... loading ...
... loading ...
اپرکوہستان میںداسو ڈیم میں کام کرنے والے کمپنی کی بس حادثے کا شکار ہوگئی جس کے نتیجے میں13 افراد جاں بحق اور39زخمی ہوگئے ۔ چین نے حملہ آوروں کو سخت سزا دینے کا مطالبہ کر دیا ہے ، تفصیلات کے مطابق اپرکوہستان میں داسو ڈیم کے ملازمین کو لانے لے جانے والی بس حادثے کا شکار ہوگئی جس کے نتیجے میں 13 افراد جاں بحق اور39 زخمی ہوگئے ۔ڈی پی او اپرکوہستان نے بتایا کہ حادثے کی وجوہات سامنے نہیں آئیں تاہم حادثے میں 13 افراد کی موت کی تصدیق ہوگئی جن میں سے 9 چائنیز اور 2 مقامی مزدور بھی شامل ہیں، جب کہ ہسپتا ل انتظامیہ کا کہنا ہے کہ 7 افراد کی حالت انتہائی تشویشناک ہے ۔پولیس حکام نے کہا کہ واقعہ کی اطلاع ملتے ہی ریسکیو اور پولیس کی ٹیمیں جائے حادثہ پر پہنچ گئیں اور لاشوں اور زخمیوں کو ہسپتا ل منتقل کردیا گیا، جب کہ جائے وقوعہ کو دیگر سکیورٹی اہلکاروں کی مدد سے سیل کردیا گیا تاحال حادثے کی وجوہات سامنے نہیں آسکیں۔ ڈپٹی کمشنر عارف خان یوسفزئی نے کہا کہ حادثے میں 9 چینی باشندوں سمیت 13 افراد جاں بحق ہوئے ، جن میں دو ایف سی جوان اور 2 مقامی مزدور بھی شامل ہیں۔ تحقیقات مکمل ہونے پر وجوہات کا بتایا جا سکے گا، المناک واقعہ کی تحقیقات کی جا رہی ہیں، تحقیقات سے قبل واقعہ کو حملہ یا دہشت گردی سے منسوب نہیں کہا جا سکتا۔داسو میں رونما ہونے والے واقعہ وزیراعلیٰ محمود خان کی ہدایت پر صوبائی حکومت کا اعلی سطح کا وفد کوہستان پہنچ گیا، وفد میں کامران بنگش، چیف سیکرٹری اور آئی جی پی خیبر پختونخوا شامل ہیں علاوہ ازیں عالمی میڈیا رپورٹس کے مطابق ابھی تک یہ واضح نہیں ہو سکا کہ یہ دہشت گردی کا کوئی تھا یا پھر ایک حادثہ۔ اس حوالے سے متضاد خبریں موصول ہو رہی ہیں۔ صوبہ خیبر پختونخوا میں جو بس متاثر ہوئی ہے ، اس پر چینی انجینئر، سروے کرنے والے اور مکینیکل عملہ سوار تھا۔ یہ چینی ورکر داسو ڈیم کی تعمیر میں پاکستان کو مدد فراہم کر رہے تھے ۔کوہستان میں مقامی پولیس اور ریسکیو ذرائع نے جرمن ٹی وی ڈی ڈبلیو کو بتایا کہ صبح ایک ٹرک میں کچھ ٹیکنیکل فالٹ ہوا اور وہ اس گاڑی سے جا ٹکرایا، جس پر درجنوں چینی شہری سوار تھے اور اس ٹکرا کے نتیجے میں کوسٹر کھائی میں جا گری۔ ذرائع کا کہنا ہے کہ زخمی چینی ورکروں کو علاج کے لیے ہیلی کاپٹر کے ذریعے اسلام آباد یا راولپنڈی لے جایا جائے گا۔مقامی حکام نے ان خبروں کی تردید کی کہ یہ کوئی دھماکا تھا۔ داسو پولیس اسٹیشن کے ایک مقامی افسر نے نام نہ ظاہر کرنے کی شرط پر ڈی ڈبلیو کو بتایا، ہماری اطلاعات کے مطابق یہ دھماکا نہیں بلکہ ایک حادثہ تھا۔ مقامی حکام کا کہنا ہے کہ واقعے کے فورا بعد پورے علاقے میں سکیورٹی کو بھی بڑھا دیا گیا ہے جبکہ مقامی ہسپتال اور ہیلتھ یونٹس میں ہنگامی صورت حال ہے ۔جرمن ٹی وی کے مطابق ایک دوسرے اہلکار نے نام ظاہر نہ کرنے کی شرط پر اس واقعے کی تصدیق کرتے ہوئے کہا ہے ، ”یہ ایک زوردار دھماکا تھا لیکن اس کی نوعیت کے بارے میں کچھ بھی کہنا ابھی قبل از وقت ہو گا۔ ایک مقامی حکومتی اہلکار نے نام ظاہر نہ کرنے کی شرط پرفرانسیسی نیوز ایجنسی کو بتایا ہے ، ”دھماکے سے انجن میں آگ بھڑک اٹھی، جس سے گاڑی گہرائی میں جا گری۔ اس اہلکار نے اٹھائیس دیگر چینی شہریوں کے زخمی ہونے کی بھی تصدیق ہے ۔نیوز ایجنسیکے مطابق بدھ کے روز پاکستان میں چینی سفارت خانے نے ایک بیان شائع کیا، جس میں کہا گیا، ”پاکستان میں ایک چینی فرم کے ایک مخصوص منصوبے پر حملہ ہوا، جس کی وجہ سے چینی شہریوں کی ہلاکت ہوئی۔ سفارت خانے نے چینی کمپنیوں پر زور دیا کہ وہ اپنے تحفظ کے طریقہ کار کو مستحکم بنائیں۔دوسری جانب چین نے بس پر مبینہ حملہ کرنے والوں کی گرفتاری کا مطالبہ کرتے ہوئے کہا ہے کہ ان کو ‘سخت سزائیں دی جائیں۔ چینی وزارت خارجہ کے ترجمان ژا لیجیان نے اس مبینہ حملے کی مذمت کرتے ہوئے کہا ہے کہ پاکستان ”مجرموں کو سخت سزا دے اور ملک میں چینی شہریوں، تنظیموں اور منصوبوں کی حفاظت کو یقینی بنائے ۔تاہم پاکستان کے ترجمان دفتر خارجہ نے کہا ہے کہ چینی کارکنوں کو لے جانے والی ایک بس کھائی میں گرنے سے 9 چینی باشند ے اور 3 پاکستانی جاں بحق ہوئے ۔دفتر خارجہ کے ترجمان کی جانب سے جاری پریس ریلیز میں کہا گیا کہ ابتدائی اطلاعات کے مطابق بس میں فنی خرابی کے باعث گیس لیکج سے دھماکا ہوا تھا ،واقعہ کی مزید تفتیش جاری ہے ۔واقعہ کی مزید تفصیلات سے آگاہ کرتے ہوئے دفتر خارجہ نے کہا کہ چینی کارکن اور پاکستانی عملہ کام کے لئے منصوبے کی جگہ پر جارہے تھے تب یہ حادثہ رونما ہوا، مقامی حکام حادثے کے زخمیوں کو ابتدائی طبی امداد دے رہے ہیں ۔ترجمان نے کہا کہ وزارت خارجہ چینی سفارت خانے سے قریبی رابطے میں ہے ، حکومت پاکستان اور عوام چینی اور پاکستانی ورکرز کے اہلخانہ سے تعزیت کرتے ہیں اور حادثے کے زخمیوں کی جلد صحتیابی کیلئے دعا گو ہیں۔ترجمان دفتر خارجہ نے کہا کہ پاکستان چینی شہریوں ، منصوبوں اور اداروں کی حفاظت کو بہت اہمیت دیتا ہے ۔علاوہ ازیں ترجمان دفترخارجہ کی جانب سے جاری بیان میں کہا گیا کہ وزیر خارجہ شاہ محمود قریشی نے دوشنبے میں شنگھائی تعاون تنظیم (ایس سی او)کے وزرائے خارجہ کونسل کے اجلاس کے موقع پر چین کے اسٹیٹ کونسلر اور وزیر خارجہ وانگ یی سے ملاقات کی ۔بیان میں کہا گیا کہ وزیر خارجہ شاہ محمود قریشی نے چینی وزیر خارجہ سے کوہستان کے علاقے داسو میں ڈیم منصوبے کے قریب پیش آنے والے بس حادثے اور چین کے شہریوں کے جانی نقصان پر اظہار تعزیت کیا۔
وزیر اعظم شہباز شریف نے ’ہر قیمت پر کسانوں کے مفادات کا تحفظ‘کرنے کا عہد کیا ہے ، جبکہ وفاقی حکومت میگا اسکینڈل کی جامع تحقیقات کرنے اور ذمہ داروں کے خلاف کارروائی کرنے سے گریزاں نظر آتی ہے ۔تفصیلات کے مطابق گزشتہ ہفتے درآمدات میں بے ضابطگیوں کی تحقیقات کے لیے بنائی گئی کمیٹی کے...
سعودی تجارتی وفد سرمایہ کاری کے باہمی تعاون کیلئے پاکستان پہنچ گیا۔ سعودی عرب کے نائب وزیر سرمایہ کاری ایچ ای ابراہیم المبارک کی قیادت میں 50ارکان پر مشتمل اعلیٰ سطحی تجارتی وفد پاکستان پہنچا۔ سرمایہ کاروں کے وفد کے دورہ پاکستان کے دور ان 10 ارب ڈالر تک کی سرمایہ کاری کے معاہدوں ...
اسرائیلی فوج کی وحشیانہ کارروائیاں جاری ہیں ، طولکرم میں مزید5 فلسطینی شہید کردئیے ، رفح میں ماں دو بچوں سمیت شہید جبکہ3 فلسطینی زخمی ہو گئے ۔ فلسطینی وزارت صحت کے مطابق اسرائیلی فورسز نے مقبوضہ مغربی کنارے کے شہر طولکرم کے قریب ایک قصبے میں رات کو کارروائی کے دوران 5 فلسطینیوں ک...
وزیر اعظم محمد شہبا ز شریف نے کہا ہے کہ فیصلہ کن گھڑی آچکی ہے سب کو مل کر ملک کی بہتری کیلئے کردار ادا کرنا ہوگا، پاکستان کو آج مختلف چیلنجز کا سامنا ہے ریونیوکلیکشن سب بڑا چیلنج ہے ،جزا ء اور سزا کے عمل سے ہی قومیں عظیم بنتی ہیں،بہتری کارکردگی دکھانے والے افسران کو سراہا جائے گا...
امیر جماعت اسلامی حافظ نعیم الرحمن نے کہا ہے کہ سیاسی جماعتیں، ادارے آئین کی تابعداری کے لیے تیار ہیں تو گریٹر ڈائیلاگ کا آغاز ہوسکتا ہے ، ڈائیلاگ کی بنیاد فارم 45ہے ، فارم 47کی جعلی حکومت قبول نہیں کرسکتے ، الیکشن دھاندلی پر جوڈیشل کمیشن بنے جس کے پاس مینڈیٹ ہے اسے حکومت بنانے د...
ملک میں 8؍فروری کے الیکشن کے بعد نئی حکومت آنے کے بعد بھی 98 ارب51 کروڑ روپے کی گندم درآمد کیے جانے کا انکشاف ہوا ہے ۔تفصیلات کے مطابق ذرائع نے بتایا کہ موجودہ حکومت کے دور میں بھی 6 لاکھ ٹن سے زیادہ گندم درآمد کی گئی، ایک لاکھ13ہزار ٹن سے زیادہ کا کیری فارورڈ اسٹاک ہونے کے باوجو...
پاکستان ٹیلی کمیونیکیشن اتھارٹی(پی ٹی اے ) نے نان ٹیکس فائلر کے حوالے سے فیڈرل بورڈ آف ریونیو کی جانب سے اٹھائے گئے اقدام کی مخالفت کرتے ہوئے 5لاکھ سے زائد سمز بند کرنے کی معذرت کر لی۔ میڈیا رپورٹ کے مطابق فیڈرل بورڈ آف ریونیو(ایف بی آر) نے 2023 میں ٹیکس ریٹرن فائل نہ کرنے والے 5...
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی ش...
گندم درآمد اسکینڈل کی تحقیقاتی کمیٹی نے سابق نگراں وزیراعظم انوار الحق کاکڑ کو طلب کرلیا۔ذرائع کے مطابق وزیراعظم شہباز شریف کی جانب سے بنائی گئی تحقیقاتی کمیٹی کا اجلاس ہوا۔ذرائع کے مطابق تحقیقاتی کمیٹی نے اجلاس میں نگراں دور کے سیکریٹری فوڈ محمد محمود کو بھی طلب کیا تھا، جوکمیٹ...
پاکستان نے خلائی تحقیق کے میدان میں اہم سنگ میل عبور کرلیا، تاریخی خلائی مشن ’آئی کیوب قمر‘چین کے وینچینگ خلائی سینٹر سے روانہ ہو گیا جس کے بعد پاکستان چاند کے مدار میں سیٹلائٹ بھیجنے والا چھٹا ملک بن گیا ہے ۔سیٹلائٹ آئی کیوب قمر جمعہ کو2 بجکر 27 منٹ پر روانہ ہوا، جسے چینی میڈیا ...
پاکستان تحریک انصاف (پی ٹی آئی) کے بانی چیئرمین عمران خان نے عدالتوں سے ان کے مقدمات کے فیصلے فوری طور پر سنانے کا مطالبہ کرتے ہوئے کہا ہے کہ چیف جسٹس قاضی پی ٹی آئی کے خلاف بی ٹیم بنے ہوئے ہیں۔بانی چیئرمین پی ٹی آئی نے اڈیالہ جیل سے اہم پیغام میں کہا ہے کہ میں اپنے تمام مقدمات س...
پاکستان تحریک انصاف کے بانی عمران خان نے کہا ہے کہ بس مجھے قتل کرنا رہ گیا ہے لیکن میں مرنے سے نہیں ڈرتا، غلامی پر موت کو ترجیح دوں گا۔برطانوی جریدے دی ٹیلی گراف کے لیے جیل سے خصوصی طور پر لکھی گئی اپنی تحریر میں سابق وزیر اعظم نے کہا کہ آج پاکستانی ریاست اور اس کے عوام ایک دوسرے...
