... loading ...
گزشتہ دنوں ڈائو یونیورسٹی آف ہیلتھ سائنسز کراچی کے مین کیمپس بابائے اردو روڈ پر ڈینٹل کالج کی آٹھ منزلہ نئی عمارت کا وفاقی وزیر داخلہ، ترقیات، منصوبہ بندی و اصلاحات احسن اقبال نے کیا۔ مختصر نوٹس پر منعقد ہونے والی مذکورہ تقریب کے انعقاد اور کامیابی کا سہرا بنیادی طور پر ڈائو یونیورسٹی کے وائس چانسلر پروفیسر محمد سعید قریشی اور پراجیکٹ ڈائریکٹر عبدالرحیم خانزادہ کے حصے میں جاتا ہے۔ اس پروگرام میں طبی حلقوں کی نمایاں شخصیات کی بڑی تعداد میں شرکت نے تقریب کو مزید یادگار بنادیا جبکہ وفاقی وزیر احسن اقبال نے بحیثیت مہمان خصوصی تقریب سے خطاب کرتے ہوئے کہا کہ وفاقی حکومت کی جانب سے تاریخی طبی تعلیمی ادارے ڈائو کو آٹھ منزلہ ڈینٹل کالج کی عمارت دے کر کراچی کے عوام کو تحفہ دیا ہے۔ انہوں نے کہا کہ 20 ویں صدی نظریات اور اکیسویں صدی اقتصادی ترقی کی صدی ہے۔ معیشت میں آگے جانے کے اشارے بہت نمایاں ہیں۔ مگر سوشل انڈیکٹرز بہت کمزور ہیں۔ ضرورت اس بات کی ہے کہ ہم اس شعبے میں محنت کریں۔ انہوں نے ڈائو یونیورسٹی کے طلبہ پر زور دیا کہ وہ قوم کے ٹیکسوں کے پیسوں سے قائم تعلیمی اداروں سے فارغ التحصیل ہو کر ملک کے غریب اور مستحق مریضوں کے علاج معالجے کے لیے اپنا وقت صرف کریں یہ ان کا قومی فریضہ ہے۔ احسن اقبال نے کہا کہ حکومت تعلیم کے شعبوں میں زیادہ سے زیادہ نوجوانوں کو آگے لانا چاہتی ہے۔ پانچ برس کے دوران حکومت نے ہائر ایجوکیشن کمیشن کا بجٹ 12 ارب روپے سے بڑھا کر 147 ارب روپے تک پہنچادیا ہے۔ انہوں نے کہا کہ اعلیٰ تعلیم کے فروغ کیلئے ضلعی سطح پر یونیورسٹی کے کیمپس قائم ہونے چاہئیں۔ انہوں نے کہا کہ کراچی معاشی سرگرمیوں کا مرکز اور سرمایہ کاری کیلئے بہترین جگہ ہے۔ قبل ازیں تقریب سے خطبہ استقبالیہ پیش کرتے ہوئے ڈائو یونیورسٹی آف ہیلتھ سائنسز کے وائس چانسلر پروفیسر محمد سعید قریشی نے کہا کہ ڈائو ڈینٹل کالج کی نئی عمارت طلبا اور اساتذہ کی نئی شناخت کے ساتھ مریضوں کیلئے بھی سہولت کا باعث ہوگی۔ یہ بات باعث فخر ہے کہ ڈائو ڈینٹل کالج کی عمارت جو 2019ء میں مکمل ہونا تھی وہ تعمیراتی کام ایک سال قبل مکمل کرکے آج اس کا افتتاح بھی کردیا ہے۔ پروفیسر محمد سعید قریشی نے بتایا کہ مریضوں کی سہولیات کے علاوہ طلبہ کی نشستوں میں بھی اضافہ ہوگا۔ پروفیسر سعید قریشی نے بتایا کہ ڈائو ڈینٹل کالج کی ساتویں منزل جدید طبی تحقیق کیلئے مختص کردی گئی ہے جہاں اورل ایڈوانسڈ ریسرچ لیبارٹری قائم کی جارہی ہے جہان 50 سے 100 طلبہ بیک وقت تحقیق کا کام کرسکیں گے۔ یہ لیبارٹری آئندہ برسوں میں ڈینٹل میڈیکل ایجوکیشن کیلئے اہم سنگ میل ثابت ہوگی۔ پروفیسر سعید قریشی نے کہا کہ اوجھا کیمپس میں بھی جدید طبی تحقیق کیلئے تحقیقی مرکز تعمیر کیا جائے گا جس کی لاگت کا تخمینہ ایک ارب 65 کروڑ روپے لگایا گیا ہے۔ ہائر ایجوکیشن کمیشن اگر اس مجوزہ منصوبے کی تکمیل کیلئے دو تہائی رقم یعنی ایک ارب روپے فراہم کرے تو ہم اس کے مشکور ہوں گے۔ قبل ازیں وفاقی وزیر احسن اقبال نے تختی کی نقاب کشائی کرکے ڈائو ڈینٹل کالج کی آٹھ منزلہ عمارت کا رسمی افتتاح بھی کیا۔ جبکہ افتتاحی تقریب میں ہائر ایجوکیشن کمیشن کے قائم مقام سربراہ محمد ارشد حسن نے بھی خطاب کیا۔ اس موقع پر پرووائس چانسلر پروفیسر محمد مسرور، پروفیسر زرناز واحد، پروفیسر خاور سعید جمالی، رجسٹرار پروفیسر امان اللہ عباسی، سینئر فیکلٹی ممبران کے علاوہ سول ہسپتال کراچی کے ایم ایس ڈاکٹر محمد توفیق کے علاوہ طلبہ کی بڑی تعداد نے بھی شرکت کی اور یہ تقریب یقیناً ڈائو یونیورسٹی میں تعلیم کے ساتھ تحقیق کی جانب سفر کا نکتہ آغاز ہے۔
پی ٹی آئی کے بانی عمران خان نے اپنی جماعت کو اسٹیبلشمنٹ اور دیگر سیاسی جماعتوں سے مذاکرات کی اجازت دے دی۔پاکستان تحریک انصاف اسٹیبلشمنٹ اور سیاسی جماعتوں کے ساتھ مذاکرات کے لیے آمادہ ہے، تحریک انصاف کے رہنما شبلی فراز نے عمران خان کی جانب سے مذاکرات کی اجازت دیے جانے کی تصدیق ک...
امریکا کی مختلف جامعات میں فلسطینیوں کی نسل کشی کے خلاف مظاہروں میں گرفتار طلبہ اور اساتذہ کی تعداد ساڑھے پانچ سو تک جا پہنچی ۔ کولمبیا یونیورسٹی نے صیہونیوں کیخلاف نعروں پر طلبہ کو جامعہ سے نکالنے کی دھمکی دے ڈالی ۔ صہیونی ریاست کیخلاف احتجاج آسٹریلیا کی جامعات تک پھیل گئے ۔ سڈن...
سپریم کورٹ کراچی رجسٹری نے کراچی تجاوزات کیس کا تحریری حکم نامہ جاری کردیاہے۔سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دے دیا ہے۔حکم نامے کی کاپی اٹارنی جنرل، تمام ایڈووکیٹ جنرلز اور تمام سرکاری اداروں کو بھیجنے کا حکم دیا گیا ہے۔پیمرا کو اس ضمن میں ...
کراچی پولیس کا اسپیشلائزڈیونٹ مسروقہ گاڑیاں برآمد کرنے میں ناکام ہو گیا ہے، اے وی ایل سی کی جانب سے شہریوں کی مسروقہ گاڑیوں کو برآمد کرنے میں روایتی سستی کا مظاہرہ دیکھنے کو مل رہا ہے۔کراچی کے علاقے گلشن حدید میں اینٹی وہیکل لفٹنگ سیل(اے وی ایل سی)گاڑی چوروں کی سہولت کار بن گئی ...
کراچی میں ناکے لگا کر شہریوں کے چالان کرنا ٹریفک پولیس اہلکاروں کو مہنگا پڑ گیا۔تفصیلات کے مطابق ڈی آئی جی ٹریفک پولیس احمد نواز نے ٹریفک پولیس اہلکاروں کی جانب سے غیر قانونی چیکنگ پر ایکشن لے لیا۔ڈی آئی جی نے ایس او محمود آباد اور ریکارڈ کیپر سمیت 17افسران و اہلکاروں کو معطل ...
آئی جی سندھ غلام نبی میمن کی ہدایت پر ضلع شکارپور سے کراچی رینج میں تبادلہ کیے جانے والے پولیس افسران کے خلاف شوکاز نوٹس جاری کردیے گئے ہیں۔آئی جی سندھ غلام نبی میمن کے مطابق اِن اہلکاروں کو کراچی میں کوئی پوسٹنگ نہیں دی جائیگی۔ترجمان پولیس کے مطابق اہلکاروں کے خلاف ملزمان کے سات...
وزیرستان میں تعینات سیشن جج شاکر اللہ مروت کو نامعلوم افراد نے اغوا کرلیا جبکہ وزیراعلی نے نوٹس لے کر آئی جی کو بازیاب کرانے کی ہدایت جاری کردی۔تفصیلات کے مطابق سیشن جج وزیرستان کو ٹانک اور ڈیرہ اسماعیل خان کے سنگم سے نامعلوم افراد نے اسلحے کے زور پر اغوا کیا اور اپنے ہمراہ لے گ...
پاکستان تحریک انصاف میں پبلک اکانٹس کمیٹی کی چیئرمین شپ کے لیے پارٹی رہنمائوں کے درمیان اختلافات شدت پکڑتے جارہے ہیں۔تفصیلات کے مطابق چیئرمین پبلک اکانٹس کمیٹی کی تقرری کے معاملے پر تحریک انصاف کے رہنمائوں میں اختلافات اب منظر عام پر آگئے ہیں۔پی ٹی آئی رہنما اور سینیٹر شبلی فرا...
پاکستان مسلم لیگ (ن)کے رہنما اور سابق وفاقی وزیر خواجہ سعد رفیق نے کہا ہے کہ تحریک انصاف اسٹیبشلمنٹ سے مذاکرات کا مطلب اور خواہش پوری کرلے جبکہ پاکستان پیپلزپارٹی کے رہنما نے کہا ہے کہ تحریک انصاف ایک بار پھر فوج کو سیاسی میں دھکیل رہی ہے۔تحریک انصاف کے بانی چیئرمین کی جانب سے پا...
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...