... loading ...
... loading ...
پاکستان مسلم لیگ ن نے مطالبہ کیا ہے کہ وزیر آباد اور ڈسکہ کے جن53 پولنگ اسٹیشنوں کے پریذائڈنگ افسران کو اغوا یا پولنگ کے عمل کو روکا گیا ہے ان پر دوبارہ الیکشن کروایا جائے ـ پریذائڈنگ افسران کو اغوا ء کرنے میں ملوث قومی مجرموں چیف سیکرٹری ، ڈی ایس پی سی آئی ذوالفقار ورک، عثمان ڈار ، فردوس عاشق اعوان، ڈپٹی کمشنر سمیت ملوث دیگر کو گرفتار کر کے ان کے خلاف قانونی کارروائی کی جائے ـ ڈھائی سال چور چور کا شور مچانے والا چور اب رنگ ہاتھوں پکڑا گیا ہے ـ ماضی میں دھاندلی ہوتی رہی لیکن اب دھاندلی کو پکڑ کر میدان میں کھڑا کر دیا گیا ہے ـ الیکشن کمیشن کے ممبر سے تمام غنڈہ گردی ، دھاندلی اور فائرنگ کے مرتکب افراد کے خلاف انکوائری کروائی جائے اس سے کم کسی چیز کو قبول یا تسلیم نہیں کریں گے ـ ان خیالات کا اظہار مسلم لیگ ن پنجاب کے صدر رانا ثناء اللہ خان نے پریس کانفرنس سے خطاب کرتے ہوئے کیاـ رانا ثناء اللہ خان نے کہا کہ این اے 75 کے 341 پولنگ اسٹیشنوں کے نتائج رات 12 بجے تک آگئے لیکن جب حلقہ کے 23پولنگ اسٹیشنوں کے پریذائڈنگ افسران کو اغواء کر لیا گیا اور چیف الیکشن کمشنر نے چیف سیکرٹری پنجاب اور آئی جی پنجاب سے تین بجے رات پوچھا کہ اس کا عملہ پولنگ بکسوں سمیت کہاں غائب ہو گیا ہے تو یہ دونوں افسران بھی غائب ہو گئے اور صبح 6 بجے ان 23 پریذائڈنگ افسران کو ووٹوں کے تھیلوں سمیت پولیس کی کسٹڈی میں الیکشن کمیشن کے دفتر میں لایا گیا ـ انہوں نے کہا کہ ان 23 پولنگ اسٹیشنوں پر ووٹوں کی ٹمپرنگ سامنے آنے پر الیکشن کمیشن نے آراوز سے انکوائری کر کے رپورٹ فراہم کرنے کو کہا ہے لیکن یہ کام آراوز کے بس کا نہیں ہے کیونکہ وہ آئی جی پنجاب ، چیف سیکرٹری اور ڈپٹی کمشنر سے کوئی پوچھ گچھ نہیں کر سکتے ـ انہوں نے مطالبہ کیا کہ انکوائری الیکشن کمیشن کے ممبر سے کروائی جائے ـانہوں نے چیف جسٹس سے بھی کہا کہ وہ سینیٹ کے ووٹ چوری ہونے کو تو روکنا چاہتے ہیں ـ 22 کروڑ عوام کے مینڈیٹ چوری کا بھی نوٹس لیں ـ انہوںنے کہا کہ ڈی ایس پی ذوالفقار ورک کو الیکشن کے دوران ڈی ایس پی ڈسکہ تعینات کیا گیاـ الیکشن کمیشن نے نوٹس لیا تو حکومت نے انہیں تبدیل نہیں کیا تا ہم الیکشن کمیشن نے تحریری نوٹس بھیجا تو اسے وہاں سے ہٹا کر ڈی ایس پی سی آئی اے سیالکوٹ لگا کر پورا ضلع ان کے ماتحت کر دیا گیاـ انہوں نے الزام لگایا کہ الیکشن کے دوران ان دونوں حلقوں میں تمام تر آپریشن ڈی ایس پی ذوالفقار ورک کی سربراہی میں کیا گیاـ انہوں نے کہا کہ واقعات اور فائرنگ کی تمام فوٹیج موجود ہیں ـ اس لئے ان تمام قومی مجرموں کو کیفرکردار تک پہنچایا جائے ـ رانا ثناء اللہ خان نے کہا کہ جو افراد قتل ہوئے وہ آپس کی دشمنی کے باعث ناخوشگوار واقعہ پیش آیا اور یہ جہا ںمیں موجود تھا اس سے 20 میل دور ہے جس کا ان معاملات سے کوئی تعلق نہیں ـ انہوں نے کہا کہ 23 پریذائڈنگ افسروں کو اغوا کر لیا گیا جبکہ ڈسکہ کے 30 پولنگ سٹیشنوں کے باہر ہوائی فائرنگ کر کے خوف و ہراس کی فضا پیدا کی گئی جس سے نہ صرف خواتین ووٹروں سمیت ووٹر گھروں کو واپس چلے گئے اور پولنگ کو بھی روکا گیا ـ 2 پولنگ سٹیشنوں پر خود عثمان ڈار نے بیٹھ کر پانچ گھنٹے تک پولنگ رکوائی مقصد پولنگ روک اور اسے سست روی کا شکار کر کے مسلم لیگ ن کے ووٹر کو اپنا حق استعمال کرنے سے روکنا تھاـ انہوں نے کہاکہ فردوس عاشق اعوان نے اعلان کیا کہ پی ٹی آئی کا امیدوار 7 ہزار 827 ووٹوں سے جیت گیا ہے ـ الیکشن کمیشن اس کا نوٹس لے ، دراصل جن پولنگ اسٹیشنوں کا رزلٹ موصول ہوا ان کے مطابق پی ٹی آئی کا امیدوار 6 ہزار سے زائد ووٹوں سے ہار رہا تھا جس کے بعد 23 پریذائڈنگ افسران کو اغوا کر کے نہ صرف مسلم لیگ ن کی لیڈ کو ختم کیا گیا بلکہ باقاعدہ گن کر اپنی برتری کا بھی اعلان کیا گیاـ انہوںنے کہا کہ عوام نے مسلم لیگ ن کے کارکنوں سے مل کر 2 پریذائڈنگ افسران کو پولنگ بیگوں سمیت رنگ ہاتھوں پکڑا ـ ماضی میں دھاندلی ہوتی تھی اس دفعہ ہم نے دھاندلی کو پکڑ کر کٹہرے میں کھڑا کر دیا ہے اب متعلقہ ادارے اپنے فرائض ادا کریں اگر الیکشن کمیشن نے اپنا رول ادا نہ کیا تو سمجھا جائے گا کہ الیکشن کمیشن خود اس تمام تردھاندلی کا حصہ ہے ـ انہوںنے کہا کہ ماضی میں صرف مطالبے کر کے خاموشی اختیا ر کی جاتی رہی لیکن اس بار ہم نے اپنے ان تین مطالبات سے کسی طور پیچھے نہیں ہٹیں گے جن میں سر فہرست ان قومی مجرموں کو کٹہرے میں لانا اور ان کی گرفتاری ہے ـ جس کے بعد ہی مذکورہ پولنگ اسٹیشنوں یا انتخابی حلقوں میں دوبارہ الیکشن کو تسلیم کیا جا سکتا ہے ـ انہوں نے کہا کہ صوبائی وزیر میاں محمود الرشید نے کہا ہے کہ حکومت نہیں ہاری ہمارا امیدوار ہارا ہے ـ کل اس دھاندلی کو عوام نے پکڑا ہے ـ اگر اداروں نے اپنا کردار ادا نہ کیا تو دھاندلی کو مار پڑے گیـ ہمارا مطالبہ ہے کہ وہ بدمعاش اور غنڈے ڈسکہ میں فائرنگ کرتے رہے ان سب کو گرفتار کیا جائے ـ ان کے خلاف مقدمات درج کیئے جائے ـ کل عوام کی مدد سے دھاندلی کو پکڑا ہے ـ آج کی پریس ریلیز اس حکومت کے منہ پر تماچا ہے ـ عمران خان نیازی بتائے یہ شفاف الیکشن ہے ـ ایک ویڈیو بھی سامنے نہیں لائے ـ دھاندلی کرنے والوں کے خلاف قانونی کاروائی کی جائے ـ 53 پولنگ اسٹیشنز پر ری پولنگ ہونی چاہیے ـ الیکشن کمیشن نے انصاف کرنا ہے تو پورا انصاف کروائے ـ اگر الیکشن کمیشن ووٹ کی ذمہ داری کو بحال نہیں کرواتا تو وہ ذمہ دار ہوگاـ اب عوام تیار ہیں دھاندلی ہوا کرتی تھی اب دھاندلی کو پکڑے گیـ وزیر اعظم صاحب کہتے تھے دھاندلء ہوئی ہے تو سامنے لے کر آؤ ـلاہور:دھاندلی ہم نے پکڑ لی اب اس کی تحقیقات کروـ۔
وزیراعظم شہباز شریف کو کاروباری شخصیت عارف حبیب نے معاشی استحکام کے لیے بانی پی ٹی آئی سے ہاتھ ملانے کی تجویز دے دی۔تفصیلات کے مطابق کراچی میں وزیراعظم شہباز شریف نے تاجر برادری سے گفتگو کی اس دوران کاروباری شخصیت عارف حبیب نے کہا کہ آپ نے اسٹاک مارکیٹ کو ریکارڈ سطح پر پہنچایا ...
تحریک انصاف کے رہنما لطیف کھوسہ نے نواز شریف اور شہباز شریف کے درمیان جھگڑا چلنے کا دعوی کر دیا ۔اسلام آباد ہائیکورٹ میں گفتگو کرتے ہوئے کہا کہ چھوٹے بھائی نے دھوکا دیکر نواز شریف سے وزارت عظمی چھین لی ۔ شہباز شریف کسی کی گود میں بیٹھ کر کسی اور کی فرمائش پر حکومت کر رہے ہیں ۔ ان...
غزہ میں صیہونی بربریت کے خلاف احتجاج کے باعث امریکا کی کولمبیا یونیوسٹی میں سات روزسے کلاسز معطل ہے ۔سی ایس پی ، ایم آئی ٹی اور یونیورسٹی آف مشی گن میں درجنوں طلبہ کو گرفتار کرلیا گیا۔فلسطین کے حامی طلبہ کو دوران احتجاج گرفتار کرنے اور ان کے داخلے منسوخ کرنے پر کولمبیا یونیورسٹی ...
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
