... loading ...
... loading ...
پاکستانی شاہینوں نے لندن کے تاریخی گرائونڈ لارڈ میں مضبوط ترین حریف انگلینڈ کی ٹیم کو ہر شعبہ میں بری طرح مات دے کر چوتھے روز ہی پہلے ٹیسٹ میچ میں 9وکٹ سے حیران کن طور پرشکست دے کر گوروں کے دیس میں سبز ہلالی پرچم بلند کر دیاگورے بھیگی بلی کی طرح نم آنکھیں لیے نظر آئے، ،ٹیم کی نپی تلی بائولنگ، بہترین فیلڈنگ اور بیٹنگ میں شاندار کارکردگی لاجواب تھی، پاکستان کی اس گرائونڈ میںیہ پانچویں فتح ہے ،کپتان سرفراز احمد نے لارڈزمیں عمران خان،جاوید میانداد ،وسیم اکرم اور مصبا الحق کے بعد پانچویں کامیاب کپتان کا اعزاز حاصل کیاہے،دو ٹیسٹ میچز کی اس سیریز کے پہلے میچ میںفاسٹ بائولر محمد عباس نے لارڈز میں اپنی شاندار کارکردگی سے دونوں اننگز میں4۔4شکار کر کے مین آف دی میچ کا اعزاز حاصل کیا بلاشبہ محمد عباس لارڈز ٹیسٹ کے ہیرو ہیں ان سمیت تمام بائولرز کی گھومتی اور سمجھ نا آنے والی گیندوں نے کرکٹ کے گھر میں کرکٹ کے بانیوں کو بری طرح مات دی،میچ کے چوتھے روزانگلینڈ کی ٹیم اپنے ا سکور میں مناسب اضافہ کرنے میں ناکام رہی محمد عامر اور محمد عباس نے بہترین بائولنگ سے ان کی اننگز کو 242رنز تک محدود کر دیااوریکے بعد دیگرے گرنے والی چار وکٹوں کے باعث پاکستان کو جیت کے لیے صرف64رنز کا ہدف ملا،محمد عامر نے پانچ وکٹیںحاصل کیں۔
حسن علی نے کمال بائولنگ کامظاہرہ کیاجہاں ٹیم کی کامیابی میں بھی ان کا بہت عمل دخل رہا وہیں ان کی جارحانہ بائولنگ سے تیسرے روز ڈیوڈ ملان کا ہیلمٹ ٹوٹ گیا، انگلینڈ کو میچ میں واپس لانے والے انگلش بلے بازوں جوس بٹلر اور ڈوم بیسن نے اننگز کا آغاز کیا تو جلد ہی جوس بٹلر محمد عباس کا شکار ہو گئے اگلے ہی اوور میں محمد عامر نے مارک وڈ کو سرفراز احمد کے ہاتھوں کیچ آئوٹ کرا دیا ،محمد عباس نے ا سٹیورٹ براڈ کو صفر پر ہی پویلین بھیج دیا آخری وکٹ محمد عامر نے حاصل کی انہوں نے ڈوم بیسن کی وکٹیں بکھیر دیں،دوسری اننگز میں محمد عباس ،محمد عامر نے 4۔4 اور شاداب خان نے دو وکٹ حاصل کیے ،پاکستان نے اس ہدف کوبآسانی عبور کر کے لارڈ کے تاریخی گرائونڈپر تاریخی فتح سمیٹ لی،پاکستانی ٹیم کی دوسری اننگز میں آئوٹ ہونے والے واحد بلے باز اظہر علی جیمز اینڈرسن کے ہاتھوں 14کے مجموعی جبکہ4انفرادی اسکور پر گرائونڈ سے باہر گئے تاہم بعد میں حارث سہیل39 اور امام الحق نے18رنز پر اعتماد انداز میں بنا کر 13ویںاوور کی چوتھی گیند پرہدف کو مکمل کرلیا ،تیسرے روز جوس بٹلر اور ڈوم بیسن نے ساتویں وکٹ کی شراکت میں126 قیمتی رنز کا اضافہ کر کے انگلینڈ کو اننگز کی شکست سے بچایا تھا جس وقت یہ دونوں بیٹسمین کریز پرآئے اس وقت صرف110کے سکور پر انگلینڈ اپنی6قیمتی وکٹیں گنوا چکا اور انگلینڈ پر اننگز کی شکست کے خطرات منڈلا رہے تھے،تاہم ان دونوں کھلاڑیوں نے پاکستانی فاسٹ بائولرز اور شاداب خان کو عمدگی کے ساتھ کھیلا اور میچ تیسرے سے چوتھے روز میں داخل ہو گیا،انگلینڈ نے اس میچ میں ٹاس جیت کر پہلے بیٹنگ کو ترجیح دی تھی مگر ان کا یہ فیصلہ ان کے لیے انتہائی مایوس کن ثابت ہوا، انگلینڈ کی پہلی وکٹ صرف12کے سکور پر سٹومین کی شکل میں ملی جو چار کے انفرادی سکور پر محمد عباس کے ہاتھوں وکٹ سے ہا دھو بیٹھا، 4رنز بنا کر ہی جے روٹ محمد عامر کی گھومتی گیند کو نہ سمجھ سکاتب مجموعی سکور32تھا،43کے سکور پر تیسری(ڈیوڈ ملین) ،100سکور پر چوتھی(جونی ہئیرسو)،149سکور پرپانچویں(ایلسٹر کک) جبکہ168پر چھٹی(ملین سٹوکس) اور ساتویں(جوس بٹلر) ،180کے مجموعے پر 8ویں(ڈوم بیسن) اور9ویں(اسٹورٹ براڈ) اور آخری وکٹ184کے ٹوٹل پرمارک وڈ کی گری،پہلی اننگز میں صرف ایسٹر کک نے70رنز کی شاندار اننگز کھیلی ،اس اننگز کا کھیل 58.2اوور تک محدود رہا جس میں184 رنز پر پوری ٹیم آئوٹ ہو گئی ۔
پاکستان نے اننگز کا آغاز کیا تو اوپنر امام الحق چار رنز بنا کر آئوٹ ہو گئے جو پہلے دن گرنے والی واحد پاکستانی وکٹ تھی دوسرے روز پاکستان نے50کے مجموعی سکور پر اننگز کا آغاز کیا تو حارث سہیل اور اظہر علی نے 75۔رنز کی شراکت قائم کی جس کا خاتمہ مارک وڈ نے39رنز بنانے والے حارث سہیل کو آئوٹ کر کے کیا،اظہر علی اپنی ففٹی مکمل ہوتے ہی وکٹ گنوا بیٹھے،اسد شفیق کے ساتھ دینے بابر اعظم آئے اور سکور میں80رنز کا اضافہ کرکے پاکستان کی پوزیشن کو مستحکم کیا اسی دوران 59کے انفرادی سکور پر اسد شفیق کا کیچ ڈراپ ہوا مگر وہ فائدہ اٹھانے کی بجائے اگلی ہی گیند پر کیچ دے کر بین ا سٹوکس کو وکٹ دے کر چلتے بنے،کپتان اظہر علی آئے مگر وہ بہت جلدی میں تھے صرف 9رنز جوڑ کرایک غیر ضروری شارٹ کھیل کر پویلین واپس،اس میچ میں پاکستان کو اس وقت بہت بڑا دھچکا لگا جب ان فارم بیٹسمین بابر اعظم 68کے انفرادی سکور پربین سٹوکس کے بائونسر سے بچنے کی کوشش میں زخمی ہو کر بیٹنگ جاری نہ رکھ سکے اور ریٹائرڈ ہرٹ کو واپس چلے گئے ،پاکستانی فزیو تھراپسٹ کلف ڈیکن کے مطابق بابر اعظم کی بائیں کلائی میں فریکچر ہونے پر وہ دورہ انگلینڈ سے باہر ہو گئے ہیں،یوں اس اننگز میں پاکستانی ٹیم کی ایک وکٹ بھی کم ہو گئی تھی،بابر اعظم کے بعد شاداب خان اور فہیم اشرف نے انگلینڈ ٹیم کی ناقص فیلڈنگ کا بھرپور فائدہ اٹھاتے ہوئے انتہائی قیمتی 72رنز بنا کر پاکستان کی فتح کو یقینی پوزیشن پر لا کھڑا کیا،27کے انفرادی ا سکور پر جیمز اینڈرسن نے فہیم اشرف کو بولڈ کیا جس کے بعد بین اسٹوکس نے شاداب خان کی اننگز کا خاتمہ کیا شاداب نے52رنزبنائے تھے،جبکہ حسن علی کی اننگز کا خاتمہ بھی جیمز اینڈرسن نے ہی کیادوسرے روز میچ کے اختتام پرپاکستان 8وکٹ پر350رنز بنا چکا تھا تاہم تیسرے دن کھیل شروع ہوا تو محمد عامر اور محمد عباس صرف13 رنز کا اضافہ کرنے کے بعد آئوٹ ہوگئے مگرپاکستان کو انگلینڈ کے خلاف 179رنز کی برتری حاصل ہو چکی تھی،پاکستان کے خلاف جیمز اینڈرسن اور بین اسٹوکس نے 3۔3وکٹ حاصل کیے،179سکور کے خسارے پر انگلینڈ ٹیم نے دوسری اننگز کا آغاز کیا تو وہ بھی ان کے تباہ کن ثابت ہوا صرف ایک رن پر گذشتہ اننگز میں70رنز بنانے والے ایلسٹر کک محمد عباس کو وکٹ دے بیٹھے،کپتان جوئے روٹ اور مارک سٹون نے 31رنز بنائے تو شاداب خان نے انگلش اوپنر کو بے بس کر کے واپس بھیج دیا،روٹ کے ساتھ دینے ڈیوڈ ملان آئے تو مزید 60رنز کی شراکت سے پہلے ہونے والے نقصان کا ازالہ کرنے کی کوشش کی مگر ناکام رہے، محمد عامر نے ایک ہی اوور میں پہلے دیوڈ ملان اور جونی بیئر اسٹو کی وکٹیں حاصل کیں،بین اسٹوکس جارحانہ موڈ میں آئے 2چوکے لگائے مگر ان کی جارحیت کو شاداب خان نے لگام دی،110کے مجموعی سکور پر انگلش کپتان 68رنز بنانے کے بعد گرائونڈ سے باہر ہوا تو میزبان ٹیم پر اننگز کی شکست کے خطرات منڈلانے لگے اس مرحلے پر ڈومینک اور بٹلر کی جوڑی ڈٹ گئی ،پاکستانی بائولرز کو سر توڑ کوششوں کے باوجود آخری سیشن میں ایک بھی وکٹ نہ ملی ، میچ میں 8وکٹیں حاصل کرنے پر لارڈز کے گرائونڈ میں پہلی مرتبہ کھیلنے والے فاسٹ بائولر محمد عباس کو میچ کا بہترین کھلاڑی قرار دیا گیا۔
ٹیم کی فتح کے بعد کپتان سرفراز احمد نے کہا جس طرح ٹیم نے اپنی صلاحیتوںکا مظاہرہ کیا مجھے اس پر فخر ہے،جب ہم انگلینڈ آئے اس وقت ہماری ٹیم کو زیادہ تجربہ کار نہیں مگر ہم جیت کے لیے پر عزم تھے ہمارا بائولنگ اٹیک بہت اچھا ہے انہوں نے بائولنگ کا جو مظاہرہ کیا وہ انتہائی بہترین تھا،ٹیم اعتماد کے ساتھ کھیلی ٹیم میں جیت کا جذبہ رکھنے والے کھلاڑی شامل ہیں،انگلش کپتا ن جوئے روٹ نے کہا پاکستانی ٹیم کی کارکردگی شاندار تھی یہی وجہ ان کی شکست کا سبب بنی ان کی ٹیم کھیل کے تینوں شعبوں میں اچھا کھیل پیش کرنے میں ناکام رہی ہم نے غیر ذمہ درانہ بیٹنگ کرتے ہوئے اپنی وکٹیں گنوائیں اور یہی وجہ ہماری ہار کا سبب بنی، انگلینڈ کے بلے بازوں کک ،جان روٹ،بٹلر اور ڈوم بیسن نے پہلی اننگز میں ایک جبکہ دوسری اننگز میں تین ففٹیاں بنائیں ، پاکستانی بلے بازوں اظہر علی،اسد شفیق ، شاداب خان اور بابر اعظم نے چار ففٹیاں بنائیں یوں میچ میں کل 8ففٹیاں بنیں،انگلینڈ کی پہلی اننگز کا خاتمہ 184سکور پر 58.2 اوورز میں مکمل ہوا،پاکستان نے پہلی اننگز میں 114.3 اوورز میں 9وکٹ پر 363 رنز بنائے ، دوسری اننگز میں میزبان ٹیم 82.1 اوورز میں 242رنز بنا کر آئوٹ ہو گئی تھی، پاکستانی بائولرز نے دونوں اننگز میں 24جبکہ انگلش بائولز نے21رنز ایکسٹرا دیئے، میچ میں دونوں ٹیموں نے 56۔56چوکے اور ایک ایک چھکا (حارث سہیل )لگایا ،پاکستانی ٹیم کی اس جیت سے سیریز ہارنے کی بات تو ختم اب پاکستان کے پاس وائٹ واش کرنے کا سنہری موقع ہے، انگلینڈ کی ٹیم میں جوئے روٹ(کپتان)،ایسٹر کک،مارک سٹومین،ڈیوڈ ملین،جونی ہیرسو(وکٹ کیپر)،بین سٹوکس، جوس بٹلر،ڈوم بیسن ،سٹورٹ براڈ،مارک وڈ اور جیمز اینڈرسن جبکہ پاکستانی ٹیم میں شاہین محمد سرفراز (کپتان) ، اظہر علی،امام الحق، حارث سہیل،اسد شفیق،بابر اعظم،شاداب خان،فہیم اشرف ،حسن علی ،محمد عباس شامل تھے،پاکستان اور انگلینڈ کے درمیان اب تک 24ٹیسٹ سیریز ہو چکی ہیں جن میں 9انگلینڈ،8پاکستان جبکہ 7ڈرا ہوئیں،یہ25ٹیسٹ سیریز جاری ہے جسے پاکستان جیت سکتا ہے یا ڈرا ہو سکتی ہے،آخری سیریز 2016میں جو چار میچوں پر مشتمل تھی اور ڈرا ہوئی جس میں 14جولائی کولارڈ ز گرائونڈ میں ہونے والی وہ شاندار فتح بھی ہے جس کے بعد کھلاڑیوں Push Upsبھی لگائے تھے یہ میچ پاکستان نے 75رنز سے جیتا تھا،پاکستان اور انگلینڈ کے درمیان مجموعی طور پر اب تک82ٹیسٹ میچ ہو چکے ہیں جن میں سے24انگلینڈ، 21پاکستان نے جیتے ہیں جبکہ 37ڈرا ہوئے ہیں،پاکستان اور انگلینڈ دونوں ٹیموں کا کسی ایک اننگز میں کم از کم سکور 72۔72 ہے، پاکستانی ٹیم کی اس کامیابی پر ساری قوم خوشی سے سرشار ہو گئی ،صدر،وزیر اعظم ،عمران خان،شہباز شریف،محمد صادق سنجرانی ،بلاول بھٹو،چیرمین کرکٹ بورڈ نجم سیٹھی نے ٹیم کو کامیابی پر مبارکباد دی ہے۔
وزیر اعلیٰ خیبر پختونخوا علی امین گنڈاپور نے کہا ہے کہ کوئی بات ہوگی تو سب کے سامنے ہوگی اور کوئی بات چیت کسی سے چھپ کر نہیں ہوگی،بانی پی ٹی آئی نے نہ کبھی ڈیل کی ہے اور نہ ڈیل کے حق میں ہیں، یہ نہ سوچیں کہ وہ کرسی کیلئے ڈیل کریں گے ۔میڈیا نمائندگان سے گفتگو کرتے ہوئے علی امین گن...
فلسطینیوں پر اسرائیلی مظالم کے خلاف طلبہ کے احتجاج کا سلسلہ دنیا بھر کی جامعات میں پھیلنے لگا۔امریکا، کینیڈا، فرانس اور آسٹریلیا کی جامعات کے بعد یونان اور لبنان کی جامعات میں بھی طلبہ نے غزہ میں اسرائیلی جارحیت کے خلاف مظاہرہ کیا۔امریکی جامعات میں احتجاج کا سلسلہ تیرہویں روز بھی...
غزہ میں مظالم کے خلاف اسرائیل کی مبینہ حمایت کرنے والی کمپنیوں کے بائیکاٹ کی مہم میں شدت آتی جا رہی ہے ۔ معروف امریکی فوڈ چین کے ایف سی نے ملائیشیا میں اپنے 100 سے زائد ریستوران عارضی طور پر بند کرنیکا اعلان کر دیا۔غیر ملکی میڈیا کے مطابق ملائیشیا میں امریکی فوڈ چین کی فرنچائز کم...
جمعیت علمائے اسلام کے سربراہ مولانا فضل الرحمان نے وزیراعظم شہباز شریف اور وزیراعلیٰ پنجاب مریم نواز کے شوہر کیپٹن (ر) صفدر کو طنز کا نشانہ بنایا ہے ۔لاہور میں فلسطین کانفرنس سے خطاب میں مولانا فضل الرحمان کا کہنا تھاکہ یہاں بلاوجہ شہباز شریف کی شکایت کی گئی اس بیچارے کی حکومت ہی...
وزیراعظم شہباز شریف نے کہا ہے کہ کرپشن کا ملک سے خاتمہ ہونے والا ہے ، ہم سب مل کر پاکستان کو انشااللہ اس کا جائز مقام دلوائیں گے اور جلد پاکستان اقوام عالم میں اپنا جائز مقام حاصل کر لے گا۔لاہور میں عالمی یوم مزدور کے موقع پر اپنی ذاتی رہائش گاہ پر تقریب سے خطاب کرتے ہوئے وزیرِ ا...
غیر قانونی طور پر بھارت کے زیر قبضہ جموں و کشمیر میں بی جے پی کے رہنما راجوری اور پونچھ میں مسلمانوں کو دھمکیاں دے رہے ہیں کہ وہ یا تو سنگھ پریوار کے حمایت یافتہ امیدوار کو ووٹ دیں یا1947 جیسی صورتحال کا سامنا کرنے کے لیے تیار رہیں۔ کشمیرمیڈیاسروس کے مطابق 1947میں جموں خطے میں ہن...
پی ٹی آئی نے جمعیت علما اسلام کے سربراہ مولانا فضل الرحمان سے فوری رابطے کا فیصلہ کیا ہے ۔ذرائع کے مطابق تحریک انصاف نے مولانا فضل الرحمان سے فوری رابطے کا فیصلہ کیا ہے ، جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع کے مطابق مذاکراتی ک...
حکومت نے رات گئے پیٹرولیم مصنوعات کی نئی قیمتوں کا اعلان کردیا۔ وزیراعظم نے پیٹرولیم مصنوعات کی قیمتوں میں کمی منظوری دے دی۔ وزارت خزانہ کے نوٹیفکیشن کے مطابق پیٹرول کی قیمت میں 5 روپے 45پیسے کمی کے بعد نئی قیمت 288روپے 49پیسے فی لیٹر مقرر کی گئی ہے ۔ہائی اسپیڈ ڈیزل کی قیمت 8 روپ...
مسلم لیگ (ن) پنجاب کے صدر اور سابق وزیر داخلہ رانا ثناء اللہ کو وزیراعظم شہباز شریف کا مشیر برائے سیاسی و عوامی امور تعینات کر دیا گیا۔ن لیگی قیادت نے الیکشن 2024ء میں اپنی نشست پر کامیاب نہ ہونے والے رانا ثناء کو شہباز شریف کی ٹیم کا حصہ بنانے کا فیصلہ کیا ہے ۔ذرائع کے مطابق وزی...
پبلک اکاؤنٹس کمیٹی کیلئے شیر افضل مروت کا نام فائنل کر لیا گیا ہے ۔ اڈیالہ جیل کے باہر گفتگو کے دوران بیرسٹر گوہر نے کہا کہ شیر افضل مروت کا نام فائنل ہونے پر تمام تنازعات ختم ہو چکے ہیں۔واضح رہے کہ گزشتہ کچھ دنوں سے پبلک اکائونٹس کمیٹی کے لیے شیر افضل مروت کے نام پر تحریک انصاف...
گزشتہ سال نومبر میں تیزاب پھینکنے کے الزام کے حوالے سے سابق وفاقی حکومت کے مشیر شہزاد اکبر نے حکومت پاکستان کے خلاف مقدمہ دائر کرنے کی تیاری کر لی۔شہزاد اکبر نے قانونی کارروائی کی کاپی لندن میں پاکستان ہائی کمیشن کو بھجوا دی۔شہزاد اکبر نے دعویٰ کیا کہ تیزاب حملے کے پیچھے حکومت پا...
جمعیت علمائے اسلام کے سربراہ مولانا فضل الرحمان نے انتخابات میں مبینہ دھاندلی کے خلاف ملین مارچ کا اعلان کرتے ہوئے کہا ہے کہ ہمیں روکنے کی کوشش کرنے والا خود مصیبت کو دعوت دے گا۔تفصیلات کے مطابق قومی اسمبلی کا اجلاس اسپیکر کے زیر صدارت شروع ہوا جس میں پی ٹی آئی کے اپوزیشن لیڈر ا...
