... loading ...
... loading ...
سابق صدر مملکت آصف علی زرداری نے کہا ہے کہ سازش کی وجہ سے پاکستان خطرے میں ہے ، دنیا پاکستان کو توڑنا چاہتی ہے ، ہم نے پاکستان کو بچانے کا عہد کیا ہواہے ، ہم پاکستان کے لئے لڑیں گے اور اسے بچائیں گے ، میں نے اپنی جماعت سے کہا تھا ہم پنجاب میں الیکشن لڑ سکتے ہیں، میں نے ضمنی انتخاب میں 50ہزار ووٹ ملنے کا اندازہ لگایا ہوا تھا لیکن ہم ووٹرز کو باہر نکال کر ٹرن آؤٹ نہیں بڑھا سکے، کارکنان ایک جگہ بیٹھ جائیں اس کے بعد میرے اوپر چھوڑ دیں میں سب کو سنبھال لوں گا،میاں صاحب نے ذات ، برادریوں اور دیگر بنیادوں پر پنجاب میں حلقے بنائے لیکن ہم انہیں تبدیل کریں گے ، ہم ان کے خلاف ہر جگہ لڑیں گے ،ہر محلے میں لڑیں گے کیونکہ یہ پاکستان کے خلاف ہیں ، یہ میری دھرتی کے خلاف ہیں جو اس دھرتی پر نہیں مرنا چاہتا اسے کیا مسئلہ ہے ۔ ان خیالات کا اظہار انہوں نے بلاول ہاؤس لاہور میں حلقہ این اے 133کے ضمنی انتخاب میں پارٹی کی نمایاں کارکردگی پر پارٹی رہنماؤں او رکارکنوں کے اعزاز میں منعقدہ عشائیے سے خطاب کرتے ہوئے کیا ۔ آصف علی زرداری نے کہا کہ میں نے پارٹی کے ورکروں ، پیپلز پارٹی کی ہمت کی وجہ سے مشکل وقت گزارا ہے ، جیلیں کاٹی ہیں ، مجھے پتہ ہے کہ پاکستان میں ایسا کوئی کونا نہیں جہاں پر پاکستان کا جھنڈا لگا ہو اورپیپلز پارٹی کا جھنڈا نہ ہو ، پورے پاکستان میں ایسی کوئی جگہ نہیں جہاں پر بھٹو صاحب لوگوں کے دلوں میں نہ بستے ہوں،بی بی کی توبات ہی کچھ او رہے دنیا اب بھی ان کو یاد کرتی ہے ۔انہوں نے کہا کہ میں نے اپنی پارٹی سے کہا تھاکہ پنجاب میں الیکشن لڑنا پیپلز پارٹی کے لئے کوئی مشکل نہیں ہے صرف ہماری اپنی کمزوریاں سامنے آتی ہیں ۔ضمنی انتخابات میں رہنماؤں اور کارکنوں نے زبردست نتیجہ دیا ،میرا اندازہ تھا کہ ہم پچاس ہزار ووٹ لیں گے اگر ہم ووٹر کا ٹرن آؤٹ بڑھانے میں کامیاب ہو جاتے تو یہ ووٹ لے سکتے تھے ۔لیکن ابھی نچلی سطح پر پارٹی مکمل نہیں ہے ، وسطی پنجاب کے صدر نئے آئے ہیں دیگر عہدیدار بھی نئے ہیں،اسلم گل صاحب تو کہتے ہیں سر منڈواتے ہی اولے پڑ گئے ۔انہوں نے کہا کہ پاکستان آج بہت بڑی سازش کی وجہ سے خطرے میں ہے ،دنیا پاکستان کو توڑنا چاہتی ہے ،ہم نے پاکستان سے عہد کیا ہوا ہے ،ہم پاکستان کے لئے لڑیں گے پاکستان کو بچائیں گے اور آنے والی نسلوں کو کامیاب ملک دیں گے ۔ انہوں نے کہا کہ ہم ملک کوکامیابی کی طرف لے کر جارہے تھے کہ آراو الیکشن سے دھاندلی کر کے الیکشن چرا لیا گیا ۔انہوں نے کہا کہ میاں صاحب ذات ، برادریوں اور دیگر بنیادوں پر حلقے بناتے رہے ہیں، ایسا صرف صرف میں نہیں ہو ابلکہ پورے پنجاب میں اسی طرح حلقے بنائے ہیں لیکن ہم انہیں تبدیل کریں گے ، ہم ان کے خلاف ہر جگہ لڑیں گے ہر محلے میں لڑیں گے کیونکہ یہ پاکستان کے خلاف ہیں، یہ میری دھرتی کے خلاف ہیں جو اس دھرتی پر نہیں مرنا چاہتا اسے کیا مسئلہ ہے ۔انہوں نے جہانگیر بدر مرحوم کے صاحبزادے اور فیصل میر کا نام لے کر کہا کہ میں آپ کی محنت دیکھ رہا ہوں،فیصل میر پیپلز پارٹی کا اصلی شیدائی ہے اس کا کام ہی جل جانا ہے،ہر دفعہ پیپلز پارٹی کی خاطر ہمارے ساتھ چلتا رہتا ہے ۔ او ربہت سے دوست ہیں جنہیں میں ملا نہیں ہوں لیکن وہ پارٹی کے لئے اپنی جانیں ہتھیلی پر رکھ کر لڑتے ہیں۔ میری بیٹیاں او ربہنیں لڑتی ہیں بالکل اسی طرح لڑتی ہیں جس طرح آصفہ لڑتی ہے ۔ انہوں نے کہا کہ میرے دماغ میں بڑی سوچیں ہیں اور ایسی سوچ ہے جو آپ کے ملک کو بہت زبردست اور کامیاب ملک بنا سکتی ہے ،اس سے ہماری آنے والی نسلوں کے لئے کامیاب ملک بنے گا اور اللہ ہمیں موقع دے ،اللہ آپ کو ہمت دے آپ صرف ایک ساتھ بیٹھ جاؤ پارٹی کو متحد کر دیں باقی مجھ پر چھوڑ دیں میں ان کو خود ہی سنبھال لوں پورے پاکستان کو سنبھال لوں گا۔پیپلز پارٹی وسطی پنجاب کے صدر راجہ پرویز اشرف نے کہا کہ میرے پاس الفاظ نہیں کہ کارکنان کے جذبے کو بیا ن کرسکوں،آپ لوگوں نے الیکشن میں جیسے محنت کی لوگوں کو ثابت کردیا کہ پیپلزپارٹی کو پنجاب میں کمزور سوچنے والے غلط تھے ،پیپلزپارٹی ہر جگہ موجود ہے بس ہم ڈھیلے تھے اور کارکنان سلپنگ موڈ پر تھے ۔ انہوں نے کہا کہ پیپلزپارٹی پنجاب میں انگڑائی لے کر کھڑی ہو چکی ہے ، الیکشن کی ابتدا ء میں مخالف کیمپ کے بندے نے کہا کہ ہم نے بانوے ہزار ووٹ لیے اور آپ نے پانچ ہزار لاہور،اب آپ کتنے ووٹ لے لیں گے ،میں نے کہا ہم تو کارکنان کے ساتھ ہلہ گلہ کر رہے ہیں،دل میں سوچا کہ یہ شہیدوں کی جماعت آصف زرادری کی قید و صعوبت کی قربانیاں اس میں شامل ہیں،یہ حلقہ ان کا قلعہ تھا ہم نے اس میں شگاف ڈال دیا ہے ۔ انہوں نے کہا کہ اس پاکستان کے مسائل بیروزگاری،انتہا پسندی،خارجہ پالیسی، اندرونی مسائل ،لا اینڈ آرڈر، فوج کو مضبوط کرنے سمیت تمام کا حل آصف زرادری کر سکتے ہیں،ہم یوکرائن سے گندم منگواتے تھے مگر پھر ہم نے اپنے لوگوں کو مستفید کیا اور ہم خود کفیل ہو گئے ،سی پیک بھی آصف علی زرداری کے چین کے دوروں کا نتیجہ ہے ،آصف علی زرداری کے کہنے پر اسٹیٹ لائف کے اڑھائی لاکھ لوگوں کی آواز اسمبلی میں اٹھائی ،ہم ہر طرح کی جنگ کے لیے تیار ہیں ،ہم نے پیپلزپارٹی کی آرگنائزیشن کو وارڈز کی سطح پر لیکر جانا ہے ،ہم نے ہر الیکشن جیتنا ہے اور پنجاب میں حکومت بنانی ہے ،صدر صاحب سے ملیں یا نا ملیں ان کا لاہور میں ہونا ہمارے لیے حوصلے کی علامت تھا۔آصف زرداری کی تقریر کے دوران کارکنان شیروں کا شکاری آصف زرداری اور جئے بھٹو کے نعرے لگاتے رہے۔بلاول ہاؤس میں تقریب کے اختتام پر کارکنان کے لیے عشائیے کا انتظام کیا گیا۔ اس موقع پر بھرپور آتش بازی کا مظاہرہ بھی کیا گیا۔
وزیر اعظم عمران خان کے معاون خصوصی برائے احتساب و داخلہ شہزاد اکبر کو ان کے عہدے سے ہٹانے کی وجہ سامنے آگئی جس کے مطابق شہزاد اکبر کے استعفے کی وجہ وزیراعظم کی ناراضی تھی۔ ذرائع کے مطابق کچھ روزقبل وزیراعظم نے شہزاد اکبر سے عدالتوں میں مقدمات کی تفصیلات مانگیں، شہزاد اکبر نے جو تفصیلات وزیراعظم کو دیں وہ نامکمل تھیں۔ذرائع کا کہنا ہے کہ وزیراعظم کو دی گئی بریفنگ اور دستاویزات میں واضح فرق تھا، وزیراعظم کو بتائی گئی مقدمات کی ٹائم لائنز میں بھی فرق تھا۔ ذرائع کا کہنا ہے کہ مقدم...
نیب، ایف آئی اے، وزارت خزانہ، وزارت کامرس، آڈیٹر جنرل آف پاکستان کے ایکشن میں آتے ہی نیشنل انشورنس کمپنی لمیٹڈ (این آئی سی ایل) افسران میں کھلبلی مچ گئی۔ اپنی مبینہ غیر قانونی تقرریوں، بھرتیوں، ترقیوں، بد عنوانیوں، خلاف ضابطہ اقدامات جیسے ایشوز پر پردہ ڈالنے اور تحقیقات سے بچاؤ کے لیے راستے تلاش کرنا شروع کر دیے۔ این آئی سی ایل کے اندرونی ذرائع کے مطابق نیشنل انشورنس کمپنی لمیٹڈ کے ملازمین نے ادارے میں بڑے پیمانے پر بدعنوانیوں، غیر قانونی اعلیٰ سطحی بھرتیوں، خلاف ضابطہ من پس...
سعودی عرب میں طلاق کے رجحان میں خطرناک حد تک اضافہ سامنے آیا ہے، سعودی عرب میں ہر گھنٹے طلاق کے سات واقعات رپورٹ ہوتے ہیں۔ میڈیارپورٹس کے مطابق جنرل اتھارٹی برائے شماریات نے بتایا کہ 2022 میں، طلاق کے کیسز میں ہوش ربا اضافہ دیکھنے میں آیا ہے، ملک میں ہر گھنٹے 7 طلاقیں ہو رہی ہیں۔ اتھارٹی کی طرف سے جاری کردہ رپورٹ کے مطابق 2020 کے آخری چند مہینوں میں 57 ہزار 500 سے زیادہ طلاق کے کیسز ریکارڈ کیے گئے، جو 2019 کے مقابلے میں 12 اعشاریہ 7 فیصد زیادہ ہیں۔ جنرل اتھارٹی برائے شماریات ...
برطانوی وزیر اعظم بورس جانسن نے مسلمان جونئیر وزیر نصرت غنی کی جانب سے اسلام سے تعصب کی بنا پر نوکری سے فارغ کئے جانے کے الزامات کی تحقیقات کاحکم دیا ہے۔غیرملکی خبررساں ادارے کے مطابق برطانوی وزیر اعظم کے دفتر 10 ڈاؤننگ سٹریٹ کی جانب سے جاری بیان میں بتایا گیا کہ برطانوی صدر نے کابینہ کو نصرت غنی کے الزامات پر تحقیقات کروانے کا حکم دیا ہے۔بیان میں مزید بتایا گیا کہ برطانوی وزیر اعظم نے جولائی 2020 میں نصرت غنی سے ملاقات میں ان الزامات کے بارے میں بات چیت کی تھی۔ڈائوننگ سٹریٹ ...
اٹارنی جنرل آفس نے نواز شریف کی واپسی کا بیان حلفی دینے پر شہباز شریف کو خط لکھنے کا فیصلہ کیا ہے۔ ذرائع کے مطابق خط میں لاہور ہائیکورٹ میں دی گئی گارنٹی کا حوالہ دیا جائے گا اور شہبازشریف کو لاہور ہائیکورٹ میں دیئے گئے بیان حلفی پر عمل درآمد کی تلقین کی جائے گی۔ ذرائع کے مطابق شہبازشریف کو بیان حلفی پر عملدرآمد کے لیے مخصوص وقت بھی دیا جائے گا اور عمل درآمد نہ کرنے کی صورت میں توہین عدالت کی کارروائی کا انتباہ کیا جائے گا۔
وزیراعظم کے مشیر برائے داخلہ اور احتساب شہزاد اکبر نے استعفیٰ دے دیا۔ پیر کو ٹوئٹر پر جاری بیان میں وزیراعظم کے مشیر شہزاد اکبر نے استعفیٰ دیے جانے کی تصدیق کی۔ شہزاد اکبر نے کہا کہ میں نے اپنا استعفیٰ وزیر اعظم عمران خان کو بھیج دیا ہے اور امید ہے عمران خان کی زیر قیادت احتساب کا عمل جاری رہے گا۔ ذرائع کے مطابق شہزاد اکبر نے وزیراعظم کے مشیر برائے احتساب کے عہدے سے استعفیٰ دیا ہے البتہ ان کے مشیر برائے داخلہ کے حوالے سے صورتحال ابھی واضح نہیں۔ ذرائع کے مطابق 18 جنوری کو کابی...
پاکستان سمیت دنیا بھر میں 24جنوری کوتعلیم کے عالمی دن کے طور پر منایا جارہا ہے،اقوام متحدہ کے مطابق صوبہ سندھ میں 52 فیصد بچے جن میں سے 58 فیصد لڑکیاں ہیں، تعلیم حاصل کرنے سے محروم ہیں جبکہ پاکستان میں اسکول جانے سے محروم بچوں کی تعداد 2 کروڑ سے تجاوز کر چکی ہے۔اقوام متحدہ کی جنرل اسمبلی نے 3 دسمبر 2018 کو ایک قرارداد منظور کی تھی جس کے تحت ہر سال 24 جنوری کا دن تعلیم سے منسوب کیا گیا ہے۔اقوام متحدہ کے عالمی منشور برائے انسانی حقوق کی شق نمبر 26 کے تحت علم حاصل کرنے کو ہر انس...
وفاقی تحقیقاتی ادارے (ایف آئی اے) نے حیسکول پیٹرولیم کمپنی کی 54 ارب روپے سے زیادہ منی لانڈرنگ کا انکشاف کیا ہے۔ایف آئی اے کے ترجمان کے مطابق حیسکول میں منی لانڈرنگ اور مالیاتی فراڈ پر 30 ملزمان کے خلاف مقدمہ درج کیا گیا ہے، یہ مقدمہ، بینک ڈیفالٹ،مالیاتی فراڈ،منی لانڈرنگ کی انکوائری میں شواہد سامنے آنے پر درج کیا گیا۔ ایف آئی اے کے مطابق مقدمے میں قومی بینک کے دو سابق صدور اور حاضر افسران کو شامل کیا گیا ہے جبکہ ایک ملزم کو گرفتار بھی کرلیا گیا ہے تاہم دیگر کی گرفتاری کیلئے چ...
وفاقی حکومت کی جانب سے گاڑیوں پر فیڈرل ایکسائز ڈیوٹی(ایف ای ڈی) 2.5 فیصد سے بڑھا کر 5 فیصد تک کیے جانے کے بعد کِیا لکی موٹرز اور ہنڈا نے اپنی متعدد گاڑیوں کی قیمتوں میں اضافہ کردیا ہے۔ہنڈا کے ایک ڈیلر نے بتایاکہ ہنڈا گاڑیوں کی نئی قیمتوں کا اطلاق 21 جنوری سے ہوچکا ہے۔ نئی قیمتوں کا طلاق 21 جنوری سے پہلے کیے گئے تمام جزوی اور مکمل ادائیگی کے آرڈرز پر بھی لاگو ہوگا جبکہ کِیا کمپنی نے نئی قیمتوں کا اطلاق 16 جنوری سے کردیا ہے۔ ہنڈا اور کِیا کمپنی نے قیمتوں میں کم ازکم 77 ہزار روپ...
شہر قائد میں یخ بستہ ہواؤں سے سردی کی شدت میں اضافے ہوگیا اور درجہ حرارت سنگل ڈیجٹ میں آگیا، پیرکی صبح کم سے کم درجہ حرارت 9 ڈگری ریکارڈ کیا گیا۔ تفصیلات کے مطابق کراچی میں رات گئے یخ بستہ ہوائوں سے موسم مزید سرد ہوگیا اور درجہ حرارت9 ڈگری تک گر گیا۔ محکمہ موسمیات کے مطابق شہر میں سرد اور خشک ہوائیں چلنا شروع ہوگئیں ، ہوا میں نمی کا تناسب 57 فیصد ہے جبکہ آٹھ کلو میٹر فی گھنٹہ کی رفتار سے ہوائیں چل رہی ہے۔ محکمہ موسمیات کے مطابق آئندہ 24گھنٹوں کے دوران مطلع صاف اور رات میں موس...
پنجاب کی جیلوں میں قید ملزمان کا ایڈز جیسی خطرناک بیماریوں میں مبتلا ہونے کا انکشاف ہوا ہے۔ نجی ٹی وی نے ذروائع کے حوالے سے بتایاکہ ہیپاٹائٹس بی اور سی میں مبتلا قیدیوں کی تعداد سینکڑوں میں پہنچ گئی ہے۔ محکمہ جیل خانہ جات پنجاب کی رپورٹ کے مطابق اس وقت 42 جیلوں میں ایڈز جیسے خطرناک مرض میں مبتلا قیدیوں کی تعداد 272 ہے۔ پنجاب کی تمام جیلوں میں ہیپاٹائٹس بی کے مرض میں مبتلا قیدیوں کی تعداد 137 جبکہ ہیپاٹائٹس سی میں مبتلا قیدیوں کی تعداد 517 ہے۔ اسی طرح شوگر اور دیگر امراض میں م...
2021 کے دوران پاکستان کی چین کو برآمدات کا حجم ملکی تاریخ کی بلند ترین سطح پر پہنچ گیا ہے۔جنرل ایڈمنسٹریشن آف کسٹمز آف چائنہ (جی اے سی سی) کے جاری کردہ باضابطہ اعداد و شمار کے مطابق 2021 میں پاکستان اور چین کے درمیان باہمی تجارت کا حجم 27 ارب 82 کروڑ ڈالر رہا۔پاکستان نے 2021 کے دوران چین کو 3 ارب 58 کروڑ ڈالرز سے زائد کی اشیا برآمد کی ہیں جوکہ 2020 کے مقابلے میں 69 فیصد زیادہ ہے۔2020 کے دوران چین نے پاکستان سے 2 ارب 12 کروڑ ڈالرز سے زائد کی اشیا درآمد کی تھیں۔اعداد و شمار کے ...
