس میں حمزہ شہباز کی وزارتِ اعلیٰ ماضی کا قصہ سمجھی جارہی ہے۔ اس تبدیلی کے بعد عملاً شہباز شریف کی حکومت سمٹ کر اسلام آباد کے ریڈ زون تک محدود ہوجائے گی۔ وہ تاریخ میں ایسے پہلے وزیراعظم ہو سکتے ہیں جن کی کسی صوبے میں کوئی حکومت نہیں ہوگی، اس حالت میں اُن کے لیے وزارتِ عظمیٰ چلانا ایک انتہائی کٹھن عمل ہوگا۔ چنانچہ پہلے سے حکومت چھوڑنے کو تیار نوازشریف سمیت پارٹی کے دیگر سنجیدہ سیاست دان بھی اب اپنے اس موقف کو نہیں چھپا رہے کہ نون لیگ کو اب فوری حکومت چھوڑ دینی چاہئے۔ یہ اس لیے بھی ضروری باور کیا جارہا ہے کیونکہ تحریک انصاف کے چیئرمین عمران خان پنجاب میں تبدیلی کے بعد شہباز سرکاری پر اپنا دباؤ ہر طرح سے بڑھائیں گے، جس کا اشارہ اُنہوں نے پی ٹی آئی کی کورکمیٹی کے اجلاس کے فوری بعد عوام سے اپنے خطاب میں دیا۔ جس میںعمران خان نے واضح کیا کہ فوری اور شفاف انتخاب ہی سیاسی بحران ختم کرنے کا واحد راستا ہے۔ اطلاعات زیر گردش ہیں کہ عمران خان پنجاب میں سیاسی تبدیلی کے بعد اپنی توپوں کا رخ مرکزی حکومت یعنی شہباز سرکار کی جانب کررہے ہیں، جوشہبازشریف کی بحرانوں کے نرغے میں گھری حکومت کے لیے مزید خطرات کا باعث ہوگا۔
سرکاری ریکارڈ اور این او سی میں اختلاف کا معاملہ سامنے آگیا سروے نمبروں کی قانونی بنیاد پر سوالات، متعلقہ ادارے خاموش کراچی کے بڑے رئیل اسٹیٹ اداروں میں شمار ہونے والے جی ایف ایس بلڈرز اینڈ ڈیولپرز کے رہائشی منصوبے نارتھ ٹاؤن ریزیڈنسی فیز 2کی زمین سے متعلق اہم سوالات سامنے ...
شہبازشریف کے پاس اتنا اختیار تو ہونا چاہیے کہ اپنے وزیر کو کنٹرول کریں، اگر وزیراعظم اپنے ہی وزیر کو کنٹرول نہیں کرسکتے تو پھرواقعی سسٹم بیٹھ چکا ہے، چیئرمین پیپلزپارٹی کی تقریر نظام کی بحالی نئے صوبوں سے نہیں، سیاسی ری سیٹ سے ممکن ہے، فضل الرحمان اور پی ٹی آئی سمیت اپوزیشن کی...
سعودی فضائی دفاعی نظام نے بروقت کارروائی کر کے شہری آبادیوں کو بڑے نقصان سے بچا لیا،عرب اتحادی فوج عرب اتحادی افواج نے سعودی عرب کے مقدس شہر مکہ مکرمہ اور دارالحکومت ریاض کے صوبوں کی فضائی حدود میں داخل ہونے والے دو بارود سے لدے ڈرون طیاروں کو بروقت کارروائی کرتے ہوئے فضا میں ...
بانی پی ٹی آئی اور بشریٰ بی بی سے جیل ملاقات کے بعد بڑی پیش رفت سامنے آگئی بشریٰ بی بی کو علاج کیلئے ہسپتال منتقل کرنے کی اسلام آباد ہائیکورٹ میں درخواست دائر کر دی گئی بشریٰ بی بی نے لطیف کھوسہ اور بیرسٹر سلمان صفدر کے ذریعے اسلام آباد ہائیکورٹ سے رجوع کرلیا۔ درخواست...
حکم امتناع گورنر راج اور ایم پی او سے متعلقہ معاملات پر تھا، عدالت،پشاور بار کونسل کو فریق بننے کی اجازت دیدی وفاقی آئینی عدالت نے تھری ایم پی او کے تحت خیبرپختونخوا میں گرفتاریوں کے معاملے پر اپنے عدالتی حکم امتناع میں ترمیم کر دی۔چیف جسٹس وفاقی آئینی عدالت امین الدین خان اور...
عدالت کی ملزم کو اشتہاری قرار دینے کی کارروائی شروع کرنے کی ہدایت، مقدمے کی سماعت 3 دسمبر تک ملتوی سانحہ گل پلازہ کیس میں عدالت نے ملزم امین کے ناقابلِ ضمانت وارنٹ گرفتاری جاری کرتے ہوئے اسے اشتہاری قرار دینے کی کارروائی شروع کرنے کی ہدایت کردی ہے۔سٹی کورٹ میں مقدمے کی سماعت ک...
قیمتوں میں بار بار ردوبدل سے ڈیلرز کو بھاری نقصان، ماہانہ بنیادوں پر قیمتیں مقرر کرنے اور 8 فیصد منافع دینے کا مطالبہ پاکستان پیٹرولیم ڈیلرز ایسوسی ایشن نے پیٹرولیم مصنوعات کی قیمتوں میں بار بار ردوبدل کے موجودہ نظام کو تبدیل کرنے اور قیمتوں میں ماہانہ بنیادوں پر تبدیلی کا طری...
ڈپٹی ڈائریکٹر ریکروٹمنٹ، اسسٹنٹ ڈائریکٹرریکروٹمنٹ، سپرنٹنڈنٹ کو ملازمت سے برطرف کردیا گیا،ترجمان ایس پی ایس سی سندھ پبلک سروس کمیشن کے تحت ہونے والی بھرتیوں میں بے ضابطگیوں پر 3 افسران کو ملازمت سے برطرف کردیا گیا۔ ترجمان سندھ پبلک سروس کمیشن کے مطابق بھرتیوں میں بے ضابطگیوں پ...
بشریٰ بی بی نے علاج اور سرجری کے لیے ہسپتال منتقل کرنے کے لیے اسلام آباد ہائی کورٹ سے رجوع کر لیا بانی پی ٹی آئی عمران خان نے چیف جسٹس آف پاکستان، چیف جسٹس وفاقی آئینی عدالت اور چیف جسٹس اسلام آباد ہائی کورٹ کو خط لکھ دیا، عمران خان کا خط بیرسٹر سلمان صفدر کے ذریعے چیف جسٹس کو...
ایس ایم نقی نامی انویسٹراور پلاٹس کے خریداروں کا بلڈر فیصل اور فہد کے خلاف احتجاج ابتدائی منظوری، سینکڑوں ایکڑ کی تشہیر اور شہریوں سے وصولیوں پر تحقیقات کا مطالبہ کراچی (خصوصی رپورٹ) ایم نائن موٹروے پر بن احسان بلڈرز اینڈ ڈیولپرز کے رہائشی منصوبے بن احسان گرین سٹی کی قانونی...
مواخذے کی قراردادیں میرا کچھ نہیں بگاڑ سکتیں،پیٹ ہیگستھ کی جوابی کانفرنس امریکی وزیر جنگ پیٹ ہیگستھ کے مواخذے کی قرارداد امریکی ایوان نمائندگان میں پیش کردی گئی۔ مواخذے کی قرارداد ایوان نمائندگان کے ریپبلکن رکن ٹامس میسی نے پیش کی۔ پیٹ ہیگستھ پر ایران سے امریکی جنگ میں نااہلی ...
کروڑوں کے فنڈز غائب، 12 ہزار منسوخ فائلیں دوبارہ جاری کرنے کا انکشاف جونیئر ملازمین ایک طاقتور مافیا میں تبدیل ، ہائی کورٹ کے احکامات ہوا میں اڑا دیے گئے حیدرآباد/کراچی (خصوصی رپورٹ)سیہون ڈیولپمنٹ اتھارٹی (SDA) میں کرپشن، فنڈز کی خورد برد اور اختیارات کے ناجائز استعمال کا ا...