وجود

... loading ...

وجود
وجود
ashaar

فلسطینی قانون ساز کونسل کاسعودی فرمانروا سے فلسطینی قیدیوں کی رہائی کا مطالبہ

جمعرات 17 اکتوبر 2019 فلسطینی قانون ساز کونسل کاسعودی فرمانروا سے فلسطینی قیدیوں کی رہائی کا مطالبہ

فلسطینی قانون ساز کونسل نے سعودی عرب کے فرمانروا شاہ سلمان بن عبدالعزیز سے مطالبہ کیا ہے کہ وہ جیلوں میں ڈالے گئے تمام فلسطینیوں کی فوری رہائی کا حکم صادر کریں۔یہ بات قانون ساز کونسل کے نائب صدر احمد بحر نے ایک اجلاس کے دوران کہی۔ انہوں نے سعودی عرب میں فلسطینی زیرحراست افراد کے اہل خانہ کی نمائندگی کرنے والے ایک وفد سے بھی ملاقات کی۔سعودی عرب میں زیر حراست افراد کے اہل خانہ سے خطاب کرتے ہوئے احمد بحر نے کہا کہ فلسطینیوں نے سعودی قوانین کی خلاف ورزی نہیں کی، انہیں محض اسرائیل کو خوش کرنے کے لیے گرفتار کیا گیا ۔انہوں نے وضاحت کی کہ ان میں سے کچھ عشروں سے بغیر کسی قانونی خلاف ورزی کے مملکت میں مقیم ہیں۔انہوں نے کہا کہ ڈاکٹر محمد صالح الحضری کو 80 سال سے زاید عمر کے ہونے اور کئی دائمی بیماریوں میں مبتلا ہونے کے باوجود کئی ماہ سے سعودی عرب میں قید میں ڈالا گیا۔ انہوں نے سعودی حکام سے مطالبہ کیا کہ وہ بیمار، عمر رسیدہ اور بے گناہ فلسطینی قیدیوں کو فوری طور پر رہا کریں۔ انہوں نے مملکت میں موجود تمام سیاسی قیدیوں کی رہائی کا مطالبہ بھی کیا۔ڈاکٹر محمد صالح الخضری کے بھائی عبدالماجد الخضری جنھیں کچھ ماہ قبل سعودی عرب میں حراست میں لیا گیا تھا نے بتایا کہ سعودی عرب میں زیر حراست افراد کے ساتھ سعودی جیلوں میں غیرانسانی سلوک کیا جا رہا ہے ،ان کے معاملے کو بین الاقوامی اداروں اور عالمی فورمز پراٹھایا جانا چاہئے ۔اسلامی مزاحمتی تحریک (حماس) نے ستمبر میں انکشاف کیا تھا پانچ ماہ قبل سعودی عرب میں حماس کے دیرینہ رہنما ڈاکٹر صالح الحضری اور ان کے بیٹے ھانی الخضری کو حراست میں لے لیا تھا۔


متعلقہ خبریں