... loading ...
طالبان نے پنج شیر مکمل فتح کرکے صوبہ کے گورنر ہاؤس پر امارتِ اسلامی کا پرچم بلند کردیا۔ صوبہ پنج شیر درحقیقت وہ آخری محاذ تھا جہاں باغی امریکا اور بھارت کی مکمل پشت پناہی کے ساتھ طالبان کو چیلنج کررہے تھے۔ واضح رہے کہ یہ صوبہ طالبان کے پہلے امیر المومنین ملا محمد عمر مجاہدؒ کی امارات میں بھی فتح نہ ہوسکا تھا۔ امریکا کے افغانستان سے ذلت آمیز انخلاء کے بعد صوبہ پنج شیر میں افغانستان بھر کے طالبان باغیوں کو اکٹھا کیا جارہا تھا اور اُنہیں ایک طویل مزاحمت کے لیے ہلا شیری دی جارہی تھی۔ دوسری طرف طالبان کی اسلامی حکومت کے قیام کو اسی صوبے میں باغیوں کی موجودگی کے باعث مشکل بھی بنایا جارہا تھا۔ طالبان کی جانب سے افغانستان کی دیگراکائیوں کو حکومت میں نمائندگی دینے کی کوششوں کو اس مزاحمت کا جواز بنا کر زیادہ سے زیادہ سودے بازی کے لیے استعمال کیا جارہا تھا۔ چنانچہ طالبان کی جانب سے اسلامی حکومت کے اعلان کو موخر کرکے اس مشکل محاذ کو ہمیشہ کے لیے ختم کرنے کا فیصلہ کیا گیا تھا۔ چنانچہ 5/ ستمبر کی شب طالبان نے مجاہد کمانڈر قاری فصیح الدین فتح کی قیادت میں پنج شیر کو فتح کرلیا اور صبح سویرے پنجشیر کے گورنر ہاؤس میں امارت اسلامی کا پرچم لہرادیا گیا۔
واضح رہے کہ پنج شیر میں مزاحمتی فرنٹ کے نام پر قائم باغی گروپ کے چیف کمانڈر صالح محمد ریگستانی کو طالبان نے ہلاک کردیا ہے۔
قبل ازیں پنج شیر سے ملنے والی اطلاعات سے واضح ہوگیا تھا کہ باغی گروپ کے چار بڑے کمانڈرز جن کے اوپر اس پوری بغاوت کے لیے انحصار کیا جارہا تھا، یکے بعد دیگرے مجاہدین کے ہاتھوں ہلاک ہوتے رہے۔ ان میں احمد مسعود کے بھتیجے منیب امیری بھی شامل تھے۔
طالبان کے خلاف بغاوت بھڑکانے کے ذمہ داران میں شامل ایک اور اہم شخص جنرل ودود بھی تھا جسے طالبان نے اپنی زبردست جنگی حکمتِ عملی سے نشانا بنایا۔
طالبان کو پنج شیر صوبے میں جنگ کے دوران اس سے قبل ایک بڑی کامیابی تب ملی جب مجاہدین نے احمد مسعود ملیشیا کے ترجمان فہیم دشتی کو بھی ایک حملے میں جان کی بازی ہارنے پر مجبور رکردیا۔
طالبان کی خیرہ کن جدوجہد اور مثالی جدوجہد کے اس آخری مرحلے میں صوبہ پنج شیر میں جب طالبان داخل ہوئے تو احمد مسعود کے متکبرانہ لب ولہجے میں بھارت اور امریکا کی مدد کی گونج وگمگ اور تاجکستان سے ملنے والی معاونت کی بازگشت سنائی دیتی تھی۔ اس دوران طالبان مجاہدین نے جب وادی کا محاصرہ کرکے مذاکرات کے ذریعے مسئلے کا حل چاہا تو سیاسی محاذ پر طالبان کے بے مثال جہاد کو آلودہ کرنے والی امریکا نواز قوتوں نے اس مذاکراتی عمل میں اپنے اثرورسوخ کے نام پر حکومت میں زیادہ سے زیادہ شرکت کی کوششیں کیں۔ اس دوران طالبان نے زبردست سیاسی وعسکری حکمت عملی سے اس محاذ کو ہمیشہ کے لیے دباؤ کی کسی بھی ہتھکنڈے کا ذریعہ بننے سے روک دیا۔ اس محاذ پر طالبان مخالف ممالک کی کتنی جنگی سرمایہ کاری تھی وہ مال غنیمت میں ملنے والے ٹینکوں اور اسلحہ کے انبار سے واضح ہے۔
صوبہ پنج شیر میں طالبان کی کامیابی کے بعد اس زبردست جہادی معرکے کے کمانڈر نے صبح کا ناشتا مجاہدین کے ساتھ کیا تو دوسری طرف طالبان ترجمان ملا ذبیح اللہ مجاہد نے پنج شیر فتح کرنے کا باقاعدہ اعلان کیا۔
واضح رہے کہ طالبان کے صوبہ پنج شیر کے تمام ساتوں اضلاع کو فتح کرنے کے دوران جب مجاہدین آخری ضلع بازراک میں مختلف محاذوں پر کامیابی حاصل کررہے تھے تو وہ ساتھ ہی اللہ کے آگے عاجزی کے ساتھ سجدہ ریز بھی ہوتے رہے۔
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
بشام میں چینی انجینئرز کے قافلے پر خودکش حملے سے متعلق پنجاب فورنزک سائنس ایجنسی کی فرانزک رپورٹ میں بتایا گیا ہے کہ چینی انجینئرز کی گاڑی بم پروف نہیں تھی۔رپورٹ میں بتایا گیا کہ کمانڈنٹ ایس ایس یو نے انکوائری کمیٹی کے سامنے ذمے داری نہ لینے کے حوالے سے تسلیم کیا ہے ، ڈائریکٹر سی...
ایران کے صدر ابراہیم رئیسی (آج)22سے 24 اپریل تک پاکستان کا سرکاری دورہ کریں گے ،ایرانی صدر ابراہیم رئیسی صدرِ پاکستان آصف علی زرداری اور وزیراعظم شہباز شریف سے اہم ملاقاتیں کریں گے ۔ترجمان دفتر خارجہ کے مطابق عام انتخابات کے بعد کسی بھی سربراہِ مملکت کا پاکستان کا یہ پہلا دورہ ہو...
ملک میں قومی اسمبلی کی 5 اور صوبائی اسمبلی کی 16 خالی نشستوں پر ضمنی انتخابات میں پولنگ کا وقت ختم ہوگیا اور اب ووٹوں کی گنتی جاری ہے. پولنگ صبح 8 بجے شروع ہوئی جو شام 5 بجے تک بغیر کسی وقفہ کے جاری رہی۔ الیکشن والے علاقوں میں موبائل اور انٹرنیٹ سروس بند ہے۔ گورنمنٹ پرائمری اسکول...
بانی چیئرمین پی ٹی آئی نے چیف جسٹس سپریم کورٹ کے نام خط لکھ دیا جس میں تحریک انصاف کے کارکنوں پر ریاستی ظلم کی نشاندہی اور انصاف کی فراہمی کا مطالبہ کیا ہے۔ آخری پیراگراف میں چیف جسٹس کو یاد دہانی کروائی کہ وہ اپنے ریفرنس میں عدالت میں کھڑے آئین پاکستان کی کتاب پکڑی تھی،چیف جسٹس ...
امریکا نے پاکستان کے میزائل پروگرام کے لیے سامان فراہم کرنے کے الزام میں 4 کمپنیوں پر پابندی عائد کردی۔پاکستان کے بیلسٹک میزائل پروگرام کے لیے سامان فراہم کرنے کے الزام میں 3 چینی اور بیلا روس کی ایک کمپنی پر پابندیاں عائد کیں۔امریکی محکمہ خارجہ کے ترجمان متھیو ملر کی جانب سے جار...
ملک بھر میں ہونے والے ضمنی انتخابات میں سکیورٹی کے سخت انتظامات کا فیصلہ کر لیا گیا۔وفاقی حکومت نے ضمنی انتخابات میں سول آرمڈ فورسز اور پاک آرمی کے دستے تعینات کرنے کی منظوری دے دی۔وفاقی حکومت کی جانب سے منظوری کے بعد وزارت داخلہ نے سول آرمڈ فورسز اور پاکستان آرمی کے دستے تعینا...