... loading ...
... loading ...
پاکستان نے افغان سرحد مرحلہ وار کھولنے اور وہاں پھنسے پاکستانیوں کو واپس لانے کا فیصلہ کرتے ہوئے کہاہے کہ افغانستان میں پھنسے پاکستانیوں کو مرحلہ وار واپس لارہے ہیں، پاکستان سے بیرون ملک پروازوں پر کوئی پابندی نہیں ،قرنطینہ میں 2 دن رہنے کے بعد گھر جانے کی اجازت دے دی جائے ضروری نہیں۔ بدھ کو وزیراعظم عمران خان کے معاون خصوصی برائے قومی سلامتی معید یوسف نے میڈیا بریفنگ کے دوران کہا کہ افغانستان کے ساتھ طورخم اور چمن بارڈر مرحلہ وار کھول رہے ہیں۔انہوں نے کہا کہ افغانستان میں پھنسے پاکستانیوں کو مرحلہ وار واپس لارہے ہیں، پاکستان سے بیرون ملک پروازوں پر کوئی پابندی نہیں ہے ۔انہوںنے کہاکہ ہماری حکمت عملی یہی ہے کہ زیادہ سے زیادہ ٹیسٹ کرکے اسمارٹ لاک ڈائون کی طرف جائیں۔وزیراعظم کے معاون خصوصی نے کہا کہ پاکستان میں 24 گھنٹوں میں 26 اموات ہوئیں، جس کے بعد کورونا وائرس سے جاں بحق افراد کی تعداد 327 تک پہنچ چکی ہے ۔انہوں نے کہا کہ پاکستان میں کورونا وائرس سے اموات کی شرح 1 اعشاریہ 2 فیصد ہے جبکہ 24 گھنٹوں کے دوران 806 نئے کیسز رپورٹ ہوئے ہیں۔معید یوسف نے کہا کہ پاکستان میں کورونا وائرس کے مصدقہ کیسز کی تعداد 14 ہزار 827 ہے ، مہلک وائرس پر نیشنل کمانڈ اینڈ کنٹرول سینٹر میں اجلاس ہورہے ہیں۔وزیر اعظم کے معاون خصوصی برائے قومی سلامتی معید یوسف نے وضاحت کی کہ بیرون ممالک سے آنے والوں کو قرنطینہ میں 2 دن رہنے کے بعد گھر جانے کی اجازت دے دی جائے یہ ضروری نہیں ہے ۔انہوںنے کہاکہ ٹیسٹ کانتیجہ آنے پر یہ فیصلہ کیا جائے گا کہ اسے مزید قرنطینہ میں رکھنا ہے ، ہسپتال داخل کرانا ہے یا گھر بھیجنا ہے ۔انہوں نے واضح کیا کہ دو دن قرنطینہ میں رکھنے کا یہ مطلب نہیں ہے کہ اس کے بعد لوگ گھر واپس جاسکتے ہیں، یہ بحرانی صورتحال ہے جس میں کسی کو کسی بھی طرح یہ ضمانت نہیں دی جاسکتی کہ پالیسی سے کچھ ہٹ کر ہوا تو آپ احتجاج کر سکتے ہیں، لہٰذا بیرون ممالک سے آنے والوں سے درخواست ہے کہ انتظامیہ سے تعاون کریں۔انہوںنے کہاکہ بیرون ممالک سے جو پاکستانی واپس آنا چاہتے ہیں وہ وہاں پاکستان سفارتخانے یا قونصل خانے میں اپنی رجسٹریشن کروائیں، بیشتر مخصوص پروازیں پی آئی اے چلا رہا ہے لیکن رواں ہفتے سے ہم نے کچھ دیگر ایئر لائنز کو بھی مخصوصی پروازوں کی اجازت دے دی ہے کیونکہ کئی ممالک کے لیے قومی ایئرلائن پروازیں نہیں چلاتی۔بیرون ممالک پھنسے پاکستانیوں کے حوالے سے معید یوسف نے کہا کہ یکم سے 9 مئی تک تقریباً ساڑھے 7 ہزار پاکستانی واپس آئیں گے ، اگلے ہفتے بھی ہماری توجہ خلیجی ممالک سے پاکستانیوں کو لانے کی طرف رہے گی کیونکہ وہاں ہمارے ہزاروں مزدور بیروزگار ہوگئے ہیں یا انہیں مجبوری کی وجہ سے واپس جانے کا کہا گیا ہے ۔انہوں نے کہا کہ ہماری بیرون ملک جانے والی پروازوں پر کوئی ممانعت نہیں ہے ، جہاں جہاں پی آئی اے کی پرواز جارہی ہے وہاں پاکستانی جاسکتے ہیں، قطر ایئرویز کی بھی مخصوص پروازیں آئی ہیں اور اگلے ہفتے بھی ان کی 5 پروازیں آئیں گی جس سے پاکستانیوں کو جانے کی اجازت ہوگی۔ انہوںنے کہاکہ حکومت کی تمام حکمت عملی کا انحصار اس بات پر ہے کہ ہم بحیثیت حکومت اور قوم تمام احتیاطی تدابیر پر عمل کریں، صنعتیں اور مساجد ایس او پیز پر عمل کریں تب جاکر ہم اس وبا کا مکمل خاتمہ کر سکیں گے ۔
جمعیت علمائے اسلام کے امیر مولانا فضل الرحمٰن نے پاکستان تحریک انصاف کے ساتھ اتحاد کا اشارہ دے دیا۔بھکر آمد پر میڈیا سے گفتگو کرتے ہوئے مولانا فضل الرحمن نے کہا کہ انتخابات میں حکومتوں کا کوئی رول نہیں ہوتا، الیکشن کمیشن کا رول ہوتا ہے ، جس کا الیکشن کے لیے رول تھا انہوں نے رول ...
وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے صورتحال کو بگاڑنے اور جلائو گھیرائوں کی کوششیں ناکام ہو گئیں ، معاملات کو بہتر طریقے سے حل کر لیاگیا، آزاد کشمیر کے عوام پاکستان کے ساتھ والہانہ محبت کرتے ہیں، کشمیریوں کی قربانیاں ...
ہائی کورٹ کے جج جسٹس محسن اختر کیانی نے شاعر احمد فرہاد کی بازیابی کی درخواست پر سماعت کرتے ہوئے ریمارکس دیے ہیں کہ میری رائے ہے کہ قانون سازی ہو اور گمشدگیوں میں ملوث افراد کو پھانسی دی جائے ، اصل بات وہی ہے ۔ جمعرات کو اسلام آباد ہائی کورٹ کے جسٹس محسن اختر کیانی نے مقدمے کی سم...
رہنما ایم کیو ایم مصطفی کمال نے کہا ہے کہ جج کے پاس وہ طاقت ہے جو منتخب وزیراعظم کو گھر بھیج سکتے ہیں، جج کے پاس دوہری شہریت بہت بڑا سوالیہ نشان ہے ، عدلیہ کو اس کا جواب دینا چاہئے ۔نیوز کانفرنس کرتے ہوئے رہنما ایم کیو ایم مصطفی کمال نے کہا کہ کیا دُہری شہریت پر کوئی شخص رکن قومی...
شکارپور میں کچے کے ڈاکو2مزید شہریوں کواغوا کر کے لے گئے ، دونوں ایک فش فام پر چوکیدرای کرتے تھے ۔ تفصیلات کے مطابق ضلع شکارپور میں بد امنی تھم نہیں سکی ہے ، کچے کے ڈاکو بے لگام ہو گئے اور مزید دو افراد کو اغوا کر کے لے گئے ہیں، شکارپور کی تحصیل خانپور کے قریب فیضو کے مقام پر واقع...
سندھ کے سینئروزیرشرجیل انعام میمن نے کہاہے کہ بانی پی ٹی آئی کی لائونچنگ، گرفتاری، ضمانتیں یہ کہانی کہیں اور لکھی جا رہی ہے ،بانی پی ٹی آئی چھوٹی سوچ کا مالک ہے ، انہوں نے لوگوں کو برداشت نہیں سکھائی، ہمیشہ عوام کو انتشار کی سیاست سکھائی، ٹرانسپورٹ سیکٹر کو مزید بہتر کرنے کی کوشش...
پنجاب حکومت نے مزید مشاورت کرنے کیلئے ہتک عزت بل کی اسمبلی سے منظوری اتوار تک موخر کر دی جبکہ صوبائی وزیر وزیر اطلاعات عظمی بخاری نے کہا ہے کہ مریم نواز کی ہدایت پرمشاورت کے لئے بل کی منظوری کو موخر کیا گیا ہے ، ہم سوشل میڈیا سے ڈرے ہوئے نہیں لیکن کسی کو جھوٹے الزام لگا کر پگڑیاں...
سابق چیئرمین فیڈرل بورڈ آف ریونیو (ایف بی آر)شبر زیدی نے دبئی پراپرٹی لیکس پر ردعمل دیتے ہوئے کہا ہے کہ سیاستدان یہ بتائیں کہ جن پیسوں سے جائیدادیں خریدیں وہ پیسہ کہاں سے کمایا؟ایک انٹرویو میں دبئی میں پاکستانیوں کی جائیدادوں کی مالیت 20 ارب سے زیادہ ہے ، جن پیسوں سے جائیدادیں خر...
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ اگر اپوزیشن 9 مئی کی معافی مانگنے پر تیار نہیں تو ان کا رونا دھونا جاری رہے گا۔قومی اسمبلی میں اظہار خیال کرتے ہوئے بلاول بھٹو نے کہا کہ ان کا لیڈر رو رہا ہے اور کہہ رہا ہے مجھے نکالو، مجھے نکالو، یہ انگلی ...
وزیراعلیٰ خیبرپختونخوا علی امین گنڈاپور نے صوبے میں بجلی کی لوڈشیڈنگ میں کمی کے لیے وفاقی حکومت کو ڈیڈ لائن دے دی۔علی امین گنڈاپور نے کہا ہے کہ وفاقی حکومت صوبے میں لوڈشیڈنگ کم کرنے کے لیے آج رات تک شیڈول جاری کرے ، اگر شیڈول جاری نہ ہواتو کل پیسکو چیف کے دفتر جاکر خود شیڈول دوں ...
اسلام آباد ہائی کورٹ نے 190ملین پاؤنڈ کرپشن کیس میں بانی پی ٹی آئی کی 10 لاکھ روپے کے مچلکوں پر ضمانت منظور کرلی۔تفصیلات کے مطابق اسلام آباد ہائی کورٹ کے چیف جسٹس عامر فاروق اور جسٹس طارق محمود جہانگیری پر مشتمل ڈویژن بینچ نے بانی پی ٹی آئی کی ضمانت منظور کرنے کا فیصلہ سنادیا۔ عد...
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...
