... loading ...
یوم مئی کو محنت کشوں کے عالمی دن کی حیثیت حاصل ہے۔ ساری دنیا میں محنت کش اسے عالمی تہوار کے طور پر مناتے ہیں۔ پاکستان سمیت دنیا بھر کے محنت کش اس دن کی مناسبت سے شہر شہر جلسوں، ریلیوں اور سیمیناروں کا اہتمام کرتے ہیں جس کا مقصد 1886ء میں شکاگو کے مزدوروں کی تاریخ ساز جدوجہد کو خراج عقیدت پیش کرنا ہوتا ہے ۔یہ شکاگو کے محنت کشوں کی صنعتی اجارہ دار طبقے کی من مانیوں کے خلاف فیصلہ کن تحریک تھی جس میں صنعتی مزدور کے اوقات کار کے تعین کا مطالبہ کیا گیا جس کی پاداش میں سینکڑوں مزدوروں کو اپنی جان کا نذرانہ دینا پڑا۔ آج جب کہ اس واقعے کو سوا سو سال سے زیادہ کا عرصہ گزر چکا ہے ، محنت کشوں کے حالات اور اوقات کار کے ضمن میں شکاگو کے ان جیالے شہیدوں کی قربانیوں کو نظر انداز نہیں کیا جاسکتا۔ جنہوں نے آگ اور بارود کے سامنے سینے تان کرکے گولیاں کھائیں اور شکاگو کی سڑکوں کو اپنے خون سے سرخ کر دیا ۔ آج کا مزدور جن اوقات کار کو اپنا حق سمجھتا ہے اس کا تمام سہرا شکاگو کے شہیدوں کے سر جاتا ہے جن کی یاد میں یکم مئی کو محنت کشوں کے عالمی دن کی حیثیت حاصل ہے۔ یہی وہ واقعہ تھا جس نے آجر اور اجیر کے درمیان مفادات کے تضادات کو شعور کی طرف گامزن کر دیا جو آگے چل کر طبقاتی شعور کی شکل اختیار کرتا چلا گیا۔ جس کے اثرات نے نئے سماجی اور عمرانی نظریات کو پروان چڑھایا۔ مزدوروں کے حقوق کی جدوجہد کے لیے ٹریڈ یونین کا ادارہ قائم ہوا۔ محنت کشوں کی شعوری جدوجہد میں جن نظریات اور عقائد نے پرورش پائی اس کا سبب صنعتی پیداواری عمل کا وہ جبر تھا جن کے دبائو کا براہ راست محنت کش کو سامنا تھا۔
انسانی تاریخ کا مشاہدہ کیا جائے تو ماضی قریب میں برپا ہونے والے صنعتی انقلاب نے جس قدر جدید تبدیلیوں سے سماج کو متاثر کیا ہے اس سے قبل اس کی مثال نہیں ملتی۔ اس کا پس منظر شعوری علمی تحریکوں کے احیاء سے ہوا جو کسی صورت کم اہم نہیں۔ ارتقائی عمل کی حامل ان دو تین صدیوں میں رونما ہونے والی سائنسی ایجادات اور معجزوں نے تاریخ اور تہذیب کے دھاروں کا رخ موڑ دیا ہے۔ جس میں سب سے اہم ٹیکنالوجی کی رہنمائی میں پیداواری عمل کی فروغ پذیری ہے جس نے کیپٹل ازم کے لیے بھی نئے ابھار پیدا کیے ہیں۔ جس کے تحت انسانی محنت کا استحصال جنس کی شکل اختیار کر کے منافع میں اضافے کا باقاعدہ حصہ بن گیا۔ماضی میں کیونکہ صنعتی فروغ اور پیداواری عمل میں مزدور کی اجرت اس کے اوقات کار سے مشروط نہیں تھی اس لیے ایک طویل عرصے تک محنت کش کی محنت کا استحصال اسی شکل میں جاری رہا۔
یوم مئی کے حوالے سے جب شکاگو کے شہیدوں کی قربانیوں کا ذکر کیا جاتا ہے تو اصل جنگ استحصال اورناانصافی کے خلاف تھی جو محنت کشوں کی جانب سے شکاگو کی سڑکوں پر لڑی گئی ‘اوقات کار کے تعین کی تحریک تو معروضی حالات کے لیے محض ایک بہانہ تھا۔ دیکھا جائے تو آج بھی اس جدید دور میں یورپ کے بڑے ملکوں کو تاریخ کی سب سے بڑی بیروزگاری کا سامنا ہے۔ محنت کشوں کی اجرتوں میں کمی بیروزگاری اور کٹوتیوں کا سلسلہ جا ری ہے۔ فلاحی ریاستوں میں معیار زندگی اور سماجی سہولتوں کی واپسی کا عمل شروع ہو چکا ہے۔ اس کے خلاف اسپین، اٹلی، یونان اور پرتگال کے بڑے شہروں میں گزشتہ سالوں میں محنت کشوں اور پولیس کے درمیان پرتشدد جھڑپوں کے واقعات میں شدت آئی ہے۔
دوسری طرف ٹیکنالوجی کے استعمال نے سامان کی نقل و حمل کے لیے بھی خودکار بیلٹ اور ہیوی کرین تیار کرلیے ہیں۔ جس سے بڑی ضرب اس لیبر کے مفادات پر لگی ہے۔ جیسے جیسے مشینوں کو کمپیوٹر ٹیکنالوجی نے کنٹرول کرنا شروع کیا ہے اس کے نتیجے میں روزگار کے ذرائع محدود ہو نے کے علاوہ تبدیل ہو گئے ہیں۔ لہٰذا منطقی طور پر آج بھی محنت کش کے لیے روٹی روزگار کے تحفظ کے کئی گنا بڑے مسائل درپیش ہیں۔ ان معروضی حالات میں خواہ ترقی یافتہ یورپ ہو یا تیسری دنیا جب ہم محنت کشوں کو درپیش مشکلات کا جائزہ لیتے ہیں تو معلوم ہوتا ہے کہ 1886ء کے محنت کش کو بھی روٹی روزگار کے مسائل درپیش تھے ،اور آج کے محنت کش کو بھی روٹی روزگار کے مسائل کا سامنا ہے۔ جس کے رد عمل میں محنت کشوں نے شکاگو کی سڑکوں پر اپنے خون کا نذرانہ دیا تھا اور آج پورا یورپ اس کا میدان جنگ بن رہا ہے۔
وزیر دفاع خواجہ آصف نے کہا ہے کہ اپوزیشن لیڈر کی جانب سے آرٹیکل 6 کے مطالبے کی حمایت کرتا ہوں اور ایوب خان کو قبر سے نکال کر بھی آرٹیکل 6 لگانا چاہیے اور اُسے قبر سے نکال کر پھانسی دینا چاہیے ۔قومی اسمبلی اجلاس میں وزیر دفاع خواجہ آصف نے گفتگو کرتے ہوئے کہا کہ اپوزیشن لیڈر عمر...
پا ک فوج کے سربراہ جنرل سید عاصم منیر نے شہدا اور غازیوں کو قومی ہیرو قرار دیتے ہوئے واضح کیا ہے کہ قوم کی آزادی اور سلامتی اپنے بہادرجانبازوں کی قربانیوں کی مرہون منت ہے ، وطن کیلئے جان قربان کرنے سے بڑھ کر کوئی عظیم شے نہیں ہے ۔ پاک فوج کے شعبہ تعلقات عامہ (آئی ایس پی آر) کی جا...
پاکستان کی جانب سے مبینہ طور پر سرحد پار دہشت گردوں کے ٹھکانے کو پکتیکا میں نشانہ بنائے جانے کے خلاف احتجاج کرتے ہوئے افغان طالبان نے پاکستانی فوج کے ایک وفد کا قندھار کا دورہ منسوخ کردیا ہے ۔افغانستان کی حدود میں دہشت گردوں کے ٹھکانے پر حملہ کرنے یا کسی پاکستانی وفد کے اتوار کے ...
الیکشن کمیشن آف پاکستان (ای سی پی) نے سنی اتحاد کونسل کی درخواست پر سپریم کورٹ کے فیصلے کی روشنی میں قومی اور صوبائی اسمبلیوں میں اضافی نشستوں پر منتخب 77 ارکان کی رکنیت معطل کردی۔الیکشن کمیشن کی جانب سے جاری نوٹیفکیشن میں کہا گیا کہ قومی اسمبلی کی مخصوص نشستوں پر 22 منتخب ارکان ...
سندھ کے وزیرِ اعلیٰ سید مراد علی شاہ نے کہا ہے کہ اہلِ سندھ نے پاکستان پیپلز پارٹی پر اپنا اعتماد برقرار رکھا ہے، بلاول بھٹو کہتے ہیں کہ اب حکومت کو تجاویز کارکن دیں گے۔حیدر آباد میں صوبائی کابینہ کے ارکان کے ساتھ پریس کانفرنس سے خطاب کرتے ہوئے سندھ کے وزیر اعلیٰ نے کہا کہ ترقیا...
آئندہ مالی سال کے بجٹ میں سیلز اور انکم ٹیکس کی رعایتیں اور چھوٹ مرحلہ وار ختم کرنیکی تجویز سامنے آئی ہے ۔ ذرائع کے مطابق آئندہ بجٹ میں امپورٹڈ ٹریکٹرز پر ٹیکس عائدکرنے کی تجویز ہے اور کمرشل امپورٹرز پر ودہولڈنگ ٹیکس لگانے پر غور کیا جارہا ہے جب کہ کمرشل درآمدکنندگان کی خریداریوں...
سابق صدر مملکت و پاکستان تحریک انصاف کے رہنما ڈاکٹر عارف علوی نے کہا ہے کہ مسائل کا حل بات چیت ہی میں ہے ، بات چیت کے لئے اپنی کوشش کرتے رہیں گے ، ناکامی تب ہو گی جب ناکامی مان لوں گا،جمعرات کو بانی پی ٹی آئی سے ملاقات ہوئی ان کو اچھی صحت اور اچھے موڈ میں پایا، 6ججز کے خط سے متعل...
وفاقی وزیر خزانہ محمد اورنگزیب نے کہا ہے کہ اسٹریٹجک سرکاری اداروں جیسی کوئی چیز نہیں ہے ۔لاہور میں پری بجٹ سیمینار سے خطاب کرتے ہوئے ان کا کہنا تھا کہ زرمبادلہ کے ذخائر 9 ارب ڈالر سے تجاوز کرگئے ہیں، روپے کی قدر مستحکم اور افراط زر میں کمی آرہی ہے ، پچھلے 8 سے 10 ماہ میں میکرو ا...
سمیع اللہ ملک میں اس خوفناک لمحات سے بھی واقف ہوں جب ایٹمی بریف کیس کابٹن دبانے کی مکمل طاقت رکھنے والے امریکی صدرٹرمپ کے بارے میں ایک مشہورزمانہ امریکی ماہرنفسیات بھرپوردلائل کے ساتھ عالمی میڈیاپرببانگ دہل ٹرمپ کی دماغی صحت پر اپنے شک وشبہ کا اظہارکرتے ہوئے اپنے خدشات کااظہار ک...
آزاد جموں و کشمیر میں بجلی کے بلوں میں اضافے کے خلاف جاری شدید احتجاج کے دوران پولیس اور مظاہرین کے درمیان جھڑپیں ہوئی اور فائرنگ سے سب انسپکٹر شہید جبکہ ایس ایچ او سمیت 16 پولیس اہلکار زخمی ہوگئے ۔تفصیلات کے مطابق عوامی ایکشن کمیٹی کی کال پر آزاد جموں و کشمیر میں بجلی کے بلوں می...
پاکستان پیپلزپارٹی کے رہنما قمرالزمان کائرہ نے دعویٰ کیا ہے کہ حکومت کے کچھ لوگ چیف جسٹس کو توسیع دینا چاہتے ہیں،توسیع دینے کا فیصلہ سوچ سمجھ کر کرنا چاہیے ۔ قمرالزمان کائرہ نے ایک انٹرویومیںکہاکہ حکومت کی طرف سے کچھ لوگوں کے چیف جسٹس کو توسیع دینے کے اشارے ہیں۔انہوں نے کہا کہ یہ...
پاکستان تحریک انصاف نے غیر ذمہ دارانہ بیانات دینے پر شیر افضل مروت کو شو کاز نوٹس جاری کردیا۔شیر افضل مروت کو پارٹی پالیسی کی خلاف ورزی پر شوکاز نوٹس جاری کیا گیا ہے ۔ نوٹس کے مطابق شیر افضل مروت نے ایسے بیان دئیے ہیں جس سے پارٹی کی ساخت کو نقصان پہنچا ہے ۔بانی چئیرمین نے واضح ہد...