وجود

... loading ...

وجود
وجود

نئی دہلی ایک ’’ارضی دوزخ‘‘

پیر 02 مارچ 2020 نئی دہلی ایک ’’ارضی دوزخ‘‘

کہتے ہیں کہ دلّی اَب تک سات بار اُجڑی ہے اور سات بار بسی ہے لیکن اِس بار اجڑنے والے شہر کا نام دلّی نہیں دہلی ہے ۔ بھارت کے ارباب و اختیار نے سوچا ہوگا کہ دلّی بار بار اُجڑ جاتی ہے تو پھر کیوں نہ اِس شہر خراب حال کا نام ہی تبدیل کردیا جائے تاکہ اِس بدقسمت دیار کو پھر سے اُجاڑا نہ جا سکے ۔ یوں دلّی کے دل والوں نے اپنی دانست میں دلّی کا نام بدل کر نئی دہلی رکھ دیا۔ مگر شاید اُنہیں معلوم نہ تھا کہ فقط شہر کا نام بدلنے سے ہی نصیب نہیں بدلتا ۔ بلکہ قسمت بدلنے کے لیے شہر کے ارباب و اختیار کو اپنے اعمال و افعال،افکار و نظریات کے بدلنے کی بھی ضرورت ہوتی ہے ۔ دلّی کو نئی دہلی بنانے والوں نے اِس شہر کو سنوارنے کے لیے کیا کچھ نہ کیا ،جگہ جگہ سبزے کی آب یاری کی ،بلند و بالا عمارتیں تعمیر کیں ،فراٹے مارتی جدید میٹرو ٹرین اور بسیں چلائیں ،چم چماتی ہوئی سڑکیں بنائیں اگر کچھ نہ کرسکے تو وہ یہ کہ دہلی میں بسنے والے لاکھوں لوگوں کے ذہنوں میں ایک دوسرے کے لیے احترام کا رتی بھر جذبہ نہ پیدا کرسکے ، مذہبی ہم آہنگی کی رائی کے دانے برابر جوت نہ جگا سکے اورمروت و رواداری کا کوئی چھوٹا سا ایسا پُل نہ بناسکے ،کہ جس پر چل کر نئی دہلی کے باسی ایک دوسرے کے ساتھ بلاتفریق و مذہب سماجی رشتہ قائم کرسکیں۔جس کا آج یہ منفی نتیجہ برآمد ہورہا ہے کہ دنیا کی سب سے بڑی جمہوریہ کا دارلخلافہ نئی دہلی ،دنیا کی سب سے بڑی سپر پاور امریکا کے سربراہ ڈونلڈ ٹرمپ کی آمد کے عین موقع پر سلگتی ہوئی ایک’’ ارضی دوزخ ‘‘کا منظر پیش کررہا ہے ۔

نام نہاد سیکولر بھارت جو ہمیشہ سے اپنے پڑوس میں نفرت ،دہشت اورتخریب کاری کے شعلے بھڑکا کر بڑے اطمینان سے اپنے ہاتھ سینکاکرتا آیا ہے ، اَب اُسی بھارت کے عین قلب یعنی نئی دہلی میں مذہبی منافرت کی آگ کا دہکتا ہوا الاؤ پوری طرح سے سلگ چکاہے اور انتہا پسند بھارتی کوڑھ مغزوں کی ہندوانہ تنگ نظری اور جہالت کی شاہ کار حکمت عملی ملاحظہ ہوکہ بجائے دہلی میں تیزی سے بھڑکتی ہوئی آگ کے شعلوں کو پیار ،محبت ،اَمن و آشتی کے پانی سے بجھانے کے اِس آگ پر مسلم دشمنی کا پیٹرول چھڑکنے پر مصروف ہیں ۔پاکستانی نہیں بلکہ بھارتی میڈیا میں پیش کی جانے والی رپورٹوں کے مطابق بھارت کے دارالحکومت نئی دہلی میں مسلم کش فسادات میں اَب تک جاں بحق ہونے والے افراد کی تعداد 42 سے زائد ہوگئی ہے اور 350 سے زائد شدید زخمی ہیں۔ اِس وقت دہلی کی سڑکوں پر پولیس کی سرپرستی میں انتہا پسند ہندوؤں کا باقاعدہ راج قائم کروادیا گیا ہے۔ہندو راشٹریہ سیوک کے مسلح جتھوں نے بڑی تعداد میں مسلمانوں کی دکانیں اور گھر نذر آتش کردیے ہیں جبکہ متعدد مساجد اور مزارات کو بھی شہید کردیا گیا ہے۔شہر میں شدید کشیدگی برقرار ہے اورنئی دہلی ایک جنگ زدہ علاقے کا اندوہ ناک منظر پیش کررہا ہے اور شہر میں جگہ جگہ پولیس اور سیکیورٹی فورسز کی بھاری نفری تعینات ہونے کے باوجود بھی بیشتر متاثرہ علاقوں میں دکانیں اور دفاتر مکمل طور پر بند ہیں،شہر کے تمام تعلیمی اداروں میں ہونے والے امتحانات ملتوی کردیئے گئے ہیں ۔پرتشددفسادات اور خون آشام ہنگاموں کے باعث دہلی شہر کی صورتحال اس قدر خراب ہوچکی ہے کہ زخمیوں کو اسپتال منتقل کرنے والی ایمبولینسوں پر بھی ہندو توا کے مسلح جتھوں کی جانب سے جان لیواحملے کیے جارہے ہیں۔
حالات کی سنگینی ملاحظہ ہو کہ رات کے دبیز اندھیرے میں ایک درخواست گزار نے ڈرتے ڈرتے عدالت عالیہ سے زخمیوں کو اسپتال منتقل کرنے کے لیے تحفظ فراہم کرنے کی استدعا کی ،جس پر دہلی ہائی کورٹ نے رات کے آخری پہر میں جسٹس ایس مرلی دھر کے گھر پر اِس درخواست کی ہنگامی سماعت کی اور پولیس کو ایمبولینس اور زخمیوں کو تحفظ فراہم کرنے کا حکم جاری فرمایا۔جس کی پاداش میںبھارتی سرکار کی طرف سے اگلی صبح جسٹس ایس مرلی دھرکے کا جبری تبادلہ کردیا گیا ۔ دوسری جانب جواہر لال یونی ورسٹی اور جامعہ ملیہ اسلامیہ کے طلبہ دہلی کے نو منتخب وزیراعلیٰ ا روند کجریوال کے گھر کے باہر جمع ہوکرتشدد کے مرتکب افراد کے خلاف سخت سے سخت انتظامی کارروائی کا مطالبہ کر رہے ہیں۔ جبکہ فسادات اور ہنگاموں کی کوریج کرنے والے صحافیوں کے ساتھ بھی زبردست مار ،پیٹ کی جارہی ہے اور انہیں روک کر کہاجارہا ہے کہ علاقہ کی کوریج کرنے سے قبل اپنا ہندو توا ثابت کرو ۔عالمی صحا فتی تنظیموں کے مطابق بھارتی پولیس دہلی میں صحافیوں کو تحفظ فراہم کرنے میں بُری طرح سے ناکام رہی ہے۔علاوہ ازیں دہلی کے وزیراعلیٰ اروند کیجریوال نے اپنی انتظامی بے بسی کا اظہار کرتے ہوئے ایک پریس کانفرنس میں کہا ہے کہ’’ نئی دہلی کی صورتحال انتہائی تشویشناک ہے، بھارتی پولیس صورتحال قابو پانے کی کوشش بھی نہیں کررہی ہے۔ کرفیو کے نفاذاورفوج کوطلب کرنے کے لیے وزارت داخلہ کو خط لکھ چکا ہوں لیکن ابھی تک مجھے کہیں سے بھی اطمینان بخش جواب نہیں مل رہا ہے ‘‘۔

 

سادہ لفظوں میں کہا جائے تو اِس وقت پورا دہلی شہر ہی بارود کے ڈھیر میں تبدیل ہوچکا ہے اور نام نہاد سیکولر بھارت کا نیرو یعنی وزیراعظم نریندر مودی اپنی مسند ِ اقتدار پر استراحت فرما کر سکھ اور چین کی بانسری بجارہا ہے اور بی جے پی کے بدمست انتہاپسندحواری خوف و دہشت کی دُھن پر موت کا شرمناک رقص کر نے میں مصروف ہیں ۔ شاید نریندر مودی اور امیت شاہ اپنی دانست میں خیال کیے بیٹھے ہیں کہ دہلی میں بھڑکنے والی ہولناک آگ میں فقط دہلی کے مسلمان ہی جلیں گے ۔ حالانکہ وہ نہیں جانتے نفرت کی آگ کے شعلے جب بے قابو ہوجائیں تو وہ پھر اُن ہاتھوں کو بھی جلا کر خاکستر کردیتے ہیں، جنہوں نے اِن شعلوں کو بھڑکایا ہوتا ہے ۔ کیونکہ نفرت کے نام پر بھڑکنے والی آگ کا کوئی مذہب نہیں ہوتا ،کوئی نظریہ نہیں ہوتا اور کوئی عقیدہ نہیں ہوتا۔ویسے بھی جو لوگ نہیں جانتے اُنہیں ہم بتاتے چلیں کہ ماضی میں سات بار جب جب دلّی اُجڑی تھی ،اُس کے ساتھ ہی ہر بار پوراہندوستان بھی اُجڑ گیا تھا لہٰذا آٹھویں بار بھی جب دہلی اُجڑے گا تو اِس کے ساتھ ساتھ پورا ہندوستان بھی اُجڑ جائے گا۔ لیکن کیا آٹھویں بار دہلی پھر سے بس سکے گا فی الحال اِس متعلق یقین سے کچھ نہیں جاسکتاکیونکہ یہ باتیں ہمارے سوچنے کی نہیں ہیں بلکہ بھارت کے اُن ڈیڑھ ارب لوگوں کے سوچنے کی ہیں جنہوں نے اپنے دیش کا نصیب نریندر مودی کے قاتل ہاتھوں میں تھمادیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


متعلقہ خبریں


مضامین
سی اے اے :ایک تیر سے کئی شکار وجود منگل 19 مارچ 2024
سی اے اے :ایک تیر سے کئی شکار

نیم مردہ جمہوریت کے خاتمے کے آثا ر وجود منگل 19 مارچ 2024
نیم مردہ جمہوریت کے خاتمے کے آثا ر

اسرائیل سے فلسطینیوں پر حملے روکنے کی اپیل وجود منگل 19 مارچ 2024
اسرائیل سے فلسطینیوں پر حملے روکنے کی اپیل

اندرا گاندھی ، گولڈا میئر اور بے نظیر وجود پیر 18 مارچ 2024
اندرا گاندھی ، گولڈا میئر اور بے نظیر

نازک موڑ پر خط وجود پیر 18 مارچ 2024
نازک موڑ پر خط

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر