... loading ...
... loading ...
اسلامی تعاون تنظیم(او آئی سی ) کے وزرائے خارجہ کے غیر معمولی اجلاس میں افغانستان کیلئے نمائندہ خصوصی مقرر کرنے،انسانی ہمدردی کی بنیاددوں پر ٹرسٹ فنڈ بنانے اور اقوام متحدہ کے ساتھ مشترکہ کام کرنے پر اتفاق کرتے ہوئے کہاگیا ہے کہ یورپی یونین، امریکا، برطانیہ، فرانس اور دیگر نے متحرک کردار ادا کرتے ہوئے امداد کا اعلان کیا ہے ،اجلاس افغان عوام کے لیے بہتر مستقبل کی امید ثابت ہو گا ،اسلامی ترقیاتی بینک کے تحت افغانستان کے لیے قائم کردہ ٹرسٹ فنڈ میں تمام ممالک امداد جمع کرائیں گے ،اسلامک فقہ اکیڈمی، علماء سے رابطے کر کے افغان فریقین میں اتفاق رائے پیدا کریگی۔ اتوار کو یہاں سیکرٹری جنرل او آئی سی کے ہمراہ مشترکہ پریس کانفرنس کرتے ہوئے وزیر خارجہ شاہ محمود قریشی نے کہا کہکانفرنس میں شرکت کیلئے آنیوالے او آئی سی رکن ممالک , پی فائیو ممالک مبصرین کا مشکور ہوں۔ انہوںنے کہاکہ سیکرٹری جنرل او آئی سی کا کانفرنس کے انعقاد میں تعاون فراہم کرنے پر مشکور ہوں، امریکی نمائندہ خصوصی تھامس ویسٹ کے مثبت خیالات سنے،امید ہے یہ غیر معمولی اجلاس ایک پل کا کردار ادا کرے گا۔ وزیر خارجہ نے کہا کہ افغانستان میں انسانی المیے کے حوالے سے شعور بیدار ہوا ہے،دوسرا افغانستان میں معاشی و اقتصادی بدحالی کے حوالے سے شعور جاگا ہے۔ انہوںنے کہاکہ اجلاس سے افغانستان کے 38 ملین عوام کی مشکلات پر کھل کے بات کی گئی ہے،یہ بات تسلیم کی گئی ہے کہ افغانستان کی خراب صورت حال سے نہ صرف ہمسایہ ملک بلکہ خطہ متاثر ہو گا،اجلاس میں دو دستاویزات متفقہ طور پر منظور کی گئی ہیں۔ انہوںنے کہاکہ ایک دستاویز افغانستان میں انسانی المیے اور دوسری فلسطین کے حوالے سے اسلام آباد ڈکلیریشن کے طور پر منظور کی گئی ہے۔ شاہ محمود قریشی نے بتایاکہ کانفرنس میں انسانی ہمدردی کی بنیاددوں پر ٹرسٹ فنڈ قائم کرنے پر اتفاق رائے ہوا ،افغانستان کیلئے او آئی سی کے خصوصی نمائیندہ مقرر کرنے پر اتفاق رائے ہوا۔ انہوںنے کہاکہ او آئی سی اور اقوام متحدہ کا افغانستان میں مشترکہ کام کرنے پر اتفاق کیا گیا۔ انہوںنے کہاکہ پابندیاں سکول اور ہسپتال اور انسانی امداد پر لاگو نہیں ہونی چاہئیں اس حوالے سے فالو اپ اجلاسوں کا سلسلہ جاری رہے گا۔انہوںنے کہاکہ اجلاس میں افغانستان کے لیے طے کیا ہے کہ ہیومینی ٹئرین ٹرسٹ فنڈ،فوڈ پروگرام اور افغانستان کے بینکوں کو اَن فریز کرنا ہو گا ۔انہوںنے کہاکہ فوکل پرسن جو افغانستان میں انسانی بحران کے معاملے کو دیکھے گا۔شاہ محمود قریشی نے کہا کہ او آئی سی سیکریٹری جنرل کے تعاون کے بغیر کانفرنس کا انعقاد ممکن نہیں تھا،افغان وفد کو بھی کانفرنس میں مدعو کیا گیا تھا جبکہ اجلاس میں افغان صورتحال پر تبادلہ خیال اہم پیشرفت ہے۔او آئی سی سیکرٹری جنرل حِسین براہیم طہ نے کہاکہ اسلامی ترقیاتی بینک کے تحت افغانستان کے لیے قائم کردہ ٹرسٹ فنڈ میں تمام ممالک امداد جمع کرائیں گے۔ انہوںنے کہاکہ اسلامک فقہ اکیڈمی، علماء سے رابطے کر کے افغان فریقین میں اتفاق رائے پیدا کرے گی۔ انہوںن ینکہاکہ تاحال کوئی عطیات موصول نہیں ہوئے تاہم جلد اعلان متوقع ہیں۔ شاہ محمود قریشی نے کہاکہ بہت سے ممالک عطیات دینا چاہتے ہیں مگر براہ راست نہیں،ٹرسٹ فنڈ میں عطیات دینے کا اعلان جلد کیا جائے گا۔سیکرٹری جنرل نے کہاکہ ٹرسٹ فنڈ قائم ہو چکا، کوئی امداد نہیں ملی۔ انہوںنے کہاکہ افغان حکام سے رابطہ نہیں ہوا نہ ہی کوئی بینکنگ اکاؤنٹ ہے جہاں امداد جا سکے۔وزیر خارجہ شاہ محمود قریشی نے کہاکہ بینکنگ اکاؤنٹ تشکیل ہونے سے قائم شدہ فنڈ فعال ہو جائے گا۔ انہوںنے کہاکہ امریکا میں منجمد شدہ افغان اثاثوں کی بحالی پرٹام ویسٹ کے بیان سے لگتا ہے کہ امریکی نقطہ نظر میں بہتری ہے،ٹام ایسٹ نے کہا امریکا، طالبان کے ساتھ چلنا چاہتا ہے، افغان عوام کی مشکلات میں کمی چاہتے ہیں۔ انہوںنے کہاکہ انسانی امداد کو مشروط نہیں کیا جائے گا۔ انہوںنے کہاکہ عالمی بینک 280 ملین ڈالر فراہم کیے ہیں ،عالمی مالیاتی اداروں نے 1.2 ارب ڈالر کے عدم استعمال شدہ فنڈز کے استعمال کا عندیہ دیا گیا ہے ،نجی افغان بینکوں کو دوبارہ فعال کرنے کی تجویز دی گئی ہے،دھیرے دھیرے آگے بڑھنا ہو گا۔ انہوںنے کہاکہ اقوام متحدہ کی رپورٹ ہے کہ افغان طالبان کی عبوری حکومت کے بعد کسٹم جمع کرنے کا سلسلہ دوگنا ہو چکا ہے،افغان عبوری وزیر خارجہ نے اپنے بیان میں کہا کہ کثیرجہتی متفقہ حکومت کے لیے پرعزم ہیں۔ انہوںنے کہاکہ تمام خطوں کو حکومت میں شامل کیا، دوسرے مرحلے میں مزید دھڑوں کو شامل کیا جائے گا۔ انہوںنے کہاکہ بھارت نے گندم کے تناظر میں آزمایا، افغان نظروں میں گرانا چاہ رہے تھے، وہ چال کامیاب نہیں ہونے دی،ہندوستان نے پھر کہا کہ گندم کی ترسیل کے لیے افغان ٹرکس آنے دیں، اس پر بھی خوبصورت چال بھانپ کر آگے بڑھے،وسط ایشیائی ممالک کے وزرائے خارجہ کو کہا ہے کہ بھارت کو سمجھائیں، منفی رویہ ترک کر دے۔شاہ محمود قریشی نے کہاکہ میں نے تمام وزراء خارجہ سے ملاقاتوں میں بھارت کے افغانستان میں سپائلر کے کردار پر بات کی،ترکمانستان کے وزیر خارجہ یہاں سے دہلی گئے ہیں،میں نے ترکمانستان کے وزیر خارجہ کو کہا ہے کہ وہ دہلی جا کر میرا پیغام دیں کہ بھارت اپنا رویہ درست کرے،پاکستان نے بھارت کو افغانستان کے حوالے سے رویہ درست کرنے کا پیغام بھیج دیا۔
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
آفاق احمد نے سندھ سے جرائم پیشہ پولیس اہلکاروں کی کراچی تعیناتی کی شدید الفاظ میں مذمت کرتے ہوئے کہا کہ کراچی پہلے ہی غیر مقامی اور نااہل پولیس کے ہاتھوں تباہی کے دھانے پر پہنچ گیا ہے، اب سندھ سے مزید جرائم پیشہ پولیس اہلکاروں کی کراچی تعیناتی کا مقصد کراچی کے شہریوں کی جان ومال...
ضلع شرقی کی انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔ معاملے پر سندھ ہائیکورٹ میں بھی سماعت ہوئی، جس میں اے جی سندھ نے سکیورٹی وجوہات بتائیں، دوران سماعت ہائیکورٹ کے چیف جسٹس نے یہ بھی استفسار کیا کہ، کیا یہ 9 مئی کا واقعہ دوبارہ کردیں گے۔ڈپٹی کمشنر...
وفاقی وزیر داخلہ نے آئی جی اسلام آباد کو غیر قانونی طور پر مقیم غیر ملکیوں کے خلاف آپریشن تیز کرنے کا حکم دے دیا۔صحافیوں سے ملاقات کے بعد غیر رسمی گفتگو کرتے ہوئے وفاقی وزیر داخلہ محسن نقوی کا کہنا تھا کہ دارالحکومت میں غیر قانونی رہائشی غیر ملکیوں کا ڈیٹا پہلے سے موجود ہے ۔ آئی ...
چیف جسٹس آف پاکستان جسٹس قاضی فائز عیسی نے کہا ہے کہ عدالتی معاملات میں کسی کی مداخلت قابل قبول نہیں ہے۔سندھ ہائیکورٹ بار ایسوسی ایشن کی تقریب سے خطاب میں چیف جسٹس نے کہا کہ وہ جب سے چیف جسٹس بنے ہیں ہائیکورٹس کے کسی جج کی جانب سے مداخلت کی شکایت نہیں ملی ہے اور اگر کوئی مداخلت ...
وزیراعلیٰ خیبرپختونخوا اور پاکستان تحریک انصاف کے رہنما نے کہا ہے کہ اگر ہمیں حق نہ دیا گیا تو حکومت کو گرائیں گے اور پھر اس بار اسلام آباد پر قبضہ کرلیں گے۔اسلام آباد میں منعقدہ پاکستان تحریک انصاف کے 28ویں یوم تاسیس کی تقریب سے خطاب کرتے ہوئے علی امین گنڈا پور نے ایک بار پھر ...
اندرون سندھ کی کالی بھیڑوں کا کراچی تبادلہ کردیا گیا۔ مبینہ طور پر کچے کے ڈاکوئوں سے روابط رکھنے والے اناسی پولیس اہلکاروں کا شکارپور سے کراچی تبادلہ کردیا گیا۔ شہریوں نے ردعمل دیا کہ ان اہلکاروں کا کراچی تبادلہ کرنے کے بجائے نوکری سے برطرف کیا جائے۔ انھوں نے شہر میں جرائم میں اض...
چیف جسٹس کراچی آئے تو ماضی میں کھو گئے اور انہیں شہر قائد کے لذیذ کھانوں اور کچوریوں کی یاد آ گئی۔تفصیلات کے مطابق چیف جسٹس آف پاکستان قاضی فائز عیسی نے کراچی میں سپریم کورٹ بار ایسوسی ایشن کی ایک تقریب میں وکلا سے خطاب کرتے ہوئے وہ ماضی میں کھو گئے اور انہیں اس شہر کے لذیذ کھ...
وزیراعلیٰ پنجاب مریم نواز نے کہا ہے کہ وزیراعلی کی کرسی اللہ تعالی نے مجھے دی ہے اور مجھے آگ کا دریا عبور کرکے یہاں تک پہنچنا پڑا ہے۔وزیراعلی پنجاب مریم نواز نے پولیس کی پاسنگ آٹ پریڈ میں پولیس یونیفارم پہن کر شرکت کی۔پاسنگ آئوٹ پریڈ سے خطاب میں مریم نواز نے کہا کہ خوشی ہوئی پو...
امیر جماعت اسلامی حافظ نعیم الرحمن نے کہا ہے کہ پاک ایران گیس پائب لائن منصوبہ ہر صورت میں مکمل کیا جائے، امریکا پاکستان کے اندرونی معاملات میں مداخلت بند کرے۔ احتجاج کرنے والی پی ڈی ایم کی جماعتیں پچھلی حکومت گرانے پر قوم سے معافی مانگیں، واضح کریں کہ انھیں حالیہ انتخابات پر اعت...
