... loading ...
... loading ...
وفاقی وزیر اطلاعات و نشریات چودھری فواد حسین نے کہا ہے کہ ڈی جی آئی ایس آئی کی تقرری سے متعلق معاملات طے پاچکے ہیں اور فیصلہ اعتماد کی فضاء میں ہوگا۔ وزیراعظم اور آرمی چیف کے درمیان خوشگوار اور قریبی تعلقات ہیں، آرمی چیف نے ہمیشہ جمہو ریت اورسول حکومت کو ادارہ جاتی سپورٹ دی، پاکستان کی تاریخ میں کبھی سول اورعسکری قیادت کے اتنے اچھے تعلقات نہیں رہے جتنے آج ہیں،پاکستان کا موقف ہے کہ عالمی برادری موجودہ صورتحال میں افغان عوام کو تنہا نہ چھوڑے، عدم استحکام ایک بار پھر دنیا کیلئے نقصان دہ ہوگا۔ وزیراعظم کی سربراہی میں ہونے والے پاکستان تحریک انصاف کی پارلیمانی پارٹی کے اجلاس کے بعد میڈیا سے گفتگوکرتے ہوئے فواد چوہدری نے کہاکہ ہمارا فوکس افغانستان ہے وزیراعظم نے پارلیمانی پارٹی کے ممبر ان کو افغانستان کی صورتحال پر اعتماد میں لیا پاکستان کا موقف ہے کہ اس وقت ہمیں افغانستان کوتنہا نہیں چھوڑنا چاہیے انسانی ہمدردی کے تحت افغانستان کی امداد جاری رہنی چاہیے ۔ ہم نے افغانیوں کیلئے ویزا آسان کردیا ہے افغانستان کے ساتھ تجارت کو بڑھایا ہے۔ افغانستان عدم استحکام کا شکارہوا تو دہشت گرد اور انتہا پسند گروپ اپنی جگہ بنالیں گے۔ افغانستان میں عدم استحکام سے خطے سمیت پوری دنیا کو نقصان پہنچے گا۔ ہم افغانستان میں اپنے بھائیوں کی مدد کررہے ہیں اور چاہتے ہیں کہ دنیا بھی افغانستان کو تنہا نہ چھوڑے۔ دنیا کو افغانستان میں استحکام کیلئے کوششیںکرنی چاہئیں۔وزیراطلاعات نے کہاکہ ڈی جی آئی ایس آئی کے معاملے پر وزیراعظم نے بھرپور طریقے سے کہا کہ فوج اورحکومت ایک پیج پر ہیں۔ وزیراعظم نے کہاکہ ان کے آرمی چیف سے بہت ہی قریبی تعلقات ہیں جو بھی نقطہ نظر ہوتا ہے وہ بیٹھ کر آپس میں بات چیت سے طے ہوجاتا ہے ۔ ڈی جی آئی ایس آئی کے معاملے پر بھی صورتحال یہی رہی۔ وزیراعظم نے یہ بھی کہاکہ پاکستان کی تاریخ میں بھی سول و عسکری قیادت کے اتنے اچھے تعلقات نہیں رہے جتنے آج ہیں اس کا بڑا کریڈٹ جنرل باجوہ کو بھی جاتا ہے۔ جنرل قمر جاوید باجوہ نے ہمیشہ پاکستان میں جمہوریت اور سول حکومت کو ادارہ جاتی سپورٹ دی۔ پاک فوج کا وقار پورے پاکستان کو عزیز ہے ہم یہی جذبہ برقرار رکھیں گے۔ وزیراعظم نے کہاکہ ڈی جی آئی ایس آئی کی تعیناتی سے متعلق معاملات مکمل طورپر طے پاچکے ہیں ۔ ڈی جی آئی ایس آئی کے حوالے پراسیس شروع ہے تقرری جلد ہوگی اس پر مکمل طورپر سول اور عسکری دونوں سائیڈ آن بورڈ ہیں اور انشاء اللہ اعتماد کی فضا میں فیصلہ ہوگا۔ فواد چوہدری نے کہاکہ وزیراعظم نے مہنگائی پر بات کی وزیراعظم نے بتایا کہ ملک میں مہنگائی کی بڑی وجہ عالمی سطح پر قیمتوں میں اضافہ ہے۔ پٹرول کی قیمت 40 ڈالر سے بڑھ کر 80 ڈالر سے تجاوز کرگئی ہے مہنگائی سے نمٹنے کیلئے نئی اکنامک پالیسی ترتیب دی ہے۔ نومبر کے مہینے میں ہم 3 بڑے پروگرام شروع کرنے جارہے ہیں جس میں صحت کارڈ، کسان کارڈ، اور احساس کارڈ پروگرام شروع کررہے ہیں۔صحت کارڈ پورے خیبرپختونخوا میں تقسیم ہوچکا ہے اب پنجاب کی باری ہے۔ پنجاب کے ہر شہری کو بلا امتیاز صحت کارڈ دیا جائے گا۔یہ نومبر سے شروع ہوکر مارچ تک مکمل ہو جائے گا۔ انہوں نے کہاکہ پنجاب میں ہر خاندان کی ساڑھے 7 لاکھ روپے تک میڈیکل انشورنس ہوگی۔وفاقی وزیر نے کہاکہ غریب ترین افراد کو مہنگائی سے ڈسے ہوئے ہیں ان کو احساس کارڈ دیا جائے گا۔ احساس کارڈ سے غریب افراد یوٹیلٹی سٹورز سمیت عام دکانوں سے بھی سستی اشیاء خریدسکیں گے۔انہوں نے کہاکہ پنجاب حکومت مزدور کارڈ کا اجراء کررہی ہے جس میں مزدوروں کو فائدہ ہوگا۔ کاشتکاروں کو کسان کارڈ کے ذریعے براہ راست سبسڈی دی جائے گی۔ فواد چوہدری نے کہاکہ وزیراعظم نے ہدایت کی کہ 12ربیع الاول شایان شان طریقے سے منایا جائے ۔ 12ربیع الاول کو 2 بڑی تقریبات ہوں گی ایک ایوان صدر اور دوسری کنونشن سنٹر میں ہوگی جہاں وزیراعظم ایک بہت بڑے مذہبی اجتماع سے خطاب کریں گے۔ اس مرتبہ 12ربیع الاول ایسے منائیں گے جس کی ماضی میں مثال نہیں ملتی۔ ٹی وی چینلز سے درخواست کی ہے کہ رحمت اللعالمین کے حوالے سے پروگرام نشر کیے جائیں۔ رسولۖ کی سیرت تمام انسانیت کیلئے مشعل راہ ہے۔ رسول اکرمۖ کی ذات اقدس حق کا پیغام ہے اس کی روشنی میں آگے بڑھیں گے۔
مقبوضہ جموں و کشمیر پر بھارتی فوجی قبضے کے 79 برس مکمل ہو گئے، بھارت کے ناجائز قبضے کے خلاف لائن آف کنٹرول کے دونوں اطراف اور پاکستان سمیت دنیا بھر میں کشمیری آج یوم سیاہ منا رہے ہیں۔ بھارتی جبر کے خلاف کُل جماعتی حریت کانفرنس اور دیگر آزادی پسند تنظیموں کی مقبوضہ وادی میں کال...
اسٹیل مینوفیکچررز کو 30 دسمبر 2026 تک جدید مانیٹرنگ سسٹم نصب اور فعال کرنے کی ہدایت کردی گئی سیلز ٹیکس چوری کی روک تھام اور سٹیل کی پیداوار و ترسیل کی مؤثر نگرانی کے لیے فیڈرل بورڈ آف ریونیو (ایف بی آر) نے سٹیل سیکٹر میں مانیٹرنگ کا نظام سخت کرنے کا فیصلہ کرلیا، سٹیل مینوفیکچر...
صوبے میں مردوں کی شرح خواندگی 68 اور خواتین کی 47 فیصد ریکارڈ پنجاب 68 فیصد کے ساتھ سرفہرست، ملک کی مجموعی شرح خواندگی 63 فیصد تک پہنچ گئی پاکستان میں شرح خواندگی کے حوالے سے سندھ نے دوسری پوزیشن حاصل کرلی، جہاں مجموعی شرح خواندگی 58 فیصد ہوگئی ہے۔ صوبے میں مردوں کی شرح خوا...
کورنگی جام صادق پُل پر ٹریلر کی ٹکر سے موٹر سائیکل سوار 40 سالہ وقار ولد مسکین جاں بحق، 35 سالہ اہلیہ شدید زخمی ہو گئی کراچی کے مختلف علاقوں میں ٹریفک حادثات کے نتیجے میں 2 افراد جاں بحق اور 2 زخمی ہو گئے۔ریسکیو سروس کے مطابق کورنگی جام صادق پُل پر ٹریلر کی ٹکر سے موٹر سائیکل ...
دل کی صحت، جسمانی قوت اور وزن کو قابو میں رکھنے میں مددگار، مونگ پھلی میں پروٹین، فائبر، وٹامنز اور اہم معدنیات موجود مونگ پھلی کو غذائیت سے بھرپور اور کم قیمت خشک میوہ جات میں شمار کیا جاتا ہے، جس میں پروٹین، صحت بخش چکنائیاں، وٹامنز، معدنیات اور اینٹی آکسیڈنٹس پائے جاتے ہیں۔...
قطر ائیر کی کراچی اسلام آباد کی دونوں پروازوں نے شیڈول کے مطابق محفوظ لینڈ کیا، ذرائع ایران پر امریکی حملے کی دھمکی کے بعد مشرق وسطی میں جی پی ایس سگنلز میں مداخلت سے فلائٹ ٹریکنگ میں خلل آگیا۔ ذرائع کے مطابق دوحہ سے کراچی اور اسلام آباد کی قطر ائیر کی 2 پروازوں کے نمبرز اور ل...
بیٹا خوف کے باعث خاموش رہا، ٹیچر کیخلاف کیس سامنے آنے پر پوچھ گچھ کی تو مبینہ زیادتی کا انکشاف ہوا، والد سرکاری اسکول میں بچوں سے مبینہ زیادتی اور نازیبا ویڈیوز بنانے کا کیس، اہم پیش رفت سامنے آ گئی۔ پولیس کے مطابق انگلش ٹیچر صفدر عباس کے خلاف ایک اور مقدمہ درج، مقدمات کی تعدا...
حوثیوں کے اہم کمانڈ اینڈ کنٹرول مراکز، انتظامی تنصیبات، مورچوں اور جنگجوں کے اجتماعات کو نشانہ بنایا گیا، ترجمان یمن میں حکومتی فورسز نے 750 سے زائد کارروائیوں میں حوثیوں کو بھاری نقصان پہنچانے کا دعوی کردیا دوسری جانب حوثیوں نے سعودی عرب کے اہم ہوائی اڈوں اور نیول بیس کو نشان...
فیصلہ سعودی عرب کے ہوائی اڈوں اور اہم تنصیبات پر حوثی میزائلوں اور ڈرون حملوں کے بعد کیا گیاامریکا نے سعودی عرب میں سکیورٹی خدشات کے پیشِ نظر اپنے غیر ہنگامی سرکاری ملازمین اور ان کے اہلِ خانہ کو ملک چھوڑنے کی ہدایت کردی۔ عرب ٹی وی کی رپورٹ کے مطابق ریاض میں امریکی سفارت خانے ...
چیئرمین پاکستان تحریک انصاف بیرسٹر گوہر نے فیصلہ سازی میں کور کمیٹی اور سیاسی کمیٹی کو مائنس کرنے کی خبر پر اپنے ردعمل کا اظہار کر تے ہوئے کہاہے کہ فیصلہ سازی میں کور کمیٹی اور سیاسی کمیٹی کو مائنس کرنے کی خبر درست نہیں۔ نجی ٹی وی کے مطابق بیرسٹر گوہر نے تردید کی کہ فیصلہ سازی می...
اینٹی کرپشن حیدرآباد نے مقدمہ درج کرلیا، چیف اکاؤنٹنٹ فواز اشرف شیخ اور جونیئر اکاؤنٹنٹ وقاص بھٹی نامزد، معاملے کی مزید تفتیش جاریحیدرآباد(این این آئی) سندھ زرعی یونیورسٹی ٹنڈو جام میں جنوری 2025 سے اگست 2026 کے دوران پنشن کی مد میں 7 کروڑ 10 لاکھ روپے سے زائد کی مبینہ غیر مجاز ا...
رجسٹرار آفس کے ذریعے درخواست کم از کم 15 روز قبل جمع کرانا ہوگیمہمانوں کو براہِ راست دعوت نامے جاری کرنے پر پابندی، خلاف ورزی پر کارروائی کا انتباہجامعہ کراچی کی انتظامیہ نے یونیورسٹی میں تمام پروگرامز، سیمینارز، کانفرنسز اور دیگر تقریبات کے انعقاد کے لیے وائس چانسلر کی پیشگی منظ...
