... loading ...
بھارت کے غیر قانونی زیرتسلط جموںوکشمیرمیں لوگوںنے جمعہ کو مسلسل دوسرے دن بھی مختلف علاقوں میںکل جماعتی حریت کانفرنس کے سینئر شہید رہنما اور تحریک حریت جموںوکشمیر کے چیئرمین محمد اشرف صحرائی کی غائبانہ نماز جنازہ ادا کی اور قرآن خوانی اور دعائیہ مجالس کا اہتمام کیا ۔ کشمیر میڈیاسروس کے مطابق محمد اشرف صحرائی کے حراستی قتل کے خلاف مظاہروں کو روکنے کیلئے قابض بھارتی انتظامیہ کی طرف سے نافذ کرفیوجیسی پابندیوں کے باوجود لوگوں نے سرینگر، اونتی پورہ ، بارہمولہ اور دیگر علاقوں میںسینئر حریت رہنماء کی غائبانہ نماز جنازہ ادا کی اور قرآن خوانی اور دعائیہ مجالس کا اہتمام کیا۔ غائبانہ نماز جنازہ کا اہتمام جموںوکشمیر تحریک مزاحمت ،تحریک استقلال، جموںوکشمیر پولیٹیکل ریزسٹنس موومنٹ ، جموںوکشمیر ڈیموکریٹک جسٹس پارٹی اور دیگر آزادی پسند تنظیموں نے کیا تھا۔غائبانہ نماز جنازہ کے شرکا نے بھارت کے خلاف اور آزادی اور پاکستان کے حق میں فلک شگاف نعرے بلند کئے ۔کل جماعتی حریت کانفرنس نے لوگوں سے کہاہے کہ وہ شہید رہنماء کی غائبانہ نماز جنازہ اور دعائیہ مجالس کا سلسلہ جاری رکھیں۔محمد اشرف صحرائی کے بیٹے مجاہد اشرف نے ایک میڈیا انٹرویو میں انکشاف کیا ہے کہ اپنے والد کے ساتھ ٹیلی فون پر آخری مرتبہ گفتگو میں صحرائی صاحب نے ان سے کہاتھا کہ” قابض انتظامیہ انہیں قتل کرنے کیلئے اودھمپورجیل لائی ہے اور وہ ان کی رہائی کیلئے کوششیں نہ کریںاور اپنی معمول کی سرگرمیاں جاری رکھیں”۔مجاہد اشرف نے کہاکہ انہیں بھارتی حکومت سے انصاف کی کوئی امید نہیں ہے ، جو انکے والد کے قتل کی ذمہ دار ہے ، جس نے ایک 78سالہ علیل شخص کوجیل میںنظر بند رکھا اور انہیں علاج معالجے سمیت تمام بنیادی سہولتوںبھی فراہم نہیں کیں۔ دریںاثناء کل جماعتی حریت کانفرنس کے سینئر رہنماء اور جموںوکشمیر انجمن شرعی شیعیان کے سربراہ آغاسید حسن الموسوی الصفوی نے ایک بیان میں محمد اشرف صحرائی کو زبردست خراج عقیدت پیش کرتے ہوئے کہاہے کہ وہ جاری جدوجہد آزادی کشمیر کی علامت تھے ۔ جموںوکشمیر پیپلز فریڈم لیگ ، تحریک وحدت اسلامی اور ایمپلائیز جوائنٹ ایکشن کمیٹی نے اپنے اجلاسوں میں اور حریت رہنمائوںغلام محمد خان سوپوری، جاوید احمد میراورمحمد شفیع لون نے سرینگر سے جاری ایک بیان میں محمد اشرف صحرائی کو زبردست خراج عقیدت پیش کیا ہے ۔ کل جماعتی حریت کانفرنس نے سرینگر سے جاری ایک بیان میں بھارتی پولیس کی طرف سے حریت رہنمائوںغلام احمد گلزار،مولوی بشیر احمداور خواجہ فردوس کے گھروں پرچھاپوںاور اہلخانہ کو ہراساں اور خوفزدہ کرنے کی شدید مذمت کی ہے ۔ بیان میں پولیس کی کارروائی کو بھارتی ریاستی دہشت گردی کی بدترین مثال قرار دیاگیا ہے ۔ سیاسی تجزیہ کاروں اور مبصروں نے کشمیر میڈیا سروس کے ساتھ اپنے انٹرویوز میں کہاہے کہ محمد اشرف صحرائی کے حراستی قتل سے کشمیریوںکی نظر میں انکی قدر اور اہمیت مزید بڑھ گئی ہے ۔انہوںنے کہاکہ اشرف صحرائی کوایک عظیم رہنما کی حیثیت سے یاد رکھا جائے گاجنہوںنے عمر بھر آزادی کے مقدس مقصد کیلئے جدوجہد جاری رکھی اور بالآخر اسی راہ میں اپنی جان کا نذرانہ پیش کیا۔انہوںنے کہاکہ شہید اشرف صحرائی پاکستان کے زبردست حامی اور مخلص آزادی پسند رہنماء تھے ۔ ادھر پاسبان حریت جموںوکشمیر اور تحریک استقلال جموںوکشمیر کے زیر اہتمام مظفر آباد میں کل جماعتی حریت کانفرنس کے سینئر رہنماء محمد اشرف صحرائی کی حراستی موت کے خلاف بھار ت مخالف مظاہرے کئے گئے ۔
وزیراعظم محمد شہباز شریف نے وزیر خارجہ اسحاق ڈار کو نائب وزیراعظم مقرر کر دیا۔وزیراعظم نے وزیر خارجہ اسحاق ڈار کو نائب وزیراعظم مقرر کرنے کی منظوری دی۔کابینہ ڈویژن نے اس ضمن میں نوٹیفیکیشن جاری کر دیا ہے ۔وزیر خارجہ اس وقت وزیراعظم کے ہمراہ سعودی عرب کے دورے پر ہیں۔ حکومت پاکستان...
وزیراعظم شہبازشریف اور عالمی مالیاتی ادارہ (آئی ایم ایف) کی منیجنگ ڈائریکٹر کرسٹالینا جارجیوا کے درمیان سعودی عرب میں جاری عالمی اقتصادی فورم کے اجلاس کے دوران غیررسمی اہم ملاقات ہوئی جہاں پاکستان کے ایک اور قرض پروگرام میں داخل ہونے کے حوالے سے تبادلہ خیال کیا گیا۔تفصیلات کے مطا...
غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے ۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے ، انہوں نے اسرائیلی کمپنیوں سے تعلقات منقطع کرنے کی حمایت کی ہے۔ ادھر کولمبیا یونیورسٹی ...
حساس ادارے نے چھاپہ مار کارروائی میں کراچی اور بلوچستان کی پولیس کو انتہائی مطلوب دہشت گرد سمیت 3 افراد کو گرفتار کر کے اسلحہ برآمد کر لیا، گرفتار دہشت گرد کالعدم بی ایل اے کے لیے ریکی اور دہشت گردی کی متعدد واردتوں میں ملوث رہا ہے۔ تفصیلات کے مطابق دہشت گرد اور اس کے ساتھی کو اب...
درآمد شدہ گندم مقررہ ضرورت و اجازت سے زائد منگوائے جانے اورپرائیویٹ سیکٹر کو نوازے جانے کا انکشاف ہوا ہے ،بیوروکریسی کے غلط فیصلوں سے قومی خزانہ کو ایک ارب ڈالر کے نقصان کا سامنا ہے ۔ ذرائع کے مطابق نیشنل فوڈ سکیورٹی نے ضرورت سے زیادہ گندم ہونے کے باوجود 35 لاکھ 87 ہزار ٹن گندم د...
سکھ فار جسٹس نے بھارتی وزیر اعظم نریندر مودی کے خلاف عالمی عدالت میں جانے کا اعلان کیا ہے ۔غیرملکی خبررساں ادارے کے مطابق امریکا میں بھارت کی ناکام قاتلانہ سازش کا شکار سکھ رہنما گرپتونت سنگھ پنوں نے ایک بیان میں کہا ہے کہ وہ بھارتی وزیر اعظم مودی کے خلاف عالمی عدالت میں جائیں گے...
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...